,,საგადასახადო ორგანოების მიერ საკონტროლო-სალარო აპარატების გამოყენების წესების დაცვაზე კონტროლის პროცედურების შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2006 წლის 27 თებერვლის №145 ბრძანებაში ცვლილებების შეტანის თაობაზე“

✨ ჰკითხე AI-ს ამ კანონის შესახებ

საქართველოს მინისტრის ბრძანება ძალადაკარგული ფინანსური ადმინისტრირება

მიღების თარიღი

14.08.2008

გამომცემი ორგანო

საქართველოს ფინანსთა მინისტრი

ნომერი

№664

სარეგისტრაციო კოდი

200.250.000.22.033.012.115

გამოქვეყნების წყარო

matsne.gov.ge , სსმ, 119, 18/08/2008

📥 მინიშნება 1

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

📥 უკუმითითებები — 1 დოკუმენტი

საქართველოს მინისტრის ბრძანება (1)

საგადასახადო ორგანოების მიერ საკონტროლო-სალარო აპარატების გამოყენების წესების დაცვაზე კონტროლის პროცედურების შესახებ ინს 27.02.2006

დოკუმენტის ტექსტი

სახელმწიფო სარეგისტრაციო კოდი 200.250.000.22.033.012.115

საქართველოს ფინანსთა

მინისტრის ბრძანება №664

2008 წლის 14 აგვისტო

ქ. თბილისი

„საგადასახადო ორგანოების მიერ საკონტროლო-სალარო აპარატების გამოყენების წესების დაცვაზე კონტროლის პროცედურების შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2006 წლის 27 თებერვლის №145 ბრძანებაში ცვლილებების შეტანის თაობაზე

„ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

მუხლი 1

„საგადასახადო ორგანოების მიერ საკონტროლო-სალარო აპარატების გამოყენების წესების დაცვაზე კონტროლის პროცედურების შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2006 წლის 27 თებერვლის №145 ბრძანებაში (სსმ III, 2006წ., №26, მუხ. 307) შეტანილ იქნეს შემდეგი ცვლილებები:

ა) ბრძანებით დამტკიცებული ინსტრუქცია „საგადასახადო ორგანოების მიერ საკონტროლო-სალარო აპარატების გამოყენების წესების დაცვაზე კონტროლის პროცედურების შესახებ“ ჩამოყალიბდეს თანდართული რედაქციით;

ბ) ბრძანებით დამტკიცებული დანართები (დანართი №1 და დანართი №2) ჩამოყალიბდეს თანდართული რედაქციით.

მუხლი 2

ბრძანება ამოქმედდეს გამოქვეყნებისთანავე.

ნ. გილაური

ინსტრუქცია

საგადასახადო ორგანოების მიერ საკონტროლო-სალარო აპარატების

გამოყენების წესების დაცვაზე კონტროლის

პროცედურების შესახებ

მუხლი 1. ზოგადი დებულებანი

1. ეს ინსტრუქცია შემუშავებულია საქართველოს საგადასახადო კოდექსის მე-3 მუხლის პირველი ნაწილის, 1101 მუხლის საფუძველზე და განსაზღვრავს საგადასახადო ორგანოების მიერ საკონტროლო-სალარო აპარატების გამოყენების წესების დაცვაზე კონტროლის პროცედურებს.

2. საგადასახადო ინსპექციის/რეგიონალური ცენტრის (საგადასახადო ინსპექციის) უფლებამოსილ პირებს უფლება აქვთ სასამართლოს გადაწყვეტილების გარეშე ამ ბრძანებით დადგენილი წესით განახორციელონ საგადასახადო ინსპექციის/რეგიონალური ცენტრის (საგადასახადო ინსპექციის) სამოქმედო ტერიტორიაზე არსებულ ადმინისტრაციულ-ტერიტორიულ ფარგლებში საკონტროლო-სალარო აპარატების გამოყენების წესების დაცვის კონტროლი.

3. საჭიროების შემთხვევაში საგადასახადო ორგანოს მოთხოვნის შესაბამისად, საკონტროლო-სალარო აპარატების გამოყენების წესების დაცვაზე კონტროლის პროცედურების დროს, საგადასახადო ორგანოს თანამშრომელთა საქმიანობის უსაფრთხოებისა და სამსახურებრივი მოვალეობის შესრულებისას კანონსაწინააღმდეგო ხელყოფისაგან დაცვას უზრუნველყოფს საქართველოს ფინანსთა სამინისტროს შემოსავლების სამსახურის სპეციალური დანიშნულების რაზმი.

მუხლი 2. საგადასახადო ორგანოების სტრუქტურული ქვედანაყოფების განსახორციელებელი ღონისძიებები საკონტროლო-სალარო აპარატების გამოყენების წესების დაცვაზე კონტროლის პროცედურების სრულყოფილად უზრუნველყოფისათვის

1. საგადასახადო ინსპექციების/რეგიონალური ცენტრების (საგადასახადო ინსპექციების) სტრუქტურული ქვედანაყოფები საკონტროლო-სალარო აპარატების გამოყენების წესების დაცვაზე კონტროლის პროცედურების სრულყოფილად ჩატარებისათვის თავისი კომპეტენციის ფარგლებში ახორციელებენ ღონისძიებებს კანონმდებლობით დადგენილი წესით.

