“სახელმწიფო შესყიდვების განხორციელების წესის შესახებ” დებულების დამტკიცების შესახებ” სახელმწიფო შესყიდვების სააგენტოს თავმჯდომარის 2006 წლის 3 იანვრის №1 ბრძანებაში ცვლილებებისა და დამატებების შეტანის თაობაზე”

სახელმწიფო სარეგისტრაციო კოდი 010.240.060.21.014.012.642

სახელმწიფო შესყიდვების სააგენტოს თავმჯდომარის

ბრძანება №01

2009 წლის 15 იანვარი

ქ. თბილისი

„სახელმწიფო შესყიდვების განხორციელების წესის შესახებ“ დებულების დამტკიცების შესახებ“ სახელმწიფო შესყიდვების სააგენტოს თავმჯდომარის 2006 წლის 3 იანვრის №1 ბრძანებაში ცვლილებებისა და დამატებების შეტანის თაობაზე

„სახელმწიფო შესყიდვების შესახებ“ საქართველოს კანონში დამატებებისა და ცვლილებების შეტანის თაობაზე“ საქართველოს 2008 წლის 5 დეკემბრის №627 (IIს) კანონის მე-2 მუხლისა და „ნორმატიული აქტების შესახებ“ საქართველოს კანონის 36-ე მუხლის საფუძველზე, ვბრძანებ:

    მუხლი 1

„სახელმწიფო შესყიდვების განხორციელების წესის შესახებ“ დებულების დამტკიცების შესახებ“ სახელმწიფო შესყიდვების სააგენტოს თავმჯდომარის 2006 წლის 3 იანვრის №1 ბრძანებით (სსმ III, 03.01.2006 წ., №1, მუხ. 1) დამტკიცებული „სახელმწიფო შესყიდვების განხორციელების წესის შესახებ“ დებულებაში შეტანილ იქნეს შემდეგი ცვლილებები და დამატებები:

1. მე-3 მუხლის მე-3 პუნქტი ჩამოყალიბდეს შემდეგი რედაქციით:

„3. სახელმწიფო შესყიდვების გეგმა უნდა შეესაბამებოდეს შესაბამისი წლის საქართველოს სახელმწიფო და ადგილობრივი თვითმმართველი ერთეულების ბიუჯეტებით განსაზღვრულ პარამეტრებს, ხოლო სახელმწიფო ან ადგილობრივი თვითმმართველი ერთეულების ბიუჯეტების მოქმედი კანონმდებლობით დადგენილ ვადაზე გვიან დამტკიცების შემთხვევაში შემსყიდველმა ორგანიზაციამ უნდა განახორციელოს შესყიდვები „საბიუჯეტო სისტემის შესახებ“ საქართველოს კანონის შესაბამისად.“.

2. მე-4 მუხლის მე-4 პუნქტი ჩამოყალიბდეს შემდეგი რედაქციით:

„4. თუ შესყიდვის ობიექტის სავარაუდო ღირებულება აღემატება 30 000 ლარს სახელმწიფო შესყიდვის მოსამზადებელი სამუშაოების დასრულებისთანავე (ტენდერის შემთხვევაში – განცხადების გავრცელებამდე, ფასთა კოტირების შემთხვევაში – მოწვევის დაგზავნამდე, ერთ პირთან მოლაპარაკების შემთხვევაში – მოლაპარაკების დაწყებამდე) შემსყიდველი ორგანიზაცია ვალდებულია აცნობოს შესყიდვის პროცედურების დაწყების შესახებ სახელმწიფო შესყიდვების სააგენტოს.“.

3. მე-5 მუხლის მე-2 პუნქტი ამოღებულ იქნეს.

4. მე-5 მუხლის მე-4 პუნქტი ჩამოყალიბდეს შემდეგი რედაქციით:

„4. ორეტაპიანი ტენდერი შეიძლება ჩატარდეს იმ შემთხვევაში, როდესაც შესყიდვის ობიექტის თავისებურებიდან გამომდინარე, შეუძლებელია ყველა ეკონომიკური და ტექნიკური პირობის წინასწარ განსაზღვრა და შემსყიდველ ორგანიზაციას აუცილებლად მიაჩნია ტენდერის პირველ ეტაპზე პრეტენდენტებთან მოლაპარაკება ტექნიკური მაჩვენებლების, ეკონომიკური და სხვა მონაცემების დაზუსტების მიზნით.“.

5. მე-8 მუხლის მე-5 პუნქტი ჩამოყალიბდეს შემდეგი რედაქციით:

„5. იმ შემთხვევაში, თუ გამოიყენება ხელშეკრულების შესრულების უზრუნველყოფის მექანიზმი ან/და დასაშვებია ალტერნატიული სატენდერო წინადადების წარმოდგენა ან/და შემსყიდველი ორგანიზაციის მიერ განსაზღვრულია შესყიდვაში მონაწილეობის მსურველ პირთა სატენდერო წინადადებების წარდგენისა და კონვერტების გახსნის ალტერნატიული წესი, განცხადება ტენდერის ჩატარების შესახებ უნდა შეიცავდეს მითითებას აღნიშნულის შესახებ.“.

6. მე-9 მუხლი ჩამოყალიბდეს შემდეგი რედაქციით:

     „მუხლი 9. საკვალიფიკაციო მონაცემების შერჩევის წესი

1. მოთხოვნებს, რომელსაც უნდა აკმაყოფილებდეს პრეტენდენტთა საკვალიფიკაციო მონაცემები, განსაზღვრავს შემსყიდველი ორგანიზაცია ყოველი კონკრეტული შესყიდვისათვის.

2. საკვალიფიკაციო მოთხოვნები შეიძლება დაწესებულ იქნეს პრეტენდენტთა პროფესიონალური და ტექნიკური კვალიფიკაციის, ფინანსური რესურსის, გამოცდილებისა და რეპუტაციის, ტექნიკური აღჭურვილობის და სხვა მატერიალური შესაძლებლობების, ასევე იმ საკითხების მიმართ, რომელიც ეხება მათი საქმიანობის სამართლებრივ მხარეს. საკვალიფიკაციო მოთხოვნებით, შემსყიდველ ორგანიზაციას შეუძლია, შესყიდვაში მონაწილეობის მსურველ პირს, მოსთხოვოს სახელმწიფო შესყიდვების სააგენტოდან წერილობითი დადასტურება, რომ იგი არ არის შესული შესყიდვებში მონაწილე არაკეთილსინდისიერი პირების, პრეტენდენტებისა და მიმწოდებლების რეესტრში.

3. საკვალიფიკაციო მოთხოვნები უნდა ეხებოდეს აგრეთვე ქვეკონტრაქტორებს, თუ ისინი ჩართულნი იქნებიან სახელმწიფო შესყიდვის განხორციელების ნებისმიერ ეტაპზე.“.

7. მე-10 მუხლის:

ა) მე-2 პუნქტი ჩამოყალიბდეს შემდეგი რედაქციით:

„2. სახელმწიფო შესყიდვების პროცედურებში მონაწილეობის მსურველმა პირმა სატენდერო მოსაკრებელი უნდა გადაიხადოს სატენდერო დოკუმენტაციის გაცემის ვადის გასვლამდე.“.

ბ) მე-5 პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) თუ შემსყიდველმა ორგანიზაციამ „სახელმწიფო შესყიდვების შესახებ“ საქართველოს კანონის მე-7 მუხლის პირველი პუნქტის „გ“ ქვეპუნქტის, ამ დებულების მე-20 მუხლის საფუძველზე, მიიღო გადაწყვეტილება სახელმწიფო შესყიდვის პროცედურების შეჩერების ან შეწყვეტის თაობაზე;“.

