,,საქართველოს იუსტიციის სამინისტროს სპეციალური წოდებების მინიჭების წესისა და პირობების შესახებ დებულების დამტკიცების თაობაზე“ საქართველოს იუსტიციის მინისტრის 2001 წლის 12 თებერვლის №66 ბრძანებაში ცვლილებებისა და დამატების შეტანის შესახებ“

სახელმწიფო სარეგისტრაციო კოდი 010.320.030.22.027.012.228

საქართველოს იუსტიციის მინისტრის

ბრძანება №224

2008 წლის 30 სექტემბერი

ქ. თბილისი

,,საქართველოს იუსტიციის სამინისტროს სპეციალური წოდებების მინიჭების წესისა და პირობების შესახებ დებულების დამტკიცების თაობაზე“ საქართველოს იუსტიციის მინისტრის 2001 წლის 12 თებერვლის №66 ბრძანებაში ცვლილებებისა და დამატების შეტანის შესახებ

,,სახელმწიფო სპეციალური წოდებების შესახებ“ საქართველოს კანონის მე-7 მუხლის მე-2 პუნქტის, ,,ნორმატიული აქტების შესახებ“ საქართველოს კანონის 36-ე მუხლისა და საქართველოს იუსტიციის სამინისტროს დებულების დამტკიცების შესახებ“ საქართველოს მთავრობის 2004 წლის 30 აგვიტოს №70 დადგენილებით დამტკიცებული დებულების მე-6 მუხლის მე-3 პუნქტის ,,კ“ ქვეპუნქტის შესაბამისად, ვბრძანებ:

მუხლი 1. ,,საქართველოს იუსტიციის სამინისტროს სპეციალური წოდებების მინიჭების წესისა და პირობების შესახებ დებულების დამტკიცების თაობაზე“ საქართველოს იუსტიციის მინისტრის 2001 წლის 12 თებერვლის №66 ბრძანებით (სსმ III, 2001 წ., №12, მუხ. 120) დამტკიცებულ დებულებაში შეტანილ იქნეს შემდეგი ცვლილებები და დამატება:

1. მე-4 მუხლის მე-5 პუნქტი ჩამოყალიბდეს შემდეგი რედაქციით:

,,5. იუსტიციის სამინისტროსა და მისი სისტემის მოსამსახურეებს უმცროს, საშუალო და უფროს სპეციალურ წოდებებს ანიჭებს საქართველოს იუსტიციის მინისტრი, გარდა ამ მუხლის მე-6, მე-7 და 7¹ პუნქტებით დადგენილი შემთხვევბისა, ხოლო უმაღლეს სპეციალურ წოდებებს – საქართველოს პრეზიდენტი.“.

2. მე-4 მუხლს დაემატოს შემდეგი შინაარსის 7¹ პუნქტი:

,,7¹. საქართველოს იუსტიც ი ის სამინისტროს მმართველობის სფეროში შემავალი საჯარო სამართლის იურიდიული პირის – აღსრულების ეროვნული ბიუროს მოსამსახურეებს ნომენკლატურის ფარგლებში უმცროს და საშუალო სპეციალურ წოდებებს ანიჭებს აღსრულების ეროვნული ბიუროს თავმჯდომარე.“.

3. მე-9 მუხლის პირველი პუნქტი ჩამოყალიბდეს შემდეგი რედაქციით:

,,1. სპეციალური წოდების ჩამორთმევა, როგორც დისციპლინარული პასუხისმგებლობის ზომის გამოყენების უფლება, გააჩნიათ ამ დებულების მე-4 მუხლის მე-5, მე-6, მე-7 და 7¹ პუნქტებით გათვალისწინებულ პირებს.“.

4. დებულების დანართი №2 ჩამოყალიბდეს შემდეგი რედაქციით:

 

 

 

 

 

,,დანართი №2

საქართველოს იუსტიციის სამინისტროსა და მისი სისტემისმოსამსახურეთათვის თანამდებობათა შესაბამისი ზღვრული წოდებები

საქართველოს იუსტიციის სამინისტრო

1. მინისტრი, მინისტრის პირველი მოადგილე – იუსტიციის მთავარი სახელმწიფო მრჩეველი.

