,,საბაჟო დეკლარაციის სახეების, ფორმების, შევსების, წარდგენის დაბრუნების, შეცვლის, რეგისტრაციის და მონაცემთა ბაზის ელექტრონული დამუშავების სისტემის გამოყენებით, ზეპირი დეკლარირებით ან სხვა მოქმედებების განხორციელებით საბაჟო დეკლარაციის წარდგენის, ფიზიკური პირის საბაჟო დეკლარაციის ფორმისა და შევსების, საფოსტო გზავნილის დეკლარაციის ფორმისა და შევსების წესების შესახებ ინსტრუქციების და საბაჟო დეკლარირების კლასიფიკატორის დამტკიცების თაობაზე“ საქართველოს ფინანსთა მინისტრის 2006 წლის 20 დეკემბრის №1776 ბრძანებაში ცვლილებების შეტანის თაობაზე“

სახელმწიფო სარეგისტრაციო კოდი 200.250.030.22.033.010.529

საქართველოს ფინანსთა მინისტრის

ბრძანება №784

2007 წლის 2 ივლისი

ქ. თბილისი

,,საბაჟო დეკლარაციის სახეების, ფორმების, შევსების, წარდგენის, დაბრუნების, შეცვლის, რეგისტრაციის და მონაცემთა ბაზის ელექტრონული დამუშავების სისტემის გამოყენებით, ზეპირი დეკლარირებით ან სხვა მოქმედებების განხორციელებით საბაჟო დეკლარაციის წარდგენის, ფიზიკური პირის საბაჟო დეკლარაციის ფორმისა და შევსების, საფოსტო გზავნილის დეკლარაციის ფორმისა და შევსების წესების შესახებ ინსტრუქციების და საბაჟო დეკლარირების კლასიფიკატორის დამტკიცების თაობაზე“ საქართველოს ფინანსთა მინისტრის 2006 წლის 20 დეკემბრის №1776 ბრძანებაში ცვლილებების შეტანის თაობაზე

,,ნორმატიული აქტების შესახებ” საქართველოს კანონის 36-ე მუხლის შესაბამისად, ვბრძანებ:

1. „საბაჟო დეკლარაციის სახეების, ფორმების, შევსების, წარდგენის, დაბრუნების, შეცვლის, რეგისტრაციის და მონაცემთა ბაზის ელექტრონული დამუშავების სისტემის გამოყენებით, ზეპირი დეკლარირებით ან სხვა მოქმედებების განხორციელებით საბაჟო დეკლარაციის წარდგენის, ფიზიკური პირის საბაჟო დეკლარაციის ფორმისა და შევსების, საფოსტო გზავნილის დეკლარაციის ფორმისა და შევსების წესების შესახებ ინსტრუქციების და საბაჟო დეკლარირების კლასიფიკატორის დამტკიცების თაობაზე“ საქართველოს ფინანსთა მინისტრის 2006 წლის 20 დეკემბრის №1776 ბრძანებაში (სსმ III, 22.12.06, №172, მუხ. 2342) შეტანილ იქნეს შემდეგი ცვლილებები:

ა) ბრძანების პირველი პუნქტის ,,ლ” ქვეპუნქტი ჩამოყალიბდეს შემდეგი რედაქციით:

,,ლ) ინსტრუქცია ,,ნედლი ნავთობისა და მისი გადამუშავებით მიღებული საქონლის, მისართების, გამხსნელების, ნახშირწყალბადების, თხევადი გაზისა და საპოხი საშუალებების (გარდა ნედლი ნავთობისა, რომელიც, გადაადგილდება მილსადენი ტრანსპორტით ან ტრანზიტის საბაჟო რეჟიმით), თამბაქოს ნაწარმის საქონლის აღრიცხვის, წინასწარი ოპერაციების, საბაჟო დეკლარაციის ფორმის, შევსების, წარდგენისა და რეგისტრაციის წესების შესახებ“ (დანართი №11).“;

ბ) ამოღებულ იქნეს ბრძანების პირველი პუნქტის ,,პ” და ,,ჟ” ქვეპუნქტები.

გ) დანართი №3 ჩამოყალიბდეს თანდართული რედაქციით;

დ) დანართი №11-ის სათაური ჩამოყალიბდეს შემდეგი რედაქციით:

,,ინსტრუქცია

ნედლი ნავთობისა და მისი გადამუშავებით მიღებული საქონლის, მისართების, გამხსნელების, ნახშირწყალბადების, თხევადი გაზისა და საპოხი საშუალებების (გარდა ნედლი ნავთობისა, რომელიც გადაადგილდება მილსადენი ტრანსპორტით ან ტრანზიტის საბაჟო რეჟიმით), თამბაქოს ნაწარმის საქონლის აღრიცხვის, წინასწარი ოპერაციების, საბაჟო დეკლარაციის ფორმის, შევსების, წარდგენისა და რეგის-ტრაციის წესების შესახებ“;

ე) ამოღებულ იქნეს დანართი №11-ის მე-5 მუხლის მე-2 პუნქტის ,,დ” ქვეპუნქტი;

ვ) დანართი №11-ის მე-13 მუხლი ჩამოყალიბდეს შემდეგი რედაქციით:

,,მუხლი 13.