8. მე-11 მუხლის:

ა) მე-3 პუნქტი ჩამოყალიბდეს შემდეგი რედაქციით:

„3. პირის მიერ სატენდერო მოსაკრებლის გადახდის შემდეგ სატენდერო კომისია ვალდებულია პრეტენდენტის მოთხოვნისთანავე გადასცეს მას სატენდერო დოკუმენტაცია. სატენდერო კომისიამ უნდა შეარჩიოს პრეტენდენტებისათვის სატენდერო დოკუმენტაციის გადაცემის ისეთი საშუალება, რომელიც უზრუნველყოფს მის უმოკლეს დროში მიღებას. პრეტენდენტების მიერ სატენდერო მოსაკრებლის გადახდის და პრეტენდენტებისათვის სატენდერო დოკუმენტაციის გადაცემის პროცესი უნდა დასრულდეს ტენდერის ჩატარების შესახებ განცხადებაში მითითებულ ვადებში. ამასთანავე, ეს ვადა არ უნდა იყოს 20 კალენდარულ დღეზე ნაკლები ტენდერის ჩატარების შესახებ განცხადების გამოქვეყნების დღიდან.“;

ბ) მე-4 პუნქტის „ვ“– „ფ“ ქვეპუნქტები ჩამოყალიბდეს შემდეგი რედაქციით:

„ვ) მოთხოვნას შემოთავაზებული საქონლის ხარისხის დადასტურების შესახებ, აგრეთვე იმ სპეციალური ტესტებისა და მეთოდების აღწერას, რომლებიც გამოყენებული იქნება საქონლის ხარისხის დადგენისას, მშენებლობის შემთხვევაში – მისი ტექნიკური პარამეტრების სატენდერო დოკუმენტაციის მოთხოვნებთან შესაბამისობის შეფასებისას;

ზ) სატენდერო წინადადების ფასის გაანგარიშების წესს, იმის მითითებით, საქონლის, სამუშაოების მომსახურების ღირებულების გარდა უნდა შეიცავდეს თუ არა იგი სხვა ხარჯებსაც (ტრანსპორტირება, დაზღვევა, გადასახადები და სხვა);

თ) მითითებას იმ კონვერტადი ვალუტის შესახებ, რომელშიც უნდა იყოს გაანგარიშებული სატენდერო წინადადების ფასი, ხოლო იმ შემთხვევაში, თუ სატენდერო წინადადებების ფასის გაანგარიშება დაშვებულია სხვადასხვა ვალუტაში – მითითებას მათი სავალუტო კურსის თაობაზე ეროვნული ვალუტის მიმართ;

ი) მითითებას იმის შესახებ, ქართული ენის გარდა, თუ რა ენაზე შეიძლება სატენდერო წინადადებების წარდგენა;

კ) სატენდერო წინადადებების წარდგენის ვადასა და ადგილს;

ლ) მითითებას იმის შესახებ, დასაშვებია თუ არა ალტერნატიული წინადადებების წარდგენა;

მ) მითითებას პრეტენდენტების მიერ სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის შესაძლებლობის შესახებ, შესაბამისი პროცედურების აღწერას, შემსყიდველი ორგანიზაციის იმ თანამშრომელთა ვინაობას და საკონტაქტო კოორდინატებს, რომელთაც უფლება აქვთ იქონიონ კავშირი პრეტენდენტებთან და მიაწოდონ მათ ინფორმაცია და განმარტებები შესყიდვის პროცედურების შესახებ. ორეტაპიანი ტენდერის ჩატარების შემთხვევაში ინფორმაციას იმის შესახებ, აპირებს თუ არა შემსყიდველი ორგანიზაცია სატენდერო წინადადებების მიღების დაწყებამდე პრეტენდენტების საერთო კრების ჩატარებას ან/და სახელმწიფო შესყიდვის შესრულების ადგილის დათვალიერებისათვის მათ მოწვევას, კრების ჩატარების (დათვალიერების) ადგილისა და თარიღის მითითებით;

ნ) მოთხოვნას სატენდერო წინადადებების მოქმედების მინიმალური ვადის თაობაზე. ვადის განსაზღვრისას გათვალისწინებულ უნდა იქნეს ტენდერის ხანგრძლივობა, სახელმწიფო შესყიდვის შესახებ ხელშეკრულების დადების სავარაუდო ვადა და ამ პროცესში შესაძლო დაბრკოლებები;

ო) შემსყიდველი ორგანიზაციის მოთხოვნებს სატენდერო წინადადებების უზრუნველყოფის (გარანტიის), სახელმწიფო შესყიდვის შესახებ ხელშეკრულების შესრულების გარანტირების, შესყიდვის ობიექტის და ხელშეკრულების შესრულების ცალკეული ეტაპების დაზღვევის თაობაზე, წარმოსადგენი გარანტიების ღირებულების ოდენობისა და ფორმის, დაზღვევის პირობების ჩათვლით;

პ) მითითებას იმ დამატებით ვალდებულებებზე, რომლებიც უნდა იკისროს მიმწოდებელმა სახელმწიფო შესყიდვის შესახებ ხელშეკრულების დადების გარდა (მაგალითად, ტექნოლოგიის გადაცემა, ინტელექტუალურ საკუთრებაზე უფლებების გადაცემა, სპეციალისტების ტრენინგი და სხვა);

ჟ) სახელმწიფო შესყიდვის შესახებ ხელშეკრულების ძირითადი პირობების შესახებ;

რ) პრეტენდენტთა სატენდერო წინადადებათა გახსნის თარიღის, ადგილისა და წესის შესახებ;

ს) სატენდერო წინადადებების შეფასებისათვის, დადგენილი კრიტერიუმების, მათი პრიორიტეტულობის კოეფიციენტების და შეფასების წესის შესახებ;

ტ) მითითებას პრეტენდენტების უფლებების შესახებ, რომლებიც დაკავშირებულია სატენდერო წინადადების გატანასთან, მასში ცვლილებების შეტანასთან, წარმოდგენილი გარანტიების და გადახდილი მოსაკრებლის დაბრუნებასთან, წარმოქმნილი პრეტენზიების გასაჩივრებასთან;

უ) მითითებას შემსყიდველი ორგანიზაციის უფლებაზე, კანონმდებლობით განსაზღვრული პირობების შემთხვევაში, შეაჩეროს ან შეწყვიტოს ტენდერის ნებისმიერ ეტაპზე შესყიდვის განხორციელება ან უარყოს ყველა სატენდერო წინადადება;

ფ) ნებისმიერ სხვა მოთხოვნას, რომელიც შეიძლება გააჩნდეს შემსყიდველ ორგანიზაციას სატენდერო წინადადებების მიმართ „სახელმწიფო შესყიდვების შესახებ“ კანონისა და ამ დებულების შესაბამისად;“.

გ) მე-4 პუნქტის „ფ“ ქვეპუნქტის შემდეგ დაემატოს „ქ“ ქვეპუნქტი:

„ქ) მოთხოვნებს, რომლებიც შერჩევის დროს შემდგომ დაზუსტებას არ ექვემდებარება.“.

9. მე-13 მუხლის მე-9 პუნქტი ჩამოყალიბდეს შემდეგი რედაქციით:

„9. თუ შემსყიდველი ორგანიზაცია მიიღებს გადაწყვეტილებას სატენდერო პროცედურების შეჩერების ან შეწყვეტის თაობაზე პრეტენდენტებს გარანტიების დამადასტურებელი დოკუმენტები უბრუნდებათ მათი მოთხოვნისთანავე.“.

