„საქართველოს საგარეო საქმეთა სამინისტროს საფინანსო-ეკონომიკური სამსახურის დებულების დამტკიცების თაობაზე“ საქართველოს საგარეო საქმეთა მინისტრის 2009 წლის 2 მარტის №52 ბრძანებაში ცვლილებებისა და დამატებების შეტანის შესახებ“

სახელმწიფო სარეგისტრაციო კოდი 010.240.030.22.030.013.912

საქართველოს საგარეო საქმეთა მინისტრის

ბრძანება №252

2009 წლის 8 დეკემბერი

ქ. თბილისი

„საქართველოს საგარეო საქმეთა სამინისტროს საფინანსო-ეკონომიკური სამსახურის დებულების დამტკიცების თაობაზე“ საქართველოს საგარეო საქმეთა მინისტრის 2009 წლის 2 მარტის №52 ბრძანებაში ცვლილებებისა და დამატებების შეტანის შესახებ

,,ნორმატიული აქტების შესახებ“ საქართველოს კანონის 36-ე მუხლის და ,,საქართველოს საგარეო საქმეთა სამინისტროს დებულების დამტკიცების შესახებ“ საქართველოს მთავრობის 2005 წლის 16 ნოემბრის №206 დადგენილებით დამტკიცებული დებულების მე-5 მუხლის პირველი პუნქტის ,,დ“ ქვეპუნქტის საფუძველზე, ვბრძანებ:

1. ,,საქართველოს საგარეო საქმეთა სამინისტროს საფინანსო-ეკონომიკური სამსახურის დებულების დამტკიცების თაობაზე“ საქართველოს საგარეო საქმეთა მინისტრის 2009 წლის 2 მარტის №52 ბრძანებით (სსმ III, 06.03.2009წ., №25, მუხ.321) დამტკიცებულ ,,საქართველოს საგარეო საქმეთა სამინისტროს საფინანსო-ეკონომიკური სამსახურის დებულებაში“ შეტანილ იქნეს შემდეგი ცვლილებები და დამატებები:

ა) მე-3 მუხლის მე-3 პუნქტის ,,გ“ ქვეპუნქტი ჩამოყალიბდეს შემდეგი რედაქციით:

,,გ) ანაწილებს მოვალეობებს სამსახურის უფროსის მოადგილესა (მოადგილეებს) და სამსახურის სხვა თანამშრომლებს შორის, აძლევს მათ მითითებებსა და განკარგულებებს.“;

ბ) მე-3 მუხლის მე-4 პუნქტი ჩამოყალიბდეს შემდეგი რედაქციით:

,,4. სამსახურის უფროსს ჰყავს მოადგილე (მოადგილეები), რომელსაც კანონმდებლობით დადგენილი წესით თანამდებობაზე ნიშნავს და თანამდებობიდან ათავისუფლებს მინისტრი.“;

გ) ამოღებულ იქნეს მე-3 მუხლის მე-5 პუნქტი;

დ) მე-3 მუხლის მე-6 პუნქტის ,,ვ“ ქვეპუნქტი ჩამოყალიბდეს შემდეგი რედაქციით:

,,ვ) მინისტრის, კურატორი მინისტრის მოადგილისა და სამსახურის უფროსის დავალებების შესაბამისად ახორციელებს სხვა მოვალეობებს;“;

ე) მე-3 მუხლის მე-6 პუნქტს დაემატოს ,,ზ“ და ,,თ“ ქვეპუნქტები შემდეგი რედაქციით:

,,ზ) ანგარიშვალდებულია მინისტრის, კურატორი მინისტრის მოადგილისა და სამსახურის უფროსის წინაშე;

თ) სამსახურის უფროსის არყოფნის შემთხვევაში ასრულებს მის მოვალეობას. “;

ვ) მე-3 მუხლს დაემატოს მე-7 პუნქტი შემდეგი რედაქციით:

,,7. სამსახურის უფროსის არყოფნისას, ორი ან მეტი მოადგილის შემთხვევაში, სამსახურის უფროსის წარდგინებითა და მინისტრის გადაწყვეტილებით სამსახურის უფროსის მოვალეობის შესრულება ეკისრება ერთ-ერთ მოადგილეს.“.

2. ბრძანება ამოქმედდეს გამოქვეყნებისთანავე.

მინისტრის მოვალეობის

შემსრულებელი    გ. ბოკერია