„საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობის შევსების წესის შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2006 წლის 20 დეკემბრის №1764 ბრძანებაში ცვლილებებისა და დამატების შეტანის თაობაზე“

სახელმწიფო სარეგისტრაციო კოდი 230.150.070.22.033.011.004

საქართველოს ფინანსთა მინისტრის

ბრძანება №1158

2007 წლის 19 ოქტომბერი

ქ. თბილისი

„საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობის შევსების წესის შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2006 წლის 20 დეკემბრის №1764 ბრძანებაში ცვლილებებისა და დამატების შეტანის თაობაზე

„ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

 მუხლი 1. „საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობის შევსების წესის შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2006 წლის 20 დეკემბრის №1764 ბრძანებით დამტკიცებულ (სსმ III, 22.12.06, №172, მუხ. 2330) ,,საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობის შევსების წესის შესახებ“ ინსტრუქციაში შეტანილ იქნეს შემდეგი ცვლილებები და დამატება:

ა) ინსტრუქციის მე-2 მუხლი ჩამოყალიბდეს შემდეგი რედაქციით:

    „მუხლი 2

ინსტრუქციაში გამოყენებულ ტერმინთა განმარტებები:

ა) სასაქონლო პარტია – ერთი ან რამოდენიმე დასახელების საქონელი, გაგზავნილი ერთი სატრანსპორტო საშუალებით (სარკინიგზო ტრანსპორტის შემთხვევაში ერთი ან რამდენიმე დასახელების საქონელი, გაგზავნილი ერთი გამგზავნის მიერ ერთი მიმღების მისამართით, რომელიც გამგზავნ საბაჟო ორგანოში წარდგენილი სატრანსპორტო დოკუმენტაციის საფუძველზე უნდა წარედგინოს დანიშნულების ადგილზე ან დანიშნულების საბაჟო ორგანოში ერთდროულად, ერთი შემადგენლობით);

ბ) სატრანსპორტო დოკუმენტები – სატრანსპორტო ზედდებული, კონოსამენტი ან საქონლის თანხმლები სხვა დოკუმენტები, რომელთა საფუძველზეც ხორციელდება საქონლის საერთაშორისო ან/და საქართველოს საბაჟო ტერიტორიაზე გადაზიდვა;

გ) გამგზავნი საბაჟო ორგანო – საბაჟო ორგანო, რომელიც ახორციელებს მოწმობის გამოწერას და საიდანაც იწყება საქონლის და სატრანსპორტო საშუალებების გადაადგილებაზე კონტროლი (მათ შორის საზღვაო ტრანსპორტიდან საქონლის და სატრანსპორტო საშუალებების გადმოტვირთვის ან სატრანსპორტო საშუალების შეცვლის) ან წინმსწრები მოწმობის დახურვას (კონტროლიდან მოხსნას) და ახალი მოწმობის (მოწმობების) გამოწერას – სარკინიგზო გადაზიდვების დროს დანიშნულების ადგილის – სარკინიგზო სადგურის შეცვლის შემთხვევაში;

დ) დანიშნულების საბაჟო – გამგზავნი საბაჟო ორგანოს მიერ მოწმობის 53-ე გრაფაში მითითებული საბაჟო ორგანო ან სხვა საბაჟო ორგანო, სადაც მთავრდება საქონლის და სატრანსპორტო საშუალების გადაადგილება ან/და გადაადგილებაზე კონტროლი;

ე) დანიშნულების ადგილი – არასაბაჟო ორგანო (დროებითი შენახვის საწყობი, საბაჟო საწყობი, რკინიგზის სადგური, პორტი, უბაჟო ვაჭრობის პუნქტი, აგრეთვე კანონმდებლობით დადგენილი სხვა ადგილი), სადაც მთავრდება საბაჟო ტერიტორიაზე შემოტანილი საქონლის ან/და სატრანსპორტო საშუალების საბაჟო კონტროლის ქვეშ გადაადგილება ან სადაც მთავრდება ორ არასაბაჟო ორგანოს შორის გადასატანი საქონლის ან/და სატრანსპორტო საშუალების საბაჟო კონტროლის ქვეშ გადაადგილება;    

ვ) პირადი სარგებლობის ნივთები – ნივთები, რომლის შემოტანა ხორციელდება ფიზიკური პირის მიერ, არარეგულარულად და რომლის მახასიათებლები და რაოდენობა მიუთითებს, რომ ნივთები განკუთვნილია მიმღების ან მისი გადამაადგილებელი ფიზიკური პირის პირადი ან მისი ოჯახის წევრთა სარგებლობისთვის;

ზ) მოწმობის გამოწერა – საბაჟო მონაცემთა ავტომატიზირებულ სისტემა – ASYCUDA-ს (შემდგომში – სისტემა) მეშვეობით საბაჟო ორგანოს მოხელის მიერ ამ ინსტრუქციით დადგენილი წესით ელექტრონულად შევსებული ელექტრონული ფორმატის მოწმობის ქაღალდზე ამობეჭდვა;

თ) კლასიფიკატორი – ,,საბაჟო დეკლარაციის სახეების, ფორმების, შევსების, წარდგენის დაბრუნების, შეცვლის, რეგისტრაციის და მონაცემთა ბაზის ელექტრონული დამუშავების სისტემის გამოყენებით, ზეპირი დეკლარირებით ან სხვა მოქმედებების განხორციელებით საბაჟო დეკლარაციის წარდგენის, ფიზიკური პირის საბაჟო დეკლარაციის ფორმისა და შევსების, საფოსტო გზავნილის დეკლარაციის ფორმისა და შევსების წესების შესახებ ინსტრუქციების და საბაჟო დეკლარირების კლასიფიკატორის დამტკიცების თაობაზე“ საქართველოს ფინანსთა მინისტრის 2006 წლის 20 დეკემბრის №1776 ბრძანებით დამტკიცებული ,,საბაჟო დეკლარირების კლასიფიკატორი“ (დანართი №18).“.

ბ) ინსტრუქციის მე-5 მუხლის მე-6 და მე-7 პუნქტები ჩამოყალიბდეს შემდეგი რედაქციით:

,,6. ფიზიკური პირის მიერ ავტოსატრანსპორტო საშუალებით საქართველოს საგადასახადო კოდექსის 270⁵ მუხლის ,,ლ“ქვეპუნქტით გათვალისწინებულ დაუბეგრავ მინიმუმზე მეტი პირადი სარგებლობის ნივთების ტრანზიტის საბაჟო რეჟიმით გადაადგილების შემთხვევაში გამგზავნი საბაჟო ორგანოს მიერ ავტოსატრანსპორტო საშუალებაზე გამოიწერება მოწმობა და მოწმობის 44-ე გრაფაში მიეთითება ,,ფიზიკური პირის დეკლარაციის“კოდი და ნომერი. კოდი და ნომერი ერთმანეთისგან მძიმით გამოიყოფა.

7. საქართველოს საბაჟო ტერიტორიაზე საქართველოში არარეგისტრირებული ავტოსატრანსპორტო საშუალებების საბაჟო დამუშავების ოპერაციის განხორციელების ადგილამდე მიტანის ან საქართველოს საბაჟო ტერიტორიაზე შემოტანიდან მის გატანამდე (გარდა ტრანზიტის საბაჟო რეჟიმით გადაადგილებისა) 20-დღიანი ვადით გადაადგილების დროს, თუ პირს თან აქვს საქართველოს საგადასახადო კოდექსის 270⁵ მუხლის ,,ლ“ ქვეპუნქტით გათვალისწინებულ დაუბეგრავ მინიმუმზე მეტი პირადი სარგებლობის ნივთები, გამოიწერება მოწმობა ცალ-ცალკე ავტოსატრანსპორტო საშუალებაზე და საქონელზე, ხოლო ავტოსატრანსპორტო საშუალებაზე გამოწერილი მოწმობის 44-ე გრაფაში მიეთითება საქონელზე გამოწერილი მოწმობის კოდი კლასიფიკატორის მე-11 ნაწილის – ,,საქონლის მიმართ საბაჟო დამუშავების ოპერაციების განხორციელებისათვის საბაჟო ორგანოში წარსადგენი დოკუმენტებისა და საქონელთან დაკავშირებით სხვა საჭირო ინფორმაციის კლასიფიკატორის“ მიხედვით და სარეგისტრაციო ნომერი.“.

გ) ინსტრუქციის მე-6 მუხლი ჩამოყალიბდეს შემდეგი რედაქციით:

,,მუხლი 6

1. მოწმობის კონტროლიდან მოხსნა ხორციელდება:

ა) დანიშნულების საბაჟო ორგანოს მიერ, სადაც მთავრდება საქონლის და სატრანსპორტო საშუალების გადაადგილება ან გადაადგილებაზე კონტროლი ან სადაც მოხდა საქონლის სხვა სატრანსპორტო საშუალებაში გადატვირთვა ან გამგზავნი საბაჟო ორგანოს მიერ სარკინიგზო გადაზიდვების დროს დანიშნულების ადგილის – სარკინიგზო სადგურის შეცვლის შემთხვევაში;

ბ) არასასაზღვრო საბაჟო ორგანოს მიერ, როცა მოწმობის 53-ე გრაფაში (დანიშნულების საბაჟოს) მითითებული არასასაზღვრო საბაჟო ორგანოს ნაცვლად საქონელი ან/და სატრანსპორტო საშუალება წარედგინება სხვა ნებისმიერ არასასაზღვრო საბაჟო ორგანოს (გარდა იმ შემთხვევისა, როდესაც საბაჟო დამუშავების ოპერაციის განხორციელების ადგილზე – არასასაზღვრო საბაჟო ორგანოში ,,საბაჟო ორგანოების მიერ საბაჟო პროცედურების განხორციელების დროისა და ადგილის განსაზღვრის შესახებ“ საქართველოს ფინანსთა მინისტრის 2006 წლის 20 დეკემბრის №1765 ბრძანების შესაბამისად საქონლისა ან/და სატრანსპორტო საშუალების მიმართ დაუშვებელია განხორციელდეს მოწმობის მე-4 გრაფაში მითითებული საბაჟო დამუშავების ოპერაცია ან/და ნებისმიერი სხვა საბაჟო დამუშავების ოპერაცია);

გ) სასაზღვრო საბაჟო ორგანოს მიერ, როცა მოწმობის 53-ე გრაფაში (დანიშნულების საბაჟოს) დაფიქსირებული სასაზღვრო საბაჟო ორგანოს ნაცვლად ტრანზიტის საბაჟო რეჟიმში გადაადგილებული საქონლისა და სატრანსპორტო საშუალების წარდგენა ხდება ერთი და იგივე უცხო ქვეყანასთან არსებულ საქართველოს სახელმწიფო საზღვართან მდებარე სხვა სასაზღვრო საბაჟო ორგანოში (გარდა იმ შემთხვევისა, როდესაც სატრანსპორტო საშუალების ან საქონლის გადაადგილება ამ მიმართულებით იკრძალება (მაგ., აქციზური საქონელი; სახელმწიფო ფიტოსანიტარიულ სასაზღვრო-საკარანტინო, სახელმწიფო ვეტერინალურ სასაზღვრო-საკარანტინო და სანიტარიულ-საკარანტინო კონტროლს დაქვემდებარებული საქონელი);

დ) სასაზღვრო საბაჟო ორგანოს მიერ, როცა მოწმობის 53-ე გრაფაში დაფიქსირებული სასაზღვრო საბაჟო ორგანოს ნაცვლად ტრანზიტის საბაჟო რეჟიმში გადაადგილებული საქონლისა და სატრანსპორტო საშუალების წარდგენა ხდება სხვა უცხო ქვეყანასთან არსებულ საქართველოს სახელმწიფო საზღვართან მდებარე სასაზღვრო საბაჟო ორგანოში, (გარდა იმ შემთხვევისა, როცა ამ მიმართულებით იკრძალება სატრანსპორტო საშუალების ან საქონლის გადადგილება (მაგ., აქციზური საქონელი; სახელმწიფო ფიტოსანიტარიულ სასაზღვრო-საკარანტინო, სახელმწიფო ვეტერინალურ სასაზღვრო-საკარანტინო და სანიტარიულ-საკარანტინო კონტროლს დაქვემდებარებული საქონელი):

