,,საქართველოს გარემოს დაცვისა და ბუნებრივი რესურსების სამინისტროს გეოდეზიისა და კარტოგრაფიის სამსახურის დებულების დამტკიცების შესახებ“

,,საქართველოს გარემოს დაცვისა და ბუნებრივი რესურსების სამინისტროს გეოდეზიისა და კარტოგრაფიის სამსახურის დებულების დამტკიცების შესახებ“ p.MsoNormal, li.MsoNormal, div.MsoNormal {margin-top:0in; margin-right:0in; margin-bottom:10.0pt; margin-left:0in; line-height:115%; font-size:11.0pt; } p.MsoHeader, li.MsoHeader, div.MsoHeader {margin:0in; margin-bottom:.0001pt; font-size:10.0pt; } p.MsoFooter, li.MsoFooter, div.MsoFooter {margin-top:0in; margin-right:0in; margin-bottom:10.0pt; margin-left:0in; line-height:115%; font-size:11.0pt; } p.MsoPlainText, li.MsoPlainText, div.MsoPlainText {margin-top:0in; margin-right:0in; margin-bottom:10.0pt; margin-left:0in; line-height:115%; font-size:10.0pt; } p.MsoAcetate, li.MsoAcetate, div.MsoAcetate {margin-top:0in; margin-right:0in; margin-bottom:10.0pt; margin-left:0in; line-height:115%; font-size:8.0pt; } p.parlamdrst, li.parlamdrst, div.parlamdrst { margin:0in; margin-bottom:.0001pt; text-align:justify; text-indent:14.2pt; text-autospace:none; font-size:11.0pt; } p.abzacixml, li.abzacixml, div.abzacixml { margin:0in; margin-bottom:.0001pt; text-align:justify; text-indent:14.15pt; font-size:11.0pt; } p.khelmoceraxml, li.khelmoceraxml, div.khelmoceraxml { margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:right; font-size:12.0pt; font-weight:bold;} p.sataurixml, li.sataurixml, div.sataurixml { margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.15pt; font-size:12.0pt; font-weight:bold;} p.tarigixml, li.tarigixml, div.tarigixml { margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-weight:bold;} p.mimgebixml, li.mimgebixml, div.mimgebixml { margin:0in; margin-bottom:.0001pt; text-align:center; text-indent:14.2pt; font-size:14.0pt; font-weight:bold;} p.saxexml, li.saxexml, div.saxexml { margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:14.15pt; font-size:11.0pt; font-weight:bold;} p.adgilixml, li.adgilixml, div.adgilixml { margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-weight:bold;} p.kodixml, li.kodixml, div.kodixml { margin-top:0in; margin-right:0in; margin-bottom:12.0pt; margin-left:255.1pt; text-align:right; page-break-after:avoid; font-size:10.0pt; } p.tavixml, li.tavixml, div.tavixml { margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; font-size:11.0pt; font-weight:bold;} p.tavisataurixml, li.tavisataurixml, div.tavisataurixml { margin-top:0in; margin-right:0in; margin-bottom:12.0pt; margin-left:0in; text-align:center; font-size:11.0pt; font-weight:bold;} p.muxlixml, li.muxlixml, div.muxlixml { margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:11.0pt; font-weight:bold;} @page Section1 {size:8.5in 11.0in; margin:35.95pt .75in 35.95pt 45.0pt;} div.Section1 {page:Section1;} სახელწმიფო სარეგისტრაციო კოდი 300.250.000.22.023.012.004 საქართველოს გარემოს დაცვისა და ბუნებრივი რესურსების  მინისტრის ბრძანება №521 2008 წლის 7 ივლისი ქ. თბილისი საქართველოს გარემოს დაცვისა და ბუნებრივი რესურსების სამინისტროს გეოდეზიისა და კარტოგრაფიის სამსახურის დებულების დამტკიცების შესახებ „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-18 მუხლის მე-2 პუნქტისა და „საქართველოს გარემოს დაცვისა და ბუნებრივი რესურსების სამინისტროს დებულების დამტკიცების შესახებ“ საქართველოს მთავრობის 2004 წლის 12 ივნისის №50 დადგენილებით დამტკიცებული დებულების მე-5 მუხლის მე-2 პუნქტის „ბ“ ქვეპუნქტისა და მე-8 მუხლის პირველი პუნქტის „ზ“ ქვეპუნქტის საფუძველზე, ვბრძანებ: 1. დამტკიცდეს თანდართული საქართველოს გარემოს დაცვისა და ბუნებრივი რესურსების სამინისტროს გეოდეზიისა და კარტოგრაფიის სამსახურის დებულება. 