„სახელმწიფო შესყიდვების განხორციელების წესის შესახებ“ დებულების დამტკიცების შესახებ“ სახელმწიფო შესყიდვების სააგენტოს თავმჯდომარის 2006 წლის 3 იანვრის №1 ბრძანებაში ცვლილებებისა და დამატებების შეტანის თაობაზე“

სახელმწიფო სარეგისტრაციო კოდი 010.240.060.210.014.013.934

სახელმწიფო შესყიდვების სააგენტოს თავმჯდომარის

ბრძანება №5

2009 წლის 21 დეკემბერი

ქ. თბილისი

„სახელმწიფო შესყიდვების განხორციელების წესის შესახებ“ დებულების დამტკიცების შესახებ“ სახელმწიფო შესყიდვების სააგენტოს თავმჯდომარის 2006 წლის 3 იანვრის №1 ბრძანებაში ცვლილებებისა და დამატებების შეტანის თაობაზე

საქართველოს ზოგადი ადმინისტრაციული კოდექსის 63-ე მუხლისა და „სახელმწიფო შესყიდვების შესახებ“საქართველოს კანონში ცვლილებებისა და დამატებების შეტანის შესახებ“ საქართველოს კანონის (სსმ III, 07.12.2009, №40) საფუძველზე, ვბრძანებ:

    მუხლი 1

 „სახელმწიფო შესყიდვების განხორციელების წესის შესახებ“ დებულების დამტკიცების შესახებ“ სახელმწიფო შესყიდვების სააგენტოს თავმჯდომარის 2006 წლის 3 იანვრის №1 ბრძანებით დამტკიცებულ დებულებაში შეტანილ იქნეს შემდეგი ცვლილებები და დამატებები:

1. დებულების მე-3 მუხლის:

ა) მე-2 პუნქტი ჩამოყალიბდეს შემდეგი რედაქციით:

„2. შემსყიდველი ორგანიზაცია სახელმწიფო შესყიდვების გეგმას ადგენს ამ დებულების „დანართი-№3“-ის ფორმით, რომლის შენიშვნის გრაფაში უნდა მიუთითოს სახელმწიფო შესყიდვების შესახებ“ საქართველოს კანონის მე-10 მუხლის მე-3 პუნქტით გათვალისწინებული თითოეული შემთხვევა ასეთის არსებობისას.“;

ბ) მე-4 პუნქტი ჩამოყალიბდეს შემდეგი რედაქციით:

„4. ამ მუხლის მე-3 პუნქტის მოთხოვნები არ ვრცელდება „სახელმწიფო შესყიდვების შესახებ“ საქართველოს კანონის მე-3 მუხლის პირველი პუნქტის „ა.ზ“ და „ა.თ“ ქვეპუნქტებით განსაზღვრული სახსრებით შესყიდვების განმახორციელებელ პირებზე.“.

2. დებულების მე-4 მუხლის:

ა) მე-2 პუნქტი ჩამოყალიბდეს შემდეგი რედაქციით:

„2. შესყიდვის ობიექტის სავარაუდო ღირებულების დაზუსტებისას გათვალისწინებულ უნდა იქნეს სახელმწიფო შესყიდვის განხორციელებასთან დაკავშირებული ყველა ხარჯი, ხელშეკრულების მოქმედების სავარაუდო ვადა (მათ შორის, ხელშეკრულების მოქმედების ვადის გაგრძელების შესაძლებლობა), ფასების არსებული დონე (შიდა ან/და საერთაშორისო ბაზარზე), მსგავსი შესყიდვების განხორციელების გამოცდილება.“.

ბ) მე-4 პუნქტი ამოღებულ იქნეს.

3. დებულების მე-5 მუხლის მე-4 პუნქტი ჩამოყალიბდეს შემდეგი რედაქციით:

„4. ორეტაპიანი ტენდერი შეიძლება ჩატარდეს იმ შემთხვევაში, როდესაც შესყიდვის ობიექტის თავისებურებიდან გამომდინარე, შეუძლებელია ყველა ეკონომიკური და ტექნიკური პირობის წინასწარ განსაზღვრა და შემსყიდველ ორგანიზაციას აუცილებლად მიაჩნია ტენდერის პირველ ეტაპზე პრეტენდენტთან მოლაპარაკება ტექნიკური მაჩვენებლების, ეკონომიკური და სხვა მონაცემების დაზუსტების მიზნით.“.

