,,ელექტროენერგიის ტარიფების მეთოდოლოგიის, დადგენის წესების და პროცედურების დამტკიცების შესახებ“ საქართველოს ელექტროენერგეტიკის მარეგულირებელი ეროვნული კომისიის (სემეკ) 1998 წლის 1 ივლისის №3 დადგენილებაში დამატების შეტანის შესახებ“

სახელმწიფო სარეგისტრაციო კოდი 300.280.000.16.009.013.099

საქართველოს ენერგეტიკისა და წყალმომარაგების მარეგულირებელი ეროვნული კომისიის დადგენილება №6

2009 წლის 7 მაისი

ქ. ქუთაისი

„ელექტროენერგიის ტარიფების მეთოდოლოგიის, დადგენის წესების და პროცედურების დამტკიცების შესახებ“ საქართველოს ელექტროენერგეტიკის მარეგულირებელი ეროვნული კომისიის (სემეკ) 1998 წლის 1 ივლისის №3 დადგენილებაში დამატების შეტანის შესახებ

„ნორმატიული აქტების შესახებ“ საქართველოს კანონის 36-ე მუხლისა და „ელექტროენერგეტიკისა და ბუნებრივი გაზის შესახებ“ საქართველოს კანონის 43-ე მუხლის მე-3 პუნქტის საფუძველზე, ვადგენთ:

მუხლი 1.

„ელექტროენერგიის ტარიფების მეთოდოლოგიის, დადგენის წესების და პროცედურების დამტკიცების შესახებ“ საქართველოს ელექტროენერგეტიკის მარეგულირებელი ეროვნული კომისიის (სემეკ) 1998 წლის 1 ივლისის №3 დადგენილების მე-3 მუხლს დაემატოს შემდეგი შინაარსის 4 ₁   პუნქტი:

„4 ₁  . თუ წარმოების ლიცენზიატი ფლობს ორ ან მეტ ელექტროსადგურს წარმოების ტარიფის დადგენა შესაძლებელია თითოეული ელექტროსადგურისათვის ცალ-ცალკე“.

მუხლი 2.

ეს დადგენილება ძალაში შედის გამოქვეყნებიდან მე-15 დღეს.

თავმჯდომარე                                                    გ. ჩალაგაშვილი