2. საგადასახადო ინსპექციის/რეგიონალური ცენტრის (საგადასახადო ინსპექციის) გადამხდელთა მომსახურების სამმართველო/მომსახურების სამმართველო/გადამხდელთა მომსახურების ცენტრი (განყოფილება):

ა) კანონმდებლობით დადგენილი წესით უზრუნველყოფს საკონტროლო-სალარო აპარატების რეგის-ტრაციაში გატარებას, ფისკალური მეხსიერების ჩართვას (საგადასახადო ინსპექტორის პაროლის შეტანას), სარეგისტრაციო ბარათების და საკონტროლო-სალარო აპარატის რეგისტრაციიდან მოხსნის შესახებ ცნობის გაცემას;

ბ) ყოველთვიურად, არა უგვიანეს 10 რიცხვისა, გადასახადების ადმინისტრირების სამმართველოს/გადასახადების ადმინისტრირების განყოფილებას გადასცემს წინა საანგარიშო თვეში ახლად დარეგისტრირებული და მოქმედი იმ გადასახადის გადამხდელების ნუსხას, რომლებსაც არა აქვთ დარეგისტრირებული საკონტროლო-სალარო აპარატები. იმ შემთხვევაში, თუ საგადასახადო აღრიცხვაზე მყოფი გადასახადის გადამხდელის მიერ განხორციელებული საქმიანობის ადგილი არ ექცევა მოცემული საგადასახადო ინსპექციის/რეგიონალური ცენტრის (საგადასახადო ინსპექციის) სამოქმედო ტერიტორიის შიგნით, ასეთი გადამხდელების სია გადაგზავნილ უნდა იქნეს შესაბამის საგადასახადო ორგანოში;

გ) საგადასახადო ინსპექციაში/რეგიონალურ ცენტრში (საგადასახადო ინსპექციაში) პირის გადასახადის გადამხდელად რეგისტრაციის დროს აცნობს მას საკონტროლო-სალარო აპარატების გამოყენებასთან დაკავშირებულ კანონმდებლობით განსაზღვრულ ვალდებულებებს და გადასცემს წერილობით ინფორმაციას საკონტროლო-სალარო აპარატების სახელმწიფო რეესტრში შეტანილი მოდელების შესახებ;

დ) საკონტროლო-სალარო აპარატის გამოყენების წესების დარღვევაზე გამოტანილი გადაწყვეტილების (ბრძანების) საფუძველზე ახდენს შესაბამისი სანქციის დარიცხვას გადამხდელის პირად ბარათზე და ამზადებს შესაბამის „საგადასახადო მოთხოვნას“;

ე) დარიცხული თანხის გადაუხდელობის შემთხვევაში ინფორმაციას საგადასახადო ვალდებულების შესრულების უზრუნველყოფის ღონისძიებების გატარების მიზნით უგზავნის გადასახადების ადმინისტრირების სამმართველოს/გადასახადების ადმინისტრირების განყოფილებას.

3. საგადასახადო ინსპექციის/რეგიონალური ცენტრის (საგადასახადო ინსპექციის) გადასახადების ადმინისტრირების სამმართველო/გადასახადების ადმინისტრირების განყოფილება:

ა) საგადასახადო ინსპექციის/რეგიონალური ცენტრის (საგადასახადო ინსპექციის) სამოქმედო ადმინისტრაციული-ტერიტორიულ ფარგლებში სისტემატურად ახორციელებს საქართველოს საგადასახადო კოდექსით და ამ ბრძანებით განსაზღვრულ საკონტროლო-სალარო აპარატების გამოყენების წესების დაცვაზე კონტროლის პროცედურებს. უზრუნველყოფს გადამხდელთა მომსახურების სამმართველოდან/მომსახურების სამმართველოდან/გადამხდელთა მომსახურების ცენტრიდან (განყოფილებიდან) გადმოგზავნილი ინფორმაციის დამუშავებას და შესაბამისი პირების მიმართ ახორციელებს კონტროლის პროცედურებს;

ბ) ამზადებს საგადასახადო ინსპექციის/რეგიონალური ცენტრის (საგადასახადო ინსპექციის) უფროსის ბრძანების პროექტს საკონტროლო-სალარო აპარატების გამოყენების წესების დაცვაზე კონტროლის პროცედურების განხორციელების შესახებ;

გ) ახორციელებს ღონისძიებებს საკონტროლო-სალარო აპარატების დადგმისა და გამოყენების წესების დარღვევის, აგრეთვე მომხმარებელზე ჩეკის გაუცემლობასა (აპარატის გამოუყენებლობაზე) ან ჩეკში ფაქტობრივად გადახდილზე ნაკლები თანხის ჩვენების ფაქტების გამოვლენის მიზნით;

დ) ახორციელებს საქონლის/მომსახურების საკონტროლო შესყიდვებს საგადასახადო კანონმდებლობით დადგენილი წესით;

ე) საქართველოს საგადასახადო კოდექსის 139-ე მუხლით გათვალისწინებულ სამართალდარღვევაზე ადგენს საგადასახადო სამართალდარღვევის ოქმებს და შემდგომი რეაგირებისათვის უგზავნის იურიდიულ საკითხთა სამმართველოს/იურიდიულ სამმართველოს;

ვ) დარიცხული სანქციის გადაუხდელობის შემთხვევაში გადამხდელთა მიმართ ახორციელებს საგადასახადო ვალდებულების შესრულების უზრუნველყოფის ღონისძიებებს.

