„საქართველოს გარემოს დაცვისა და ბუნებრივი რესურსების სამინისტროს სახელმწიფო საქვეუწყებო დაწესებულების – სატყეო დეპარტამენტის დებულების დამტკიცების შესახებ“ საქართველოს გარემოს დაცვისა და ბუნებრივი რესურსების მინისტრის 2007 წლის 30 იანვრის №76 ბრძანებით დამტკიცებულ დებულებაში ცვლილებებისა და დამატებების შეტანის თაობაზე

სახელწმიფო სარეგისტრაციო კოდი 010.240.070.22.023.010.371

საქართველოს გარემოს დაცვისა და ბუნებრივი რესურსების

მინისტრის ბრძანება №559

2007 წლის 17 მაისი

ქ. თბილისი

„საქართველოს გარემოს დაცვისა და ბუნებრივი რესურსების სამინისტროს სახელმწიფო საქვეუწყებო დაწესებულების – სატყეო დეპარტამენტის დებულების დამტკიცების შესახებ“ საქართველოს გარემოს დაცვისა და ბუნებრივი რესურსების მინისტრის 2007 წლის 30 იანვრის №76 ბრძანებით დამტკიცებულ დებულებაში ცვლილებებისა და დამატებების შეტანის თაობაზე

„ნორმატიული აქტების შესახებ“ საქართველოს კანონის 36-ე მუხლის საფუძველზე, ვბრძანებ:

1. „საქართველოს გარემოს დაცვისა და ბუნებრივი რესურსების სამინისტროს სახელმწიფო საქვეუწყებო დაწესებულების – სატყეო დეპარტამენტის დებულების დამტკიცების შესახებ“ საქართველოს გარემოს დაცვისა და ბუნებრივი რესურსების მინისტრის 2007 წლის 30 იანვრის №76 ბრძანებაში (სსმ III, 02.02.2007 წ., №15, მუხ. 163) შეტანილ იქნეს შემდეგი ცვლილებები და დამატებები:

ა) დებულების მე-2 მუხლის მე-2 პუნქტი ჩამოყალიბდეს შემდეგი რედაქციით:

„2. დეპარტამენტის საქმიანობის სფეროს წარმოადგენს სახელმწიფო ტყის ფონდის მართვა“.

ბ) დებულების მე-5 მუხლის მე-2 პუნქტის „ე“ ქვეპუნქტი ჩამოყალიბდეს შემდეგი რედაქციით:

„ე) მინისტრს დასამტკიცებლად წარუდგენს თავმჯდომარის მოადგილეებისა და რეგიონალური სატყეო სამმართველოების უფროსების კანდიდატურებს.“.

გ) დებულების მე-5 მუხლს დაემატოს შემდეგი შინაარსის მე-5 და მე-6 პუნქტები და ჩამოყალიბდეს შემდეგი რედაქციით:

„5. დეპარტამენტის თავმჯდომარის მოადგილეების უფლებამოსილებანი განისაზღვრება დეპარტამენტის თავმჯდომარის ინდივიდუალურ ადმინისტრაციულ-სამართლებრივი აქტით.

6. დეპარტამენტის თავმჯდომარის არყოფნის შემთხვევაში მის მოვალეობას ასრულებს ერთ-ერთი მოადგილე დეპარტამენტის თავმჯდომარის გადაწყვეტილების საფუძველზე.“.

დ) დებულებას დაემატოს შემდეგი შინაარსის 61 მუხლი და ჩამოყალიბდეს შემდეგი რედაქციით:

    მუხლი 6¹. სამსახურის უფროსი

1. დეპარტამენტში შემავალ სტრუქტურულ ქვედანაყოფებს ხელმძღვანელობენ სამსახურის უფროსები.

2. სამსახურის უფროსი:

ა) ასრულებს დეპარტამენტის თავმჯდომარისა და თავმჯდომარის მოადგილეების დავალებებსა და მითითებებს;

ბ) იღებს გადაწყვეტილებებს სამსახურის კომპეტენციას მიკუთვნებულ საკითხებზე;

გ) სამსახურის თანამშრომლებს შორის ანაწილებს ფუნქციებს შესაბამისი კომპეტენციის მიხედვით;

დ) თავმჯდომარეს წარუდგენს რეკომენდაციებს სამსახურის თანამშრომელთა წახალისების ან დისციპლინური პასუხისმგებლობის ზომის გამოყენების შესახებ;

ე) მოქმედებს სამსახურის სახელით დეპარტამენტის, აგრეთვე სხვა ორგანოებთან და პირებთან ურთიერთობისას.

ე) დებულების მე-7 მუხლის მე-4 პუნქტს დაემატოს შემდეგი შინაარსის „ი“ და „კ“ ქვეპუნქტები და ჩამოყალიბდეს შემდეგი რედაქციით:

„ი) თავისი კომპეტენციის ფარგლებში სამართლებრივი აქტების პროექტების მომზადება.

კ) კანონმდებლობით დადგენილი წესით დაკისრებულ მოვალეობათა შესრულებისას სახელმწიფო წარმომადგენლობის გაწევა სამართალდამცავ და სასამართლო ორგანოებში.“

ვ) დებულების მე-7 მუხლის მე-5 პუნქტის „ბ“ ქვეპუნქტი ჩამოყალიბდეს შემდეგი რედაქციით:

 „ბ) შემოსული განცხადებებისა და საჩივრების შინაარსის განხილვა და, საჭიროების შემთხვევაში, მათზე რეაგირების განხორციელების უზრუნველყოფა.“

2. ეს ბრძანება ამოქმედდეს გამოქვეყნებისთანავე.

დ. ტყეშელაშვილი