,,ვერტმფრენების საფრენოსნო ექსპლუატაციის წესების დამტკიცების შესახებ სსიპ – სამოქალაქო ავიაციის სააგენტოს დირექტორის 2013 წლის 22 ოქტომბრის №220 ბრძანებაში ცვლილების შეტანის თაობაზე

სსიპ – სამოქალაქო ავიაციის სააგენტოს დირექტორის

2026 წლის 22 სექტემბერი

ქ. თბილისი

1. მე-2 მუხლის „ჰ^57“ ქვეპუნქტი ჩამოყალიბდეს შემდეგი რედაქციით:

„ჰ⁵⁷) HEA – მაღალ სიმაღლეზე მდებარე  აეროდრომები;“.

2. მესამე მუხლის:

ა) „ქ“ ქვეპუნქტი ჩამოყალიბდეს შემდეგი რედაქციით:

„ქ) ზონალური ნაოსნობა – ნაოსნობის მეთოდი, რაც სხ-ს აძლევს საშუალებას იფრინოს ნებისმიერი ტრაექტორიით, სახმელეთო თუ თანამგზავრული სანაოსნო სისტემების მოქმედების ან ავტონომიური საშუალებების შესაძლებლობებით განპირობებულ ფარგლებში, ან მათი შეხამებით;“;

ბ) „ჰ¹⁷“ და  „ჰ¹⁸“  ქვეპუნქტები ჩამოყალიბდეს შემდეგი რედაქციით:

„ჰ¹⁷) საჭირო სანაოსნო მახასიათებლების სპეციფიკაცია (RNP) – ზონალურ ნაოსნობაზე დაფუძნებული სანაოსნო სპეციფიკაცია, რაც შეიცავს მახასიათებლების შეუსრულებლობაზე გაფრთხილების გაცემაზე კონტროლის მოთხოვნას, აღინიშნება პრეფიქსით RNP; მაგ. RNP 4, RNP APCH;

შენიშვნა: ტერმინი RNP, რომელიც ადრე განისაზღვრებოდა როგორც „ნავიგაციის მახასიათებლების განცხადება, რომელიც აუცილებელია განსაზღვრულ საჰაერო სივრცეში ოპერირებისათვის“ ამოღებულია, რადგან RNP-ის კონცეფცია ჩანაცვლებულია PBN-ის კონცეფციით. ტერმინი RNP ახლა გამოიყენება მხოლოდ იმ ნავიგაციური სპეციფიკაციების კონტექსტში, რომლებიც მოითხოვს შესრულების მონიტორინგს და გაფრთხილების სისტემას. მაგალითად: RNP 4 აღნიშნავს სხ-ს და ოპერირების მოთხოვნებს, მათ შორის, 4 საზღვაო მილის (NM) გვერდითი სიზუსტეს ბორტზე არსებული შესრულების მონიტორინგის და გაფრთხილების ფუნქციებით, რომლებიც დეტალურად არის აღწერილი Doc-ში 9613.

ჰ¹⁸) RNAV – ზონალურ ნაოსნობაზე დაფუძნებული სანაოსნო სპეციფიკაცია, რაც არ შეიცავს მახასიათებლების შეუსრულებლობაზე გაფრთხილების გაცემაზე კონტროლის მოთხოვნას, აღინიშნება პრეფიქსით RNAV; მაგ. RNAV 5, RNAV 1.

შენიშვნა: სანაოსნო სპეციფიკაციების სახელმძღვანელო მასალას შეიცავს იკაოს DOC 9613-ის ტომი II. “;

გ) „ჰ³³ “ ქვეპუნქტი ჩამოყალიბდეს შემდეგი რედაქციით:

„ჰ³³) საჰაერო ხომალდის ექსპლუატაციის სახელმძღვანელო – სახელმძღვანელო, რომელიც შეიცავს საფრენოსნო ეკიპაჟის ქმედებებს ჩვეულ, განსაკუთრებულ და საავარიო ვითარებებში, საკონტროლო შემოწმებათა ნუსხებს, შეზღუდვებს, საფრენოსნო-ტექნიკურ მახასიათებლებს და ცნობებს სხ-ის სისტემებზე, აგრეთვე, სხ-ის ექსპლუატაციასთან დაკავშირებულ სხვა მასალებს.