10. მე-14 მუხლის:

ა) მე-4 პუნქტი ჩამოყალიბდეს შემდეგი რედაქციით:

„4. ყოველ პრეტენდენტს აქვს მხოლოდ ერთი სატენდერო წინადადების წარდგენის უფლება, გარდა იმ შემთხვევებისა, როდესაც შემსყიდველი ორგანიზაცია დასაშვებად ჩათვლის ალტერნატიული წინადადებების წარდგენას, რის შესახებაც აუცილებლად უნდა იყოს მითითებული განცხადებაში ტენდერის ჩატარების შესახებ და სატენდერო დოკუმენტაციაში. ალტერნატიული წინადადება წარმოადგენს წინადადებას, რომელიც გულისხმობს ჩანაცვლებადი საქონლის მიწოდებას, ალტერნატიული პროექტის განხორციელებას, შემსყიდველი ორგანიზაციის საჭიროებათა დაკმაყოფილებას სატენდერო დოკუმენტაციით განსაზღვრულისაგან განსხვავებული გზით. ტენდერში მონაწილეობისათვის ალტერნატიული წინადადებების დაშვების შემთხვევაში პრეტენდენტებს უფლება აქვთ წარმოადგინონ როგორც ერთი წინადადება (სატენდერო დოკუმენტაციის შესაბამისი ან ალტერნატიული), ასევე რამდენიმე, რომლებიც წარმოდგენილ უნდა იქნეს ერთ კონვერტში (გარდა იმ შემთხვევისა, თუ მოთხოვნილი არის სატენდერო წინადადებების წარდგენისა და კონვერტების გახსნის ალტერნატიული წესი), მათზე გაკეთებული შესაბამისი აღნიშვნებით.“.

ბ) მე-8 პუნქტი ჩამოყალიბდეს შემდეგი რედაქციით:

„8. სატენდერო წინადადებების მიღების ვადის დასრულებისთანავე იმართება სატენდერო კომისიის სხდომა, რომელზეც პრეტენდენტების თანდასწრებით ერთობლივად იხსნება სატენდერო წინადადებები, ცხადდება სატენდერო წინადადებების წარმომდგენი პრეტენდენტების სახელწოდება, ვინაობა (ფიზიკური პირის შემთხვევაში), სატენდერო წინადადებების და ალტერნატიული წინადადებების ფასი (გარდა იმ შემთხვევისა, თუ მოთხოვნილი არ არის სატენდერო წინადადებების წარდგენისა და კონვერტების გახსნის ალტერნატიული წესი), რაც უნდა აისახოს სატენდერო კომისიის სხდომის ოქმში. სატენდერო წინადადებების გახსნის შემდეგ სატენდერო კომისია ადგენს სატენდერო წინადადებების განხილვის ვადებს. სატენდერო კომისია ვალდებულია გახსნას სატენდერო წინადადება იმ შემთხვევაშიც, როცა პრეტენდენტი არ ესწრება კომისიის სხდომას.“.

11. მე-14 მუხლის შემდეგ დაემატოს 141 მუხლი შემდეგი რედაქციით:

     „მუხლი 14¹. პრეტენდეტთა სატენდერო წინადადებების წარდგენისა და კონვერტების გახსნის ალტერნატიული წესი

1. პრეტენდეტთა სატენდერო წინადადებების წარდგენა და კონვერტების ალტერნატიული წესით გახსნა ხდება ამ დებულების მე-14 მუხლის შესაბამისად, თუ ამ მუხლით სხვა რამ არ არის გათვალისწინებული.

2. პრეტენდენტთა სატენდერო წინადადებების წარდგენისა და კონვერტების გახსნის ალტერნატიული წესის გამოყენება ხდება შემსყიდველი ორგანიზაციის გადაწყვეტილებით, რის თაობაზეც ის აკეთებს შესაბამის მითითებას სატენდერო განცხადებაში.

3. სატენდერო წინადადებებისა და კონვერტების გახსნის ალტერნატიული წესის გამოყენების შემთხვევაში, პრეტენდენტის მიერ შემსყიდველ ორგანიზაციას წარედგინება ორი დახურული კონვერტი (კონვერტზე გაკეთებული შესაბამისი აღნიშვნებით). პირველ კონვერტში უნდა მოთავსდეს პრეტენდენტის საკვალიფიკაციო მონაცემები და ტექნიკური წინადადებები, ხოლო მე-2 კონვერტში მხოლოდ ის დოკუმენტები, ინფორმაცია და ფინანსური წინადადებები, რომელიც შემდგომ შემსყიდველი ორგანიზაციის მიერ გამოიყენება შეფასებისათვის, ასევე სატენდერო წინადადების უზრუნველყოფის გარანტია (ასეთის გამოყენების შემთხვევაში).

4. სატენდერო წინადადებების მიღების ვადის დასრულების შემდგომ, თავდაპირველად მოხდება პირველი კონვერტით წარმოდგენილი დოკუმენტებისა და ინფორმაციის განხილვა. თუ პირველი კონვერტით წარმოდგენილი დოკუმენტები და ინფორმაცია აკმაყოფილებს შემსყიდველი ორგანიზაციის მიერ განსაზღვრულ სატენდერო განცხადების შესაბამის მოთხოვნებს, მოხდება მე-2 კონვერტის გახსნა და შეფასება. წინააღმდეგ შემთხვევაში მე-2 კონვერტი არ გაიხსნება, სატენდერო წინადადება დაუბრუნდება პრეტენდენტს და მოხდება მისი დისკვალიფიკაცია.

5. პირველი კონვერტით წარმოდგენილი დოკუმენტებისა და ინფორმაციის განხილვის შემდეგ, შემსყიდველი ორგანიზაციის მიერ განსაზღვრულ დღეს, რომელსაც უნდა დაესწროს ყველა პრეტენდენტი, მოხდება მე-2 კონვერტის გახსნა. თუ პრეტენდენტი არ დაესწრება მე-2 კონვერტის გახსნას, მე-2 კონვერტი გაიხსნება მის დაუსწრებლად.

12. მე-16 მუხლის შემდეგ დაემატოს 161 მუხლი შემდეგი რედაქციით:

     „მუხლი 16¹. სატენდერო წინადადების შეფასების დამატებითი, განსხვავებული მეთოდი

1. ეს მუხლი გამოიყენება იმ შემთხვევაში, თუ შემსყიდველი ორგანიზცია მიიღებს გადაწყვეტილებას სატენდერო წინადადების განსხვავებული მეთოდით შეფასებაზე.

2. სატენდერო წინადადებების დეტალური განხილვისა და შესწავლის შემდეგ, სატენდერო კომისია ახდენს სატენდერო წინადადებების შეფასებას ამ მუხლის მე-5 პუნქტით გათვალისწინებული შესაბამისი ფორმულის და სატენდერო დოკუმენტაციაში მითითებული კრიტერიუმების მიხედვით, ამ კრიტერიუმების პრიორიტეტულობის გათვალისწინებით.

3. ამ მუხლით გათვალისწინებული შეფასების მეთოდი შეიძლება გამოყენებულ იქნეს მხოლოდ იმ შემთხვევაში, როცა შეფასების კრიტერიუმად განსაზღვრულია ციფრობრივად გამოსახული მონაცემები.