4. დებულების მე-9 მუხლის მე-2 პუნქტი ჩამოყალიბდეს შემდეგი რედაქციით:

„2. საკვალიფიკაციო მოთხოვნები შეიძლება დაწესებულ იქნეს პრეტენდენტთა პროფესიონალური და ტექნიკური კვალიფიკაციის, ფინანსური რესურსის, გამოცდილებისა და რეპუტაციის, ტექნიკური აღჭურვილობის და სხვა მატერიალური შესაძლებლობების, ასევე იმ საკითხების მიმართ, რომელიც ეხება მათი საქმიანობის სამართლებრივ მხარეს. საკვალიფიკაციო მოთხოვნებით შემსყიდველ ორგანიზაციას შეუძლია, შესყიდვაში მონაწილეობის მსურველ პირს მოსთხოვოს სახელმწიფო შესყიდვების სააგენტოდან წერილობითი დადასტურება, რომ იგი არ არის შეყვანილი შესყიდვებში მონაწილე არაკეთილსინდისიერი პირების რეესტრში.“.

5. დებულების მე-10 მუხლის მე-8 პუნქტის „ბ“ ქვეპუნქტი ამოღებულ იქნეს.

6. დებულებას დაემატოს 10¹ მუხლი შემდეგი რედაქციით:

     „მუხლი 10¹. საფასურის გადახდის წესი

1. საფასურის გადამხდელები არიან ფიზიკური პირები და საქართველოს ან უცხო ქვეყნის იურიდიული პირები, რომლებსაც გააჩნიათ სურვილი წარადგინონ სატენდერო წინადადება.

2. სახელმწიფო შესყიდვების პროცედურებში მონაწილეობის მსურველმა პირმა საფასური უნდა გადაიხადოს სატენდერო წინადადების წარდგენის ვადის გასვლამდე.

3. საფასური გადაიხდება ნაღდი ან უნაღდო ანგარიშსწორებით სააგენტოს ოფიციალურ ვებგვერდზე მითითებულ ანგარიშზე, საქართველოს კანონმდებლობით დადგენილი წესით.

4. საფასური ჩაირიცხება სააგენტოს ანგარიშზე.

5. გადახდილი საფასური დაბრუნებას არ ექვემდებარება.“.

7. დებულების მე-11 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. სატენდერო დოკუმენტაციის შემუშავების, დამტკიცების, მასში ცვლილებების და დამატებების შეტანის და შესყიდვებში მონაწილეობის მსურველების მიერ მისი მიღების წესი განისაზღვრება „სახელმწიფო შესყიდვების შესახებ“ საქართველოს კანონის მე-14 მუხლითა და ამ დებულებით.“;

ბ) მე-3 პუნქტი ჩამოყალიბდეს შემდეგი რედაქციით:

„3. პირის მიერ სატენდერო მოსაკრებლის გადახდის შემდეგ სატენდერო კომისია ვალდებულია შესყიდვებში მონაწილეობის მსურველს მოთხოვნისთანავე გადასცეს სატენდერო დოკუმენტაცია. სატენდერო კომისიამ უნდა შეარჩიოს შესყიდვებში მონაწილეობის მსურველთათვის სატენდერო დოკუმენტაციის გადაცემის ისეთი საშუალება, რომელიც უზრუნველყოფს მის უმოკლეს დროში მიღებას. შესყიდვებში მონაწილეობის მსურველების მიერ სატენდერო მოსაკრებლის გადახდის და სატენდერო დოკუმენტაციის გადაცემის პროცესი უნდა დასრულდეს ტენდერის ჩატარების შესახებ განცხადებაში მითითებულ ვადებში. ამასთანავე, ეს ვადა არ უნდა იყოს 20 კალენდარულ დღეზე ნაკლები ტენდერის ჩატარების შესახებ განცხადების გამოქვეყნების დღიდან.“.