დ.ა) იმ შემთხვევაში, თუ დეკლარანტი ან გადაზიდვაზე პასუხისმგებელი პირი წარადგენს დანიშნულების ქვეყნის შეცვლის დამადასტურებელ შესაბამის სატრანსპორტო დოკუმენტს, რომელშიც მითითებული უნდა იყოს წინმსწრები სატრანსპორტო დოკუმენტის შესახებ მონაცემები (ნომერი, გამოწერის თარიღი). წარდგენილი სატრანსპორტო დოკუმენტების კოდები კლასიფიკატორის მე-11 ნაწილის ,,საქონლის მიმართ საბაჟო დამუშავების ოპერაციების განხორციელებისათვის საბაჟო ორგანოში წარსადგენი დოკუმენტებისა და საქონელთან დაკავშირებით სხვა საჭირო ინფორმაციის კლასიფიკატორის“ მიხედვით და დოკუმენტების ნომრები (ასეთის არსებობის შემთხვევაში), დანიშნულების ქვეყნის მოკლე დასახელება (ხოლო თუ დანიშნულების ქვეყანა რამდენიმეა მიეთითება პირველი) მიეთითება მოწმობის უკანა გვერდზე და დამოწმდება პასუხისმგებელი მოხელის ხელმოწერითა და პირადნომრიანი ბეჭდით. დანიშნულების საბაჟო ორგანოს მოხელე ვალდებულია, იმავდროულად სისტემაში, გრაფის­ – ,,დანიშნულების საბაჟო ორგანოს კონტროლი“ განყოფილება ,,შენიშვნაში“ მიუთითოს სატრანსპორტო დოკუმენტის კოდი და ინდივიდუალური ნომერი;

დ.ბ) ამ პუნქტის ,,დ.ა“ ქვეპუნქტით გათვალისწინებული სატრანსპორტო დოკუმენტის წარდგენა არ მოეთხოვება ამ ინსტრუქციის მე-5 მუხლის მე-6 პუნქტით გათვალისწინებულ ფიზიკურ პირს, მიუხედავად იმისა, გადაადგილდება თუ არა ავტოსატრანსპორტო საშუალებით საქართველოს საგადასახადო კოდექსის 270⁵ მუხლის ,,ლ“ ქვეპუნქტით გათვალისწინებულ დაუბეგრავ მინიმუმზე მეტი პირადი სარგებლობის ნივთები ტრანზიტის საბაჟო რეჟიმით;

ე) სასაზღვრო ან არასასაზღვრო საბაჟო ორგანოს მიერ, როცა მოწმობის 53-ე გრაფაში (დანიშნულების საბაჟოს) მითითებული არასასაზღვრო ან სასაზღვრო საბაჟო ორგანოს ნაცვლად საქართველოში არარეგისტრირებული ავტოსატრანსპორტო საშუალებების საბაჟო დამუშავების ოპერაციის განხორციელების ადგილამდე მიტანის ან საქართველოს საბაჟო ტერიტორიაზე შემოტანიდან მის გატანამდე (გარდა ტრანზიტის საბაჟო რეჟიმით გადაადგილებისა) 20-დღიანი ვადით გადაადგილების დროს საქართველოში არარეგისტრირებული ავტოსატრანსპორტო საშუალება წარედგინება კანონმდებლობით გათვალისწინებულ სხვა ნებისმიერ სასაზღვრო ან არასასაზღვრო საბაჟო ორგანოს (გარდა იმ შემთხვევისა, როდესაც საბაჟო დამუშავების ოპერაციის განხორციელების ადგილზე - არასასაზღვრო საბაჟო ორგანოში ,,საბაჟო ორგანოების მიერ საბაჟო პროცედურების განხორციელების დროისა და ადგილის განსაზღვრის შესახებ“ საქართველოს ფინანსთა მინისტრის 2006 წლის 20 დეკემბრის №1765 ბრძანების შესაბამისად საქონლის მიმართ არ ხორციელდება მოწმობის მე-4 გრაფაში მითითებული საბაჟო დამუშავების ოპერაცია, ან/და ნებისმიერი სხვა საბაჟო დამუშავების ოპერაცია).

2. გამგზავნი საბაჟო ორგანოს მიერ გამოწერილი მოწმობის დაკარგვის შემთხვევაში დანიშნულების საბაჟო ორგანო შესაბამისი სამართალწარმოების განხორციელებისა და საბაჟო ვალდებულებების შესრულების შემდეგ ახორციელებს მოწმობის საბაჟო ორგანოს მოხელის პირადნომრიანი ბეჭდით დამოწმებული ასლის გაცემას.“

დ) ინსტრუქციის მე-7 მუხლი ჩამოყალიბდეს შემდეგი რედაქციით:

    „მუხლი 7. მოწმობის შევსების ზოგადი წესი

1. მოწმობა ივსება სისტემის მეშვეობით ელექტრონულად საბაჟო ორგანოს მოხელის მიერ საბაჟო ორგანოში ან სისტემაში დაშვებული პირის მიერ, რომელიც წარმოადგენს საქონლის შემოტანისას – სასაქონლო პარტიის მიმღებს, საქონლის გატანისას – სასაქონლო პარტიის გამგზავნს, ტრანზიტის საბაჟო რეჟიმში მოქცეული სასაქონლო პარტიის გადაადგილებისას – სასაქონლო პარტიის მფლობელს ან ამ პუნქტში მითითებული პირის პირდაპირ ან არაპირდაპირ წარმომადგენელს საქართველოს საბაჟო კოდექსის მე-8 მუხლის შესაბამისად.

2. მოწმობა ივსება დეკლარანტის მიერ წარმოდგენილი სატრანსპორტო დოკუმენტების, ხოლო საქონლის გატანისას აგრეთვე სატვირთო-საბაჟო დეკლარაციის საფუძველზე.

3. საქონლის ან სატრანსპორტო საშუალების დათვალიერების განხორციელების შემთხვევაში, მოწმობა ივსება საბაჟო ორგანოში საბაჟო ორგანოს მოხელის მიერ დათვალიერების შედეგების ამსახველი აქტის საფუძველზე. სასაზღვრო საბაჟო ორგანოში საქონლისა და სატრანსპორტო საშუალების დათვალიერების შეუძლებლობის შემთხვევაში, მოწმობა ივსება წარმოდგენილი დოკუმენტების საფუძველზე და ხორციელდება საქონლის გადაადგილება უახლოეს საბაჟო ორგანომდე ან კანონმდებლობით დადგენილ სხვა (არასაბაჟო ორგანო) ადგილამდე საბაჟო გაცილების თანხლებით შემდგომი დათვალიერების განხორციელების მიზნით. აღნიშნულ მოწმობაზე დაისმება დამღა – ,,ექვემდებარება დათვალიერებას“, ხოლო მოწმობის D გრაფის (,,გამგზავნი საბაჟო ორგანოს კონტროლი“) – განყოფილებაში ,,შედეგი“, მიეთითება A3.

4. ერთი მოწმობა ივსება მხოლოდ ერთ სასაქონლო პარტიაზე.

5. სისტემაში დაშვებული პირი ან საბაჟოს ორგანოს მოხელე უფლებამოსილია მოწმობის გამოწერამდე მოწმობის ელექტრონულ ფორმატში შეიტანოს ცვლილება მოწმობის შევსებისას, მოწმობის შევსების რეგისტრაციამდე, ან მოწმობის შევსების რეგისტრაციიდან მის საბაჟო ორგანოში წარდგენამდე. მოწმობის შევსების რეგისტრაციის შემდეგ მონაცემების შეცვლის ცალკეული შემთხვევა რეგისტრირდება სისტემის მიერ.

6. მოწმობა გამოიწერება 4 პირად და ნაწილდება შემდეგნაირად:

ა) პირველი პირი რჩება გამგზავნ საბაჟო ორგანოში და მოწმობის გამოწერიდან 7 დღის ვადაში ეგზავნება ზემდგომ საბაჟო ორგანოს დადგენილი წესით;

ბ) მეორე პირი თან მიყვება საქონელს ან/და სატრანსპორტო საშუალებას დანიშნულების საბაჟო ორგანომდე და მოწმობის კონტროლიდან მოხსნის შემდეგ 7 დღის ვადაში ეგზავნება ზემდგომ საბაჟო ორგანოს დადგენილი წესით;

გ) მესამე და მეოთხე პირი რჩება დეკლარანტს ან/და გადამზიდველს.

7. მოწმობის, ან TIR წიგნაკის მოსახევი (მწვანე) ფურცლის უკანა გვერდი გამოიყენება სხვადასხვა მაკონტროლებელი ორგანოების შენიშვნების, აღნიშვნებისა და დამღებისათვის, ხოლო საქონლის დაბრუნებისას საბაჟო ორგანოს მიერ დამღის – ,,დაბრუნებულია საქონელი“ დასმისთვის.

8. მოწმობის გამოწერის შემდეგ არასწორი მონაცემების შეცვლა ელექტრონულად დაიშვება მხოლოდ იმ შემთხვევაში, თუ გამოწერილი მოწმობის 44-ე გრაფაში მითითებული დოკუმენტების მონაცემები არ შეესაბამება გამოწერილ მოწმობაში მითითებულ მონაცემებს. შესწორებას ახორციელებს გამზავნი ან დანიშნულების საბაჟო ორგანო. ამასთან, შესწორების განხორციელების შესახებ დამატებით მიეთითება:

ა) გამგზავნი საბაჟო ორგანოს მიერ – მოწმობის ელექტრონულ ფორმატში არსებულ ,,56“-ე გრაფაში, სადაც აღინიშნება:

ა.ა) გრაფის ნომერი ან/და განყოფილების სათაური, რომელშიც შეტანილია არასწორი მონაცემები;

ა.ბ) სწორი მონაცემი;

ა.გ) სწორი მონაცემის შეტანის საფუძველი – მოწმობის 44-ე გრაფაში მითითებული დოკუმენტის კოდი და დოკუმენტის ინდივიდუალური ნომერი;

ა.დ) გამგზავნი საბაჟო ორგანოს მიერ გამოწერილ მოწმობაზე დაესმება საბაჟო დამღა ,,ანულირებულია“.

ბ) დანიშნულების საბაჟო ორგანოს მიერ – მოწმობის ელექტრონულ ფორმატში მოწმობის ,,I“გრაფის განყოფილებაში ,,შენიშვნა“, სადაც აღინიშნება:

ბ.ა) გრაფის ნომერი, განყოფილების სათაური, რომელშიც შეტანილია არასწორი მონაცემები;

ბ.ბ) სწორი მონაცემი;

ბ.გ) სწორი მონაცემის საფუძველი – მოწმობის 44-ე გრაფაში მითითებული დოკუმენტის კოდი და დოკუმენტის ინდივიდუალური ნომერი.