4. განსხვავებული მეთოდით შეფასებისას სატენდერო კომისიამ უნდა მოახდინოს სატენდერო წინადადებით წარმოდგენილი ყოველი კონკრეტული ციფრობრივად გამოსახული მონაცემის შესწავლა წინასწარ განსაზღვრულ შეფასების კრიტერიუმებთან მიმართებაში და საუკეთესო პირობის შემომთავაზებელ პრეტენდენტს ავტომატურად მიანიჭოს 10 ქულა.

5. ამ მუხლით გათვალისწინებული შეფასება ხორციელდება შემდეგი ფორმულების გამოყენებით (სადაც Y წარმოადგენს ფორმულის შედეგად, თითოეული კრიტერიუმის მიხედვით, პრეტენდენტის მისაღებ ქულას):

ა) საუკეთესო პირობის წარმომდგენი პრეტენდენტის შემოთავაზება X 10

 

Y = –––––––––––––––––––––––––––––––––––––––––––––––––

 იმ პრეტენდენტის შემოთავაზება, ვისი ქულაც უნდა დადგინდეს

 

ბ) იმ პრეტენდენტის შემოთავაზება, ვისი ქულაც უნდა დადგინდეს X 10

 

Y = –––––––––––––––––––––––––––––––––––––––––––––––––

საუკეთესო პირობის წარმომდგენი პრეტენდენტის შემოთავაზება

 

6. აღნიშნული მუხლის მე-5 პუნქტის „ა“ ქვეპუნქტით გათვალისწინებული ფორმულის გამოყენება შესაძლებელია მხოლოდ იმ შემთხვევაში, თუ შეფასებისას უპირატესობა ენიჭება უფრო დაბალ ციფრობრივ მაჩვენებელს (მაგ.,ფასი, შესრულების ვადა და სხვა), ხოლო „ბ“ ქვეპუნქტით გათვალისწინებული ფორმულის გამოყენება ხდება იმ შემთხვევაში, თუ შეფასებისას უპირატესობა ენიჭება უფრო მაღალ ციფრობრივ მაჩვენებელს (მაგ.,შესრულებული სამუშაოს საგარანტიო პერიოდი და სხვა).

7. შეფასებისას გამოყენებულ თითოეულ კრიტერიუმს უნდა გააჩნდეს ციფრობრივად გამოსახული ხვედრითი წონა ჯამურ შეფასებაში (პრიორიტეტულობის მაჩვენებელი), რომელიც უნდა გამოიხატოს კოეფიციენტის სახით. ამასთან, ყველა კრიტერიუმის პრიორიტეტულობის კოეფიციენტების ჯამი უნდა უდრიდეს ერთ მთელს. ამ მუხლის მე-5 პუნქტით გათვალისწინებული ფორმულის გამოყენების შედეგად, თითოეული პრეტენდენტისათვის მიღებული ქულა (შეფასების კრიტერიუმების მიხედვით) მრავლდება შეფასების კრიტერიუმისათვის განსაზღვრულ კოეფიციენტზე.

8. გამარჯვებულად ჩაითვლება ის პრეტენდენტი, რომელიც ამ მუხლის მე-7 პუნქტით გათვალისწინებული პროცედურის დასრულებისა და მიღებული მონაცემების დაჯამების შემდგომ მიიღებს საუკეთესო მაჩვენებელს.

9. ამ მუხლით გათვალისწინებული შეფასების პროცედურა აისახება სატენდერო კომისიის სხდომის ოქმში, რომელსაც ხელს აწერ ს შეფასებაზე დამსწრე ყველა კომისიის წევრი.

10. გადაწყვეტილების მიღებიდან არა უგვიანეს 5 დღის ვადაში სატენდერო კომისია აცნობებს შედეგებს ტენდერში მონაწილე ყველა პრეტენდენტს და იწვევს გამარჯვებულს სახელმწიფო შესყიდვის შესახებ ხელშეკრულების დასადებად.“.

13. მე-17 მუხლის:

ა) პირველი და მე-2 პუნქტები ჩამოყალიბდეს შემდეგი რედაქციით:

„1. ორეტაპიანი ტენდერის პროცედურები გამოიყენება „სახელმწიფო შესყიდვების შესახებ“ საქართველოს კანონის მე-20 მუხლის პირველი პუნქტით გათვალისწინებულ შემთხვევებში.

2. ორ ეტაპად ტენდერის ჩატარების შემთხვევაში შესყიდვებში მონაწილეობის მსურველი პირები საკვალიფიკაციო მონაცემებთან ერთად სატენდერო კომისიას წარუდგენენ პირველად სატენდერო წინადადებებს და ზოგად მონაცემებს, ხოლო მეორე ეტაპზე სატენდერო კომისია იწვევს მხოლოდ იმ პრეტენდენტებს, რომლებიც თავისი საკავალიფიკაციო მონაცემებითა და შემოთავაზებული წინადადებებით შეესაბამება პირველი ეტაპისათვის დადგენილ პირობებს.“;

ბ) მე-4 პუნქტი ჩამოყალიბდეს შემდეგი რედაქციით:

„4. ორეტაპიანი ტენდერის პირველ ეტაპზე სატენდერო კომისიას უფლება აქვს გამართოს მოლაპარაკება ყველა პირველადი სატენდერო წინადადების წარმომდგენ პირთან (ცალ-ცალკე) პირველადი სატენდერო წინადადებების ნებისმიერი პირობის დაზუსტების და სატენდერო დოკუმენტაციის საბოლოო მოთხოვნების განსაზღვრის მიზნით. ორეტაპიანი ტენდერის ჩატარების დროს როგორც პირველადი, ისე საბოლოო სატენდერო წინადადება სატენდერო კომისიას წარედგინება დახურული კონვერტებით.“

გ) მე-9 პუნქტი ჩამოყალიბდეს შემდეგი რედაქციით:

„9. ორეტაპიანი ტენდერის მე2 ეტაპზე სატენდერო წინადადებების შერჩევა და შეფასება ტარდება იმავე წესით, როგორც ერთეტაპიანი ტენდერის დროს. ამასთან, მეორე ეტაპზე პრეტენდენტებს არ ეკისრებათ საკვალიფიკაციო მონაცემების დამადასტურებელი დოკუმენტების წარმოდგენის ვალდებულება, თუკი ამას დამატებით არ მოითხოვს სატენდერო კომისია.“.

14. ამოღებულ იქნეს მე-18 მუხლი.

15. მე-20 მუხლი ჩამოყალიბდეს შემდეგი რედაქციით:

     „მუხლი 20. სახელმწიფო შესყიდვის განხორციელების შეჩერება ან შეწყვეტა

1. შემსყიდველ ორგანიზაციას უფლება აქვს სახელმწიფო შესყიდვის შესახებ ხელშეკრულების დადებამდე ნებისმიერ დროს შეაჩეროს ან შეწყვიტოს შესყიდვის განხორციელება, როდესაც ამის აუცილებლობა წარმოიქმნება მისგან დამოუკიდებელი და წინასწარ გაუთვალისწინებელი ობიექტური მიზეზების გამო, აგრეთვე სახელმწიფო ან საზოგადოებრივი ინტერესებიდან გამომდინარე.

2. შემსყიდველ ორგანიზაციას უფლება აქვს საქართველოს კანონმდებლობის შესაბამისად შეაჩეროს ან შეწყვიტოს სახელმწიფო შესყიდვის შესახებ დადებული ხელშეკრულების მოქმედება, თუ მიმწოდებლის მიერ წარმოდგენილი საკვალიფიკაციო მონაცემები ყალბი აღმოჩნდება, აგრეთვე საქართველოს კანონმდებლობით გათვალისწინებულ სხვა შემთხვევებში.

