,,საქართველოს იუსტიციის სამინისტროს სამოქალაქო საკითხთა დეპარტამენტის დებულების დამტკიცების შესახებ“ საქართველოს იუსტიციის მინისტრის 2008 წლის 17 მარტის №59 ბრძანებაში ცვლილებების შეტანის თაობაზე“

სახელმწიფოსარეგისტრაციო კოდი 010.240.020.22.027.011.982

საქართველოს იუსტიციის მინისტრის

ბრძანება №180

2008 წლის 2 ივლისი

ქ. თბილისი

„საქართველოს იუსტიციის სამინისტროს სამოქალაქო საკითხთა დეპარტამენტის დებულების დამტკიცების შესახებ“ საქართველოს იუსტიციის მინისტრის 2008 წლის 17 მარტის №59 ბრძანებაში ცვლილებების შეტანის თაობაზე

„ნორმატიული აქტების შესახებ“ საქართველოს კანონის 36-ე მუხლისა და ,,საქართველოს იუსტიციის სამინისტროს დებულების დამტკიცების შესახებ“ საქართველოს მთავრობის 2004 წლის 30 აგვისტოს №70 დადგენილებით დამტკიცებული დებულების მე-6 მუხლის მე-3 პუნქტის ,,კ“ ქვეპუნქტის შესაბამისად, ვბრძანებ:

მუხლი 1. „საქართველოს იუსტიციის სამინისტროს სამოქალაქო საკითხთა დეპარტამენტის დებულების დამტკიცების შესახებ“ საქართველოს იუსტიციის მინისტრის 2008 წლის 17 მარტის №59 ბრძანებით (სსმ III, 2008 წ., №40, მუხ. 453) დამტკიცებული საქართველოს იუსტიციის სამინისტროს სამოქალაქო საკითხთა დეპარტამენტის დებულებაში შეტანილ იქნეს შემდეგი ცვლილებები:

1. მე-7 მუხლის „კ“ ქვეპუნქტი ჩამოყალიბდეს შემდეგი რედაქციით:

„კ) მოქალაქეთა პოლიტიკური გაერთიანებების (პარტიების), შემოქმედებითი კავშირების, მაკონტროლებელ ორგანოთა რეესტრების წარმოების უზრუნველყოფა;“.

2. მე-8 მუხლის ,,თ“ ქვეპუნქტი ჩამოყალიბდეს შემდეგი რედაქციით:

,,თ) უზრუნველყოს მოქალაქეთა პოლიტიკური გაერთიანებების (პარტიების), შემოქმედებითი კავშირების, მაკონტროლებელ ორგანოთა რეესტრების წარმოება;“.

3. მე-9 მუხლი ჩამოყალიბდეს შემდეგი რედაქციით:

     „მუხლი 9

დეპარტამენტში სტრუქტურული ერთეულების სახით შედის:

ა) მოქალაქეობის, მიგრაციისა და რეგისტრაციის სამმართველო;

ბ) ნოტარიატის სამმართველო.“.

4. მე-10 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. მოქალაქეობის, მიგრაციისა და რეგისტრაციის სამმართველო:

ა) განიხილავს საქართველოს მოქალაქეობის დადგენის თაობაზე საქმის მასალებს და იღებს შესაბამის გადაწყვეტილებას;

ბ) განიხილავს საქართველოს მოქალაქეობის მოპოვების, აღდგენისა და შეწყვეტის თაობაზე საქმის მასალებს;

გ) უზრუნველყოფს საქართველოს მოქალაქეობის საკითხებზე საქართველოს პრეზიდენტის გადაწყვეტილებების აღსრულებას;

დ) უზრუნველყოფს მოქალაქეობის საინფორმაციო ბანკის ფორმირებას;

ე) განიხილავს ბინადრობის ნებართვის მინიჭების შესახებ საქმის მასალებს შესაბამისი გადაწყვეტილების მიღების მიზნით;

ვ) განიხილავს უცხოელთა საქართველოდან გაძევების თაობაზე საქმის მასალებს შესაბამისი გადაწყვეტილების მიღების მიზნით;

ზ) განხილავს პირის ემიგრაციაში წასვლის თაობაზე საქმის მასალებს შესაბამისი გადაწყვეტილების მიღების მიზნით;

თ) უზრუნველყოფს მიგრაციის საინფორმაციო ბანკის ფორმირებას;

ი) ახორციელებს მოქალაქეთა პოლიტიკური გაერთიანებების (პარტიების), შემოქმედებითი კავშირების სარეგისტრაციო დოკუმენტაციის განხილვას, სამართლებრივ ექსპერტიზას, სარეგისტრაციო პროცედურების მომზადებასა და რეგისტრაციის დამადასტურებელი დოკუმენტების მომზადებას;

კ) კანონმდებლობით სამინისტროსათვის მიკუთვნებული კომპეტენციის ფარგლებში უზრუნველყოფს იარაღის ბრუნვასთან დაკავშირებული ლიცენზიებისა და ნებართვების გაცემის საკითხის მომზადებას, აგრეთვე გაცემული ლიცენზიებისა და ნებართვების აღრიცხვას;

ლ) ახორციელებს მაკონტროლებელ ორგანოთა რეგისტრაციის თაობაზე განცხადებების განხილვას, მათი რეგისტრაციის თაობაზე გადაწყვეტილების მომზადებას, რეგისტრაციის შესახებ ცნობის გაცემას, უზრუნველყოფს მაკონტროლებელ ორგანოთა სახელმწიფო რეესტრის წარმოებას;

მ) უზრუნველყოფს მოქალაქეთა პოლიტიკური გაერთიანებების (პარტიების), შემოქმედებითი კავშირების რეესტრის წარმოებას;

ნ) კანონმდებლობით დადგენილი წესით ახორციელებს სამინისტროს მიერ რეგისტრირებული იურიდიული პირების საქმიანობის თავიანთ წესდებებთან შესაბამისობის კონტროლს;

ო) უზრუნველყოფს სამინისტროს მიერ რეგისტრირებულ იურიდიულ პირთა მიერ მოქმედი კანონმდებლობის გამოყენების პრაქტიკის შესწავლას და ანალიზს;

პ) ამზადებს წინადადებებს თავისი კომპეტენციის სფეროში მოქმედი ნორმატიული აქტების სრულყოფის შესახებ;

ჟ) განიხილავს თავისი კომპეტენციის სფეროში შემავალ კანონმდებლობით გათვალისწინებულ სხვა საკითხებს.“.

ბ) მე-3 პუნქტი ამოღებულ იქნეს.

 მუხლი 2. ეს ბრძანება ამოქმედდეს გამოქვეყნებისთანავე.

ნ. გვარამია