9. სისტემაში დაშვებულ პირს უფლება აქვს წინასწარ ელექტრონულად შეავსოს მოწმობა. პირის სისტემაში დაშვება ხორციელდება ,,საბაჟო დეკლარაციის სახეების, ფორმების, შევსების, წარდგენის დაბრუნების, შეცვლის, რეგისტრაციის და მონაცემთა ბაზის ელექტრონული დამუშავების სისტემის გამოყენებით, ზეპირი დეკლარირებით ან სხვა მოქმედებების განხორციელებით საბაჟო დეკლარაციის წარდგენის, ფიზიკური პირის საბაჟო დეკლარაციის ფორმისა და შევსების, საფოსტო გზავნილის დეკლარაციის ფორმისა და შევსების წესების შესახებ ინსტრუქციების და საბაჟო დეკლარირების კლასიფიკატორის დამტკიცების თაობაზე“ საქართველოს ფინანსთა მინისტრის 2006 წლის 20 დეკემბრის №1776 ბრძანებით დამტკიცებული ,,საბაჟო რეჟიმების (გარდა ტრანზიტის საბაჟო რეჟიმისა) აგრეთვე რეექსპორტის შესაბამისად გაცხადებულ საქონელზე სატვირთო-საბაჟო დეკლარაციის ფორმის, შევსების, წარდგენის, დაბრუნების, შეცვლის და რეგისტრაციის წესების შესახებ“ ინსტრუქციის (დანართი №1) მე-4 მუხლით განსაზღვრული წესით.

10. მოწმობის შევსებისას ურთიერთშეუსაბამო მონაცემების შეტანის მცდელობისას სისტემის მიერ ეკრანზე გამოსული ელექტრონული შეტყობინების სახით ავტომატურად მიეთითება მოწმობის ის გრაფები, რომელშიც ტექნიკურად არასწორად არის შეტანილი მონაცემები.

11. შევსების დასრულებისას საბაჟო მოხელე ან სისტემაში დაშვებული პირი არეგისტრირებს მოწმობის შევსების ფაქტს სისტემაში. შევსებულ მოწმობას ენიჭება უნიკალური საიდენტიფიკაციო ნომერი.

12. ინფორმაციის გადაცემის ნებისმიერი საშუალებით შევსებულ მოწმობის უნიკალური საიდენტიფიკაციო ნომრის შესახებ ინფორმაცია სისტემაში დაშვებული პირის მიერ გადაეცემა საქონლის ან/და სატრანსპორტო საშუალების მფლობელს.

13. საბაჟო ორგანოში წარდგენილი საქონლის ან/და სატრანსპორტო საშუალების მფლობელი გადასცემს საბაჟო ორგანოს მოხელეს შესაბამის სატრანსპორტო დოკუმენტაციას და წერილობით ან სიტყვიერად აწვდის შევსებული სტატუსის მქონე მოწმობის შესახებ ინფორმაციას.

14. გამგზავნი საბაჟოს ორგანოს მოხელე სისტემაში დაშვებული პირის მიერ რეგისტრირებული შევსებული მოწმობის ძებნის პარამეტრებში უთითებს საქონლის ან/და სატრანსპორტო საშუალების მფლობელის მიერ მიწოდებულ მონაცემს, აძლევს ძებნისა და შემდგომ მოწმობის გამოძახების (ეკრანზე გამოსახვის) ბრძანებას. მოწმობის ეკრანზე გამოძახების ბრძანების მიცემა ნიშნავს მოწმობის საბაჟო ორგანოში წარდგენის დადასტურებას.

15. გამგზავნი საბაჟო ორგანოს მოხელე მოწმობის გამოწერის მიზნით ახდენს:

ა) გამგზავნ საბაჟო ორგანოში წარდგენილი საქონლის ან/და სატრანსპორტო საშუალების იდენტიფიცირებას, სატრანსპორტო დოკუმენტაციაში მითითებულ მონაცემებთან ურთიერთშედარებას, სატრანსპორტო დოკუმენტაციის საფუძველზე მოწმობის ელექტრონულად შევსებას, რომელშიც ასევე აისახება საბაჟო ორგანოს მიერ განხორციელებული კონტროლის ღონისძიებების შედეგი, და მოწმობის გამოწერას;

ბ) მოწმობის ელექტრონულად წარდგენის შემთხვევაში, ამ პუნქტის ,,ა“ ქვეპუნქტში გათვალისწინებულთან ერთად, მოწმობის გრაფებში შეტანილი მონაცემების შედარებას წარდგენილ სატრანსპორტო დოკუმენტაციასთან, ცდომილების აღმოჩენის შემთხვევაში კი მონაცემების შეცვლას მოწმობის ელექტრონულ ფორმატში.

16. უცხოეთში რეგისტრირებული სატვირთო ავტომანქანებით საქართველოში საქონლის შემოტანის შემთხვევაში მოწმობა კონტროლიდან იხსნება დანიშნულების საბაჟო ორგანოში, ხოლო სატრანსპორტო საშუალებამ საქართველოს საბაჟო ტერიტორია უნდა დატოვოს შემოსვლის დროს მოწმობის გამოწერის თარიღიდან არა უგვიანეს 20 დღის ვადაში. თუ ასეთი სატრანსპორტო საშუალება საქართველოს საბაჟო ტერიტორიაზე დაიტვირთება გასატანი საქონლით, ახალი მოწმობის გამომწერი საბაჟო ორგანო მოითხოვს შემოსვლის დროს გამოწერილი მოწმობის იმ პირს, რომელიც გააჩნია გადამზიდველს, რომლის უკანა გვერდზეც აკეთებს აღნიშვნას ახალი მოწმობის გამოწერის შესახებ (ახალი მოწმობის ნომრის მითითებით), რაც დამოწმდება უფლებამოსილი მოხელის ხელმოწერით, თარიღითა და პირადნომრიანი ბეჭდის დასმით. ავტოსატრანსპორტო საშუალების (ცარიელის ან დატვირთულის) მფლობელი გამსვლელ (დანიშნულების) საბაჟო ორგანოს უტოვებს საქართველოში შემოტანისას გამოწერილი მოწმობის შესაბამის პირს, რომლის უკანა გვერდზე საბაჟო ორგანოს უფლებამოსილი პირი აკეთებს აღნიშვნას სატრანსპორტო საშუალების გასვლის შესახებ ხელმოწერით, თარიღითა და პირადნომრიანი ბეჭდის დასმით.

17. TIR წიგნაკით გადაადგილებული საქონლისა და სატრანსპორტო საშუალებების შემთხვევაში გამგზავნი საბაჟო ორგანო ან სისტემაში დაშვებული პირი უზრუნველყოფს TIR წიგნაკის შესახებ მონაცემების ელექტრონულად შეტანას მოწმობის ელექტრონულ ფორმატში. წიგნაკის შესაბამის (თეთრ და მწვანე) ფურცლებზე და ყუაზე აღინიშნება სისტემის მიერ მინიჭებული ,,D“ ნომერი. საბაჟო ორგანოს მოხელე მონაცემთა დადატურების მიზნით აწერს ხელს, მიუთითებს შევსების თარიღს და სვამს პირადნომრიან ბეჭედს“.

ე) ინსტრუქციის მე-11 მუხლი ჩამოყალიბდეს შემდეგი რედაქციით:

,,მუხლი 11. მოწმობის გრაფების შევსების წესი

1. გრაფა 1 – ,,მოწმობა“ – სისტემის მიერ ავტომატურად ივსება მხოლოდ გრაფის მესამე ნაწილი და ეთითება სიმბოლო – T1.

2. გრაფა 2 – ,,ექსპორტიორი“– მიეთითება:

ა) საქონლის გამგზავნის/ექსპორტიორის, გადასახადის გადამხდელის საიდენტიფიკაციო ნომერი (ასეთის არსებობისას), სრული სახელწოდება (ფიზიკური პირის შემთხვევაში – სახელი, გვარი, პირადი ნომერი პირადობის დამადასტურებელი დოკუმენტის მიხედვით) და მისამართი. თუ გამგზავნი ერთზე მეტია, გრაფის პირველ რიგში აღინიშნება ,,სხვადასხვა“, ქვედა რიგში – გამგზავნის/ექსპორტიორის შესახებ ინფორმაცია, რომელშიც აისახება გადასახადის გადამხდელის სრული სახელწოდება (ფიზიკური პირის შემთხვევაში – სახელი, გვარი, პირადი ნომერი პირადობის დამადასტურებელი დოკუმენტის მიხედვით) და მისამართი (ამ შემთხვევაში არ მიეთითება მხოლოდ გადასახადის გადამხდელის საიდენტიფიკაციო ნომერი). სახელწოდება და მისამართი ერთმანეთისგან მძიმით გამოიყოფა;

ბ)  ავტოსატრანსპორტო საშუალების გადაადგილებაზე პასუხისმგებელი პირის სახელი და გვარი, პირადი ნომერი (პირადობის დამადასტურებელი დოკუმენტის მიხედვით) და მისამართი – საქართველოს საბაჟო ტერიტორიაზე საქართველოში არარეგისტრირებული თავისი სვლით გადაადგილებული ავტოსატრანსპორტო საშუალებების საბაჟო დამუშავების ოპერაციის განხორციელების ადგილამდე მიტანის, ან საქართველოს საბაჟო ტერიტორიაზე შემოტანიდან მის გატანამდე (გარდა ტრანზიტის საბაჟო რეჟიმში მოქცეული ავტოსატრანსპორტო საშუალებების გადაადგილებისა) 20-დღიანი ვადით შემოტანისას;

გ) ავტოსატრანსპორტო საშუალების მძღოლის სახელი და გვარი, პირადი ნომერი (პირადობის დამადასტურებელი დოკუმენტის მიხედვით) და მისამართი – საქართველოს საბაჟო ტერიტორიაზე, თავისი სვლით გადაადგილებული, ცარიელი, ან საქართველოს საგადასახადო კოდექსის 270⁵ მუხლის ,,ლ“ ქვეპუნქტით დადგენილ ზღვარს ზემოთ პირადი სარგებლობის ნივთების გადამაადგილებელი ავტოსატრანსპორტო საშუალების შემოსვლისას, რომელიც ექცევა ტრანზიტის საბაჟო რეჟიმში.

3. გრაფა 3 – ,,ფორმა“– გრაფის პირველი ნაწილში სისტემის მიერ ავტომატურად ეთითება ფურცლის რიგითი ნომერი, ხოლო მეორე ნაწილში – მოწმობის ძირითადი და დამატებითი ფურცლების საერთო რაოდენობა.

4. გრაფა 4 – გრაფაში მიეთითება საქართველოს საბაჟო ტერიტორიაზე შემოტანილი ან გასატანი, ან გადაადგილებული საბაჟო კონტროლს დაქვემდებარებული საქონლისა ან/და სატრანსპორტო საშუალებების მიმართ საბაჟო დამუშავების ოპერაციის გამოყენების განზრახვის, ან სავარაუდოდ გამოსაყენებელი საბაჟო პროცედურის შესახებ შემდეგი ინფორმაცია:

ა) თავისუფალი მიმოქცევის (იმპორტის) საბაჟო რეჟიმში მოსაქცევად – რიცხვი ,,40“;

ბ) ექსპორტის საბაჟო რეჟიმისათვის – ,,10“;

გ) ტრანზიტის საბაჟო რეჟიმისათვის – ,,80“;

დ) რეექსპორტისათვის – ,,11“;

ე) დროებითი შემოტანის საბაჟო რეჟიმისათვის – ,,34“.

