„საქართველოს ეკონომიკური განვითარების სამინისტროს სახელმწიფო საქვეუწყებო დაწესებულება – ერთიანი სატრანსპორტო ადმინისტრაციის დებულების დამტკიცების შესახებ“ საქართველოს ეკონომიკური განვითარების მინისტრის 2007 წლის 12 აპრილის №1–1/584 ბრძანებაში ცვლილებებისა და დამატების შეტანის თაობაზე“

სახელმწიფო სარეგისტრაციო კოდი 010.240.070.22.024.012.117

საქართველოს ეკონომიკური განვითარების

მინისტრის ბრძანება №1-1/1723

2008 წლის 19 აგვისტო

ქ. თბილისი

„საქართველოს ეკონომიკური განვითარების სამინისტროს სახელმწიფო საქვეუწყებო დაწესებულება – ერთიანი სატრანსპორტო ადმინისტრაციის დებულების დამტკიცების შესახებ“ საქართველოს ეკონომიკური განვითარების მინისტრის 2007 წლის 12 აპრილის №1–1/584 ბრძანებაში ცვლილებებისა და დამატების შეტანის თაობაზე

საქართველოს საზღვაო კოდექსის 86¹ მუხლის, „ნორმატიული აქტების შესახებ“ საქართველოს კანონის 36-ე მუხლის და „ტრანსპორტის სფეროს მართვისა და რეგულირების შესახებ“ საქართველოს კანონის მე-7 მუხლის მე-3 პუნქტის შესაბამისად, ვბრძანებ:

    მუხლი 1

„საქართველოს ეკონომიკური განვითარების სამინისტროს სახელმწიფო საქვეუწყებო დაწესებულება – ერთიანი სატრანსპორტო ადმინისტრაციის დებულების დამტკიცების შესახებ“ საქართველოს ეკონომიკური განვითარების მინისტრის 2007 წლის 12 აპრილის №1–1/584 ბრძანებით (სსმ III, 12.04.2007წ., №50, მუხ. 554) დამტკიცებულ საქართველოს ეკონომიკური განვითარების სამინისტროს სახელმწიფო საქვეუწყებო დაწესებულება – ერთიანი სატრანსპორტო ადმინისტრაციის დებულებაში შეტანილ იქნეს შემდეგი ცვლილებები და დამატება:

1. მე-3 მუხლის მე-2 პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) ზედამხედველობს ადმინისტრაციის სტრუქტურული ქვედანაყოფების მიერ მოვალეობის შესრულების მიმდინარეობას, მათი საქმიანობის კანონიერებასა და მიზანშეწონილობას; კანონით დადგენილი წესით ახორციელებს ადმინისტრაციის თანამშრომელთა საქმიანობის სამსახურებრივ ზედამხედველობას;“.

2. მე-5 მუხლი ჩამოყალიბდეს შემდეგი რედაქციით:

     „მუხლი 5. ადმინისტრაციის სტრუქტურა

ადმინისტრაციის სტრუქტურული ქვედანაყოფებია:

ა) სამოქალაქო ავიაციის დეპარტამენტი;

ბ) საზღვაო ტრანსპორტის დეპარტამენტი;

გ) საავტომობილო ტრანსპორტის დეპარტამენტი;

დ) სატრანსპორტო უშიშროებისა და ინფორმაციის დაცვის უზრუნველყოფის სამსახური;

ე) იურიდიული სამსახური;

ვ) აპარატი.“.

3. მე-6 მუხლის:

ა) სათაური ჩამოყალიბდეს შემდეგი რედაქციით:

     „მუხლი 6. ადმინისტრაციის სტრუქტურული ქვედანაყოფების ძირითადი ფუნქციები“.

ბ) მე-2 პუნქტს დაემატოს „დ“ ქვეპუნქტი შემდეგი რედაქციით:

„დ) ნავსადგურის სახელმწიფო კონტროლის სამსახური (ბათუმის/ფოთის/ყულევის) – შესაბამის ნავსადგურში ნაოსნობის უსაფრთხოების სახელმწიფო ზედამხედველობა და კონტროლი; ნავსადგურში გემის (მათ შორის თევზსაჭერი გემის) შესვლის/გასვლის გაფორმება; გემების მიერ საქართველოს კანონმდებლობით დადგენილი მოთხოვნების შესრულებაზე კონტროლი; საფრთხეში მყოფი ადამიანისა და გემის გადასარჩენად სამაშველო ოპერაციების, აგრეთვე ნავთობისა და მავნე ნივთიერებების ავარიული დაღვრის სალიკვიდაციო სამუშაოების ხელმძღვანელობა და ნავსადგურში არსებული ყველა რესურსის გამოყენების კოორდინაცია; ნაოსნობის უსაფრთხოების სფეროში შესაბამისი ტექნიკური რეგლამენტების შესრულებაზე კონტროლი.“.

გ) მე-6 პუნქტი ჩამოყალიბდეს შემდეგი რედაქციით:

„6. აპარატი – ადმინისტრაციის საქმიანობის მატერიალურ-ტექნიკური უზრუნველყოფა; ადმინისტრაციის საკადრო საკითხების რეგულირება და საქმიანობის განხორციელება საქმისწარმოების ერთიანი წესების შესაბამისად; ბუღალტრული აღრიცხვისა და ფინანსური ანგარიშების უზრუნველყოფა კანონმდებლობით დადგენილი წესის შესაბამისად; სახელმწიფო შესყიდვების განხორციელება და ადმინისტრაციის ბალანსზე რიცხული ქონების მოვლა-პატრონობა.“.

    მუხლი 2

ბრძანება ამოქმედდეს გამოქვეყნებისთანავე.

ე. შარაშიძე