4. საქართველოს ფინანსთა სამინისტროს შემოსავლების სამსახურის აუდიტის დეპარტამენტი/საქართვე-ლოს ფინანსთა სამინისტროს შემოსავლების სამსახურის ტერიტორიული ორგანოს საგადასახადო შემოწმებების სამმართველო/მომსახურების სამმართველო/გადამხდელთა მომსახურების სამმართველო:

ა) საგადასახადო შემოწმების დროს ახორციელებს საქართველოს საგადასახადო კოდექსით და ამ ბრძანებით განსაზღვრულ საკონტროლო-სალარო აპარატების გამოყენების წესების დაცვაზე კონტროლის პროცედურებს და გამოვლენილ დარღვევებს ასახავს შემოწმების მასალებში;

ბ) შემოწმების მასალებს დადგენილი წესით წარუდგენს შესაბამის საგადასახადო ინსპექციას/რეგიონალურ ცენტრს (საგადასახადო ინსპექციას) შემდგომი რეაგირებისათვის.

5. იურიდიულ საკითხთა სამმართველო/იურიდიული სამმართველო:

ა) გადასახადების ადმინისტრირების სამმართველოდან/გადასახადების ადმინისტრირების განყოფილებიდან მიღებული ოქმების საფუძველზე ამზადებს ბრძანების პროექტებს საგადასახადო სამართალდარღვევის შესახებ და წარუდგენს საგადასახადო ინსპექციის/რეგიონალური ცენტრის (საგადასახადო ინსპექციის) უფროსს/მოადგილეს;

ბ) საგადასახადო შემოწმების აქტით გამოვლენილ საკონტროლო-სალარო აპარატის გამოყენების წესების დარღვევის ფაქტს ასახავს ინსპექციის გადაწყვეტილების (ბრძანების) პროექტში, რომელსაც წარუდგენს საგადასახადო ინსპექციის/რეგიონალური ცენტრის (საგადასახადო ინსპექციის) უფროსს/მოადგილეს.

მუხლი 3. ინდივიდუალური ადმინისტრაციულ-სამართლებრივი აქტი საკონტროლო-სალარო აპარატების გამოყენების წესების დაცვაზე კონტროლის პროცედურების განხორციელების შესახებ

1. საკონტროლო-სალარო აპარატების გამოყენების წესების დაცვაზე მუდმივი კონტროლის პროცედურების უზრუნველყოფის მიზნით საგადასახადო ინსპექციის/ რეგიონალური ცენტრის (საგადასახადო ინსპექციის) უფროსი/მოადგილე გამოსცემს შესაბამის ინდივიდუალურ ადმინისტრაციულ-სამართლებრივ აქტს, რომელიც საქართველოს ზოგადი ადმინისტრაციული კოდექსით გათვალისწინებული რეკვიზიტების გარდა უნდა შეიცავდეს:

ა) ინდივიდუალური ადმინისტრაციულ-სამართლებრივი აქტის სათაურს;

ბ) საკონტროლო-სალარო აპარატების გამოყენების წესების დაცვაზე კონტროლის პროცედურების ჩამტარებელი საგადასახადო ორგანოს წარმომადგენლის (წარმომადგენლების) თანამდებობას, სახელს და გვარს;

გ) საგადასახადო ორგანოს წარმომადგენლის (წარმომადგენლების) სამოქმედო ტერიტორიას (კონკრეტული ქუჩების, უბნების ზუსტი აღწერით) და იმ გადამხდელთა სრულ ჩამონათვალს, რომლის მიმართაც მუდმივად უნდა განხორციელდეს საკონტროლო-სალარო აპარატების გამოყენების წესების დაცვაზე შესაბამისი კონტროლის პროცედურები.

2. საგადასახადო ინსპექციის/რეგიონალური ცენტრის (საგადასახადო ინსპექციის) უფროსის/მოადგილის ინდივიდუალური ადმინისტრაციულ-სამართლებრივი აქტით განსაზღვრულ სამოქმედო ტერიტორიაზე და მითითებულ გადასახადის გადამხდელთა მიმართ საგადასახადო ორგანოს წარმომადგენელს ენიჭება უფლებამოსილება განახორციელოს საკონტროლო-სალარო აპარატების გამოყენების წესების დაცვაზე სისტემატური კონტროლი.

3. გადასახადის გადამხდელისათვის ინდივიდუალური ადმინისტრაციულ-სამართლებრივი აქტის გაცნობის შემდეგ საგადასახადო ორგანოს წარმომადგენელი დაუყოვნებლივ ახორციელებს საკონტროლო-სალარო აპარატების გამოყენების წესების დაცვაზე კონტროლის პროცედურებს საქართველოს საგადასახადო კოდექსით და ამ ბრძანებით დადგენილი წესით.