შენიშვნა: საფრენოსნო ექსპლუატაციის სახელმძღვანელო არის ფრენების შესრულების სახელმძღვანელოს ნაწილი.“;

დ) დაემატოს შემდეგი შინაარსის „ჰ⁶⁸“,  „ჰ^69“და  „ჰ ⁷⁰“ ქვეპუნქტები:

„ჰ⁶⁸) უკანონო ჩარევის აქტები – ისეთი ქმედებები ან ქმედების მცდელობები, რომლებიც საფრთხეს უქმნის სამოქალაქო ავიაციის უსაფრთხოებას, მათ შორის:

ა) სხ-ის უკანონო გატაცება;
ბ) ექსპლუატაციაში მყოფი სხ-ის განადგურება;
გ) მძევლების აყვანა სხ-ის ბორტზე ან აეროდრომზე;
დ) ძალადობრივი შეჭრა სხ-ის ბორტზე, აეროპორტში ან   სანავიგაციო ობიექტის ტერიტორიაზე;
ე) სხ-ის ბორტზე ან აეროპორტში იარაღის, სახიფათო მოწყობილობის ან მასალის შეტანა დანაშაულებრივი მიზნებისთვის;
ვ) ექსპლუატაციაში მყოფი სხ-ის გამოყენება სიკვდილის, სხეულის მძიმე დაზიანების, ან ქონებისა და გარემოსთვის სერიოზული ზიანის მიყენების მიზნით;
ზ) ცრუ ინფორმაციის გავრცელება, რომელიც საფრთხეს უქმნის სხ-ის უსაფრთხოებას ფრენისას ან მიწაზე ყოფნისას, მგზავრებს, ეკიპაჟს, მიწისზედა პერსონალს ან ფართო საზოგადოებას აეროპორტში ან სამოქალაქო ავიაციის ობიექტების ტერიტორიაზე.

ჰ⁶⁹) მოდიფიკაცია – სხ-ის ტიპის დიზაინის, ძრავის, მზიდი ხრახნის ან როტორის ცვლილება;

ჰ⁷⁰) საფრენოსნო მონაცემების ანალიზი – რეგისტრირებული საფრენოსნო მონაცემების გაანალიზების პროცესი, ფრენების უსაფრთხოების დონის ამაღლების მიზნით.“.

3. მე-6 მუხლი ჩამოყალიბდეს შემდეგი რედაქციით:

„მუხლი 6. უსაფრთხოების მართვისა და ხარისხის მართვის  სისტემა

1. ექსპლუატანტი ვალდებულია შეიმუშაოს უსაფრთხოების მართვის სისტემა სააგენტოს დირექტორის 2022 წლის 20 სექტემბრის №196-ე ბრძანებით დამტკიცებული „უსაფრთხოების მართვის სისტემის წესის“ შესაბამისად, რომლის დამატებითი სახელმძღვანელო მასალა მოცემულია იკაოს Doc-9859-ში.

2. 7 000კგ-ზე მეტი ასაფრენი მასის მქონე ან 9-ზე მეტი სავარძლების რაოდენობის მქონე თვითჩამწერით აღჭურვილი ვერტმფრენის ექსპლუატანტი ვალდებულია მიიღოს და შეასრულოს ფრენის მონაცემების ანალიზის პროგრამა, როგორც ფრენის უსაფრთხოების მართვის სისტემის შემადგენელი ნაწილი.

შენიშვნა: ექსპლუატანტი უფლებამოსილია ხელშეკრულების საფუძველზე ფრენის მონაცემების ანალიზის პროგრამის შესრულება გადასცეს სხვა მხარეს. მაგრამ პასუხისმგებლობა პროგრამის შესრულებაზე ეკისრება ექსპლუატანტს.

3. 2028 წლის 22 ნოემბრამდე ფრენის მონაცემების ანალიზის პროგრამა უნდა მოიცავდეს მონაცემების წყაროს(ების) დაცვის სათანადო გარანტიებს, ICAO-ს მე-19 დანართიის მე-3 დამატების შესაბამისად.