ვ) იმ შემთხვევაში, როცა ერთი სატრანსპორტო საშუალებით ერთდროულად გადაადგილდება თავისუფალ მიმოქცევაში გაშვების (იმპორტის) საბაჟო რეჟიმში მოსაქცევად და ტრანზიტის საბაჟო რეჟიმში მოქცეული საქონელი, გრაფაში აღინიშნება – ,,48“;

ზ) იმ შემთხვევაში, როცა ერთი სატრანსპორტო საშუალებით გადაადგილდება ტრანზიტის რეჟიმში მოქცეული საქონელი, რომელსაც საქართველოს ტერიტორიაზე ემატება ექსპორტის საბაჟო რეჟიმში მოქცეული საქონელი, ახალი მოწმობის გრაფაში აღინიშნება – ,,81“;

თ) საქართველოს საბაჟო ტერიტორიაზე საქართველოში არარეგისტრირებული ავტოსატრანსპორტო საშუალებების საბაჟო დამუშავების ოპერაციის განხორციელების ადგილამდე მიტანის ან საქართველოს საბაჟო ტერიტორიაზე შემოტანიდან მის გატანამდე (გარდა ტრანზიტის საბაჟო რეჟიმით გადაადგილებისა) 20-დღიანი ვადით შემოტანისას – ,,20“;

ი) საქართველოს საბაჟო ტერიტორიაზე შემოტანილი საქონლის სასაზღვრო საბაჟო ორგანოს მიერ უკან დაბრუნების შემთხვევაში – ,,15“;

კ) საქართველოს საბაჟო კოდექსის 171-ე მუხლის საფუძველზე საბაჟო გადასახდელებისაგან (გარდა საბაჟო მოსაკრებლისა) გათავისუფლებული დაბრუნებული საქონლის შემთხვევაში – ,,27“;

ლ) უბაჟო ვაჭრობის პუნქტში რეალიზაციისთვის – ,,72“.

5. გრაფა 5 – ,,საქ. რაოდ.“ – სისტემის მიერ ავტომატურად ეთითება მოწმობის 31-ე გრაფაში მითითებული საქონლის რიგითი ნომრების საერთო რაოდენობა.

6. გრაფა 6 – ,,ადგ. რაოდენობა“– ეთითება 31-ე გრაფაში მითითებული საქონლის სატვირთო ადგილების (ყუთები, ქვეში და ა.შ. ეთითება მთლიანი რაოდენობა იმ უმცირესი შეფუთვისა, რომელიც მოცემულია სატრანსპორტო დოკუმენტებში, როგორც სატვირთო ადგილი) საერთო რაოდენობა, რომელიც მოცემულია სატრანსპორტო დოკუმენტებში.

7. გრაფა 7 – ,,საცნობარო ნომერი“ – ეთითება მოწმობის უნიკალური ნომერი, რომელიც ენიჭება სისტემაში დაშვებული თითოეული პირის, ან თითოეული საბაჟო ორგანოს მიერ მიხედვით სისტემაში დაშვებული პირის ან საბაჟო ორგანოს მოხელის მიერ ელექტრონულად შევსებული მოწმობის რეგისტრაციისას ან TIR წიგნაკით გადაადგილებულ საქონელსა და სატრანსპორტო საშუალების შესახებ მონაცემების ამსახველი ელექტრონულად შევსებული მოწმობის რეგისტრაციისას.

8. გრაფა 8 – ,,იმპორტიორი“- გრაფაში ეთითება:

ა) საქონლის მიმღების:

ა.ა) იურიდიული პირის ან სხვა ორგანიზაციული წარმონაქმნის – სრული სახელწოდება, მისამართი, გადასახადის გადამხდელის საიდენტიფიკაციო ნომერი (ასეთის არსებობისას).

ა.ბ) ფიზიკური პირის – სახელი, გვარი, მისამართი, პირადი ნომერი (პირადობის დამადასტურებელი დოკუმენტის მიხედვით); ინდივიდუალური საწარმოს შემთხვევაში – გადასახადის გადამხდელის საიდენტიფიკაციო ნომერი.

ბ) თუ საქონლის მიმღები ერთზე მეტია, გრაფის პირველ რიგში აღინიშნება ,,სხვადასხვა“, მომდევნო რიგში მიმღების შესახებ ინფორმაცია, რომელშიც აისახება მათი სრული სახელწოდება (ფიზიკური პირის შემთხვევაში – სახელი, გვარი, პირადი ნომერი – პირადობის დამადასტურებელი დოკუმენტის მიხედვით) და მისამართი (ამ შემთხვევაში არ მიეთითება მხოლოდ გადასახადის გადამხდელის საიდენტიფიკაციო ნომერი). სახელწოდება და მისამართი ერთმანეთისგან მძიმით გამოიყოფა;

გ) ავტოსატრანსპორტო საშუალების გადაადგილებაზე პასუხისმგებელი პირის სახელი და გვარი, პირადი ნომერი (პირადობის დამადასტურებელი დოკუმენტის მიხედვით) და მისამართი – საქართველოს საბაჟო ტერიტორიაზე საქართველოში არარეგისტრირებული თავისი სვლით გადაადგილებული ავტოსატრანსპორტო საშუალებების საბაჟო დამუშავების ოპერაციის განხორციელების ადგილამდე მიტანის, ან საქართველოს საბაჟო ტერიტორიაზე შემოტანიდან მის გატანამდე (გარდა ტრანზიტის საბაჟო რეჟიმში მოქცეული ავტოსატრანსპორტო საშუალებების გადაადგილებისა) 20-დღიანი ვადით შემოტანისას;

დ) ავტოსატრანსპორტო საშუალების მძღოლის სახელი და გვარი, მისამართი და პირადი ნომერი (პირადობის დამადასტურებელი დოკუმენტის მიხედვით) – საქართველოს საბაჟო ტერიტორიაზე, თავისი სვლით გადაადგილებული (უცხო ქვეყნის მოქალაქეთა მიერ გადაადგილებულ, უცხოეთში რეგისტრირებულ, მსუბუქ ავტოსატრანსპორტო საშუალებების გარდა), ან საქართველოს საგადასახადო კოდექსის 270⁵ მუხლის ,,ლ“ ქვეპუნქტით დადგენილ ზღვარს ზემოთ პირადი სარგებლობის ნივთების გადამაადგილებელი, ავტოსატრანსპორტო საშუალების შემოსვლისას (მ.შ. უცხო ქვეყნის მოქალაქეთა მიერ გადაადგილებულ უცხოეთში რეგისტრირებულ მსუბუქ ავტოსატრანსპორტო საშუალებებზე), რომელიც ექცევა ტრანზიტის საბაჟო რეჟიმში.

9. გრაფა 14 – ,,დეკლარანტი/წარმომადგენელი“:

ა) გრაფა არ ივსება საბაჟო ორგანოს მიერ მოწმობის შევსებისას;

ბ) სისტემაში დაშვებული პირის მიერ მოწმობის შევსებისას, გრაფაში მიეთითება ამ პირის სრული სახელწოდება და მისამართი. გრაფის ზედა ნაწილში ,,N“ ნიშნის შემდეგ აღინიშნება პირის ცხრანიშნა გადასახადის გადამხდელის საიდენტიფიკაციო ნომერი.

10. გრაფა 15 – ,,გამომგზავნი ქვეყანა“ – მიეთითება იმ ქვეყნის დასახელება და კოდი ქვეყნების კლასიფიკატორის №3 ნაწილის – ,,ქვეყნების, ტერიტორიებისა და ვალუტების კლასიფიკატორის“ შესაბამისად, საიდანაც გამოგზავნილია საქონელი სატრანსპორტო დოკუმენტების მიხედვით.

11. გრაფა 17 – ,,დანიშნულების ქვეყანა“ – ეთითება იმ ქვეყნის დასახელება და კოდი, კლასიფიკატორის ნაწილი №3-ის – ,,ქვეყნების, ტერიტორიებისა და ვალუტების კლასიფიკატორის“ შესაბამისად, სადაც სატრანსპორტო დოკუმენტაციაში დაფიქსირებული ინფორმაციით დასრულდება საქონლის საერთაშორისო გადაზიდვა (რამდენიმე დანიშნულების ქვეყნის არსებობის შემთხვევაში მიეთითება პირველი).

12. გრაფა – 18 ,,გამწევი სატრ. საშ. ნომერი გამგზავნ. საბაჟო ორგანოში“ – გრაფის:

ა) პირველ განყოფილებაში ეთითება:

ა.ა) გამწევი საავტომობილო სატრანსპორტო საშუალების სანომრე ნიშანი;

ა.ბ) სხვა სატრანსპორტო საშუალების შემთხვევაში გამწევი საშუალების სარეგისტრაციო ნომერი (მაგ., ელმავლის ნომერი).

ბ) მეორე განყოფილებაში ეთითება სატრანსპორტო საშუალების (რკინიგზის ვაგონების გარდა) რეგისტრაციის/მფლობელი ქვეყნის კოდი კლასიფიკატორის ნაწილი №3-ის – ,,ქვეყნების, ტერიტორიებისა და ვალუტების კლასიფიკატორის“ შესაბამისად. იმ შემთხვევაში, როცა:

ბ.ა) სატრანსპორტო საშუალება შედგება რამდენიმე სატრანსპორტო საშუალებისგან, მიეთითება გამწევი სატრანსპორტო საშუალების (საწევარას) რეგისტრაციის/მფლობელი ქვეყნის კოდი (მაგ., რამდენიმე სატრანსპორტო საშუალებისგან შემდგარი სატვირთო ავტოსატრანსპორტო საშუალების მითითებისას ეთითება საწევარას სანომრე ნიშანი და რეგისტრაციის ქვეყნის კოდი);

ბ.ბ) ავტოსატრანსპორტო საშუალება მოხსნილია რეგისტრაციიდან, დროებითი სანომრე ნიშნის გამცემი ქვეყნის კოდი.

13. გრაფა 19 – ,,კტ.“– როცა საქონელი:

ა) არ გადაიზიდება კონტეინერით, გრაფა რჩება ცარიელი;

ბ) გადაიზიდება კონტეინერით, შემვსები პირის მიერ გრაფაში მონაცემის შეტანისას ავტომატურად ეთითება შესაბამისი სიმბოლო, რომლის შედეგად შესაძლებელი გახდება 31-ე გრაფის, კონტეინერის შესახებ მონაცემის შესატან სპეციალურ ნაწილში, ინფორმაციის შეტანა.

14. გრაფა 21 – ,,სატრანსპორტო საშუალება გამგზავნ საბაჟო ორგანოში“ – გრაფაში აღინიშნება იმ სატრანსპორტო საშუალების (სტაციონარული სატრანსპორტო მოწყობილობის (კონტეინერი, მისაბმელი, ნახევრადმისაბმელის) გარდა) მონაცემები, რომლითაც საქონელი წარდგენილ იქნა გამზავნ საბაჟო ორგანოში, გრაფის:

ა) პირველ ნაწილში მიეთითება:

ა.ა) დასახელება (მსუბუქი, სატვირთო ავტოსატრანსპორტო საშუალება; სარკინიგზო ვაგონი);

ა.ბ) სარეგისტრაციო მონაცემი (ავტოტრანსპორტის მარკა, მოდელი (არ მიეთითება სარკინიგზო ვაგონის ნომერი).

ბ) მეორე ნაწილში მიეთითება სატრანსპორტო საშუალების (რკინიგზის ვაგონების გარდა) რეგისტრაციის/მფლობელი ქვეყნის კოდი კლასიფიკატორის ნაწილი №3-ის – ,,ქვეყნების, ტერიტორიებისა და ვალუტების კლასიფიკატორის“ მიხედვით. იმ შემთხვევაში, როცა საავტომობილო სატრანსპორტო საშუალება მოხსნილია რეგისტრაციიდან დროებითი სანომრე ნიშნის გამცემი ქვეყნის კოდი.

15. გრაფა 25 – ,,ტრანსპორტის სახე“ – გრაფაში ეთითება 21-ე გრაფაში მითითებული სატრანსპორტო საშუალების კოდი კლასიფიკატორის ნაწილი №10-ის – ,,ტრანსპორტის სახეობების კლასიფიკატორის“ მიხედვით.

16. გრაფა 27 – ,,დანიშნულების ადგილი“ – გრაფაში ეთითება არასაბაჟო ორგანოს ხუთნიშნა ციფრული კოდი დანიშნულების ადგილის კლასიფიკატორის მიხედვით, რომელიც მტკიცდება საქართველოს ფინანსთა სამინისტროს შემოსავლების სამსახურის უფროსის ინდივიდუალური ადმინისტრაციულ-სამართლებრივი აქტით და ცხადდება საჯაროდ საქართველოს ზოგადი ადმინისტრაციული კოდექსის 57-ე მუხლის შესაბამისად.