3. ტენდერის ან ფას თ ა კოტირების შეჩერების ან შეწყვეტის შემთხვევაში შემსყიდველი ორგანიზაცია,არა უგვიანეს 3 სამუშაო დღისა,აცნობებს თავის გადაწყვეტილებას და მისი მიღების საფუძველს სახელმწიფო შესყიდვების სააგენტოს და პრეტენდენტებს. შემსყიდველი ორგანიზაცია არ არის ვალდებული შესყიდვაში მონაწილე პირებს წარუდგინოს კონკრეტული მტკიცებულებანი ან დეტალური ინფორმაცია, რომლის საფუძველზეც მიღებული იქნა ეს გადაწყვეტილება, აგრეთვე აუნაზღაუროს მათ შესყიდვაში მონაწილეობასთან დაკავშირებული ხარჯები, სატენდერო მოსაკრებლის გარდა. მოსაკრებელი დაბრუნებას არ ექვემდებარება, თუ შესყიდვის პროცედურების შეჩერების გადაწყვეტილება მიღებულია ამ დებულების 33-ე მუხლის შესაბამისად.

4. გადაწყვეტილებას სახელმწიფო შესყიდვის განხორციელების შეჩერების ან შეწყვეტის შესახებ იღებს შემსყიდველი ორგანიზაცია. სახელმწიფო შესყიდვის განხორციელების შეწყვეტის შესახებ გადაწ ყ ვეტილების მიღების შემთხვევაში, შემსყიდველი ორგანიზაცია ვალდებულია მიღებული საკვალიფიკაციო მონაცემები, სატენდერო წინადადებები, თანმხლები დოკუმენტები და გადახდილი სატენდერო მოსაკრებელი დაუბრუნოს მათ წარმომდგენ პირებს, ხოლო სახელმწიფო შესყიდვის განხორციელების შეჩერების შესახებ გადაწ ყ ვეტილების მიღების შემთხვევაში, შემსყიდველი ორგანიზაცია ვალდებულია მიღებული საკვალიფიკაციო მონაცემები, სატენდერო წინადადებები, თანმხლები დოკუმენტები და გადახდილი სატენდერო მოსაკრებელი დაუბრუნოს მათ წარმომდგენ პირებს მათივე მოთხოვნის საფუძველზე (გარდა ამ დებულების 33-ე მუხლით გათვალისწინებული შემთხვევებისა).

5. იმ შემთხვევაში, თუ შემსყიდველი ორგანიზაცია შესყიდვის პროცედურების შეჩერების შემდეგ მიიღებს გადაწყვეტილებას იმავე ობიექტის შესყიდვის შესახებ, იგი ვალდებულია განახორციელოს ეს შესყიდვა (თუ ის ხორციელდება იმავე წლის ასიგნებებით) შეჩერებული პროცედურების გაგრძელების მეშვეობით. ამისათვის შემსყიდველი ორგანიზაცია მიმართავს შეჩერებულ სახელმწიფო შესყიდვაში მონაწილე ყველა პირს წინადადებით საკვალიფიკაციო მონაცემების ხელახალი დადასტურების, სატენდერო წინადადებებისა და თანმხლები დოკუმენტების, ასევე მოსაკრებლის ქვითრის ხელახალი წარდგენის შესახებ, თუ არც ერთმა მონაწილემ არ განაცხადა თანხმობა განახლებულ შესყიდვის პროცედურებში მონაწილეობაზე, შემსყიდველი ორგანიზაცია აცხადებს ახალ ტენდერს.

6. ამ დებულების 33-ე მუხლის შესაბამისად შეჩერებული პროცედურების განახლების შემთხვევაში, მონაცემების (დოკუმენტების) ან/და მოსაკრებლის ქვითრის ხელახალი დადასტურების მოთხოვნა შესაძლოა განხორციელდეს საჭიროების შემთხვევაში.“.

16. 22-ე მუხლის:

ა) მე-2 პუნქტი ჩამოყალიბდეს შემდეგი რედაქციით:

„2. „სახელმწიფო შესყიდვების შესახებ“ საქართველოს კანონის მე-10 მუხლის მე-2 პუნქტის თანახმად, ფასთა კოტირება შემსყიდველი ორგანიზაციის ხელმძღვანელის გადაწყვეტილებით შესაძლებელია გამოყენებულ იქნეს იმ საქონლის ან მომსახურების შესყიდვისათვის, რომლის სავარაუდო ღირებულება ნაკლებია 100.000 ლარზე, აგრეთვე სამუშაოების შესყიდვისათვის, რომლის სავარაუდო ღირებულება ნაკლებია 200.000 ლარზე.“;

ბ) მე-8 პუნქტი ჩამოყალიბდეს შემდეგი რედაქციით:

„8. მონაწილეების მიერ წარდგენილი განაცხადები შერჩეულ უნდა იქნეს განაცხადების წარდგენის ვადის დასრულებიდან არა უგვიანეს 3 დღისა.“.

17. 23-ე მუხლის:

ა) მე-2 პუნქტის „ე“ ქვეპუნქტის შემდეგ დაემატოს „ვ“ ქვეპუნქტი და ჩამოყალიბდეს შემდეგი რედაქციით:

„ვ) ხორციელდება ერთი ან ერთზე მეტი შესყიდული ავტოსატრანსპორტო საშუალებისა და კომპიუტერული ტექნიკის ახალი, იმავე ან გაუმჯობესებული პარამეტრების მქონე ერთი ან ერთზე მეტი ავტოსატრანსპორტო საშუალებითა და კომპიუტერული ტექნიკით ჩანაცვლება; ასეთ შემთხვევაში ახალი ავტოსატრანსპორტო საშუალებისა და კომპიუტერული ტექნიკის ღირებულების ნაწილი ანაზღაურდება ადრე შესყიდული ავტოსატრანსპორტო საშუალებისა და კომპიუტერული ტექნიკის მიმწოდებლისათვის დაბრუნებით ან სხვა ფიზიკური ან იურიდიული პირისათვის გადაცემით, რომელიც ახდენს მსგავსი პროდუქციის (საქონლის) რეალიზებას.“;

ბ) მე-4 პუნქტი ჩამოყალიბდეს შემდეგი რედაქციით:

„4. იმ შემთხვევაში, თუ საქონლის ან მომსახურების ღირებულება აღემატება 100.000 ლარს, ხოლო სამშენებლო სამუშაოების შესყიდვის შემთხვევაში 200.000 ლარს, შემსყიდველი ორგანიზაცია ვალდებულია ხელშეკრულების დადების შემდეგ გამოაქვეყნოს ინფორმაცია ხელშეკრულების დადების შესახებ გაზეთში „24 საათი“ 30 დღის ვადაში.“.

