მეორეული საბურავების, შავი და ფერადი ლითონების ჯართის, ექსპლოატაციიდან გამოსული სატრანსპორტო საშუალებებისა და მათი ნაწილების, ადვილად აალებადი, ფეთქებადი ან ამტვერებადი მასალების განთავსების ან/და რეალიზაციის წესის დამტკიცების შესახებ

(მეორეული საბურავების, შავი და ფერადი ლითონების ჯართის, ექსპლოატაციიდან გამოსული სატრანსპორტო საშუალებებისა და მათი ნაწილების, ადვილად აალებადი, ფეთქებადი ან ამტვერებადი მასალების განთავსების ან/და რეალიზაციის წესი თან ერთვის)

ა) მეორეული საბურავები – გამოყენებული, ექსპლოატაციიდან ამოღებული ან დაზიანებული საბურავები, რომლებიც აღარ გამოიყენება მათი თავდაპირველი დანიშნულებით და ექვემდებარება შეგროვებას, ტრანსპორტირებას, დროებით შენახვას, გადამუშავებას ან რეალიზაციას საქართველოს მოქმედი კანონმდებლობის შესაბამისად;

ბ) შავი და ფერადი ლითონების ჯართი – შავი ან ფერადი ლითონების ნარჩენი, გამოყენებიდან გამოსული, დაზიანებული ან უვარგისი ლითონური მასალა, რომელიც განკუთვნილია შეგროვების, შენახვის, გადამუშავების ან რეალიზაციისათვის;

გ) ექსპლოატაციიდან გამოსული სატრანსპორტო საშუალება – ტექნიკურად გაუმართავი, დაზიანებული ან განადგურებისათვის განკუთვნილი ავტოსატრანსპორტო საშუალება ან მისი ნაწილი, რომელიც აღარ გამოიყენება დანიშნულებისამებრ;

დ) ადვილად აალებადი მასალა – ნივთიერება ან ნარევი, რომელიც დაბალი ან ნორმალური ტემპერატურის პირობებში მარტივად ინთება მცირე ანთების წყაროს ზემოქმედებით (ნაპერწკალი, ალი, გახურებული ზედაპირი და სხვა) და სწრაფად იწვის;

ე) ფეთქებადი მასალა – ნივთიერება ან ნარევი, რომელიც ქიმიური რეაქციის შედეგად მოკლე დროში გამოყოფს დიდი რაოდენობით ენერგიას (გაზის, სითბოსა და წნევის სახით) და ქმნის აფეთქების საფრთხეს;

ვ) ამტვერებადი მასალა – მასალა, რომელიც მექანიკური ზემოქმედებისას ან გარემო პირობების გავლენით წარმოქმნის მტვერს, ვრცელდება ჰაერში და შეიძლება ზიანს აყენებდეს გარემოს ან ადამიანის ჯანმრთელობას.

ა) საცხოვრებელი ზონები;

ბ) რეკრეაციული და დასასვენებელი ზონები;

გ) ისტორიული და კულტურული მემკვიდრეობის დაცვის ზონები;

დ) სანიტარიული და ეკოლოგიური დაცვის ზონები;

ე) სატყეო და ლანდშაფტური ზონები.

2. აღნიშნული საქმიანობა დასაშვებია მხოლოდ შესაბამისი ფუნქციური დანიშნულების მქონე ტერიტორიებზე (სამრეწველო ან საზოგადოებრივ-საქმიანი ზონები), ქალაქ ქუთაისის მუნიციპალიტეტის მერის მიერ გაცემული მშენებლობის ნებართვის თანახმად.

2. განთავსების ან/და რეალიზაციისთვის განკუთვნილი შენობა-ნაგებობა უნდა იყოს იზოლირებული იმგვარად, რომ გამორიცხული იყოს ამტვერებადი მასალისგან წარმოქმნილი მტვრის ნიადაგში მოხვედრა და ატმოსფერულ ჰაერში გაფრქვევა.

2. ამ მუხლის პირველი პუნქტით გათვალისწინებული ადვილად აალებადი და ფეთქებადი ნივთიერებები გულისხმობს „ტექნიკური რეგლამენტის „შენობა-ნაგებობის უსაფრთხოების წესების“ დამტკიცების თაობაზე“ საქართველოს მთავრობის 2016 წლის 28 იანვრის №41 დადგენილებით განსაზღვრულ ადვილად აალებად და ფეთქებად ნივთიერებებს.

ა) იმ შენობაში ან ნაგებობაში, რომელიც ქმნის გადახურულ სივრცეს, შემოსაზღვრულია კედლებით, კოლონებით ან/და სხვა შემომზღუდავი კონსტრუქციებით და გრუნტი დაფარულია ისეთი მყარი მასალით, რომელიც გამორიცხავს აღნიშნული მასალის ან მისგან გამოჟონილი ნივთიერების ნიადაგში მოხვედრას;

ბ) იმ ტერიტორიაზე, რომელიც შემოსაზღვრულია კედლებით, კოლონებით ან/და სხვა შემომზღუდავი კონსტრუქციებით და გრუნტი დაფარულია ისეთი მყარი მასალით, რომელიც გამორიცხავს აღნიშნული მასალის ან მისგან გამოჟონილი ნივთიერების ნიადაგში მოხვედრას.