17. გრაფა 31 – ,,ადგილების აღწერა და რაოდ.“– გრაფაში:

ა) ,,საქონლის აღწერა“ – ეთითება:

ა.ა) მოწმობის 33-ე გრაფაში მითითებული თითოეული სასაქონლო კოდის შესაბამისად საქონლის სავაჭრო მარკა (ნიშანი), ხოლო სარკინიგზო გადაზიდვების შემთხვევაში – მიეთითება მხოლოდ ვაგონების ნომრები, რომელშიც განთავსებულია ეს საქონელი; ამასთან, რკინიგზის ვაგონის ნომერი ერთმანეთისგან გამოიყოფა მძიმით;

ა.ბ) მოწმობის 33-ე გრაფაში ხუთზე მეტი სასაქონლო კოდის მითითების აუცილებლობისას, როცა მოწმობა ივსება საბაჟო ორგანოს მოხელის მიერ მიეთითება სიტყვა ,,სხვადასხვა“, აგრეთვე იმ ვაგონების ნომრები, რომელშიც განთავსებულია საქონელი. მონაცემები ერთმანეთისგან გამოიყოფა მძიმით;

ა.გ) საქართველოს საგადასახადო კოდექსის 270⁵ მუხლის ,,ლ“ ქვეპუნქტით დადგენილ ზღვარს ზემოთ პირადი სარგებლობის ნივთების გადამაადგილებელ ავტოსატრანსპორტო საშუალების შემოსვლისას (მ.შ. უცხო ქვეყნის მოქალაქეთა მიერ გადაადგილებულ უცხოეთში რეგისტრირებულ მსუბუქ ავტოსატრანსპორტო საშუალებებზე) პირველ განყოფილებაში სიტყვა ,,სხვადასხვა“, ხოლო მეორე განყოფილებაში მიეთითება შეფუთვის – ,,ტომრის“ შესატყვისი კოდი;

ბ) ,,სატვირთო ადგილების რაოდენობა, სახეობა“ – შემდეგი რიგითობით ეთითება მონაცემები:

ბ.ა) პირველ განყოფილებაში – სატვირთო ადგილების რაოდენობა;

ბ.ბ) მეორე განყოფილებაში – სისტემაში ინტეგრირებული მზა მონაცემებიდან ამორჩეული საქონლის შეფუთვის კოდი კლასიფიკატორის ნაწილი №12-ის – ,,საქონლის შეფუთვის მდგომარეობის კლასიფიკატორის“ მიხედვით;

ბ.გ) მესამე განყოფილებაში – მეორე განყოფილებაში ამორჩეული კოდის შესაბამისი შეფუთვის დასახელება (ივსება სისტემის მიერ ავტომატურად);

გ) ,,კონტეინერის №“ – შესაძლებელია მიეთითოს მხოლოდ 2 კონტეინერის საიდენტიფიკაციო ნომერი (კონტეინერის ნომერი არ ეთითება სარკინიგზო გადაზიდვების შემთხვევაში);

დ) საქონლის რამდენიმე კოდის მითითების შემთხვევაში დეკლარანტი, ან საბაჟო ორგანოს მოხელე (მხოლოდ საქონლის ხუთი კოდის) პროგრამაში ,,ერთეულის დამატება“ ბრძანების მიცემის მეშვეობით ამატებს დამატებით ფურცელს, რომელიც შეიცავს მხოლოდ 31, 32, 33, 35, 38, 40 და 44 გრაფებს. აღნიშნული გრაფები ივსება ამ ინსტრუქციით დადგენილი წესით;

ე) გრაფის ქვედა განყოფილებაში ეთითება საქონლის დასახელება და სხვა მონაცემები, რაც იძლევა საქონლის იდენტიფიცირების საშუალებას.

18. გრაფა 32 – ,,საქ.№“– სისტემის მიერ ავტომატურად ეთითება 31-ე გრაფაში მითითებული საქონლის რიგითი ნომერი.

19. გრაფა 33 – ,,საქონლის კოდი“ – გრაფაში ეთითება 31-ე გრაფაში მითითებული საქონლის კოდი საგარეო ეკონომიკური საქმიანობის ეროვნული სასაქონლო ნომენკლატურის შესაბამისად:

ა) ორნიშნა დონეზე, ამასთან შესაბამისი ჯგუფის ორნიშნა რიცხვის მითითების შედმგომ ეთითება ორი ციფრი ,,00“;

ბ) ოთხიშნა დონეზე – იმ საქონლის შემთხვევაში, რომლის შემოტანისთვის ან/და გატანისათვის საქართველოს კანონმდებლობით მოითხოვება ლიცენზია ან/და ნებართვა;

გ) ცხრა დონეზე – აქციზური საქონლის (მსუბუქი ავტომანქანის შემთხვევაში ოთხნიშნა), აგრეთვე ნავთობის მსუბუქი, საშუალო, მძიმე დისტილატების შემთხვევაში.

20. გრაფა 35 – ,,ბრუტო წონა“– გრაფაში ეთითება 31-ე გრაფაში მითითებული საქონლის მთლიანი წონა კილოგრამებში სატრანსპორტო დოკუმენტაციის მიხედვით (სატრანსპორტო დოკუმენტაციაში ბრუტო წონის შესახებ სხვადასხვა მონაცემის არსებობისას მიეთითება უმცირესი მონაცემი), რომელიც მოიცავს საქონლის საერთო წონას ყველა სახის შეფუთვასთან ერთად. ამასთან, გრაფაში მონაცემი აღინიშნება მთელი რიცხვის სახით (0,001-დან 0,499 ჩათვლით მრგვალდება – 0, ხოლო 0,500-დან 0,999 ჩათვლით მრგვალდება – 1). მხოლოდ იმ შემთხვევაში, როცა სატრანსპორტო დოკუმენტაცია არ შეიცავს საქონლის ბრუტო წონის შესახებ ინფორმაციას, აღნიშნულ გრაფაში მიეთითება საერთო წონა საქონლისა და სატრანსპორტო საშუალების ფიზიკური აწონვის მონაცემის საფუძველზე, ამასთან, წონის შესახებ მონაცემის მითითებისას პირველად ჩაიწერება ორი ციფრი ,,99“.

21. გრაფა 38 – ,,ნეტო წონა“ – გრაფაში ეთითება 31-ე გრაფაში მითითებული საქონლის ნეტო წონა კილოგრამებში, სატრანსპორტო დოკუმენტაციის მიხედვით (სატრანსპორტო დოკუმენტაციაში ნეტო წონის შესახებ სხვადასხვა მონაცემის არსებობისას მიეთითება უმცირესი მონაცემი), რომელიც მოიცავს საქონლის წონას ყველა სახის შეფუთვის გარეშე. იმ შემთხვევაში, თუ საქონლის წონა 1 კგ-ზე ნაკლებია (მაგ., ძვირფასი ლითონები), 38-ე გრაფაში ჩაიწერება –     1. იმ შემთხვევაში, როცა სატრანსპორტო დოკუმენტაციაში არ არის მითითებული ნეტო წონის შესახებ ინფორმაცია, აღნიშნული გრაფა არ ივსება.

22. გრაფა 40 – ,,საერთო დეკლარაცია/წინმსწრები დოკუმენტი“ – გრაფაში ეთითება წინმსწრები მოწმობის (დეკლარაციის) სარეგისტრაციო ნომერი.

23. გრაფა 44 – ,,სატრ. დოკუმენტები“ – გრაფის:

ა) პირველ განყოფილებაში მიეთითება სისტემაში ინტეგრირებული მზა მონაცემებიდან ამორჩეული, მოწმობასთან ერთად საქონლის საბაჟო ტერიტორიაზე შემოტანის, ან ტერიტორიიდან გატანის, ან ტერიტორიაზე გადაადგილებისთვის სავალდებულოდ (ლიცენზია, ნებართვა, სერტიფიკატი ან სხვა) წარსადგენი, აგრეთვე საბაჟო ორგანოში წარდგენილი სხვა დოკუმენტების კოდები კლასიფიკატორის ნაწილი №11-ის ,,საქონლის მიმართ საბაჟო დამუშავების ოპერაციების განხორციელებისათვის საბაჟო ორგანოში წარსადგენი დოკუმენტებისა და საქონელთან დაკავშირებით სხვა საჭირო ინფორმაციის კლასიფიკატორის“ მიხედვით;

ბ) მეორე განყოფილებაში:

ბ.ა) სისტემის მიერ ავტომატურად ეთითება ამორჩეული კოდის შესაბამისი დოკუმენტის დასახელება. მოწმობის შემვსები ვალდებულია წაშალოს ავტომატურად გამოსახული მონაცემი და მიუთითოს დოკუმენტის ინდივიდუალური ნომერი. სატრანსპორტო საშუალების გამგზავნ საბაჟო ორგანოში აწონვის შემთხვევაში მიეთითება წონა ციფრებით კგ-ში;

ბ.ბ) საბაჟო ორგანოს მოხელის მიერ მიეთითება საქონლის გადაადგილების საბაჟო მარშრუტი, იმ შემთხვევაში, როცა ავტოსატრანსპორტო საშუალების საგაბარიტო პარამეტრები ან/და დატვირთვა აღემატება კანონმდებლობით ნებადართულ მაჩვენებლებს და შეუძლებელია ასეთი პარამეტრების კორექტირება ან/და ტვირთი არ ექვემდებარება დაშლა-დანაწილებას გამგზავნ საბაჟო ორგანოში;

გ) მესამე განყოფილებაში მოწმობის შემვსების მიერ მიეთითება მეორე განყოფილებაში მითითებული დოკუმენტის გაცემის (რეგისტრაციის) თარიღი, სისტემაში ინტეგრირებული კალენდრის მეშვეობით.

24. გრაფა 50 – ,,პრინციპალი“– გრაფაში:

ა) საქართველოს საბაჟო ტერიტორიაზე საქონლის გადაადგილებისათვის საერთო გარანტიის წარდგენის შემთხვევაში მიეთითება:

ა.ა) ცხრანიშნა კოდი, რომელიც შემოსავლების სამსახურის მიერ ელექტრონულად რეგისტრირდება საერთო გარანტიის შესახებ მონაცემების სისტემაში შეტანისას, ასეთ შემთხვევაში სისტემის მიერ ავტომატურად ეთითება პრინციპალის დასახელება;

ა.ბ) გრაფის განყოფილებაში ,,წარმდგენი“ – ,,გარანტიის წარდგენისა და გამოყენების, მისი წარდგენისაგან გათავისუფლების შემთხვევების და საგარანტიო თანხის განსაზღვრის წესების შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2006 წლის 20 დეკემბრის №1767 ბრძანებით დამტკიცებული ,,გარანტიის წარდგენისა და გამოყენების, მისი წარდგენისაგან გათავისუფლების შემთხვევების და საგარანტიო თანხის განსაზღვრის წესების შესახებ“ ინსტრუქციის მე-4 მუხლის პირველი პუნქტის ,,ბ“ ქვეპუნქტით განსაზღვრული ფორმით საერთო გარანტიის გამგზავნ საბაჟო ორგანოში წარმდგენი ფიზიკური პირის სახელი გვარი;

ა.გ) გრაფის განყოფილებაში ,,თარიღი“ – ამ პუნქტის ,,ა.ბ“ ქვეპუნქტში მითითებული ფიზიკური პირის პირადი ნომერი – პირადობის დამადასტურებელი დოკუმენტის მიხედვით;

ბ) საქართველოს საბაჟო ტერიტორიაზე საქონლის გადაადგილებისათვის ინდივიდუალური გარანტიის წარდგენის შემთხვევაში:

ბ.ა) გრაფის განყოფილებაში ,,პრინციპალი“მიეთითება ციფრი ,,000“, სისტემის მიერ ავტომატურად ეთითება სიტყვა ,,ინდივიდუალური“;

ბ.ბ) გრაფის განყოფილებაში ,,წარმდგენი“მიეთითება ინდივიდუალური გარანტიის გამგზავნ საბაჟო ორგანოში წარმდგენი ფიზიკური პირის სახელი, გვარი;

ბ.გ) გრაფის განყოფილებაში ,,თარიღი“ მიეთითება:

ბ.გ.ა) ამ პუნქტის ,,ბ.ბ“ ქვეპუნქტში მითითებული ფიზიკური პირის პირადი ნომერი პირადობის დამადასტურებელი დოკუმენტის მიხედვით;

ბ.გ.ბ) სისტემაში ინტეგრირებული კალენდრიდან თარიღის ამორჩევის მეშვეობით ინდივიდუალური გარანტიის გაცემის დღე;

გ) საქართველოს საბაჟო ტერიტორიაზე საქონლის გადაადგილებისათვის TIR წიგნაკის წარდგენის შემთხვევაში:

გ.ა) განყოფილებაში ,,პრინციპალი“ მიეთითება ციფრი ,,111“, სისტემის მიერ ავტომატურად ეთითება სიტყვა ,,TIR წიგნაკი“;

გ.ბ) გრაფის განყოფილებაში ,,წარმდგენი“ მიეთითება TIR წიგნაკის გამგზავნ საბაჟო ორგანოში წარმდგენი ფიზიკური პირის სახელი გვარი;

გ.გ) გრაფის განყოფილებაში ,,თარიღი“ მიეთითება ამ პუნქტის ,,გ.ბ“ ქვეპუნქტში მითითებული ფიზიკური პირის პირადი ნომერი – პირადობის დამადასტურებელი დოკუმენტის მიხედვით;

დ) საქართველოს საბაჟო ტერიტორიაზე საქონლის საჰაერო ან საზღვაო ტრანსპორტით გადაადგილების შემთხვევაში, როცა საქართველოს კანონმდებლობით არ მოითხოვება გარანტია მიეთითება – ,,222“. ავტომატურად ეთითება სიტყვა ,,საჰაერო ან საზღვაო“;

ე) საქართველოს საბაჟო ტერიტორიაზე საქონლის სარკინიგზო ტრანსპორტით გადაადგილების შემთხვევაში მიეთითება – ,,333“, ავტომატურად ეთითება სიტყვა ,,რკინიგზა“;

ვ) საქართველოს საბაჟო ტერიტორიაზე საქონლის გადაადგილებისას, როცა საქონლის მიმღები პირი, რომელსაც წარმოეშვა ან შეიძლება წარმოეშვას საბაჟო ვალდებულება, სახელმწიფო ხელისუფლების ან ადგილობრივი თვითმმართველობის ორგანოა მიეთითება – ,,444“, ავტომატურად ეთითება სიტყვა ,,სახ. ორგანო“;

ზ) საქართველოს საბაჟო ტერიტორიაზე საქართველოს საბაჟო კოდექსის მე-7 მუხლის მე-19 ნაწილით განსაზღვრული სატრანსპორტო საშუალებების თავისი სვლით გადაადგილების ან მათი სხვა სატრანსპორტო საშუალებით გადაზიდვის შემთხვევაში მიეთითება – ,,555“, ავტომატურად ეთითება სიტყვა ,,სატრ. საშუალება“;

თ) საქართველოს საბაჟო ტერიტორიაზე ნებისმიერი საბაჟო დამუშავების ოპერაციის ქვეშ მოქცეული ან მისთვის განკუთვნილი, აგრეთვე საბაჟო დამუშავების ოპერაციის განსაზღვრამდე 20-დღიანი ვადით შემოტანილი სეს ესნ-ის 8702, 8703, 8704, 8705 და 8711 კოდებით გათვალისწინებული საქონლის თავისი სვლით გადაადგილების ან სხვა სატრანსპორტო საშუალებით გადაზიდვის შემთხვევაში მიეთითება – ,,777“, ავტომატურად ეთითება სიტყვა ,,სატრ. საშუალება“;

ი) ჰუმანიტარული, გრანტის ან დიპლომატიური საქონლის სტატუსით საქონლის გადაადგილების შემთხვევაში მიეთითება – ,,888“, ავტომატურად სიტყვა ,,ჰუმ. გრანტ. დიპ.“;

კ) საქონლის საქართველოს საბაჟო ტერიტორიაზე გადაადგილებისას, იმ შემთხვევაში, როცა საქონლის მიმღები არის საბაჟო გადასახდელებისაგან (მათ შორის საბაჟო მოსაკრებლის გარეშე) საერთაშორისო ხელშეკრულებების შესაბამისად გათავისუფლებული პირი მიეთითება – ,,999“, ავტომატურად სიტყვა ,,საერთაშ.“;

ლ) ექსპორტის საბაჟო რეჟიმით საქონლის გადაადგილების შემთხვევაში მიეთითება – ,,10000“, ავტომატურად სიტყვა ,,ექსპორტი.“;

მ) კანონმდებლობით დადგენილ შემთხვევაში, როცა საქონლის საქართველოს საბაჟო ტერიტორიაზე შემოტანამდე განხორციელდა დეკლარირება და სრულად იქნა გადახდილი საბაჟო გადასახდელები მიეთითება – ,,20000“, ავტომატურად სიტყვა ,,წინასწარი“;

ნ) საქართველოს საბაჟო ტერიტორიაზე ფიზიკური პირის მიერ მსუბუქი ავტომანქანით პირადი ნივთების გადაადგილების შემთხვევაში მიეთითება – ,,30000“, ავტომატურად სიტყვა ,,ფიზ. პირი“;

ო) საქართველოს საბაჟო ტერიტორიაზე ფიზიკური პირის მიერ მსუბუქი ავტომანქანით პირადი სარგებლობის ნივთების გადაადგილების შემთხვევაში მიეთითება – ,,40000“ავტომატურად სიტყვა ,,პირ. სარგ.“.

25. გრაფა 52 ,,გარანტია“ – გრაფაში:

ა) საქართველოს საბაჟო ტერიტორიაზე საქონლის გადაადგილებისათვის საერთო გარანტიის წარდგენის შემთხვევაში ივსება მხოლოდ გარანტიის სახეობის ან გარანტიის წარდგენისაგან გათავისუფლების კოდი ,,გარანტიის სახეობისა და გარანტიის წარდგენისაგან გათავისუფლების კლასიფიკატორის“(დანართი №4) მიხედვით;

ბ) საქართველოს საბაჟო ტერიტორიაზე საქონლის გადაადგილებისათვის ინდივიდუალური გარანტიის წარდგენის შემთხვევაში:

ბ.ა) პირველ განყოფილებაში მიეთითება გარანტიის დამადასტურებელი დოკუმენტის ნომერი;

ბ.ბ) მეორე განყოფილებაში მიეთითება გარანტიის გამცემი პირის დასახელება;

ბ.გ) მესამე განყოფილებაში – გარანტიის სახეობის ან გარანტიის წარდგენისაგან გათავისუფლების კოდი ,,გარანტიის სახეობისა და გარანტიის წარდგენისაგან გათავისუფლების კლასიფიკატორის“ (დანართი №4) მიხედვით;

გ) საქართველოს საბაჟო ტერიტორიაზე საქონლის გადაადგილებისათვის TIR წიგნაკის წარდგენის შემთხვევაში ივსება მხოლოდ პირველი განყოფილება და მიეთითება TIR წიგნაკის ნომერი;

დ) სხვა შემთხვევაში მიეთითება გარანტიის სახეობის ან გარანტიის წარდგენისაგან გათავისუფლების კოდი ,,გარანტიის სახეობისა და გარანტიის წარდგენისაგან გათავისუფლების კლასიფიკატორის“ (დანართი №4) მიხედვით;

26. გრაფა 53 ,,დანიშნულების საბაჟო და ქვეყანა“ – გრაფაში გამგზავნი საბაჟო ორგანოს მოხელის მიერ მიეთითება:

ა) დანიშნულების საბაჟო ორგანოს კოდი კლასიფიკატორის ნაწილი №2-ის – ,,საბაჟო ორგანოებისა და საბაჟო დამუშავების ოპერაციების ადგილების კლასიფიკატორის“ მიხედვით (საბაჟო ორგანოს შესაბამისი კოდის სისტემაში ინტეგრირებული მზა მონაცემებიდან ამორჩევისას სისტემის მიერ ავტომატურად ეთითება საბაჟო ორგანოს დასახელება);

ბ) დანიშნულების ქვეყანა – ეთითება იმ ქვეყნის კოდი კლასიფიკატორის ნაწილი №3-ის – ,,ქვეყნების, ტერიტორიებისა და ვალუტების კლასიფიკატორის“ მიხედვით, სადაც სატრანსპორტო დოკუმენტაციაში დაფიქსირებული ინფორმაციით დასრულდება საქონლის საერთაშორისო გადაზიდვა. საქართველოს შემთხვევაში აღნიშნული გრაფა არ ივსება.

27. გრაფა 54 – ,,პასუხისმგებელი პირის ხელმოწერა“ – გრაფაში:

ა) სისტემის მიერ ავტომატურად ეთითება მოწმობის შევსების რეგისტრაციის დრო და ადგილი;

ბ) საქონლის რკინიგზით გადაადგილების დროს გამოწერილ მოწმობაზე დაესმება რკინიგზის დამღა (ბეჭედი) და უფლებამოსილი პირის ხელმოწერა;

გ) გადამზიდველის დასახელება.

28. გრაფა 55 – ,,გადატვირთვა“ – საქართველოს საბაჟო კოდექსის 46-ე მუხლით გათვალისწინებულ შემთხვევაში საქონლის მფლობელის/მესაკუთრის მოთხოვნის საფუძველზე საბაჟო ორგანოს უფლება-მოსილი პირი ვალდებულია საქონლის ერთი სატრანსპორტო საშუალებიდან სხვა სატრანსპორტო საშუალებაში, ან/და კონტეინერიდან კონტეინერში საბაჟო ზედამხედველობით გადატვირთვის ოპერაციის დასრულებისთანავე, გამოწერილ მოწმობაში ხელით, ხოლო მომდევნო სამუშაო დღის 12 საათამდე სისტემაში, შეიტანოს გადატვირთვის შესახებ ამ პუნქტის ,,ა“, ,,ბ“, ,,გ“, ,,დ“, ,,ე“და ,,ვ“ ქვეპუნქტებში მითითებული მონაცემები, კერძოდ:

ა) ,,ადგილი და ქვეყანა“ – მიეთითება ადმინისტრაციული ერთეულისა და დასახლებული პუნქტის (თუ გადატვირთვის აუცილებლობა წარმოიშვა დასახლებული პუნქტის ადმინისტრაციულ ტერიტორიაზე) დასახელება;

ბ) ,,ახალი სატრანს. საშ. იდენტ.“ ახალი სატრანსპორტო საშუალების შესახებ მოწმობის მე-18 გრაფაში მონაცემების შეტანისთვის დადგენილი წესით;

გ) ,,კტ“ახალ კონტეინერში საქონლის გადატვირთვისას კონტეინერის ველის გასააქტიურებელ კვადრატში დასვას ციფრი ,,1“და მეორე ნაწილში მიუთითოს კონტეინერის ნომერი. იმ შემთხვევაში, თუ არ ხდება ახალ კონტეინერში საქონლის ჩატვირთვა, აღნიშნულ კვადრატში ეთითება ,,0“.