მუხლი 4. საგადასახადო ორგანოს წარმომადგენლის განსახორციელებელი ღონისძიებები და უფლებამოსილებანი საკონტროლო-სალარო აპარატების გამოყენების წესების დარღვევის გამოვლენის მიზნით

1. საკონტროლო-სალარო აპარატების გამოყენების წესების დაცვაზე კონტროლის პროცედურებს ახორციელებს ის საგადასახადო ინსპექცია/ რეგიონალური ცენტრი (საგადასახადო ინსპექცია), რომლის სამოქმედო ტერიტორიაზე ფუნქციონირებს გადასახადის გადამხდელი.

2. საკონტროლო-სალარო აპარატების გამოყენების წესების დაცვაზე კონტროლის პროცედურები ხორციელდება გადასახადის გადამხდელის სამუშაო საათებში ან/და ფაქტობრივი მუშაობის დროს.

3. გადასახადის გადამხდელის მიერ საკონტროლო-სალარო აპარატების გამოყენების წესების დაცვის კონტროლის ღონისძიებებს სისტემატურად ახორციელებენ გადასახადების ადმინისტრირების სამმართველოს/გადასახადების ადმინისტრირების განყოფილების თანამ-შრომლები საგადასახადო ინსპექციის/რეგიონალური ცენტრის (საგადასახადო ინსპექციის) უფროსის/მოადგილის მიერ გამოცემული ინდივიდუალური ადმინისტრაცულ-სამართლებრივი აქტით განსაზღვრული ტერიტორიის ფარგლებში განთავსებულ გადასახადის გადამხდელებთან მიმართებაში.

4. საგადასახადო ინსპექციის/რეგიონალური ცენტრის (საგადასახადო ინსპექციის) ის თანამშრომელი, რომელიც საგადასახადო ინსპექციის/რეგიონალური ცენტრის (საგადასახადო ინსპექციის) უფროსის/მოადგილის ინდივიდუალური ადმინისტრაციულ-სამართლებრივი აქტის საფუძველზე საკონტროლო-სალარო აპარატების გამოყენების წესების დაცვის კუთხით მიმაგრებულია კონკრეტულ ტერიტორიულ ზონაზე (ქუჩა, უბანი და ა.შ.) ან გადამხდელთა ჯგუფზე, ამ ზონაში განთავსებულ ან ბრძანებაში მითითებულ კონკრეტულ გადასახადის გადამხდელთა იმ ობიექტებზე, საიდანაც ხდება საქონლის (მომსახურების) მიწოდება და მოსახლეობასთან ფულადი ანგარიშსწორება, უფლებამოსილია შევიდეს შესაბამის ობიექტზე საკონტროლო-სალარო აპარატის გამოყენების წესების შემოწმების მიზნით.

5. საკონტროლო-სალარო აპარატების გამოყენების წესების დაცვაზე კონტროლის პროცედურის განხორციელების დროს, საკონტროლო-სალარო აპარატების გარეშე მუშაობის ან მათი გამოუყენებლობის ფაქტის დადგენის მიზნით, საგადასახადო ინსპექციის/რეგიონალური ცენტრის (საგადასახადო ინსპექციის) თანამშრომელი ობიექტის ხელმძღვანელისთვის (ხელმძღვანელის ადგილზე არყოფნის შემთხვევაში – ობიექტის ტერიტორიაზე მომუშავე ნებისმიერი პირებისათვის) სამსახურებრივი მოწმობისა და მისი უფლებამოსილების შესახებ ინდივიდუალური ადმინისტრაციულ-სამართლებრივი აქტის წარდგენის შემდეგ, უფლება-მოსილია:

ა) ობიექტზე შეამოწმოს:

ა.ა) საკონტროლო-სალარო აპარატის არსებობა;

ა.ბ) საკონტროლო-სალარო აპარატის ტექნიკური გამართულობა;

ა.გ) საკონტროლო-სალარო აპარატზე საგადასახადო ინსპექციის/რეგიონალური ცენტრის (საგადასახადო ინსპექციის) მიერ გაცემული სარეგისტრაციო ბარათი;

ა.დ) ემთხვევა თუ არა საკონტროლო-სალარო აპარატის საქარხნო ნომერი საგადასახადო ინსპექციის/რეგიონალური ცენტრის (საგადასახადო ინსპექციის) მიერ გაცემულ სარეგისტრაციო ბარათში ნაჩვენებ ნომერს;

ა.ე) არის თუ არა აპარატზე საგადასახადო ინსპექციის/რეგიონალური ცენტრის (საგადასახადო ინსპექციის) ლუქი;