2. ძალადაკარგულად გამოცხადდეს „საქართველოს გარემოს დაცვისა და ბუნებრივი რესურსების სამინისტროს გეოლოგია-კარტოგრაფიისა და გეოდეზიის სამსახურის დებულების დამტკიცების შესახებ“ საქართველოს გარემოს დაცვისა და ბუნებრივი რესურსების მინისტრის 2008 წლის 4 თებერვლის №129 ბრძანება. 3. ბრძანება ამოქმედდეს გამოქვეყნებისთანავე. ი. ღვალაძე გეოდეზიისა და კარტოგრაფიის სამსახურის დებულება თავი I  ზოგადი დებულებანი     მუხლი 1🔗 საქართველოს გარემოს დაცვისა და ბუნებრივი რესურსების სამინისტროს (შემდგომში – სამინისტრო) გეოდეზიისა და კარტოგრაფიის სამსახური (შემდგომში – სამსახური) წარმოადგენს სამინისტროს სტრუქტურულ ქვედანაყოფს.     მუხლი 2🔗 სამსახური თავის საქმიანობაში ხელმძღვანელობს საქართველოს კონსტიტუციით, საქართველოს საერთაშორისო ხელშეკრულებებით, საქართველოს კანონებით, სამინისტროს დებულებით, საქართველოს გარემოს დაცვისა და ბუნებრივი რესურსების მინისტრის (შემდგომში – მინისტრი) ბრძანებებით, წინამდებარე დებულებით და სხვა საკანონმდებლო და კანონქვემდებარე ნორმატიული აქტებით.     მუხლი 3🔗 სამსახური ანგარიშვალდებულია მინისტრისა და კურატორი მინისტრის მოადგილის წინაშე. თავი II სამსახურის ფუნქციები, ამოცანები და უფლებამოსილებანი     მუხლი 4🔗 1. თავისი კომპეტენციის ფარგლებში, სამსახურის საქმიანობის სფეროს განეკუთვნება: ა) ტოპოგრაფიის, გეოდეზიის, გრავიმეტრიის, კარტოგრაფიის, აეროკოსმოსური გადაღებითი და გეოინფორმაციული სისტემების საქმიანობის სფეროში (შემდგომში – ტოპოგრაფიულ-გეოდეზიური და კარტოგრაფიული სამუშაოები) სახელმწიფო რეგულირებისა და სახელმწიფო მართვის პოლიტიკის პრაქტიკული განხორციელება; ბ) საქართველოს ტერიტორიის ტოპოგრაფიულ-გეოდეზიური და კარტოგრაფიული მასალებითა და მონაცემებით უზრუნველყოფის მდგომარეობის შესწავლა; გ) საქართველოს მთელ ტერიტორიაზე სიმაღლეთა და კოორდინატთა ერთიანი სისტემის შექმნა, განახლება და მონიტორინგი; დ) ეროვნული სიმაღლური ზღვის დონის შექმნის ორგანიზება და მონიტორინგი; ე) დარგის განვითარებისათვის საჭირო საკანონმდებლო და ნორმატიულ-ტექნიკური აქტების პროექტების შემუშავება; ვ) სახელმწიფო და ადმინისტრაციული საზღვრების, კონტინენტური შელფის, უცხო ქვეყნების, აგრეთვე დასახლებული პუნქტებისა და სხვა გეოგრაფიული ობიექტების საზღვრების, სახელწოდებების და ინფორმაციის სწორი ასახვის უზრუნველყოფა კარტოგრაფიულ პროდუქციაზე; ზ) სახელმწიფო სახსრებით განხორციელებული ტოპოგრაფიულ-გეოდეზიური და კარტოგრაფიული სამუშაოების შედეგად შექმნილი მონაცემებისა და მასალების ცენტრალიზებული აღრიცხვის ორგანიზება და გეოდეზიურ-კარტოგრაფიულ სახელმწიფო ფონდში (ამობეჭდილი და ციფრული ფორმით) შენახვა. 