დ) ,,ახალი კონტეინ. იდენტ“ ივსება, როცა განყოფილებაში ,,კტ“ მითითებულია კოდირებული მონაცემი ,,1“, ასეთ დროს ეთითება გამგზავნი საბაჟო ორგანოს მოხელის მიერ დადებული ლუქების რაოდენობა (ციფრებით).

ე) ,,ლუქის ახალი №№“:

ე.ა) ეთითება შემდეგი კოდირებული ციფრული მონაცემები:

ე.ა.ა) 0 – იმ შემთხვევაში, როცა არ არის საჭირო ლუქების დადება (მაგ. დიდგაბარიტიანი საქონელი);

ე.ა.ბ) 1 – მხოლოდ სარკინიგზო გადაზიდვის შემთხვევაში, როცა რკინიგზის მიერ არ არის მოწოდებული ინფორმაცია ლუქების დადების შესახებ;

ე.ა.გ) 2 – მხოლოდ სარკინიგზო გადაზიდვის შემთხვევაში, როცა რკინიგზის მიერ მოწოდებულია ინფორმაცია ლუქების დადების შესახებ;

ე.ა.დ) 5 – როცა სატრანსპორტო საშუალებაზე იდება ლუქები;

ე.ბ.) ,,იდენტ.“ – გრაფის განყოფილებაში ,,ლუქის ახალი №№“კოდირებული მონაცემის ,,5“ მითითებისას, მიეთითება აგრეთვე ლუქის ნომერი (რამდენიმე ლუქის შემთხვევაში – პირველი და ბოლო ლუქის ნომერი, რომლებიც ერთმანეთისგან გამოიყოფა მძიმით). ლუქის ნომრები მძიმით გამოიყოფა;

ვ) ,,ხელმოწერა“, ,,ბეჭედი“ – მონაცემების სინამდვილის დადასტურებისთვის მოაწეროს ხელი და დასვას პირადნომრიანი ბეჭედი.

29. მოწმობის ელექტრონული ფორმატის 56-ე გრაფაში – ,,გადაადგილებისას მომხდარი ინციდენტი“ – 55-ე გრაფის შევსების შემთხვევაში ან სხვა საჭიროებისას ელექტრონულად საბაჟო ორგანოს მოხელის მიერ ეთითება მოკლე ინფორმაცია (მ.შ. საბაჟო ორგანოში აღნიშნულის შესახებ შეტყობინების მიღების თარიღი და დრო) გადაადგილებისას მომხდარი ავარიის ან სხვა დაუძლეველი ძალის თაობაზე, აგრეთვე მოწმობის დახურვის არასწორად რეგისტრირების შემთხვევაში მოწმობის დახურვის რეგისტრაციის გაუქმებისას.“.

ვ) ინსტრუქციას დაემატოს 11¹ მუხლი შემდეგი რედაქციით:

,,მუხლი 11¹. გამგზავნ საბაჟოს ორგანოში კონტროლის შედეგებთან დაკავშირებით მოწმობის გრაფების შევსების წესი

1. გრაფა ,,მოწმობის ნომერი“- ავტომატურად ივსება სისტემის მიერ, გამგზავნ საბაჟო ორგანოში მოწმობის რეგისტრაციისას და ენიჭება ,,D“ ნომერი.

2. გრაფა A – ,,გამგზავნი საბაჟო ორგანო“ – ეთითება გამგზავნი საბაჟო ორგანოს კოდი კლასიფიკატორის ნაწილი №2-ის ,,საბაჟო ორგანოებისა და საბაჟო დამუშავების ოპერაციების ადგილების კლასიფიკატორის“ მიხედვით (საბაჟო ორგანოს შესაბამისი კოდის სისტემაში ინტეგრირებული მზა მონაცემებიდან ამორჩევისას სისტემის მიერ ავტომატურად ეთითება საბაჟო ორგანოს დასახელება).

3. გრაფა D – ,,გამგზავნი საბაჟო ორგანოს კონტროლი“ – გრაფა ივსება გაგზავნის საბაჟო ორგანოში, სადაც აისახება საბაჟო კონტროლის შედეგები, კერძოდ:

ა) გრაფის განყოფილებაში ,,შედეგი“ – მიეთითება:

ა.ა) A1 (ამასთან, ლათინური ასო A სავალდებულოა მიეთითოს დიდი შრიფტით), როცა სასაზღვრო საბაჟო ორგანოში განხორციელებული სატრანსპორტო საშუალების გარეგანი (ვიზუალური) დათვალიერების შედეგად საბაჟო კონტროლის შედეგი დამაკმაყოფილებელია;

ა.ბ) A3 (ამასთან, ლათინური ასო A სავალდებულოა მიეთითოს დიდი შრიფტით) – ,,ექვემდებარება დათვალიერებას“;

ა.გ) ექვსციფრა კოდი ,,სამართალდარღვევათა კლასიფიკატორის“ (დანართი №3) მიხედვით და შემდეგ მიეთითება სამართალდარღვევის ოქმის ნომერი (სერიის მითითების გარეშე), იმ შემთხვევაში, როცა გამგზავნ საბაჟო ორგანოში განხორციელებული საბაჟო კონტროლის შედეგად გამოვლენილია საბაჟო ორგანოს ქვემდებარე სამართალდარღვევის ფაქტი. ექვსციფრა კოდი და სამართალდარღვევის ოქმის ნომერი ერთმანეთისგან მძიმით გამოიყოფა.

ბ) გრაფის განყოფილებაში – ,,ლუქი“ ეთითება:

ბ.ა) შემდეგი კოდირებული მონაცემები:

ბ.ა.ა) 0 (ციფრი) – იმ შემთხვევაში, როცა არ არის საჭირო ლუქების დადება (მაგ., დიდგაბარიტიანი საქონელი);

ბ.ა.ბ) 1 – მხოლოდ სარკინიგზო გადაზიდვის შემთხვევაში, როცა სარკინიგზო ზედნადებში არ არის მითითებული ლუქების შესახებ ინფორმაცია;

ბ.ა.გ) 2 – მხოლოდ სარკინიგზო გადაზიდვის შემთხვევაში, როცა სარკინიგზო ზედნადებში მითითებულია ლუქების შესახებ ინფორმაცია;

ბ.ა.დ) 3 – გამგზავნ საბაჟო ორგანოში წარდგენილი სატრანსპორტო საშუალებაზე არ არის დადებული ლუქები და გამგზავნი საბაჟო ორგანოს მოხელის მიერ არ ხდება სატრანსპორტო საშუალების დალუქვა;

ბ.ა.ე) 4 – გამგზავნ საბაჟო ორგანოში წარდგენილ სატრანსპორტო საშუალებაზე არ არის დადებული ლუქები და გამგზავნი საბაჟო ორგანოს მოხელის მიერ ხდება სატრანსპორტო საშუალების დალუქვა;

ბ.ა.ვ) 5 – გამგზავნ საბაჟო ორგანოში წარდგენილ სატრანსპორტო საშუალებაზე დადებულია ლუქები და გამგზავნი საბაჟო ორგანოს მოხელის მიერ ხდება სატრანსპორტო საშუალების დამატებით დალუქვა;

ბ.ბ) როცა მითითებულია კოდირებული მონაცემი ,,4“ ან ,,5“, დამატებით ეთითება გამგზავნი საბაჟო ორგანოს მოხელის მიერ დადებული ლუქების რაოდენობა (ციფრებით). კოდი და რაოდენობა ერთმანეთისგან გამოიყოფა მძიმით.

გ) განყოფილება ,,იდენტ“ ივსება განყოფილებაში ,,ლუქი“ კოდირებული მონაცემის ,,4“ ან ,,5“ მითითების შემთხვევაში და ეთითება ლუქის ნომერი (რამდენიმე ლუქის შემთხვევაში – პირველი და ბოლო ნომერი, რომლებიც ერთმანეთისგან გამოიყოფა მძიმით);

დ) გრაფის განყოფილებაში – ,,ვადა“ ეთითება გამგზავნი საბაჟო ორგანოს მიერ დანიშნულების საბაჟო ორგანოში ან დანიშნულების ადგილზე გამოცხადების თარიღი. სისტემაში ინტეგრირებული კალენდრიდან გამგზავნი საბაჟო ორგანოს მოხელე ირჩევს თარიღს და დროს. იმ შემთხვევაში, როცა გამოცხადების ვადა აღემატება ერთ დღეს, გამოცხადების დროდ ჩაითვლება გამოცხადების დღის 24.00 საათი. იმ შემთხვევაში, როცა გამოცხადების ვადა არ აღემატება ერთ დღეს, გამგზავნი საბაჟო ორგანოს მოხელე ვალდებულია მიუთითოს დანიშნულების საბაჟო ორგანოში ან დანიშნულების ადგილზე გამოცხადების ზუსტი დრო.“.

ზ) ინსტრუქციის მე-13 მუხლი ჩამოყალიბდეს შემდეგი რედაქციით:

,,მუხლი 13

1. საქონლის დანიშნულების ადგილზე – არასაბაჟო ორგანოში წარდგენის დადასტურების მიზნით ხდება დამოწმება საბაჟო საწყობის (დროებითი შენახვის საწყობის), ან უბაჟო ვაჭრობის პუნქტის მიერ მოწმობის უკანა გვერდზე გაკეთებული აღნიშვნით (ბეჭედი, ხელმოწერა, თარიღი და დრო). დამოწმებული მოწმობის საბაჟო ორგანოსათვის გადაცემის ვალდებულება ეკისრება საბაჟო საწყობს (დროებითი შენახვის საწყობს) ან უბაჟო ვაჭრობის პუნქტს, იმავე ან მე-2 სამუშაო დღის 12 საათამდე. მოწმობის დამოწმებიდან არა უგვიანეს 1 საათისა საბაჟო საწყობის (დროებითი შენახვის საწყობის) ან უბაჟო ვაჭრობის პუნქტის მფლობელის მიერ უფლებამოსილი პირი ვალდებულია სისტემაში ელექტრონულად დაადასტუროს გამოცხადება. ამ მიზნით მოწმობის ელექტრონული ფორმატის დამატებით ფურცელში გრაფა ,,I“-ში გამოცხადების დადასტურების მიზნით ამ გრაფის განყოფილებაში ,,გამოცხადების თარიღი“ სისტემაში ინტეგრირებული კალენდრიდან ამოირჩევა თარიღი და სისტემის მიერ ავტომატურად ეთითება დრო. მოწმობის გადაცემიდან 2 საათის განმავლობაში საბაჟო ორგანოს მოხელე ვალდებულია მოახდინოს მოწმობის რეგისტრაცია ამ მუხლის მე-3 პუნქტით დადგენილი წესით.

2. სარკინიგზო გადაზიდვების შემთხვევაში – რკინიგზის მიერ სარკინიგზო ზედნადებზე და მოწმობის უკანა გვერდზე გაკეთებული აღნიშვნით (დამღა, ხელმოწერა, თარიღი და დრო). დამოწმებული მოწმობისა და სარკინიგზო ზედნადების საბაჟო ორგანოსათვის გადაცემის ვალდებულება ეკისრება სარკინიგზო ზედნადებში მითითებულ ტვირთმიმღებს, ხოლო ექსპორტის და საბაჟო ტერიტორიის გარეთ საქონლის გადამუშავების საბაჟო რეჟიმების გამოყენებისას, საბაჟო საწყობში საქონლის შენახვის, საბაჟო ტერიტორიაზე საქონლის გადამუშავების ან საქონლის დროებითი შემოტანის საბაჟო რეჟიმებში მყოფი საქონლის საბაჟო ტერიტორიიდან რეექსპორტით გატანისას, აგრეთვე დროებითი დასაწყობების ადგილიდან საქონლის რეექსპორტისას, თავისუფალ მიმოქცევაში გაშვებული დეფექტური საქონლის ან საქართველოს საქონლის სტატუსის ჩამორთმევისას უკან დაბრუნების შემთხვევაში რეექსპორტისას – ტვირთგამგზავნს. სისტემაში საქონლის გამოცხადების დადასტურება და მოწმობის დახურვა ხორციელდება ამ მუხლის მე-3 პუნქტით დადგენილი წესით მოწმობის წარდგენისთანავე.