ბ) აპარატის გაუმართაობის შემთხვევაში მოითხოვოს ობიექტის ხელმძღვანელისგან (ხოლო მისი არყოფნის შემთხვევაში მოლარე-ოპერატორის ფუნქციის შემსრულებელი პირისგან) აპარატის დაზიანების თარიღის და დაზიანების აღმოფხვრის კუთხით განხორციელებული ღონისძიებების (მიმართვა ტექნიკური მომსახურების საწარმოზე და საგადასახადო ინსპექციაზე/რეგიონალურ ცენტრზე (საგადასახადო ინსპექციაზე)) შესახებ ინფორმაცია. ამის შემდეგ შეამოწმოს, აწარმოებს თუ არა აპარატის გაუმართაობის პერიოდში გადასახადის გადამხდელი ცალკეული საქონლის (მომსახურების) გაყიდვიდან მიღებული ფულადი ამონაგები თანხის ასახვას მოლარე-ოპერატორის ჟურნალში;

გ) საკონტროლო-სალარო აპარატიდან ამობეჭდოს კონკრეტული პერიოდის მიხედვით აპარატის ფისკალურ მეხსიერებაში არსებული ინფორმაცია ამონაგები თანხის შესახებ;

დ) საგადასახადო სამართალდარღვევის გამოვლენისას შეადგინოს შესაბამისი ოქმი.

6. საგადასახადო შემოწმების პროცესში შესაბამის უფლებამოსილ პირებს, ამ მუხლის მე-5 პუნქტში ჩამოთვლილი უფლებამოსილების გარდა, უფლება აქვთ:

ა) საკონტროლო-სალარო აპარატიდან ამობეჭდონ კონკრეტული პერიოდის მიხედვით აპარატის ფისკალურ მეხსიერებაში არსებული ინფორმაცია ამონაგები თანხის შესახებ და დაადგინონ ამ თანხების გადამხდელის საბუღალტრო დოკუმენტაციაში ასახვის სისწორე;

ბ) სალაროს წიგნის, მოლარე-ოპერატორის ჟურნალისა და საკონტროლო-სალარო აპარატის მაჩვენებლები შეუდარონ სალაროში არსებულ ნაღდ ფულს;

გ) მისცენ წინადადება გადამხდელს წარმოადგინოს სალაროში არსებული ფულადი სახსრები და შესაბამისი წერილობითი განმარტება ფულადი სახსრების წარმომავლობის შესახებ;

დ) მოახდინონ სალაროში ნაღდი ფულის რაოდენობის განსაზღვრა გადასახადის გადამხდელის ან მათი წარმომადგენლის სალაროში არსებული მთელი ფულის სრული დათვლის გზით.

7. საგადასახადო ინსპექციის/რეგიონალური ცენტრის (საგადასახადო ინსპექციის) ის თანამშრომელი, რომელიც უფროსის/მოადგილის ინდივიდუალური ადმინისტრაციულ-სამართლებრივი აქტის საფუძველზე საკონტროლო-სალარო აპარატების გამოყენების წესების დაცვის კუთხით განპირობებულია კონკრეტულ ტერიტორიულ ზონაზე (ქუჩა, უბანი და ა.შ.) ან გადამხდელთა ჯგუფზე, ამ ზონაში განთავსებულ ან ინდივიდუალურ ადმინისტრაციულ-სამართლებრივ აქტში მითითებულ კონკრეტულ გადასახადის გადამხდელთა ობიექტებზე შესვლისას, უფლებამოსილია საგადასახადო სამართლდარღვევის ფაქტის დაფიქსირებამდე არ გაამჟღავნოს თავისი სამსახურებრივი მიზანი (გამოვიდეს ფსევდომომხმარებლის როლში) და მოახდინოს დაკვირვება მოლარის მიერ ფულის მიღებისას საკონტროლო-სალარო აპარატის გამოყენების და ქვითრის (ჩეკის) მომხმარებელზე გაცემის პროცედურაზე. იმ შემთხვევაში, თუ მის მიერ დაფიქსირდა საკონტროლო-სალარო აპარატის გამოუყენებლობის ან მომხმარებელზე ამობეჭდილი ქვითრის (ჩეკის) წარუდგენლობის ფაქტი, საგადასახადო ინსპექციის/რეგიონალური ცენტრის (საგადასახადო ინსპექციის) თანამშრომელი ვალდებულია დაუყოვნებლივ შეადგინოს საგადასახადო სამართალდარღვევის ოქმი. აღნიშნული პროცედურა შეიძლება ჩატარდეს ერთი და იგივე ობიექტში სისტემატურად.

8. საკონტროლო-სალარო აპარატების გამოყენების წესების დაცვაზე კონტროლის პროცედურები შესაძლებელია ჩატარდეს დამსწრეების გარეშე.

9. მომხმარებელზე ჩეკის გაუცემლობის ან ჩეკში ფაქტობრივად გადახდილზე ნაკლები თანხის ჩვენების ფაქტის გამოვლენის მიზნით საგადასახადო ორგანო ორგანიზებას უკეთებს საქონლის/მომსახურების საკონტროლო შესყიდვას. ამ მიზნით განიხილავს ფულადი სახსრების გამოყოფის საკითხს და ახორციელებს შემდეგ ღონისძიებებს:

ა) იცავს ღონისძიების კონფიდენციალობას;

ბ) უზრუნველყოფს გამოყოფილი ფულადი სახსრების დაცვას;

გ) საჭიროების შემთხვევაში ღონსძიებას უზრუნველყოფს ავტოტრანსპორტით და სხვა ტექნიკური საშუალებებით.