4. 2028 წლის 23 ნოემბრიდან ფრენის მონაცემების ანალიზის პროგრამა უნდა მოიცავდეს  ფრენის უსაფრთხოების მონაცემებისა და უსაფრთხოების შესახებ ინფორმაციის გამჟღავნებისა და გამოყენებისგან დაცვის ზომებს, ასევე შესაბამისი პირების და ორგანიზაციების დაცვის ზომებს ICAO-ს დანართი 19-ის შესაბამისად.

შენიშვნა: ფრენის მონაცემების ანალიზის პროგრამების შემუშავების სახელმძღვანელო მასალას შეიცავს იკაოს DOC 10000.

5. 2028 წლის 22 ნოემბრამდე დაუშვებელია CVR-ების, CARS-ების, A კლასის AIR-ების და A კლასის AIRS-ების ჩანაწერების ან გაშიფრული მასალების გამოყენება იმ მიზნისათვის, რომელიც არ არის დაკავშირებული  საავიაციო შემთხვევის ან ინციდენტის მოკვლევასთან  „სამოქალაქო ავიაციის სფეროში მომხდარი საავიაციო შემთხვევებისა და ინციდენტების სამსახურებრივი მოკვლევის წესის დამტკიცების შესახებ“ საქართველოს ეკონომიკის და მდგრადი განვითარების მინისტრის 2013 წლის 4 სექტემბრის №1-1/242 ბრძანების შესაბამისად (შემდგომ – „სამოქალაქო ავიაციის სფეროში მომხდარი საავიაციო შემთხვევებისა და ინციდენტების სამსახურებრივი მოკვლევის წესი“), გარდა იმ შემთხვევისა, როდესაც ჩანაწერები ან გაშიფრული მასალები:

ა) ეხება უსაფრთხოებასთან დაკავშირებულ მოვლენას, რომელიც იდენტიფიცირებულია უსაფრთხოების მართვის სისტემის კონტექსტში, შეზღუდულია ჩანაწერის დეიდენტიფიცირებული ნაწილებით და ექვემდებარება ჩიკაგოს კონვენციის მე-19 დანართით გათვალისწინებულ დაცვის ზომებს;

ბ) მოთხოვნილია სისხლის სამართლის პროცესში გამოსაყენებლად, რომელიც არ არის დაკავშირებული საავიაციო შემთხვევის ან ინციდენტის გამოძიებასთან, და ექვემდებარება ჩიკაგოს კონვენციის მე-19 დანართით გათვალისწინებულ დაცვის ზომებს; ან

გ) გამოიყენება ფრენის ჩამწერი სისტემების ინსპექტირებისათვის, როგორც ეს გათვალისწინებულია ამ წესის მე-8 დანართში.

შენიშვნა: ფრენის უსაფრთხოების მონაცემებისა და ინფორმაციის, აგრეთვე შესაბამისი წყაროების დაცვის შესახებ დებულებები მოცემულია ჩიკაგოს კონვენციის მე-19  დანართის მე-3 დამატებაში.

6. 2028 წლის 22 ნოემბრამდე დაუშვებელია FDR-ის, ADRS-ის, აგრეთვე B კლასისა და C კლასის AIR-ისა და AIRS-ის ჩანაწერების ან გაშიფრული მასალების გამოყენება სხვა მიზნებისთვის, რომლებიც დაკავშირებული არ არის „სამოქალაქო ავიაციის სფეროში მომხდარი საავიაციო შემთხვევებისა და ინციდენტების სამსახურებრივი მოკვლევის წესის“  შესაბამისად საავიაციო შემთხვევის ან ინციდენტის მოკვლევასთან, გარდა იმ შემთხვევებისა, როდესაც ჩანაწერები ან გაშიფრული მასალები  ექვემდებარება  ჩიკაგოს კონვენციის მე-19 დანართით გათვალისწინებულ დაცვას და:

ა) ექსპლუატანტის მიერ გამოიყენება ვარგისობის ან ტექნიკური მომსახურების მიზნებისთვის;

ბ) ექსპლუატანტის მიერ გამოიყენება ამ წესით მოთხოვნილი ფრენის მონაცემების ანალიზის პროგრამის განხორციელებისას;

გ) მოთხოვნილია ისეთი შემთხვევების განხილვისათვის, რომლებიც არ მიეკუთვნება საავიაციო შემთხვევის ან ინციდენტის მოკვლევას;

დ) დეიდენტიფიცირებულია; ან

ე) მოწოდებულია უსაფრთხოების პროცედურების დაცვით.