18. 24-ე მუხლის:

ა) პირველ პუნქტს დაემატოს შემდეგი რედაქციის „ზ“ ქვეპუნქტი:

„ზ) თუ სატენდერო წინადადებით წარმოდგენილი ფასი (ლოტების მიხედვით) აღემატება შემსყიდველი ორგანიზაციის ფინანსურ შესაძლებლობებს.“;

ბ) მე-4 პუნქტი ჩამოყალიბდეს შემდეგი რედაქციით:

„4. იმ შემთხვევაში, თუ სახელმწიფო შესყიდვის პროცედურებში მონაწილე პირის დისკვალიფიკაციის შესახებ გადაწყვეტილება მიღებულია ამ მუხლის პირველი პუნქტის „დ“, „ე“ და „ვ“ ქვეპუნქტებში მოყვანილი მიზეზების გამო ან/და იმ შემთხვევაში, როცა მიმწოდებელი ვერ უზრუნველყოფს ხელშეკრულებით ნაკისრი ვალდებულების შესრულებას, შემსყიდველი ორგანიზაცია ვალდებულია დაუყოვნებლივ აცნობოს ეს გადაწყვეტილება და მისი მიღების მიზეზები სახელმწიფო შესყიდვების სააგენტოს.“;

გ) მე-5 პუნქტი ჩამოყალიბდეს შემდეგი რედაქციით:

„5. სახელმწიფო შესყიდვების სააგენტო უზრუნველყოფს ამ მუხლის მე-4 პუნქტის შესაბამისად, მიწოდებული პირების (შესყიდვებში მონაწილე არაკეთილსინდისიერი პირები) მონაცემების მიღებისთანავე სააგენტოს ვებგვერდზე (www.spa.ge) განთავსებას.“;

დ) მე-6 პუნქტი ჩამოყალიბდეს შემდეგი რედაქციით:

„6. შესყიდვებში მონაწილე არაკეთილსინდისიერ პირებს, პრეტენდენტებსა და მიმწოდებლებს ამ მუხლის მე-5 პუნქტში აღნიშნულ ვებგვერდზე განთავსებიდან ორი წლის განმავლობაში არა აქვთ უფლება მონაწილეობა მიიღონ იმავე საქონლის, მომსახურებისა ან სამუშაოს შესყიდვაში. ამ ვადის გასვლის შემდეგ მოხდება მათი ამოღება შესაბამისი რეესტრიდან.“;

ე) მე-7 პუნქტი ამოღებულ იქნეს.

19. 25-ე მუხლის პირველი პუნქტი ამოღებულ იქნეს.

20. 27-ე მუხლის პირველი პუნქტი ჩამოყალიბდეს შემდეგი რედაქციით:

„1. სახელმწიფო შესყიდვის შესახებ ხელშეკრულების შესრულების უზრუნველყოფის მიზნით გამოიყენება ხელშეკრულების შესრულების გარანტირების მექანიზმი ან დაზღვევის მოთხოვნა. გარანტირების მექანიზმი ან დაზღვევის მოთხოვნა სავალდებულოა, თუ ხელშეკრულებით გათვალისწინებული შესყიდვის ობიექტის (საქონელი, მომსახურება) სავარაუდო ღირებულება აღემატება 200 000 ლარს, ხოლო სამშენებლო სამუშაოების შესყიდვის შემთხვევაში – 1.000.000 ლარს და გარანტიის ოდენობა არ უნდა აღემატებოდეს ხელშეკრულების ჯამური ღირებულების 5 პროცენტს და არ უნდა იყოს 2 პროცენტზე ნაკლები.“.

21. 28-ე მუხლის პირველი პუნქტი ჩამოყალიბდეს შემდეგი რედაქციით:

„1. „სახელმწიფო შესყიდვების შესახებ“ საქართველოს კანონის მე-4 და 22-ე მუხლების თანახმად, სახელმწიფო შესყიდვებთან დაკავშირებული საქმიანობის კოორდინაციასა და მონიტორინგს ახორციელებს სახელმწიფო შესყიდვების სააგენტო.“.

22. 29-ე მუხლის:

ა) მე-7 პუნქტი ჩამოყალიბდეს შემდეგი რედაქციით:

„7. სახელმწიფო შესყიდვის ერთ პირთან მოლაპარაკების საშუალებით განხორციელების შემთხვევაში, თუ საქონლისა და მომსახურების ღირებულება აღემატება 100.000 ლარს, ხოლო სამუშაოს შესყიდვის შემთხვევაში – 200.000 ლარს, შემსყიდველი ორგანიზაცია ვალდებულია წარუდგინოს სახელმწიფო შესყიდვების სააგენტოს ოპერატიული ანგარიში სახელმწიფო შესყიდვის შესახებ ხელშეკრულების დადებიდან არა უგვიანეს 10 კალენდარული დღისა.“;

ბ) მე-9 პუნქტი ჩამოყალიბდეს შემდეგი რედაქციით:

„9. თუ შესყიდვის ობიექტის ღირებულება ნაკლებია 100 000 ლარზე, ხოლო სამუშაოების შესყიდვის შემთხვევაში – 200 000 ლარზე, სახელმწიფო შესყიდვების შესახებ ანგარიშები, შედგენილი დაფინანსების წყაროების მიხედვით, წარედგინება სახელმწიფო შესყიდვების სააგენტოს ყოველკვარტალურად, არა უგვიანეს მომდევნო კვარტალის პირველი თვის 30 რიცხვისა.“;

გ) მე-11 პუნქტი ჩამოყალიბდეს შემდეგი რედაქციით:

„11. ხელშეკრულების მიმდინარეობის თაობაზე ანგარიში დანართი №5-ის მიხედვით სააგენტოს წარედგინება ყოველკვარტალურადбარა უგვიანეს მომდევნო კვარტალის პირველი თვის 30 რიცხვისა.“;

დ) მე-12 პუნქტი ჩამოყალიბდეს შემდეგი რედაქციით:

„12. 100 000 ლარამდე ღირებულების საქონლისა და მომსახურების, ხოლო 200 000 ლარამდე ღირებულების სამუშაოების შესყიდვის შემთხვევაში სააგენტოს ანგარიში დანართი №4-ის მიხედვით წარედგინება ყოველკვარტალურად, არა უგვიანეს მომდევნო კვარტალის პირველი თვის 30 რიცხვისა.“.

23. 30-ე მუხლი ჩამოყალიბდეს შემდეგი რედაქციით:

     „მუხლი 30. გასაჩივრების უფლება

1. სახელმწიფო შესყიდვების პროცედურებში მონაწილეობის მსურველ და პრეტენდენტ იურიდიულ და ფიზიკურ პირებს შეუძლიათ გაასაჩივრონ შემსყიდველი ორგანიზაციის სატენდერო კომისიის ქმედებები შემსყიდველ ორგანიზაციაში ან სააგენტოში, თუ მათ მიაჩნიათ, რომ სახელმწიფო შესყიდვის განხორციელების პროცესში დაირღვა „სახელმწიფო შესყიდვების შესახებ“ საქართველოს კანონითა და ამ დებულებით დადგენილი წესები ან/და შეილახა მათი უფლებები.

2. სახელმწიფო შესყიდვებში მონაწილეობის მსურველ, პრეტენდენტ და მიმწოდებელ იურიდიულ და ფიზიკურ პირებს ნებისმიერ ეტაპზე შეუძლიათ გაასაჩივრონ შემსყიდველი ორგანიზაციის ან სატენდერო კომისიის ქმედებები სასამართლოში, თუ მიაჩნიათ, რომ შესყიდვისას დაირღვა ამ კანონითა და შესაბამისი ნორმატიული აქტებით დადგენილი წესები ან/და შეილახა უფლებები.

3. სახელმწიფო შესყიდვების პროცედურებში მონაწილეობის მსურველი, პრეტენდენტი და მიმწოდებელი იურიდიული და ფიზიკური პირების შემსყიდველი ორგანიზაციის გადაწყვეტილებების გასაჩივრების უფლება და წესი განისაზღვრება „სახელმწიფო შესყიდვების შესახებ“ საქართველოს კანონით, სხვა საკანონმდებლო აქტებითა და ამ დებულებით.“.