10. საკონტროლო შესყიდვის დროს საგადასახადო ორგანოს წარმომადგენელი უფლებამოსილია გამოვიდეს როგორც მომხმარებელი (საქონლის/მომსახურების მიმღები). საკონტროლო შესყიდვისთვის გამოიყენება ეროვნული ვალუტა.

11. საკონტროლო-სალარო აპარატების გამოყენების წესების დაცვაზე კონტროლის ნებისმიერი პროცედურის განხორციელების დროს სამართალდარღვევის გამოვლენის შემთხვევაში, საგადასახადო ორგანოს წარმომადგენელი ადგენს ოქმს საგადასახადო სამართალდარღვევის შესახებ საქართველოს საგადასახადო კოდექსის 139-ე მუხლით გათვალისწინებული სანქციების გატარების მიზნით.

მუხლი 5. საგადასახადო სამართალდარღვევის ოქმი მოსახლეობასთან ფულადი ანგარიშსწორებისას საკონტროლო-სალარო აპარატების გამოყენების წესების დარღვევის შესახებ

1. საქართველოს საგადასახადო კოდექსის 139-ე მუხლით გათვალისწინებულ სამართალდარღვევის ფაქტზე საგადასახადო ინსპექციის/რეგიონალური ცენტრის (საგადასახადო ინსპექციის) უფლებამოსილი პირები გადასახადის გადამხდელის (სამართალდამრღვევის) მიმართ ადგენენ საგადასახადო სამართალდარღვევის ოქმს (დანართი №1).

2. საგადასახადო სამართალდარღვევის ოქმში აღინიშნება:

ა) ოქმის დასახელება;

ბ) მოქმედების ჩატარების ადგილი და თარიღი;

გ) მოქმედების დაწყებისა და დასრულების დრო;

დ) ოქმის შემდგენი პირისა და იმ პირის (პირების) თანამდებობა, სახელი და გვარი, რომელებმაც გამოავლინეს სამართალდარღვევა;

ე) მოქმედების მონაწილეთა სახელი და გვარი, ხოლო საჭიროების შემთხვევაში – მისამართი;

ვ) მოქმედების შინაარსი და მისი ჩატარების თანამიმდევრობა;

ზ) მოქმედების ჩატარებისას გამოვლენილი, საქმეებთან დაკავშირებული არსებითი ფაქტები და გარემოებები.

3. ოქმი გასაცნობად წარედგინება მოქმედებაში მონაწილე ყველა პირს, აღნიშნულ პირებს უფლება აქვთ გამოთქვან შენიშვნები, რომლებიც აისახება ოქმში.

4. ოქმს ხელს აწერს ოქმის შემდგენი პირი და საგადასახადო სამართალდარღვევის ჩამდენი გადასახადის გადამხდელი ან მისი წარმომადგენელი (უფლებამოსილი პირი), ხოლო თუ არიან მოწმეები, ოქმს შეიძლება მათაც მოაწერონ ხელი.

5. სამართალდარღვევის ჩამდენის მიერ ოქმის ხელმოწერაზე უარის თქმის შემთხვევაში, ოქმში კეთდება შესაბამისი ჩანაწერი. სამართალდარღვევის ჩამდენს უფლება აქვს წარმოადგინოს ოქმისათვის დასართავი ახსნა-განმარტებები და შენიშვნები ოქმის შინაარსის გამო, აგრეთვე ჩამოაყალიბოს მის ხელმოწერაზე უარის თქმის მოტივები.

6. ოქმის ერთი პირი გადაეცემა გადასახადის გადამხდელს (სამართალდამრღვევს), ხოლო მეორე პირი ოქმის შემდგენის მიერ დაუყოვნებლივ გადაეცემა საგადასახადო ინსპექციის/რეგიონალური ცენტრის (საგადასახადო ინსპექციის) იურიდიულ საკითხთა სამმართველოს/იურიდიულ სამმართველოს შემდგომი რეაგირების მიზნით.

მუხლი 6. გადაწყვეტილების მიღება მოსახლეობასთან ფულადი ანგარიშსწორებისას საკონტროლო-სალარო აპარატების გამოყენების წესების დარღვევის შესახებ

1. საქართველოს საგადასახადო კოდექსის 139-ე მუხლით გათვალისწინებულ საგადასახადო სამართალდარღვევის საქმის განსახილველად მომზადებისას საგადასახადო ინსპექციის/რეგიონალური ცენტრის (საგადასახადო ინსპექციის) უფროსი/მოადგილე წყვეტს შემდეგ საკითხებს:

ა) განეკუთვნება თუ არა მის კომპეტენციას აღნიშნული საქმის განხილვა;

ბ) სწორად არის თუ არა შედგენილი ოქმი და საგადასახადო სამართალდარღვევის საქმის სხვა მასალები;

გ) გამოთხოვილია თუ არა საჭირო დამატებითი მასალები.

