„საქართველოს ცენტრალური საარჩევნო კომისიის 2009 წლის 23 მარტის №1/2009 „საარჩევნო ადმინისტრაციის მოხელეთა სერტიფიცირების წესის“ დებულების დამტკიცებისა და საქართველოს ცენტრალური საარჩევნო კომისიის 2008 წლის 11 თებერვლის №2/2008 დადგენილების ნაწილის ძალადაკარგულად გამოცხადების თაობაზე” დადგენილებაში ცვლილების შეტანის თაობაზე“

სახელმწიფო სარეგისტრაციო კოდი 010.340.000.15.008.013.794

საქართველოს საარჩევნო ადმინისტრაცია – საქართველოს ცენტრალური საარჩევნო კომისიის

დადგენილება №8/2009

2009 წლის 19 ნოემბერი

ქ. თბილისი

საქართველოს ცენტრალური საარჩევნო კომისიის 2009 წლის 23 მარტის №1/2009 „საარჩევნო ადმინისტრაციის მოხელეთა სერტიფიცირების წესის“ დებულების დამტკიცებისა და საქართველოს ცენტრალური საარჩევნო კომისიის 2008 წლის 11 თებერვლის №2/2008 დადგენილების ნაწილის ძალადაკარგულად გამოცხადების თაობაზე” დადგენილებაში ცვლილების შეტანის თაობაზე

საქართველოს ორგანული კანონის „საქართველოს საარჩევნო კოდექსი“ 25-ე მუხლის მე-2 და მე-3 პუნქტების, 29-ე მუხლის პირველი პუნქტის „უ¹” ქვეპუნქტის, 77–ე მუხლის მე-5 პუნქტისა და საქართველოს ზოგადი ადმინისტრაციული კოდექსის 63-ე მუხლის საფუძველზე საქართველოს ცენტრალური საარჩევნო კომისია ადგენს:

    მუხლი 1.

 საქართველოს ცენტრალური საარჩევნო კომისიის 2009 წლის 23 მარტის №1/2009 დადგენილებით (სსმ III, 25.03.2009 №36 მუხ. 418) დამტკიცებულ „საარჩევნო ადმინისტრაციის მოხელეთა სერტიფიცირების წესის შესახებ” დებულებაში შეტანილ იქნეს შემდეგი ცვლილება:

მე-9 მუხლის მე-4 პუნქტი ჩამოყალიბდეს შემდეგი რედაქციით:

„4. ტესტებში შეკითხვები საკითხების მიხედვით განისაზღვრება შემდეგი რაოდენობით:

ა) საქართველოს კონსტიტუცია – 12 კითხვა;

ბ) საქართველოს ორგა­ნული კანონი „საქართველოს საარჩევნო კოდექსი – 70 კითხვა;

გ) საქართველოს ორგანული კანონი „რეფერენდუმის შესახებ“ – 4 კითხვა;

დ) საქართველოს ზოგადი ადმინისტრაციული კოდექსი – 3 კითხვა;

ე) საქართველოს ადმინისტრაციული სამართალ-დარღვევათა კოდექსი – 1 კითხვა;

ვ) საქართველოს ორგანული კანონი „ადგილობრივი თვითმმართველობის შესახებ“ – 1 კითხვა;

ზ) საქართველოს სისხლის სამართლის კოდექსი – 1 კითხვა;

თ) ზოგადი უნარები (გამოთვლები) – 5 კითხვა;

ი) ზოგადი უნარები (ლოგიკა) – 3 კითხვა.”

    მუხლი 2.

ეს დადგენილება შეიძლება გასაჩივრდეს თბილისის საქალაქო სასა­მართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე-12 კმ. №6) მისი მიღებიდან 1 კალენ­დარული დღის ვადაში.

    მუხლი 3.

ეს დადგენილება ძალაშია გამოქვეყნებისთანავე.

კომისიის თავმჯდომარე ლ. თარხნიშვილი

კომისიის მდივანი       გ. მჭედლიძე