,,საქართველოს განათლებისა და მეცნიერების სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №37 დადგენილებით დამტკიცებულ დებულებაში ცვლილებებისა და დამატებების შეტანის თაობაზე“

საქართველოს მთავრობის

დადგენილება №101

2006 წლის 31 მაისი

ქ. თბილისი

,,საქართველოს განათლებისა და მეცნიერების სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №37 დადგენილებით დამტკიცებულ დებულებაში ცვლილებებისა და დამატებების შეტანის თაობაზე

1. ,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-17 მუხლის პირველი პუნქტის, ,,ნორმატიული აქტების შესახებ“ საქართველოს კანონის 36-ე მუხლის, საქართველოს ზოგადი ადმინისტრაციული კოდექსის 63-ე მუხლის შესაბამისად ,,საქართველოს განათლებისა და მეცნიერების სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №37 დადგენილებით დამტკიცებულ დებულებაში (სსმ III, 2004 წ., №54) შეტანილ იქნეს შემდეგი ცვლილებები და დამატებები:

ა) დებულების მე-2 მუხლის მე-2 პუნქტის ,,ე“ ქვეპუნქტი ჩამოყალიბდეს შემდეგი რედაქციით:

,,ე) ახორციელებს სააღმზრდელო და საგანმანათლებლო დაწესებულებათა ლიცენზირებას;“;

ბ) ამოღებულ იქნეს დებულების მე-2 მუხლის მე-2 პუნქტის ,,ვ“ ქვეპუნქტი;

გ) დებულების მე-4 მუხლის პირველი პუნქტის ,,ა.თ“ ქვეპუნქტი ჩამოყალიბდეს შემდეგი რედაქციით:

,,ა.თ) ფინანსური და მატერიალური რესურსების მართვის დეპარტამენტი;“;

დ) დებულების მე-4 მუხლის პირველ პუნქტს დაემატოს ,,ა.მ“ ქვეპუნქტი და ჩამოყალიბდეს შემდეგი რედაქციით:

,,ა.მ) ადამიანური რესურსების მართვის დეპარტმენტი;“;

ე) დებულების მე-4 მუხლის მე-9 პუნქტი ჩამოყალიბდეს შემდეგი რედაქციით:

,,9. ფინანსური და მატერიალური რესურსების მართვის დეპარტამენტი:

ა) შეიმუშავებს სამინისტროსა და მისდამი დაქვემდებარებული ერთეულების ბიუჯეტების პროექტებს;

ბ) ახორციელებს საბიუჯეტო სახსრების, აგრეთვე სპეციალური სახელმწიფო პროგრამების ფინანსურ მართვას;

გ) ახორციელებს სამინისტროს მიერ მოძიებული გრანტების ფინანსურ მართვას;

დ) ადგენს სამინისტროს საშტატო ნუსხას და წარუდგენს მინისტრს დასამტკიცებლად;

ე) უზრუნველყოფს:

ე.ა) სამინისტროს ბალანსზე რიცხულ შენობა-ნაგებობათა მატერიალურ-ტექნიკური ბაზის მოვლა-განახლებას;

ე.ბ) საგანმანათლებლო და სააღმზრდელო დაწესებულებათა ლიცენზირებას და დადგენილი სიხშირით სალიცენზიო პირობების შემოწმებას;

ე.გ) სამინისტროს სარგებლობაში არსებული ტექნიკური აღჭურვილობის მომსახურებას;

ვ) აწარმოებს სამინისტროს საბუღალტრო აღრიცხვას, ადგენს ნაერთ ბალანსს;

ზ) ამოწმებს სამინისტროს დაქვემდებარებული დაწესებულებებიდან შემოსული საფინანსო ანგარიშგების დოკუმენტაციას;

თ) გეგმავს და ახორციელებს სამინისტროს შესყიდვებს.“;

ვ) დებულების მე-4 მუხლს დაემატოს მე-13 პუნქტი და ჩამოყალიბდეს შემდეგი რედაქციით:

,,13. ადამიანური რესურსების მართვის დეპარტამენტი:

ა) უზრუნველყოფს სამინისტროს სისტემაში ადამიანური რესურსების აღრიცხვას;

ბ) ამზადებს საჯარო მოსამსახურეთა დანიშვნასა და შრომითი ხელშეკრულებების გაფორმებასთან დაკავშირებულ დოკუმენტაციას;

გ) ხელს უწყობს სამინისტროს საჯარო მოსამსახურეთა კვალიფიკაციის ამაღლებასა და გადამზადებას. უზრუნველყოფს სამინისტროს სისტემაში საჯარო მოხელეთა კონკურსის ორგანიზებას;

დ) უზრუნველყოფს მინისტრისათვის საკადრო საკითხებთან დაკავშირებული რეკომენდაციების მიწოდებას;

ე) ახორციელებს საჯარო სამართლის იურიდიული პირების – უმაღლესი საგანმანათლებლო დაწესებულებების რექტორთა, ადმინისტრაციის ხელმძღვანელთა, წარმომადგენლობითი საბჭოს სპიკერთა, აგრეთვე საჯარო სკოლების დირექტორთა, დირექტორების მოვალეობის შემსრულებელ მოადგილეთა, მოვალეობის სხვა შემსრულებელთა, სამეურვეო საბჭოს წევრთა რეგისტრაციას;

ვ) უზრუნველყოფს საჯარო სკოლების დირექტორების შესარჩევი კონკურსის ჩატარებას სამინისტროს ტერიტორიულ წარმომადგენლობებსა და საინფორმაციო მართვის დეპარტამენტთან ერთად.“;

ზ) დებულების მე-4 მუხლის მე-11 პუნქტის ,,დ“ ქვეპუნქტი ჩამოყალიბდეს შემდეგი რედაქციით:

,,დ) მონაწილეობს საჯარო სკოლების დირექტორთა შესარჩევი კონკურსის ორგანიზებაში.“.

2. დადგენილება ამოქმედდეს გამოქვეყნებისთანავე.

პრემიერ-მინისტრი ზ. ნოღაიდელი