შენიშვნა: ფრენის უსაფრთხოების მონაცემების, უსაფრთხოების ინფორმაციისა და შესაბამისი წყაროების დაცვის შესახებ დებულებები მოცემულია ჩიკაგოს კონვენციის 19 დანართის მე-3 დამატებაში.

7. ექსპლუატანტი ვალდებულია ფრენების უსაფრთხოების მართვის სისტემის ფარგლებში შექმნას ფრენის უსაფრთხოებასთან დაკავშირებული დოკუმენტაციის სისტემა, რომელიც განკუთვნილია ექსპლუატანტის პერსონალისათვის სახელმძღვანელოდ.

შენიშვნა: ფრენის უსაფრთხოების დოკუმენტთა სისტემის შესახებ მოთხოვნები მოცემულია „თვითმფრინავების საფრენოსნო ექსპლუატაციის წესის დამტკიცების შესახებ“ სსიპ – სამოქალაქო ავიაციის სააგენტოს დირექტორის 2013 წლის 11 ოქტომბრის №203 ბრძანების მე-15 დანართში.

8. ექსპლუატანტი ვალდებულია ჩამოაყალიბოს ხარისხის მართვის სისტემა, რომელიც უნდა უზრუნველყოფდეს საექსპლუატაციო და ტექნიკური მომსახურების საქმიანობის ადეკვატურობასა და შესაბამისობას სათანადო სტანდარტებთან და საექსპლუატაციო პროცედურებთან.

9. ექსპლუატანტის ხარისხის მართვის სისტემა უნდა აკმაყოფილებდეს „თვითმფრინავების საფრენოსნო ექსპლუატაციის წესების დამტკიცების შესახებ“ სსიპ – სამოქალაქო ავიაციის სააგენტოს დირექტორის 2013 წლის 11 ოქტომბრის №203 ბრძანების  22-ე დანართში მოცემულ მოთხოვნებს.“.

4. წესის მე-6 მუხლის შემდგომ დაემატოს  შემდეგი შინაარსის 6¹ მუხლი:

„მუხლი 6¹. ჩანაწერების ან გაშიფრული მასალების დაცვა

1. დაუშვებელია CVR-ების, CARS-ების, A კლასის AIR-ების და A კლასის AIRS-ების ჩანაწერების ან გაშიფრული მასალების გამოყენება, გარდა იმ შემთხევისა, როდესაც ჩანაწერები ან გაშიფრული მასალები:

ა) გამოიყენება „სამოქალაქო ავიაციის სფეროში მომხდარი საავიაციო შემთხვევებისა და ინციდენტების სამსახურებრივი მოკვლების წესის“ შესაბამისად ჩატარებული საავიაციო შემთხვევის ან ინციდენტის მოკვლევისთვის;

ბ) გამოიყენება უსაფრთხოებასთან დაკავშირებულ მოვლენის შეფასებისთვის, რომელიც იდენტიფიცირებულია უსაფრთხოების მართვის სისტემის კონტექსტში; ამ შემთხვევაში შეზღუდულია ჩანაწერის დეიდენტიფიცირებული  ნაწილებით და ექვემდებარება ჩიკაგოს მე-19 დანართით გათვალისწინებულ  დაცვის ზომებს;

გ) მოთხოვნილია სისხლის სამართლის პროცესში გამოსაყენებლად, რომელიც ხორციელდება „სამოქალაქო ავიაციის სფეროში მომხდარი საავიაციო შემთხვევებისა და ინციდენტების სამსახურებრივი მოკვლების წესის“ შესაბამისად, ამ შემთხვევაში  გამოყენება  შემოიფარგლება შესაბამისი ნაწილებით, რომლებიც მოწოდებულია ოფიციალური დაცვის გარანტიების პირობებში; ან

დ) გამოიყენება ფრენის ჩამწერი სისტემების ინსპექტირებისათვის, როგორც ეს გათვალისწინებულია ჩიკაგოს კონვენციის მე-6 დანართის მე-3 ნაწილის მე-4 დამატებით.

