,,საქართველოს ფინანსთა სამინისტროს ცენტრალური აპარატის საჯარო მოსამსახურეთა დამატებითი საკვალიფიკაციო მოთხოვნების დამტკიცების შესახებ“ საქართველოს ფინანსთა მინისტრის 2006 წლის 12 იანვრის №50 ბრძანებაში ცვლილების შეტანის თაობაზე“

სახელმწიფო სარეგისტრაციო კოდი 010.320.040.22.033.012.780

საქართველოს ფინანსთა მინისტრის

ბრძანება №84

2009 წლის 12 თებერვალი

ქ. თბილისი

,,საქართველოს ფინანსთა სამინისტროს ცენტრალური აპარატის საჯარო მოსამსახურეთა დამატებითი საკვალიფიკაციო მოთხოვნების დამტკიცების შესახებ“ საქართველოს ფინანსთა მინისტრის 2006 წლის 12 იანვრის №50 ბრძანებაში ცვლილების შეტანის თაობაზე

,,ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

 მუხლი 1. ,,საქართველოს ფინანსთა სამინისტროს ცენტრალური აპარატის საჯარო მოსამსახურეთა დამატებითი საკვალიფიკაციო მოთხოვნების დამტკიცების შესახებ“ საქართველოს ფინანსთა მინისტრის 2006 წლის 12 იანვრის №50 ბრძანებით (სსმ III, 17.01.06 წ., №6, მუხლი 50) დამტკიცებული საქართველოს ფინანსთა სამინისტროს ცენტრალური აპარატის საჯარო მოსამსახურეთა დამატებითი საკვალიფიკაციო მოთხოვნების (დანართი №1) 33-ე მუხლი ჩამოყალიბდეს შემდეგი რედაქციით:

    „მუხლი 33. საგადასახადო პოლიტიკის სამმართველო

1. სამმართველოს უფროსი:

ა) უმაღლესი ეკონომიკური ან იურიდიული განათლება;

ბ) სპეციალობით მუშაობის არანაკლებ 3 წლის გამოცდილება;

გ) ფინანსთა სამინისტროს სისტემაში მუშაობის გამოცდილება;

დ) საქართველოს საგადასახადო კოდექსის, საქართველოს საბაჟო კოდექსის, საქართველოს კანონის ,,საბაჟო მოსაკრებლების შესახებ“ ცოდნა;

ე) საოფისე კომპიუტერული პროგრამების სამომხმარებლო დონეზე ცოდნა.

2. მთავარი სპეციალისტი:

ა) უმაღლესი ეკონომიკური ან იურიდიული განათლება;

ბ) სპეციალობით მუშაობის არანაკლებ 1 წლის გამოცდილება;

გ) ფინანსთა სამინისტროს სისტემაში მუშაობის გამოცდილება;

დ) საქართველოს საგადასახადო კოდექსის, საქართველოს საბაჟო კოდექსის, საქართველოს კანონის ,,საბაჟო მოსაკრებლების შესახებ“ ცოდნა;

ე) საოფისე კომპიუტერული პროგრამების სამომხმარებლო დონეზე ცოდნა.

3. უფროსი სპეციალისტი:

ა) უმაღლესი ეკონომიკური ან იურიდიული განათლება;

ბ) სპეციალობით მუშაობის არანაკლებ 6 თვის გამოცდილება;

გ) საქართველოს საგადასახადო კოდექსის, საქართველოს საბაჟო კოდექსის, საქართველოს კანონის ,,საბაჟო მოსაკრებლების შესახებ“ ცოდნა;

დ) საოფისე კომპიუტერული პროგრამების სამომხმარებლო დონეზე ცოდნა.

4. სპეციალისტი:

ა) უმაღლესი ეკონომიკური ან სხვა უმაღლესი განათლება;

ბ) საოფისე კომპიუტერული პროგრამების სამომხმარებლო დონეზე ცოდნა.“.

 მუხლი 2. ეს ბრძანება ამოქმედდეს გამოქვეყნებისთანავე.

კ. ბაინდურაშვილი