საქართველოს საბაჟო ტერიტორიაზე იმპორტისა-გან განსხვავებული კანონით გათვალისწინებული საბაჟო რეჟიმებში მოსაქცევად განკუთვნილი საქონლის (თამბაქოს ნაწარმის დროს ტრნაზიტისა და რეექსპორტისათვის განკუთვნილი საქონლის შემთხვევაში) შემოტანის შესახებ საქონლის შემომტანმა ან მისმა უფლებამოსილმა პირმა წინასწარ წერილობით უნდა განაცხადოს საქართველოს ფინანსთა სამინისტროს შემოსავლების სამსახურში. უნდა წარმოადგინოს მისი სახეობის, რაოდენობის და საქონლის ღირებულების დამოწმებისათვის შესაბამისი დოკუმენტები ან მათი ასლები. წარმოდგენილი დოკუმენტების, იმპორტის საბაჟო გადასახდელების გადახდის კანონმდებლობით გათვალისწინებული ფინანსური უზრუნველყოფის საშუალების წარდგენის საფუძველზე შემოსავლების სამსახური ახდენს სსსდ-ის დამოწმებას. ზემოაღნიშნული დოკუმენტების შემოსავლების სამსახურში გადმოგზავნა შესაძლებელია ფაქსით, ელექტრონული ფოსტით ან კავშირგაბმულობის სხვა საშუალებით. სსსდ ან შესაბამისად დამოწმებული ასლი წარმოად-გენს საქართველოს საბაჟო ტერიტორიაზე საქონლის შემოტანის/გატანის და გადაადგილების საფუძველს:

ა) საქონლის (გარდა თამბაქოს ნაწარმისა) ექსპორტის საბაჟო რეჟიმის შემთხვევაში სსსდ-ის დამოწმების საფუძველს წარმოადგენს საბაჟო დამუშავების საბოლოო ოპერაციის საბაჟო ორგანოში მითითებული რეჟიმისათვის კანონმდებლობით გათვალისწინებული საბაჟო გადასახდელების გადახდისა და საქონლის ღირებულების დამადასტურებელი შესაბამისი დოკუმენტები;

ბ) საქართველოს ტერიტორიაზე იმპორტისაგან განსხვავებული საბაჟო რეჟიმებით საქონლის (თამბაქოს ნაწარმის დროს ტრანზიტისა და რეექსპორტისათვის განკუთვნილი საქონლის შემთხვევაში) შემოტანისას ფაქსით, ელექტრონული ფოსტით ან კავშირგაბმულობის სხვა საშუალებით გადაგზავნილი სსსდ-ს ორიგინალი შემომშვებ-გამშვებ და/ან საბაჟო დამუშავების საბოლოო ოპერაციის საბაჟო ორგანოს გადაეგზავნება იმავე წესით, როგორც საქართველოს საბაჟო ტერიტორიაზე საქონლის თავისუფალი მიმოქცევის (იმპორტის) საბაჟო რეჟიმიში მოსაქცევად განკუთვნილი საქონლის შემოტანისას;

გ) თუ რეექსპორტის, ტრანზიტის, საბაჟო საწყობში საქონლის შენახვის საბაჟო რეჟიმებში გაცხადებული საქონლის შემთხვევაში დაირღვა საქართველოს საბაჟო კოდექსით გათვალისწინებული რეჟიმის პირობები, საქონელი ექვემდებარება იმპორტის საბაჟო რეჟიმში მოქცევას, ხოლო საბაჟო გადასახდელების გადახდა სახელმწიფო ბიუჯეტის სასარგებლოდ მოხდება კანონმდებლობით დადგენილი წესით;

დ) საქართველოს ტერიტორიაზე ტრანზიტისა და რეექსპორტისათვის განკუთვნილი თამბაქოს ნაწარმის შემოტანაზე ვრცელდება ამ ინსტრუქციის მე-5 მუხლის მოთხოვნები. ამასთან, სარკინიგზო ტრანსპორტით გადაადგილებულ ტრანზიტისა და რეექსპორტისათვის განკუთვნილ საქონელზე სსსდ-ის წარდგენის დროს საბაჟო გადასახდელები არ გადაიხდევინება და გარანტიები არ წარედგინება.“;

ზ) ამოღებულ იქნეს დანართი №11-ის თავი IV;

თ) ამოღებულ იქნეს დანართი №15 და დანართი №16;

ი) დანართი №18-ის მე-11 ნაწილის გრაფა 039 ჩამოყალიბდეს შემდეგი რედაქციით:

 

039	სპეციალური საგადასახადო ანგარიშ-ფაქტურა (სსაფ) – ნავთობპროდუქტების იმპორტის და ექსპორტის დროს

 

კ) დანართი №18-ის მე-11 ნაწილიდან ამოღებულ იქნეს გრაფა.

 

044	აქციზური საქონლის ბარათი

 

2. ბრძანება ამოქმედდეს 2007 წლის 1 აგვისტოდან.

ა. ალექსიშვილი

დანართი №3

საქართველოს ფინანსთა სამინისტრო

შემოსავლების სამსახური

საბაჟო ორგანოსათვის

წარდგენილი დოკუმენტების შესახებ განაცხადი

 

1. დოკუმენტაციის წარმომდგენი პირი ------------------------------------------

2. იურიდიული ან ფიზიკური პირის საიდენტიფიკაციო ნომერი -------------

3. საბაჟო ორგანოს მიერ დოკუმენტაციის მიღების თარიღი და დრო--- 200 წ. ---სთ. -----წთ.

4. დოკუმენტის მიღებაზე პასუხისმგებელი პირი ----------------------------------

5. საბაჟო დამუშავების ოპერაციის განყოფილების თანამშრომელი --------------

6. თარიღი და დრო ------------------------------ 200 წ. -------სთ. -----წთ.“