შენიშვნა:1.როდესაც მიმდინარეობს მოკვლევა „სამოქალაქო ავიაციის სფეროში მომხდარი საავიაციო შემთხვევებისა და ინციდენტების სამსახურებრივი მოკვლების წესის“ შესაბამისად, საავიაციო  შემთხვევისა და მოკვლევის,  მათ შორის, CVR-ის, CARS-ის, Class A AIR-ისა და Class A AIRS-ის ჩანაწერების ან გაშიფრული მასალების  დაცვის საკითხი განისაზღვრება აღნიშული წესის მოთხოვნების მიხედვით. უსაფრთხოების მონაცემების და უსაფრთხოების ინფორმაციის დაცვის დებულებები, რომლებიც გროვდება უსაფრთხოების შენარჩუნების ან გაუმჯობესების მიზნით, აგრეთვე მათთან დაკავშირებული წყაროების დაცვის წესები მოცემულია ჩიკაგოს კონვენციის მე-19 დანართით. 

2. ოფიციალური გარანტიები მოიცავს სამართლებრივ შეზღუდვებს, როგორიცაა: დამცავი სასამართლო ბრძანებები, დახურული სამართალწარმოება, კონფიდენციალური დახურული განხილვა და მონაცემთა  დეიდენტიფიცირება უსაფრთხოების შესახებ ინფორმაციის გამოყენების ან გამჟღავნების მიზნით სისხლის სამართლის წარმოების პროცესში.

2. დაუშვებელია FDR-ის, ADRS-ის, აგრეთვე B  და C კლასის AIR-ისა და AIRS-ის B  და C კლასის ჩანაწერების ან გაშიფრული მასალების გამოყენება, გარდა იმ შემთხვევებისა, როდესაც ჩანაწერები ან გაშიფრული მასალები:

ა) გამოიყენება საავიაციო შემთხვევის ან ინციდენტის მოკვლევისთვის, რომელიც ტარდება „სამოქალაქო ავიაციის სფეროში მომხდარი საავიაციო შემთხვევებისა და ინციდენტების სამსახურებრივი მოკვლების წესის“  შესაბამისად;

ბ) ექსპლუატანტის მიერ გამოიყენება საფრნად ვარგისობის უზრუნველყოფის ან ტექნიკური მომსახურების მიზნებისთვის;

გ) ექსპლუატანტის მიერ გამოიყენება ამ წესით მოთხოვნილი ფრენის მონაცემების ანალიზის პროგრამის განხორციელებისას; ან

დ) მოთხოვნილია ისეთი  შემთხვევების განხილვისთვის, რომლებიც არ მიეკუთვნება   საავიაციო შემთხვევის ან ინციდენტის მოკვლევას.

შენიშვნა: ფრენის უსაფრთხოების მონაცემებისა და უსაფრთხოების ინფორმაციის დაცვის შესახებ დებულებები, რომლებიც გროვდება ფრენის უსაფრთხოების დონის შენარჩუნების ან ამაღლების მიზნით, აგრეთვე შესაბამისი წყაროების დაცვის წესები, მოცემულია ჩიკაგოს კონვენციის მე-19 დანართის მე-3 დამატებაში.“.

5. 24-ე მუხლის:

ა) მე-2 პუნქტი ჩამოყალიბდეს შემდეგი რედაქციით:  

„2. ფრენა, რომელიც უნდა შესრულდეს სფწ-ით, არ უნდა განხორციელდეს მანამ, სანამ არ იქნება ინფორმაცია, რომელიც მიუთითებს, რომ ერთ სათადარიგო ვერტოდრომზე ან, როდესაც სათადარიგო ვერტოდრომი არ არის საჭირო, დანიშნულების ვერტოდრომზე ან დაფრენის ადგილზე, პირობები მიფრენის სავარაუდო დროისთვის, ვერტოდრომის საექსპლუატაციო მინიმუმების ტოლი ან მაღალი იქნება.“.