24. 31-ე მუხლის:

ა) მე-3 პუნქტი ჩამოყალიბდეს შემდეგი რედაქციით:

„3. შემსყიდველი ორგანიზაცია ვალდებულია საჩივარი განიხილოს მისი შემოსვლიდან 10 კალენდარული დღის ვადაში.“;

ბ) მე-5 პუნქტი ჩამოყალიბდეს შემდეგი რედაქციით:

„5. იმ შემთხვევაში, თუ შემსყიდველი ორგანიზაცია ამ მუხლის მე-3 პუნქტში განსაზღვრულ ვადაში არ გამოიტანს გადაწყვეტილებას, ან არ დააკმაყოფილებს საჩივარს, საჩივრის შემტანს აქვს უფლება მიმართოს სახელმწიფო შესყიდვების სააგენტოს ან სასამართლოს. ასეთი საჩივრის შეტანის მომენტიდან შემსყიდველი ორგანიზაცია კარგავს საჩივრის განხილვის უფლებას.“.

25. 32-ე მუხლის პირველი პუნქტი ჩამოყალიბდეს შემდეგი რედაქციით:

„1. სახელმწიფო შესყიდვების სააგენტოში საჩივრის შეტანიდან 10 დღის ვადაში სააგენტოს თავმჯდომარე ქმნის საჩივრის განმხილველ კომისიას სამი წევრის შემადგენლობით, კომისიის თავმჯდომარის ჩათვლით. კომისიის თავმჯდომარე უნდა იყოს სააგენტოს თანამშრომელი, ხოლო დანარჩენი ორი წევრი ინიშნება მოდავე მხარეთა წარდგინებით.“.

26. 33-ე მუხლის მე-3 პუნქტი ჩამოყალიბდეს შემდეგი რედაქციით:

„3. შემსყიდველი ორგანიზაციის ხელმძღვანელის ან სააგენტოს გადაწყვეტილებით, შესყიდვის პროცედურების შეჩერების ვადა შეიძლება გაგრძელდეს, მაგრამ შეჩერების საერთო ვადა არ უნდა აღემატებოდეს 30 დღეს.“.

27. 34-ე მუხლის პირველი პუნქტი ჩამოყალიბდეს შემდეგი რედაქციით:

„1. სახელმწიფო შესყიდვების პროცედურებში მონაწილეობის მსურველ, პრეტენდენტ და მიმწოდებელ იურიდიულ და ფიზიკურ პირებს შეუძლიათ გაასაჩივრონ შემსყიდველი ორგანიზაციის და სააგენტოს მიერ პრეტენზიასთან დაკავშირებით მიღებული გადაწყვეტილებები სასამართლო წესით, მათ შეუძლიათ, აგრეთვე პირდაპირ მიმართონ სასამართლოს.“.

28. დებულების დანართი №1-ით გათვალისწინებული „ტიპური სატენდერო დოკუმენტაცია“ „საქონლის შესყიდვა ტენდერის საშუალებით“ „ინსტრუქცია ტენდერში მონაწილეთათვის“ ინსტრუქციის:

ა) 2.1 პუნქტს დაემატოს შემდეგი შინაარსის „ე“ ქვეპუნქტი:

„ე) ტენდერში მონაწილეობის მისაღებად არ დაიშვებიან ის პირები, რომლებიც სააგენტოს მიერ წარმოებულ შესყიდვებში მონაწილე არაკეთილსინდისიერი პირების, პრეტენდენტებისა და მიმწოდებლების რეესტრში არიან შეყვანილნი.“ж

ბ) 9.3 პუნქტი ჩამოყალიბდეს შემდეგი რედაქციით:

„9.3юპრეტენდენტს უფლება აქვს წარმოადგინოს ერთი ან რამდენიმე სატენდერო წინადადება, ერთ ან ორ კონვერტად, იმისდა მიხედვით, თუ რა არის მითითებული ს.მ.ნ.-ში.“;

გ) 13.5 პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) თუ შემსყიდველი ორგანიზაცია შეაჩერებს ან შეწყვეტს შესყიდვის განხორციელებას;“;

დ) 14.1 პუნქტი ჩამოყალიბდეს შემდეგი რედაქციით:

„14.1юთუ ტენდერის ჩატარების შესახებ განცხადებით არ არის განსაზღვრული წინადადებების ორ კონვერტად წარმოდგენის მოთხოვნა, მაშინ საკვალიფიკაციო მონაცემები და სატენდერო წინადადება სატენდერო კომისიას უნდა წარედგინოს ერთად, ერთ დახურულ კონვერტში. სატენდერო წინადადება ხელმოწერილ უნდა იქნეს პრეტენდენტი იურიდიული პირის შემთხვევაში მისი ხელმძღვანელის მიერ, ხოლო ფიზიკური პირის შემთხვევაში – თავად მის მიერ. ხელმოუწერელი წინადადებები არ განიხილება.“;

ე) 17.2 პუნქტი ჩამოყალიბდეს შემდეგი რედაქციით:

„17.2. წინადადებების გახსნისას გამოცხადდება ტენდერში მონაწილეების ვინაობა, სატენდერო წინადადებების და ალტერნატიული სატენდერო წინადადებების (თუ მათი წარმოდგენა დასაშვებია) ფასები (ლოტების მიხედვით), შეღავათები (ფასდაკლებები). ზემოთ მოცემული ინფორმაცია აისახება შესაბამისი ოქმის სახით (გარდა იმ შემთხვევისა, თუ მოთხოვნილი არ არის სატენდერო წინადადებების ორ კონვერტად წარმოდგენა).“;

ვ) 17.3. პუნქტი ჩამოყალიბდეს შემდეგი რედაქციით:

„17.3. წინადადებების გახსნისას არც ერთი წინადადება არ იქნება უარყოფილი, გარდა დაგვიანებული წინადადებებისა და იმ ორ კონვერტად წარმოდგენილი წინადადებებისა, რომელთა პირველი კონვერტის გახსნის დროს აღმოჩნდება, რომ საკვალიფიკაციო მონაცემები შეუსაბამოა განცხადებით გაკეთებულ მოთხოვნებთან. ასეთი წინადადებები გაუხსნელად დაუბრუნდებათ მათ წარმომდგენ პირებს. თუ პრეტენდენტი წარმოადგენს რამდენიმე კონვერტს (შესაბამისი მოთხოვნის არარსებობის შემთხვევაში), ან/და წარმოდგენილ კონვერტის/კონვერტების გახსნის შემდეგ აღმოჩნდება რამდენიმე სატენდერო წინადადება, სატენდერო კომისია არ განიხილავს პრეტენდენტის მიერ წარმოდგენილ არც ერთ წინადადებას, გარდა იმ შემთხვევებისა, როცა ტენდერის ჩატარების შესახებ განცხადებისა და სატენდერო დოკუმენტაციის მიხედვით დასაშვებია ალტერნატიული წინადადების წარმოდგენა.“;

ზ) 19.3. პუნქტს დაემატოს შემდეგი რედაქციის „ზ“ ქვეპუნქტი:

„ზ) თუ სატენდერო წინადადებით წარმოდგენილი ფასი აღემატება შემსყიდველი ორგანიზაციის ფინანსურ შესაძლებლობებს.“;

თ) 21.1 პუნქტი ჩამოყალიბდეს შემდეგი რედაქციით:

„21.1. სატენდერო კომისია მოახდენს იმ პრეტენდენტთა სატენდერო წინადადებების შეფასებას, რომლებიც გაივლიან შერჩევას და დაიშვებიან შეფასებისათვის; შეფასება უნდა განხორციელდეს ორი ალტერნატიული მეთოდიდან ერთ-ერთის გამოყენებით. ერთ შემთხვევაში შეფასების პროცედურა ხორციელდება ამ ინსტრუქციის 21-ე პუნქტის 21.2-21.8 პუნქტებით გათვალისწინებული მეთოდით.“;