2. საგადასახადო ინსპექციის/რეგიონალური ცენტრის (საგადასახადო ინსპექციის) უფროსი/მოადგილე საგადასახადო სამართალდარღვევათა საქმეების განხილვისას მოვალეა დაადგინოს:

ა) ჩადენილი იყო თუ არა საგადასახადო სამართალდარღვევა;

ბ) ბრალეულია თუ არა პირი მის ჩადენაში;

გ) ექვემდებარება თუ არა იგი საქართველოს საგადასახადო კოდექსით განსაზღვრულ პასუხისმგებლობას.

3. საგადასახადო სამართალდარღვევის ოქმის შედგენიდან არა უგვიანეს 30 კალენდარული დღისა საქმის განხილვის მასალებზე დაყრდნობით, საგადასახადო ინსპექციის/რეგიონალური ცენტრის (საგადასახადო ინსპექციის) უფროსი/მოადგილე საქმეზე იღებს გადაწყვეტილებას, რომელიც ფორმდება ბრძანებით. ბრძანება უნდა შეიცავდეს:

ა) ბრძანების გამომცემი საგადასახადო ინსპექციის/რეგიონალური ცენტრის (საგადასახადო ინსპექციის) დასახელებას;

ბ) საგადასახადო ინსპექციის/რეგიონალური ცენტრის (საგადასახადო ინსპექციის) უფლებამოსილი პირის სახელს, გვარს და ხელმოწერას;

გ) ბრძანების გამოცემის თარიღსა და ადგილს;

დ) საგადასახადო ინსპექციის/რეგიონალური ცენტრის (საგადასახადო ინსპექციის) სარეგისტრაციო ნომერს;

ე) თუ სანქცია გამოიყენება – საგადასახადო კანონმდებლობის ნორმას, რომლის საფუძველზედაც გამოიყენება გადასახადის გადამხდელის/სხვა ვალდებული პირის მიმართ საგადასახადო სამართალდარღვევისათვის გათვალისწინებული სანქცია. ამასთან, იმ შემთხვევაში, თუ ოქმში არასწორად არის მითითებული ის ნორმა (მათ შორის ის შემთხვევა, როცა საგადასახადო სამართალდარღვევა ჩადენილია განმეორებით, ხოლო ოქმში ფინანსური სანქციის გამოყენების საფუძვლად მითითებულია ის ნორმა, რომელიც გამოყენებული უნდა ყოფილიყო ასეთი სამართალდარღვევის პირველად ჩადენის შემთხვევაში), რომლის საფუძველზედაც გამოიყენება სანქცია, ბრძანებაში უნდა აისახოს შესაბამისი ნორმები და მათ საფუძველზე გაანგარიშებული თანხები (თუ აუცილებელია თანხის კორექტირება);

ვ) საქმის განხილვისას დადგენილ გარემოებათა გადმოცემას;

ზ) თუ სანქცია გამოიყენება – გამოსაყენებელი სანქციის ოდენობას;

თ) თუ სანქცია არ გამოიყენება – სანქციის გამოუყენებლობის დასაბუთებას;

ი) მიღებული გადაწყვეტილების შინაარსს (დანართი №2).

4. საგადასახადო სამართალდარღვევის საქმეზე მიღებულ ბრძანებას ხელს აწერს საქმის განმხილველი საგადასახადო ინსპექციის/რეგიონალური ცენტრის (საგადასახადო ინსპექციის) უფროსი/მოადგილე.

5. გამოცემული ბრძანების საფუძველზე გადასახადის გადამხდელს/ საგადასახადო აგენტს ან სხვა ვალდებულ პირს, რომლის მიმართაც გამოტანილია გადაწყვეტილება (ბრძანება) საგადასახადო სამართალდარღვევის შესახებ წარედგინება „საგადასახადო მოთხოვნა“ საქართველოს საგადასახადო კოდექსის მე-80 მუხლით დადგენილი წესით.

მუხლი 7. საგადასახადო სამართალდარღვევის საქმეზე საგადასახადო ორგანოს მიერ მიღებული გადაწყვეტილების (ბრძანების) გასაჩივრება

საგადასახადო სამართალდარღვევის საქმეზე საგადასახადო ორგანოს მიერ მიღებული ბრძანება ან სხვა გადაწყვეტილება შეუძლია გაასაჩივროს პირმა, რომლის მიმართაც გამოტანილია აღნიშნული ბრძანება ან სხვა გადაწყვეტილება, ან მისმა კანონიერმა ან უფლებამოსილმა წარმომადგენელმა საქართველოს საგადასახადო კოდექსის VIII კარით დადგენილი წესით.