ბ) მე-5 პუნქტის ჩამოყალიბდეს შემდეგი რედაქციით:

„5. თითოეულ სათადარიგო ვერტოდრომზე/დასაფრენ მოედანზე დასაფრენად შესვლისა და დაფრენის დროს უსაფრთხოების სათანადო დონის დაცვის მიზნით, ექსლუატანტმა უნდა დაადგინოს მიწის ზედაპირიდან ღრუბლებამდე ვერტიკალური სიმაღლის და ხილვადობის შესაბამისი გაზრდილი მნიშვნელობები, არსებულ ვერტოდრომზე/დასაფრენ მოედანზე საექსპლუატაციო მინიმუმის დასამატებლად.

შენიშვნა: სახელმძღვანელო მასალა მინიმუმების მნიშვნელობების გაზრდის შესახებ მოცემულია ფრენის დაგეგმვისა და საწვავის მართვის სახელმძღვანელოში (Doc 9976).“.

6. 25-ე მუხლის: 

ა) მე-2 პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) დამატებითი საწვავის რაოდენობა, რათა უზრუნველყოფილ იქნე ს საწვავის გაზრდილი   ხარჯი ექსპლუატანტის მიერ ფშს-ში მითითებული ნებისმიერი  გაუთვალისწინებელი გარემოების შემთხვევაში.“;

ბ) მე- 3 პუნქტის „ა.ბ“ ქვეპუნქტი ჩამოყალიბდეს შემდეგი რედაქციით:

„ა.ბ) დამატებითი საწვავის რაოდენობა, რათა უზრუნველყოფილ იქნეს საწვავის გაზრდილი   ხარჯი ექსპლუატანტის მიერ ფშს-ში მითითებული ნებისმიერი  გაუთვალისწინებელი გარემოების შემთხვევაში.“;

გ) „ბ.გ“ ქვეპუნქტი ჩამოყალიბდეს შემდეგი რედაქციით:

„ბ.გ) დამატებითი საწვავის რაოდენობა, რათა უზრუნველყოფილ იქნეს საწვავის გაზრდილი   ხარჯი ექსპლუატანტის მიერ ფშს-ში მითითებული ნებისმიერი გაუთვალისწინებელი გარემოების შემთხვევაში.“.

7. 41-ე მუხლს  დაემატოს შემდეგი შინაარსის შენიშვნა:

„შენიშვნა: გარკვეული დაბრკოლებების შესახებ მონაცემების წარდგენის მეთოდების შესახებ სახელმძღვანელო  მოცემულია ჩიკაგოს კონვენციის  მე-4 დანართში, მე-15 დანართის მე-5 თავში და  PANS-AIM, Doc 10066-ის მე-5 თავის  დანართ 2-ში.“.

8. 43¹ მუხლის:

ა) მე-2 პუნქტის „შენიშვნა“ ჩამოყალიბდეს შემდეგი რედაქციით:

„შენიშვნა: სახელმძღვანელო მასალა ფრენის უსაფრთხოების ინსპექტორებისათვის, რომლებიც ახორციელებენ ჩიკაგოს კონვენციის „83^​bis“ მუხლის შესაბამისად დადებული შეთანხმების საფუძველზე ექსპლუატირებული ვერტმფრენების ინსპექტირებას, მოცემულია იკაოს Doc-ში 8335.“;

 ბ) მე-4 პუნქტი ჩამოყალიბდეს შემდეგი რედაქციით:

„4. ჩიკაგოს კონვენციის „83^bis“ მუხლის შესაბამისად გაფორმებული შეთანხმების მოკლე შინაარსში ასახული უნდა იყოს ინფორმაცია კონკრეტულ სხ-ზე ამ წესის მე-9 დანართით  დადგენილი ფორმით.“.