ი) 21-ე პუნქტს დაემატოს შემდეგი რედაქციის 21.9 – 21.14 პუნქტები:

„21.9. მეორე შემთხვევაში შეფასების პროცედურა ხორციელდება შემდეგი ფორმულების გამოყენებით (სადაც Y წარმოადგენს ფორმულის შედეგად, თითოეული კრიტერიუმის მიხედვით, პრეტენდენტის მისაღებ ქულას):

ა) საუკეთესო პირობის წარმომდგენი პრეტენდენტის შემოთავაზება X 10

 

 Y= –––––––––––––––––––––––––––––––––––––––––––––––––

          იმ პრეტენდენტის შემოთავაზება, ვისი ქულაც უნდა დადგინდეს

 

ბ) იმ პრეტენდენტის შემოთავაზება, ვისი ქულაც უნდა დადგინდეს X 10

 

 Y= –––––––––––––––––––––––––––––––––––––––––––––––––

საუკეთესო პირობის წარმომდგენი პრეტენდენტის შემოთავაზება

 

21.10. 21.9 პუნქტის „ა“ ქვეპუნქტით გათვალისწინებული ფორმულის გამოყენება შესაძლებელია მხოლოდ იმ შემთხვევაში, თუ შეფასებისას უპირატესობა ენიჭება უფრო დაბალ ციფრობრივ მაჩვენებელს (მაგ., ფასი, შესრულების ვადა და სხვა), ხოლო „ბ“ ქვეპუნქტით გათვალისწინებული ფორმულის გამოყენება ხდება იმ შემთხვევაში, თუ შეფასებისას უპირატესობა ენიჭება უფრო მაღალ ციფრობრივ მაჩვენებელს (მაგ., შესრულებული სამუშაოს საგარანტიო პერიოდი და სხვა).

21.11.შეფასებისას გამოყენებულ თითოეულ კრიტერიუმს უნდა გააჩნდეს ციფრობრივად გამოსახული ხვედრითი წონა ჯამურ შეფასებაში (პრიორიტეტულობის მაჩვენებელი), რომელიც უნდა გამოიხატოს კოეფიციენტის სახით. ამასთან, ყველა კრიტერიუმის პრიორიტეტულობის კოეფიციენტების ჯამი უნდა უდრიდეს ერთ მთელს. 21.9 პუნქტით გათვალისწინებული ფორმულის გამოყენების შედეგად, თითოეული პრეტენდენტისათვის მიღებული ქულა მრავლდება შეფასების კრიტერიუმისათვის განსაზღვრულ კოეფიციენტზე.

21.12.გამარჯვებულად ჩაითვლება ის პრეტენდენტი, რომელიც 21.11 პუნქტით გათვალისწინებული პროცედურის დასრულებისა და მიღებული მონაცემების დაჯამების შემდგომ მიიღებს საუკეთესო მაჩვენებელს.

21.13.ამ შეფასების მეთოდით გათვალისწინებული პროცედურა აისახება სატენდერო კომისიის სხდომის ოქმში, რომელსაც ხელს აწერ ს შეფასებაზე დამსწრე ყველა კომისიის წევრი.

21.14.გადაწყვეტილების მიღებიდან არა უგვიანეს 5 დღის ვადაში სატენდერო კომისია აცნობებს შედეგებს ტენდერში მონაწილე ყველა პრეტენდენტს და იწვევს გამარჯვებულს სახელმწიფო შესყიდვის შესახებ ხელშეკრულების დასადებად.“;

კ) 23.1.პუნქტს დაემატოს შემდეგი რედაქციის „ზ“ ქვეპუნქტი:

„ზ) თუ პრეტენდენტის მიერ სატენდერო წინადადებით წარმოდგენილი ფასი (ლოტების მიხედვით) აღემატება შემსყიდველი ორგანიზაციის ფინანსურ შესაძლებლობებს.“;

ლ) 24-ე პუნქტი ჩამოყალიბდეს შემდეგი რედაქციით:

„24. სატენდერო პროცედურების შეჩერება ან შეწყვეტა

24.1.შემსყიდველს უფლება აქვს შეაჩეროს ან შეწყვიტოს სატენდერო პროცედურები, თუ ამის აუცილებლობა წარმოიქმნება მისგან დამოუკიდებელი და წინასწარ გაუთვალისწინებელი ობიექტური მიზეზების გამო, აგრეთვე სახელმწიფო ან საზოგადოებრივი ინტერესებიდან გამომდინარე.

24.2.სატენდერო პროცედურების შეჩერების ან შეწყვეტის შემთხვევაში სატენდერო კომისია აცნობებს ამის შესახებ სატენდერო პროცედურებში მონაწილე ყველა პირს და სახელმწიფო შესყიდვების სააგენტოს 3 სამუშაო დღის განმავლობაში.

24.3.შემსყიდველი არ არის ვალდებული წარუდგინოს სატენდერო პროცედურებში მონაწილე პირებს დეტალური ინფორმაცია ან კონკრეტული მტკიცებულებანი, რის საფუძველზეც მოხდა სატენდერო პროცედურების შეჩერების ან შეწყვეტის შესახებ გადაწყვეტილების მიღება, ასევე აუნაზღაუროს მათ ტენდერში მონაწილეობასთან დაკავშირებული ხარჯები, გარდა სატენდერო მოსაკრებლისა.

24.4.შემსყიდველი სატენდერო პროცედურების შეწყვეტის შესახებ გადაწყვეტილების მიღების შემთხვევაში პრეტენდენტებს უბრუნებს სატენდერო წინადადებებს, საკვალიფიკაციო მონაცემებს, თანმ ხ ლებ დოკუმენტებს და სატენდერო მოსაკრებელს.

24.5.თუ სატენდერო პროცედურების შეჩერების შემდეგ შემსყიდველი მიიღებს გადაწყვეტილებას იმავე ობიექტის შესყიდვაზე, იმავე წლის ასიგნებებით, ასეთ შემთხვევაში იგი განახორციელებს შესყიდვებს შეჩერებული პროცედურების გაგრძელების მეშვეობით და ამის შესახებ აცნობებს შეჩერებული პროცედურების მონაწილე ყველა პირს. თუ არც ერთი მონაწილე არ გამოთქვამს სურვილს განახლებულ ტენდერში მონაწილეობის თაობაზე, შემსყიდველი გამოაცხადებს ახალ ტენდერს.“;

მ) დანართი №1-ით გათვალისწინებული „ტიპური სატენდერო დოკუმენტაცია“ „საქონლის შესყიდვა ტენდერის საშუალებით“ „ინსტრუქცია ტენდერში მონაწილეთათვის“ ინსტრუქციის შემდეგ მოცემული საბაზისო მონაცემების ნუსხა ჩამოყალიბდეს შემდეგი რედაქციით:

 

„საბაზისო მონაცემების ნუსხა

საბაზისო მონაცემთა ნუსხა წარმოადგენს ტენდერში მონაწილეთათვის ინსტრუქციის შემადგენელ ნაწილს, რომელშიც აისახება ყოველი კონკრეტული ტენდერისათვის დამახასიათებელი ინფორმაცია.

საბაზისო მონაცემთა ნუსხის პირველ სვეტში მოცემულია ყოველი მონაცემის ის შესაბამისი მუხლი, რომელიც ასახულია ინსტრუქციაში ტენდერში მონაწილეთათვის (ი.ტ.მ.)