2. მინისტრის მოადგილე – იუსტიციის სახელმწიფო მრჩეველი.

3. სამინისტროს სტრუქტურული ქვედანაყოფის ხელმძღვანელი – იუსტიციის სახელმწიფო მრჩეველი.

4. სამინისტროს სტრუქტურული ქვედანაყოფის ხელმძღვანელის მოადგილე – იუსტიციის უფროსი მრჩეველი.

5. სამინისტროს სტრუქტურული ქვედანაყოფის სამმართველოს უფროსი, სამმართველოს უფროსის მოადგილე – იუსტიციის მრჩეველი.

6. მინისტრის მრჩეველი, სამინისტროს სტრუქტურული ქვედანაყოფის მრჩეველი, სამინისტროს სტრუქტურული ქვედანაყოფის სამმართველოს მრჩეველი, მინისტრის თანაშემწე, მინისტრის პირველი მოადგილისა და მოადგილის თანაშემწე – იუსტიციის უმცროსი მრჩეველი.

7. სამინისტროს სტრუქტურული ქვედანაყოფის სპეციალისტი, სამინისტროს სტრუქტურული ქვედანაყოფის სამმართველოს სპეციალისტი – I კლასის იურისტი“.

5. დებულების დანართი №4 ჩამოყალიბდეს შემდეგი რედაქციით:

,,დანართი №4

აღსრულების ეროვნული ბიურო

1. ბიუროს თავმჯდომარე – იუსტიციის სახელმწიფო მრჩეველი.

2. თავმჯდომარის მოადგილე – იუსტიციის უფროსი მრჩეველი.

3. თავმჯდომარის თანაშემწე, თავმჯდომარის რეფერენტი, თავმჯდომარის მოადგილის თანაშემწე, მრჩეველი – იუსტიციის უმცროსი მრჩეველი.

4. სამმართველოს უფროსი – იუსტიციის მრჩეველი.

5. განყოფილების უფროსი – იუსტიციის მრჩეველი.

6. სპეციალისტი, ბუღალტერი, არქივარიუსი – I კლასის იურისტი.

7. საგამოძიებო სამმართველოს უფროსი – იუსტიციის უფროსი მრჩეველი.

8. საგამოძიებო სამმართველოს განყოფილების უფროსი – იუსტიციის მრჩეველი.

9. საგამოძიებო სამმართველოს გამომძიებელი – იუსტიციის უმცროსი მრჩეველი.

10. საგამოძიებო სამმართველოს სპეციალისტი – II კლასის იურისტი.

11. აღსრულების პოლიციის სამმართველოს უფროსი – იუსტიციის პოლკოვნიკი.

12. აღსრულების პოლიციის სამმართველოს განყოფილების უფროსი – იუსტიციის ვიცე-პოკოვნიკი.

13. აღსრულების პოლიციის სამმართველოს ჯგუფის უფროსი – იუსტიციის მაიორი.

14. აღსრულების პოლიციის სამმართველოს აღსრულების პოლიციელი – იუსტიციის კაპიტანი.

 

აღსრულების ეროვნული ბიუროს ტერიტორიული ორგანოები –სააღსრულებო ბიუროები

1. ბიუროს უფროსი – იუსტიციის უფროსი მრჩეველი.

2. ბიუროს უფროსის მოადგილე – იუსტიციის მრჩეველი.

3. ჯგუფის უფროსი, აღამასრულებელი, მთავარი სპეციალისტი – იუსტიციის უმცროსი მრჩეველი.

4. სპეციალისტი – II კლასის იურისტი.“.

6. დებულების დანართი №5 ამოღებულ იქნეს.

მუხლი 2. ეს ბრძანება ამოქმედდეს 2008 წლის 1 ოქტომბრიდან.

ნ. გვარამია