,,სახელმწიფო შესყიდვების განხორციელების წესის შესახებ“ დებულების დამტკიცების შესახებ“ სახელმწიფო შესყიდვების სააგენტოს თავმჯდომარის 2006 წლის 3 იანვრის №1 ბრძანებაში ცვლილებებისა და დამატებების შეტანის თაობაზე“

სახელმწიფო სარეგისტრაციო კოდი 010.240.060.21.014.012.873

სახელმწიფო შესყიდვების სააგენტოს თავმჯდომარის

ბრძანება №03

2009 წლის 9 მარტი

ქ. თბილისი

„სახელმწიფო შესყიდვების განხორციელების წესის შესახებ” დებულების დამტკიცების შესახებ“ სახელმწიფო შესყიდვების სააგენტოს თავმჯდომარის 2006 წლის 3 იანვრის №1 ბრძანებაში ცვლილებებისა და დამატებების შეტანის თაობაზე

„ნორმატიული აქტების შესახებ” საქართველოს კანონის 36-ე მუხლის საფუძველზე, ვბრძანებ:

    მუხლი 1

„სახელმწიფო შესყიდვების განხორცი ე ლების წესის შესახებ” დებულების დამტკიცების შესახებ” სახელმწიფო შესყიდვების სააგენტოს თავმჯდომარის 2006 წლის 3 იანვრის №1 ბრძანებით (სსმ III, 03.01.2006 წ., №1, მუხ. 1) დამტკიცებული „სახელმწიფო შესყიდვების განხორციელების წესის შესახებ” დებულებაში შეტანილ იქნეს შემდეგი ცვლილებები და დამატება:

1) 14¹ მუხლის მე-4 პუნქტი ჩამოყალიბდეს შემდეგი რედაქციით:

„4. სატენდერო წინადადებების მიღების ვადის დასრულების შემდგომ, თავდაპირველად მოხდება პირველი კონვერტით წარმოდგენილი დოკუმენტებისა და ინფორმაციის განხილვა. თუ პირველი კონვერტით წარმოდგენილი დოკუმენტები და ინფორმაცია აკმაყოფილებს შემსყიდველი ორგანიზაციის მიერ განსაზღვრულ სატენდერო განცხადების შესაბამის მოთხოვნებს, მოხდება მეორე კონვერტის გახსნა და შეფასება (შეფასება განხორციელდება სატენდერო კომისიის მიერ დადგენილ დღეს). წინააღმდეგ შემთხვევაში მეორე კონვერტი არ გაიხსნება, სატენდერო წინადადება დაუბრუნდება პრეტენდენტს და მოხდება მისი დისკვალიფიკაცია.”

 

2) 16¹ მუხლის მე-5 პუნქტს დაემატოს შემდეგი შინაარსის „გ” ქვეპუნქტი

„გ) (საუკეთესო პირობის წარმომდგენი პრეტენდენტის შემოთავაზება+100) X 10

  

Y= ------------------------------------------------------------------------------------------- 

     იმ პრეტენდენტის შემოთავაზება, ვისი ქულაც უნდა დადგინდეს+100”

 

3) 16¹  მუხლის მე-6 პუნქტი ჩამოყალიბდეს შემდეგი რედაქციით:

„6. აღნიშნული მუხლის მე-5 პუნქტის „ა“ ქვეპუნქტით გათვალისწინებული ფორმულის გამოყენება შესაძლებელია მხოლოდ იმ შემთხვევაში, თუ შეფასებისას უპირატესობა ენიჭება უფრო დაბალ ციფრობრივ მაჩვენებელს (მაგ.: ფასი, შესრულების ვადა და სხვა). „ბ” ქვეპუნქტით გათვალისწინებული ფორმულის გამოყენება ხდება იმ შემთხვევაში, თუ შეფასებისას უპირატესობა ენიჭება უფრო მაღალ ციფრობრივ მაჩვენებელს (მაგ., შესრულებული სამუშაოს საგარანტიო პერიოდი და სხვა), ხოლო „გ” ქვეპუნქტი გამოიყენება იმ შემთხვევაში, თუ შეფასებას ექვემდებარება საავანსო ანგარიშსწორება.

4) დებულების დანართი №1-ით გათვალისწინებული „ტიპური სატენდერო დოკუმენტაცია” „საქონლის შესყიდვა ტენდერის საშუალებით” „ინსტრუქცია ტენდერში მონაწილეთათვის” ინსტრუქციის:

 

ა) 21.9 პუნქტს დაემატოს შემდეგი რედაქციის „გ” ქვეპუნქტი:

 

„გ) (საუკეთესო პირობის წარმომდგენი პრეტენდენტის შემოთავაზაბა+100) X 10

 

Y = ------------------------------------------------------------------------------------------          

      იმ პრეტენდენტის შემოთავაზება, ვისი ქულაც უნდა დადგინდეს+100“;

 

ბ) 21.10 პუნქტი ჩამოყალიბდეს შემდეგი რედაქციით:

„21.10. 21.9 პუნქტის „ა” ქვეპუნქტით გათვალისწინებული ფორმულის გამოყენება შესაძლებელია მხოლოდ იმ შემთხვევაში, თუ შეფასებისას უპირატესობა ენიჭება უფრო დაბალ ციფრობრივ მაჩვენებელს (მაგ., ფასი, შესრულების ვადა და სხვა), „ბ” ქვეპუნქტით გათვალისწინებული ფორმულის გამოყენება ხდება იმ შემთხვევაში, თუ შეფასებისას უპირატესობა ენიჭება უფრო მაღალ ციფრობრივ მაჩვენებელს (მაგ., შესრულებული სამუშაოს საგარანტიო პერიოდი და სხვა), ხოლო „გ” ქვეპუნქტი გამოიყენება იმ შემთხვევაში, თუ შეფასებას ექვემდებარება საავანსო ანგარიშსწორება.”.

გ) დანართი №1-ით გათვალისწინებული „ტიპური სატენდერო დოკუმენტაცია” „საქონლის შესყიდვა ტენდერის საშუალებით” „ინსტრუქცია ტენდერში მონაწილეთათვის” ინსტრუქციის შემდეგ მოცემული საბაზისო მონაცემების ნუსხა ჩამოყალიბდეს შემდეგი რედაქციით:

 

„საბაზისო მონაცემების ნუსხა

 

საბაზისო მონაცემთა ნუსხა წარმოადგენს ტენდერში მონაწილეთათვის ინსტრუქციის   შემადგენელ ნაწილს, რომელშიც აისახება ყოველი კონკრეტული ტენდერისათვის დამახასიათებელი ინფორმაცია.

საბაზისო მონაცემთა ნუსხის პირველ სვეტში მოცემულია ყოველი მონაცემის ის შესაბამისი მუხლი, რომელიც ასახულია ინსტრუქციაში ტენდერში მონაწილეთათვის (ი.ტ.მ.);