3. სხვა დანარჩენ შემთხვევაში საქონლის ან/და სატრანსპორტო საშუალებების დანიშნულების ადგილზე წარდგენის დადასტურება ხდება დანიშნულების საბაჟო ორგანოს დამღით. დამღაში მითითებულ ადგილზე პასუხისმგებელი მოხელე აწერს ხელს და მიუთითებს გამოცხადების თარიღს და დროს. ხელმოწერა შესრულებული უნდა იყოს გარკვევით. სრულყოფილად უნდა იკითხებოდეს დამღის ნომერი, წარწერა, თარიღი და დრო. მოწმობის დამოწმებიდან არა უგვიანეს 1 საათისა საბაჟო ორგანოს მოხელე ვალდებულია სისტემაში ელექტრონულად დაადასტუროს გამოცხადების ფაქტი. ამ მიზნით:

ა) მოწმობის ელექტრონული ფორმატის დამატებით ფურცელში გრაფა ,,I“-ში სისტემაში ინტეგრირებული კალენდრიდან ამოირჩევა თარიღი და სისტემის მიერ ავტომატურად ეთითება დრო (რკინიგზის შემთხვევაში ეთითება).

ბ) განყოფილებაში - ,,ლუქების შემოწმება“ ეთითება:

ბ.ა) A1 (ამასთან, ლათინური ასო A სავალდებულოა მიეთითოს დიდი შრიფტით), როცა სატრანსპორტო საშუალების გარეგანი (ვიზუალური) დათვალიერების მეშვეობით განხორციელებული საბაჟო კონტროლის შდეგად დასტურდება სატრანსპორტო საშუალებაზე დადებული ლუქების მთლიანობა;

ბ.ბ) A2 (ამასთან, ლათინური ასო A სავალდებულოა მიეთითოს დიდი შრიფტით), როცა არ ხდება სატრანსპორტო საშუალების გარეგანი (ვიზუალური) დათვალიერება;

ბ.გ) საბაჟო ორგანოს მოხელე ახდენს ამ პუნქტში მითითებული ჩანაწერის ელექტრონულად რეგისტრაციას.

გ) რეგისტრაცია ხორციელდება:

 გ.ა) სრული დახურვის მეშვეობით, როცა ხდება მოწმობით გადაადგილებული საქონლისა და სატრანსპორტო საშუალების სასაზღვრო საბაჟო ორგანოს გავლით საზღვრის გადაკვეთა და მოწმობას ენიჭება დახურვის ნომერი ,,ღ“;

გ.ბ) სრული დახურვის მეშვეობით, როცა ხდება მოწმობით გადაადგილებული საქონლის უბაჟო ვაჭრობის პუნქტში წარდგენა და მოწმობას ენიჭება დახურვის ნომერი ,,ღ.“;

გ.გ) არასრული დახურვის მეშვეობით, როცა ხდება საქონლისა და სატრანსპორტო საშუალების საბაჟო დამუშავების ოპერაციის განმახორციელებელ საბაჟო ორგანოში ან სხვა დანიშნულების ადგილზე წარდგენა და მოწმობას ენიჭება დახურვის ნომერი ,,ღ.“. მოწმობაში მითითებულ საქონლის მთლიან რაოდენობაზე საბაჟო დამუშავების ოპერაციის განმსაზღვრელი სატვირთო საბაჟო დეკლარაციის ან მოწმობის საბაჟო ორგანოში რეგისტრაციისას, საბაჟო ორგანოს მოხელე ვალდებულია ელექტრონულად დახუროს მოწმობა.

დ) სამართალდარღვევის გამოვლენის შემთხვევაში მიეთითება ექვსციფრა კოდი ,,სამართალდარღვევათა კლასიფიკატორის“ (დანართი №3) მიხედვით და შემდეგ მიეთითება სამართალდარღვევის ოქმის ნომერი (სერიის მითითების გარეშე), იმ შემთხვევაში, როცა გამგზავნ საბაჟო ორგანოში განხორციელებული საბაჟო კონტროლის შედეგად გამოვლენილია საბაჟო ორგანოს ქვემდებარე სამართალდარღვევის ფაქტი. ექვსციფრა კოდი და სამართალდარღვევის ოქმის ნომერი ერთმანეთისგან მძიმით გამოიყოფა. საბაჟო ორგანოს მოხელე ახდენს მოწმობაში მითითებული ჩანაწერის ელექტრონულად რეგისტრაციას პირობითი დახურვის მეშვეობით. სამართალდამრღვევი პირის მიერ საბაჟო ვალდებულების შესრულებისას საბაჟო ორგანოს მოხელე ვალდებულია ელექტრონულად დახუროს მოწმობა.

მუხლი 2. დამტკიცდეს თანდართული რედაქციით:

ა) ,,საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობა“ (დანართი №1);

ბ),,სამართალდარღვევათა კლასიფიკატორი“ (დანართი №3);

გ) ,,გარანტიის სახეობისა და გარანტიის წარდგენისაგან გათავისუფლების კლასიფიკატორი“ (დანართი №4).

მუხლი 3.

1. ბრძანება ამოქმედდეს გამოქვეყნებისთანავე.

2. ამ ბრძანების პირველი მუხლის ,,ზ“ ქვეპუნქტით გათვალისწინებული მე-13 მუხლის პირველი პუნქტი ამოქმედდეს გამოქვეყნებიდან 30-ე დღეს.

ნ. გილაური

დანართი №1

საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობა

 

დანართი №3

სამართალდარღვევათა კლასიფიკატორი

ნაწილი №1

სამართალდარღვევათა ერთობლიობა

 

 

ნაწილი №2

ერთ სამართალდარღვევაზე შედგენილია ოქმი, დაფარულია საბაჟო დავალიანება

საქართველოს საბაჟო კოდექსით გათვალისწინებული საბაჟო სამართალდარღვევები (A)

 

საბაჟო კუთხით საქართველოს ადმინისტრაციულ სამართალდარღვევათა კოდექსით გათვალისწინებული სამართალდარღვევები (B)

 

 

საქართველოს საგადასახადო კოდექსით გათვალისწინებული საგადასახადო სამართალდარღვევები, რომლებიც გამოიყენება საბაჟო გადასახდელების დარიცხვის დროს (C)

 

 

საქართველოს ადმინისტრაციულ სამართალდარღვევათა კოდექსით გათვალისწინებული ადმინისტრაციული სამართალდარღვევები, რომლებზეც ოქმს ადგენს საბაჟო ორგანოს მოხელე (D)

 

 

ნაწილი №3

ერთ სამართალდარღვევაზე შედგენილია ოქმი, არ არის დაფარული საბაჟო დავალიანება -

საქართველოს საბაჟო კოდექსით გათვალისწინებული საბაჟო სამართალდარღვევები (A)

 

საბაჟო კუთხით საქართველოს ადმინისტრაციულ სამართალდარღვევათა კოდექსით გათვალისწინებული სამართალდარღვევები (B)

 

 

საქართველოს საგადასახადო კოდექსით გათვალისწინებული საგადასახადო სამართალდარღვევები, რომლებიც გამოიყენება საბაჟო გადასახდელების დარიცხვის დროს (C)

 

 

საქართველოს ადმინისტრაციულ სამართალდარღვევათა კოდექსით გათვალისწინებული ადმინისტრაციული სამართალდარღვევები, რომლებზეც ოქმს ადგენს საბაჟო ორგანოს მოხელე (D)

 

შენიშვნა:

სერია AE – საქართველოს საბაჟო კოდექსით გათვალისწინებული საბაჟო სამართალდარღვევის მუხლები რომლებიც შედგება

 ერთი ნაწილისაგან

სერია AF – საქართველოს საბაჟო კოდექსით გათვალისწინებული საბაჟო სამართალდარღვევის მუხლები რომლებიც შედგება ორი ნაწილისაგან

სერია AG – საქართველოს საბაჟო კოდექსით გათვალისწინებული საბაჟო სამართალდარღვევის მუხლები რომლებიც შედგება სამი ნაწილისაგან

სერია BE – საბაჟო კუთხით საქართველოს ადმინისტრაციულ სამართალდარღვევათა კოდექსის მუხლები რომლებიც შედგება ერთი ნაწილისაგან

 სერია BF – საბაჟო კუთხით საქართველოს ადმინისტრაციულ სამართალდარღვევათა კოდექსის მუხლები რომლებიც შედგება ორი ნაწილისაგან

 სერია CE – საქართველოს საგადასახადო კოდექსის მუხლები რომლებიც შედგება ერთი ნაწილისაგან

სერია CF – საქართველოს საგადასახადო კოდექსის მუხლები რომლებიც შედგება ორი ნაწილისაგან

სერია CG – საქართველოს საგადასახადო კოდექსის მუხლები რომლებიც შედგება სამი ნაწილისაგან

სერია DE – საქართველოს ადმინისტრაციულ სამართალდარღვევათა კოდექსის მუხლები, რომლებზეც მხოლოდ ოქმს ადგენს საბაჟო ორგანოს მოხელე და შედგება ერთი ნაწილისაგან

სერია DF – საქართველოს ადმინისტრაციულ სამართალდარღვევათა კოდექსის მუხლები, რომლებზეც მხოლოდ ოქმს ადგენს საბაჟო ორგანოს მოხელე და შედგება ორი ნაწილისაგან

სერია DG – საქართველოს ადმინისტრაციულ სამართალდარღვევათა კოდექსის მუხლები, რომლებზეც მხოლოდ ოქმს ადგენს საბაჟო ორგანოს მოხელე და შედგება სამი ნაწილისაგან

სერია DH – საქართველოს ადმინისტრაციულ სამართალდარღვევათა კოდექსის მუხლები, რომლებზეც მხოლოდ ოქმს ადგენს საბაჟო ორგანოს მოხელე და შედგება ექვსი ნაწილისაგან

*კოდის პირველი სიმბოლო აღნიშნავს სამართალდარღვევის სახეობას:

A – საქართველოს საბაჟო კოდექსით გათვალისწინებული საბაჟო სამართალდარღვევა;

B – საბაჟო კუთხით საქართველოს ადმინისტრაციულ სამართალდარღვევათა კოდექსით გათვალისწინებული ადმინისტრაციული სამართალდარღვევა;

C – საქართველოს საგადასახადო კოდექსით გათვალისწინებული საგადასახადო სამართალდარღვევები, რომლებიც გამოიყებება საბაჟო გადასახდელების დარიცხვის დროს;

D – საქართველოს ადმინისტრაციულ სამართალდარღვევათა კოდექსით გათვალისწინებული ადმინისტრაციული სამართალდარღვევები, რომლებზეც ოქმს ადგენს საბაჟო ორგანოს მოხელეები, ხოლო დადგენილება გამოაქვთ შესაბამის ორგანოებს.

*კოდის მეორე სიმბოლო აღნიშნავს, თუ რამდენი ნაწილისაგან შედგება სამართალდარღვევის მუხლი:

E – მუხლი შედგება ერთი ნაწილისაგან;

F – მუხლი შედგება ორი ნაწილისაგან

G – მუხლი შედგება სამი ნაწილისაგან

H – მუხლი შედგება ექვსი ნაწილისაგან

*კოდის მესამე–მეხუთე სიმბოლოების ერთობლიობა აღნიშნავს სამართალდარღვევის მუხლის ნომერს

*კოდის მეექვსე სიმბოლო მიუთითებს სამართალდარღვევის მუხლის ნაწილს

დანართი №4

გარანტიის სახეობისა და გარანტიის წარდგენისაგან გათავისუფლების კლასიფიკატორი