,,საქართველოს კანონთა წიგნისა და საქართველოს საკანონმდებლო მაცნეს“ რედაქციის დებულების დამტკიცების შესახებ“ საქართველოს იუსტიციის მინისტრის 2001 წლის 8 იანვრის №17 ბრძანებაში დამატებების შეტანის თაობაზე“

სახელმწიფო სარეგისტრაციო კოდი 040.030.000.22.027.010.404

საქართველოს იუსტიციის მინისტრის

ბრძანება №159

2007 წლის 4 ივნისი

ქ. თბილისი

„საქართველოს კანონთა წიგნისა და საქართველოს საკანონმდებლო მაცნეს“ რედაქციის დებულების დამტკიცების შესახებ“ საქართველოს იუსტიციის მინისტრის  2001 წლის 8 იანვრის №17 ბრძანებაში დამატებების შეტანის თაობაზე

მუხლი 1. „საქართველოს კანონთა წიგნისა და საქართველოს საკანონმდებლო მაცნეს“ რედაქციის დებულების დამტკიცების შესახებ“ საქართველოს იუსტიციის მინისტრის 2001 წლის 8 იანვრის №17 ბრძანებით (სსმ III, 2001 წ., №3, მუხ. 29) დამტკიცებულ დებულებაში შეტანილ იქნეს შემდეგი დამატებები:

1. დებულების მე-2 მუხლის შემდეგ დაემატოს შემდეგი შინაარსის მე-6 პუნქტი:

„6. რედაქციაში არსებული ნორმატიული აქტების (მათ შორის, საქართველოს იუსტიციის სამინისტროს მიერ მოწოდებული საკონტროლო მდგომარეობაში მოყვანილი აქტების) ელექტრონული ვერსიების დამუშავება, გავრცელება და დაცვა; ელექტრონულ მონაცემთა ბაზების ფორმირება-სრულყოფა; ინფორმაციული ტექნოლოგიებისა და კომუნიკაციების საშუალებით რედაქციის საქმიანობის შესახებ ინფორმაციის გავრცელების ხელშეწყობა საქართველოსა და მის ფარგლებს გარეთ; „საკანონმდებლო მაცნეს“ ვებგვერდის შექმნა, მუდმივი სრულყოფა და გამართული მუშაობის უზრუნველყოფა.“.

2. დებულებას მე-2 მუხლის შემდეგ დაემატოს შემდეგი შინაარსის 2¹ მუხლი:

     „მუხლი 2¹. „საქართველოს საკანონმდებლო მაცნეს“ აღწერილობა

„საქართველოს საკანონმდებლო მაცნე“ გამოდის ოთხ ნაწილად:

1. ნაწილი I – საქართველოს კანონები;

2. ნაწილი II – საერთაშორისო ხელშეკრულებები;

3. ნაწილი III – საქართველოს ნორმატიული აქტები;

4. ნაწილი IV – საინფორმაციო ნაწილი (ლიცენზიები და ნებართვები, საქართველოს საკონსტიტუციო სასამართლოს გადაწყვეტილებები, რეაბილიტაცია, საზოგადოებრივ და სამართლებრივ საკითხებზე პუბლიცისტური სტატიების, ნაშრომების და კანონმდებლობით გათვალისწინებული სხვა ინფორმაციის გამოქვეყნება).“.

3. დებულებას მე-3 მუხლის შემდეგ დაემატოს შემდეგი შინაარსის 3¹ და 3²მუხლები:

     „მუხლი 3¹. გამოსაქვეყნებელი მასალის რედაქციაში წარმოდგენის წესი

1. ნორმატიული აქტის გამოსაქვეყნებლად მასალის წარმოდგენას უზრუნველყოფს დაინტერესებული უწყება ნორმატიული აქტის სახელმწიფო რეესტრში რეგისტრაციიდან არა უგვიანეს 3 დღის ვადაში.

2. სავალდებულო წესით გამოსაქვეყნებელი ინფორმაციის წარმოდგენას უზრუნველყოფს დაინტერესებული უწყება ან პირი.

    მუხლი 3². „საქართველოს საკანონმდებლო მაცნეს“ გამოცემის წესი

„საქართველოს საკანონმდებლო მაცნეს“ ნომერი გამოიცემა არა უმეტეს დღეში ერთხელ, გარდა საქართველოს კონსტიტუციით და კანონით გათვალისწინებული შემთხვევებისა.“.

4. დებულების მე-5 მუხლს დაემატოს შემდეგი შინაარსის ,,ე“ ქვეპუნქტი:

„ე) „იურიდიული ლიტერატურა“ – რეალიზაციის პუნქტი.“.

მუხლი 2. ეს ბრძანება ძალაშია გამოქვეყნებისთანავე.

გ. ქავთარაძე