9. 47² მუხლის მე-2 პუნქტის  „შენიშვნა“ ჩამოყალიბდეს შემდეგი რედაქციით:

„შენიშვნა: 1. გადამცემი ხაზის მონაცემთა რეგისტრაციის მოთხოვნების მაგალითები მოცემულია ჩიკაგოს კონვენციის მე-6 დანართის მე-3 ტომის დამატება F-ის F-3 ცხრილში;

„2. B კლასის AIR შეიძლება გამოყენებულ იქნეს მონაცემთა გადამცემი ხაზით გადაცემული და მიღებული შეტყობინებების შესანახად, თუ მათი შენახვა FDR-სა და CVR-ზე არაპრაქტიკული ან მატერიალურად გაუმართლებელია;

3. ტერმინი „სხ-ის მოდიფიკაცია“ გულისხმობს მხოლოდ სხ-ის მონაცემთა გადამცემი ხაზის აღჭურვილობის მოდიფიკაციას (მაგ.: სტრუქტურული ცვლილება, ელექტროგაყვანილობა და სხვა).“.

10.  48-ე მუხლის მე-3 პუნქტის „ლ“ ქვეპუნქტი  ჩამოყალიბდეს შემდეგი რედაქციით:

„ლ) სტაბილიზაციის სისტემა, გარდა იმ შემთხვევისა, როდესაც სერტიფიცირების ორგანოსთვის დადასტურებულია, რომ ვერტმფრენი თავისი კონსტრუქციული თავისებურებების გამო ფლობს საკმარის მდგრადობას (სტაბილურობას) ასეთი სისტემის გარეშე;“.

11. 52-ე მუხლის მე-2 პუნქტი ჩამოყალიბდეს შემდეგი რედაქციით:

„2. ნებისმიერი ვერტმფრენი, რომელსაც გააჩნია III კლასის საფრენოსნო ტექნიკური მახასიათებლები, უნდა იყოს აღჭურვილი სულ ცოტა ერთი ავტომატური ELT–ით. როდესაც ფრენა ხორციელდება ამ წესის 49-ე მუხლის პირველი პუნქტის დ) ქვეპუნქტის მიხედვით – ერთი ავტომატური ELT-ით და სამაშველო ტივზე ან სამაშველო ჟილეტზე ELT (S)-ით.“.

12. 66-ე მუხლის მე-2 პუნქტის მე-8 და მე-9 შენიშვნა ჩამოყალიბდეს შემდეგი რედაქციით:

„8. საფრენოსნო ეკიპაჟების მოსამზადებელი პროგრამების სახელმძღვანელო მასალა მოცემულია Doc 9995 -ში.

9. საფრენოსნო ეკიპაჟის წევრთა მომზადების პროგრამებისა და შეფასების მეთოდოლოგიების შემუშავების სახელმძღვანელო მასალა, კომპეტენციებზე დაფუძნებული სწავლებისა და შეფასების(CBTA) ჩარჩოს გამოყენებით, მოცემულია საჰაერო ნავიგაციის მომსახურების პროცედურებში – სწავლება (PANS-TRG, Doc 9868).“.

13. 73-ე მუხლის  მე-3 პუნქტის  „გ“ ქვეპუნქტი ჩამოყალიბდეს შემდეგი რედაქციით:

„გ) ექსპლუატანტს არ დაუდასტურა ცოდნა:  

გ.ა) ამ წესის №1 დანართში აღწერილი ფშს-ს შინაარსის;

გ.ბ) გამოსაყენებელი საბორტო რადიოაღჭურვილობის;

გ.გ) გამოსაყენებელი საბორტო სანავიგაციო აღჭურვილობის.“.

14. წესის  პირველი დანართის მე-2 მუხლის მე-3 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) ექსპლუატანტის FRMS სისტემასთან დაკავშირებული პოლიტიკა და დოკუმენტაცია ჩიკაგოს კონვენციის მე-6 დანართის მე-3 ნაწილის მე-6 დამატების მიხედვით.“.

15. წესს დაემატოს დანართი №9  თანდართული რედაქციით.

2. ამ  ბრძანების მე-3 პუნქტით გათვალისწინებული წესის მე-6 მუხლის მე-4 პუნქტი და ამ ბრძანების მე-4 პუნქტით გათვალისწინებული  წესის 6¹ მუხლი ამოქმედდეს 2028 წლის  24 ნოემბრიდან.