1990 წელს არჩეული უზენაესი საბჭოს ყოფილი წევრებისათვის კომპენსაციის გაცემის გრაფიკის დამტკიცების თაობაზე

სახელმწიფო სარეგისტრაციო კოდი 470.230.000.22.035.011.019

საქართველოს შრომის, ჯანმრთელობისა და სოციალური დაცვის მინისტრის
ბრძანება №301/ნ

2007 წლის 19 ოქტომბერი
 ქ. თბილისი

1990 წელს არჩეული უზენაესი საბჭოს ყოფილი წევრებისათვის კომპენსაციის გაცემის გრაფიკის დამტკიცების თაობაზე

,,სახელმწიფო კომპენსაციისა და სახელმწიფო აკადემიური სტიპენდიის შესახებ“ საქართველოს კანონის 371  მუხლის მე-3 პუნქტის შესაბამისად, ვბრძანებ:

1. დამტკიცდეს 1990 წელს არჩეული უზენაესი საბჭოს ყოფილი წევრებისათვის კომპენსაციის გაცემის თანდართული გრაფიკი (დანართი №1).

2. წარმოქმნილი ვალდებულების დაფარვა განხორციელდეს 2008-2009 წლებში საქართველოს შრომის, ჯანმრთელობისა და სოციალური დაცვის სამინისტროსათვის შესაბამისი წლის სახელმწიფო ბიუჯეტში გათვალისწინებული ასიგნებებიდან. ამასთან,

ა) 2002-2003 წლების საკომპენსაციო თანხები გაიცეს 2008 წლის სახელმწიფო ბიუჯეტის ასიგნებიდან;

ბ) 2004-2005 წლების საკომპენსაციო თანხები გაიცეს 2009 წლის სახელმწიფო ბიუჯეტის ასიგნებიდან.

3. ბრძანება ძალაშია გამოქვეყნებისთანავე.

დ. ტყეშელაშვილი

 

დანართი №1

1990 წელს არჩეული ყოფილი უზენაესი საბჭოს წევრებისათვის კომპენსაციის გაცემის გრაფიკი