„ელექტროენერგიის გამანაწილებელი კომპანიების მომხმარებლების მიერ ინდივიდუალური მრიცხველის გარეშე მოხმარებული ელექტროენერგიის რაოდენობის განსაზღვრის დროებითი წესის დამტკიცების შესახებ“ საქართველოს ენერგეტიკის მარეგულირებელი ეროვნული კომისიის (სემეკ) 2007 წლის 30 მაისის №9 დადგენილებაში დამატების შეტანის შესახებ

სახელმწიფო სარეგისტრაციო კოდი 300.280.020.16.009.011.615

საქართველოს ენერგეტიკისა და წყალმომარაგების მარეგულირებელი ეროვნული კომისიის

დადგენილება №6

2008 წლის 13 მარტი

ქ. თბილისი

,,ელექტროენერგიის გამანაწილებელი კომპანიების მომხმარებლების მიერ ინდივიდუალური მრიცხველის გარეშე მოხმარებული ელექტროენერგიის რაოდენობის განსაზღვრის დროებითი წესის დამტკიცების შესახებ“ საქართველოს ენერგეტიკის მარეგულირებელი ეროვნული კომისიის (სემეკ) 2007 წლის 30 მაისის №9 დადგენილებაში დამატების შეტანის შესახებ

„ელექტროენერგეტიკისა და ბუნებრივი გაზის შესახებ“ საქართველოს კანონის მე-5 მუხლის პირველი პუნქტის 36-ე მუხლის მე-3 პუნქტის ,,თ“ ქვეპუნქტის მოთხოვნათა შესაბამისად, ვადგენთ:

1. ,,ელექტროენერგიის გამანაწილებელი კომპანიების მომხმარებლების მიერ ინდივიდუალური მრიცხველის გარეშე მოხმარებული ელექტროენერგიის რაოდენობის განსაზღვრის დროებითი წესის დამტკიცების შესახებ“ საქართველოს ენერგეტიკის მარეგულირებელი ეროვნული კომისიის (სემეკ) 2007 წლის 30 მაისის №9 დადგენილებას (სსმ III, 01.06.2007წ., №77, მუხლი 835) დაემატოს შემდეგი შინაარსის 1¹ პუნქტი:

,,1¹. კომპანიასა და მომხმარებლებს შორის არსებულ ურთიერთობებზე, რომელზეც არ ვრცელდება ეს დადგენილება, დროებით, საქართველოს ენერგეტიკისა და წყალმომარაგების მარეგულირებელი ეროვნული კომისიის მიერ ,,ელექტროენერგიის (სიმძლავრის) მიწოდების და მოხმარების წესების“ დამტკიცებამდე, გავრცელდეს ,,სს ,,ეი-ი-ეს თელასის“ სააბონენტო სექტორის მომხმარებლებისათვის (მოსახლეობისათვის) 1999 წლის 4 იანვრის შემდეგ წარმოქმნილი ვალის რესტრუქტურიზაციის წესის“, ,,სააბონენტო, საბიუჯეტო და კომერციულ სექტორში აღურიცხავი ელექტროენერგიის დარიცხვის მეთოდიკისა“ და ,,ფიქსირებული გადასახადის მიხედვით ელექტროენერგიის საფასურის გადახდის წესის“ დამტკიცების შესახებ“ საქართველოს ენერგეტიკის მარეგულირებელი ეროვნული კომისიის (სემეკ) 2001 წლის 31 დეკემბრის №15 დადგენილების მე-2 მუხლით დამტკიცებული „სააბონენტო, საბიუჯეტო და კომერციულ სექტორში აღურიცხავი ელექტროენერგიის დარიცხვის მეთოდიკა“, გარდა მე-9 მუხლისა.“.     

2. დადგენილება ამოქმედდეს გამოქვეყნებიდან მე-15 დღეს.

გ. ჩალაგაშვილი