დანართი №1

საქართველოს ფინანსთა სამინისტროს

შემოსავლების სამსახური

----------------------------------------------------

(საგადასახადო ინსპექციის/რეგიონალური

ცენტრის (საგადასახადო ინსპექციის) დასახელება)

ოქმი №

საგადასახადო სამართალდარღვევის შესახებ

200 წ. ----------------------------------------------------------------------------------------------------------

(ოქმის შედგენის ადგილი, მოქმედების დაწყების და დასრულების დრო)

------------------------------------------------------------------------------------------------------------------

ოქმის შემდგენი პირი (პირები): -------------------------------------------------------------------------

(სახელი, გვარი, თანამდებობა)

პირი (პირები), რომლებმაც გამოავლინეს სამართალდარღვევა: -----------------------------------

(სახელი, გვარი, თანამდებობა)

მოქმედების მონაწილე სხვა პირები: -----------------------------------------------------------------

(სახელი, გვარი)

მოწმეები: -----------------------------------------------------------------------------------------------------

(სახელი, გვარი)

დავადგინე, რომ: ---------------------------------------------------------------------------------------------

(გამოვლენილ საქმესთან არსებითი ფაქტები და გარემოებები, აგრეთვე მოქმედების შინაარსი, მისი

ჩატარების თანმიმდევრობა, საქართველოს საგადასახადო კოდექსის ის ნორმა, რომელიც დაირღვა)

––––––––––––––––––––––––––––––––––––––––––––––––––––––––––––––––––––––––––––––––––––

აღნიშნული სამართალდარღვევა ჩადენილია -----------------------------------------------------------

(მონაცემები დამრღვევის შესახებ)

–––––––––––––––––––––––––––––––––––––––––––––––––––––––––––––––––––––––––––––––––––

(დასახელება, იურიდიული და ფაქტობრივი მისამართი)

დამრღვევს განემარტა საქართველოს საგადასახადო კოდექსის 39-ე–42-ე მუხლებით განსაზღვრული მისი უფლებები და მოვალეობები.

ოქმის შემდგენი:

/----------------------------------------/

(ხელმოწერა)

მოქმედების მონაწილე სხვა პირები: /----------------------------------------/

(ხელმოწერა)

გადასახადის გადამხდელი

(ან მისი წარმომადგენელი): /---------------------------------------/

(ხელმოწერა)

მოწმეები: /----------------------------------------/

(ხელმოწერა)

შენიშვნა: ––––––––––––––––––––––––––––––––––––––––––––––––––––––––––––––––––––––––––

ოქმის საფუძველზე, საქართველოს საგადასახადო კოდექსის 127-ე მუხლის თანახმად, 30 კალენდარული დღის ვადაში საგადასახადო ინსპექციის/რეგიონალური ცენტრის (საგადასახადო ინსპექციის) უფროსი/მოადგილე იღებს გადაწყვეტილებას (გამოსცემს ინდივიდუალურ ადმინისტრაციულ-სამართლებრივ აქტს) საგადასახადო სანქციის გამოყენების თაობაზე. საგადასახადო სანქციის გამოყენების შემთხვევაში საქართველოს საგადასახადო კოდექსის მე-80 მუხლის თანახმად, გადასახადის გადამხდელს წარედგინება „საგადასახადო მოთხოვნა“, რომელიც შესაძლებელია გასაჩივრდეს მისი მიღებიდან 20 კალენდარული დღის ვადაში საქართველოს ფინანსთა სამინისტროს შემოსავლების სამსახურში ინდივიდუალური ადმინისტრაციულ-სამართლებრივი აქტის გამომცემი საგადასახადო ორგანოს მეშვეობით წერილობითი საჩივრის შეტანის გზით, ან სასამართლოში, კანონმდებლობით დადგენილი წესით.

დანართი №2

ბრძანება

საგადასახადო სამართალდარღვევის შესახებ

----------------------საგადასახადო ინსპექცია/რეგიონალური ცენტრი (საგადასახადო ინსპექცია)

„---------„ ------------------------ 200 წ.

-------------------------------------- საგადასახადო ინსპექციის/რეგიონალური ცენტრის

(საგადასახადო ინსპექციის) უფროსმა/მოადგილემ

------------------------------------------------------------------------------------------------------------------

(სახელი, გვარი)

განვიხილე 200 წ. „---------„ ------------------------- --------------------------------

საგადასახადო სამართალდარღვევის ოქმი და მასზე დართული მასალები

გამოვარკვიე ------------------------------------------------- დაარღვია------------------------------------

გადამხდელის (სამართალდამრღვევის) დასახელება

----------------------------------------------------------------------------------------------- მოთხოვნები

მიეთითება საქართველოს საგადასახადო კოდექსის მუხლი, ნაწილი, ქვეპუნქტი, რომელიც იყო დარღვეული

აღნიშნულიდან გამომდინარე, საქართველოს საგადასახადო კოდექსის 127-ე მუხლის და 139-ე მუხლის ---- ნაწილის ------- ქვეპუნქტის საფუძველზე

ვბრძანებ:

1. ------------------------------------------------------- პასუხისმგებლობის ზომად სანქციის სახით

გადამხდელის (სამართალდამრღვევის) დასახელება

განესაზღვროს ჯარიმა თანხით ------------- ლარი.

2. ბრძანება შეიძლება გასაჩივრდეს საქართველოს საგადასახადო კოდექსის VIII კარით დადგენილი წესით.

საგადასახადო ინსპექციის/რეგიონალური ცენტრის (საგადასახადო ინსპექციის)

უფროსი/მოადგილე

--------------------------------------

(ხელმოწერა)

ბ.ა.