2. თავისი კომპეტენციის ფარგლებში სამსახურის ამოცანებია: ა) სახელმწიფო დაწესებულებებისა და შესაბამისი უწყებების მაღალი სიზუსტის გეოდეზიური მონაცემებით, სახელმწიფო დანიშნულების შინაარსობრივად განახლებული სხვადასხვა მასშტაბების ტოპოგრაფიული, ზოგადგეოგრაფიული და სხვადასხვა დანიშნულების თემატიკური ციფრული რუკებით და აეროკოსმოსური სურათებით უზრუნველყოფის ორგანიზება; ბ) ტოპოგრაფიულ-გეოდეზიურ და კარტოგრაფიულ სამუშაოებზე მიმდინარე და პერსპექტიული განვითარების გეგმებისა და სახელმწიფო მიზნობრივი პროგრამების შემუშავება და მათი განხორციელების ხელშეწყობა; გ) საქართველოს სახელმწიფო საზღვრების დელიმიტაციის, დემარკაციისა და საზღვრის ხაზის მდებარეობის შემოწმების სამუშაოთა ტოპოგრაფიულ-გეოდეზიური და კარტოგრაფიული მასალებით უზრუნველყოფისა და საზღვრების გეოდეზიურ და კარტოგრაფიულ მონაცემთა ბაზის შექმნის ორგანიზება; დ) ტოპოგრაფიულ-გეოდეზიური, კარტოგრაფიული და ციფრული სივრცითი ინფორმაციული მონაცემების ეროვნული სტანდარტების შემუშავება; ე) ტოპოგრაფიულ-გეოდეზიური და კარტოგრაფიული სამუშაოების პრიორიტეტულ მიმართულებათა განსაზღვრა; ვ) გეოდეზიისა და კარტოგრაფიის დარგის ციფრულ მონაცემთა ბაზის შექმნა და ფუნქციონირება; ზ) გეოდეზიისა და კარტოგრაფიის სახელმწიფო ფონდის მართვა.     მუხლი 5🔗 დაკისრებული ფუნქციებისა და ამოცანების შესრულებისას სამსახური, თავისი კომპეტენციის ფარგლებში, უფლებამოსილია: ა) ტოპოგრაფიის, გეოდეზიისა და კარტოგრაფიის დარგის საქმიანობის სფეროში მოამზადოს წინადადებები და რეკომენდაციები; ბ) დადგენილი წესის შესაბამისად, შეიმუშაოს და მინისტრს დასამტკიცებლად წარუდგინოს დარგის საქმიანობის პრაქტიკულად განხორციელებისათვის საჭირო ნორმატიულ-ტექნიკური (ინსტრუქცია, დებულება) დოკუმენტაციის პროექტები; გ) ტოპოგრაფიულ-გეოდეზიურ და კარტოგრაფიულ სამუშაოებზე მოამზადოს სატენდერო დოკუმენტაციისა და ხელშეკრულების პროექტები; დ) ტენდერში გამარჯვებული მიმწოდებლისაგან მიიღოს ხელშეკრულებით გათვალისწინებული ტოპოგრაფიულ-გეოდეზიური და კარტოგრაფიული სამუშაოების შედეგად შექმნილი გეოდეზიური მონაცემები და კარტოგრაფიული მასალები; ე) კანონმდებლობით დადგენილი წესით და სამინისტროს მეშვეობით მოითხოვოს და მიიღოს სახელმწიფო დაწესებულებებისაგან ტოპოგრაფიულ-გეოდეზიური, კარტოგრაფიული, გეოინფორმაციული და აეროკოსმოსური სამუშაოების შესახებ ინფორმაცია; ვ) შემსყიდველი ორგანიზაციების მიერ სახელმწიფო სახსრებით განსახორციელებელი ტოპოგრაფიულ-გეოდეზიური, კარტოგრაფიული, გეოინფორმაციული და აეროკოსმოსური გადაღებითი სამუშაობის შესყიდვისას სამსახურთან სატენდერო დოკუმენტაციის ტექნიკური ნაწილის შეთანხმება; ზ) „სახელმწიფო საიდუმლოების შესახებ“ საქართველოს კანონის მე-8 მუხლისა და „სახელმწიფო საიდუმლოების შესახებ“ საქართველოს კანონის ამოქმედებასთან დაკავშირებული ნორმატიული აქტების დამტკიცების თაობაზე“ საქართველოს პრეზიდენტის 1997 წლის 21 იანვრის №42 ბრძანებულებით დამტკიცებულ სახელმწიფო საიდუმლოებას მიკუთვნებულ ცნობათა ნუსხის 2.1.9, 2.1.10 და 2.1.11 პუნქტების მოთხოვნათა გათვალისწინებით, სამინისტროს საჯარო სამართლის იურიდიულ პირს – სივრცული ინფორმაციის ცენტრს გადასცეს გეოდეზიურ-კარტოგრაფიული ფონდის სარეალიზაციოდ განკუთვნილი გეოდეზიური მონაცემები და კარტოგრაფიული მასალები. თავი III სამსახურის მართვა     მუხლი 6🔗 1. სამსახურს ხელმძღვანელობს სამსახურის უფროსი, რომელსაც კანონმდებლობით დადგენილი წესით თანამდებობაზე ნიშნავს და თანამდებობიდან ათავისუფლებს მინისტრი. 2. სამსახურის უფროსი ანგარიშვალდებულია მინისტრისა და კურატორი მინისტრის მოადგილის წინაშე. 3. სამსახურის უფროსი: ა) ხელმძღვანელობს სამსახურს და პასუხისმგებელია სამსახურის საქმიანობის მომწესრიგებელი სამართლებრივი აქტების ზუსტად და მიზანშეწონილად შესრულებაზე; ბ) შეიმუშავებს სამსახურის საქმიანობასთან დაკავშირებულ სხვადასხვა წინადადებებსა და რეკომენდაციებს. თავი IV დასკვნითი დებულებანი     მუხლი 7🔗 სამსახურის დებულების გაუქმება, მასში ცვლილებებისა და დამატებების შეტანა ხდება მინისტრის ბრძანებით.