გ) მე-4 პუნქტს დაემატოს შემდეგი შინაარსის „ღ“ და „ყ“ ქვეპუნქტები:

„ღ) მითითება საფასურის ოდენობისა და მისი გადახდის წესის შესახებ;

ყ) ზეპირი ვაჭრობის ჩატარების დროსა და ადგილს.“;

დ) მე-5 პუნქტი ჩამოყალიბდეს შემდეგი რედაქციით:

„5. შესყიდვებში მონაწილეობის მსურველის წერილობითი თხოვნით ან საკუთარი ინიციატივით, სატენდერო კომისია განმარტავს და აზუსტებს სატენდერო დოკუმენტაციაში შესყიდვის პროცედურებთან და/ან ობიექტთან დაკავშირებულ ინფორმაციას, რაც ფორმდება სატენდერო დოკუმენტაციის დამატების სახით და ერთდროულად ეგზავნება შესყიდვებში მონაწილეობის ყველა მსურველს სატენდერო წინადადებების მიღების ვადის დამთავრებამდე არანაკლებ 5 კალენდარული დღით ადრე. იმ შემთხვევაში, თუ შესყიდვებში მონაწილეობის მსურველმა სატენდერო დოკუმენტაცია გაიტანა ამ ვადის გასვლის შემდეგ სატენდერო დოკუმენტაციის დამატება მას გადაეცემა სატენდერო დოკუმენტაციასთან ერთად, ამასთან, შესყიდვებში მონაწილეობის მსურველს აღარ აქვს უფლება მიმართოს კომისიას სატენდერო დოკუმენტაციაში შესყიდვის პროცედურებთან და ობიექტთან დაკავშირებული ინფორმაციის განმარტებისა და დაზუსტების მოთხოვნით. სატენდერო დოკუმენტაციის დამატება არ უნდა ცვლიდეს სატენდერო დოკუმენტაციის შინაარსს.“.

8. დებულების მე-13 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. სატენდერო წინადადებების უზრუნველყოფის მიზნით შემსყიდველ ორგანიზაციას უფლება აქვს გამოიყენოს გარანტირების მექანიზმი სატენდერო წინადადების ღირებულების 1 პროცენტის ოდენობით. ამ შემთხვევაში ტენდერში მონაწილეობის მსურველები ვალდებულნი არიან წარუდგინონ შემსყიდველ ორგანიზაციას თავისი სატენდერო წინადადებების უზრუნველყოფის გარანტიები, როგორიცაა შემსყიდველი ორგანიზაციის მიერ წინასწარ დადგენილი თანხის ოდენობის საბანკო გარანტია, ბანკის მიერ დამოწმებული ჩეკი ან აკრედიტივი და სხვა. დაუშვებელია სატენდერო წინადადებების უზრუნველყოფის მიზნით შემსყიდველი ორგანიზაციის ანგარიშზე თანხის შეტანა (ჩარიცხვა).“;

ბ) მე-4 პუნქტი ჩამოყალიბდეს შემდეგი რედაქციით:

„4. საგარანტიო მოთხოვნა თანაბრად უნდა ეხებოდეს ტენდერში მონაწილე ყველა მსურველს.“.

9. დებულების მე-14 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. ტენდერში მონაწილეობის მსურველი პირი სატენდერო წინადადებებს წარადგენს მხოლოდ საფასურის გადახდის დამადასტურებელი დოკუმენტის წარდგენის შემდეგ, რომლის წარდგენის წესი განისაზღვრება „სახელმწიფო შესყიდვების შესახებ“ საქართველოს კანონის მე-15 მუხლითა და ამ დებულებით.“;

ბ) მე-6 პუნქტი ჩამოყალიბდეს შემდეგი რედაქციით:

„6. დაგვიანებით ან საფასურის გადახდის გარეშე შემოსულ სატენდერო წინადადებებს სატენდერო კომისია არ განიხილავს და გაუხსნელად უბრუნებს წარმომდგენ პირებს. სატენდერო კომისიის აპარატი აფიქსირებს დაგვიანებული სატენდერო წინადადების შემოსვლის თარიღსა და დროს, ასევე აფიქსირებს საფასურის გადახდის დამადასტურებელი დოკუმენტის გარეშე წარმოდგენილ სატენდერო წინადადებებს და ასახავს ამ ინფორმაციას შემოსული სატენდერო წინადადებების სარეგისტრაციო დოკუმენტში.“.

გ) მე-9 პუნქტი ჩამოყალიბდეს შემდეგი რედაქციით:

„9. სატენდერო წინადადებების გახსნის შემდეგ წინადადებებში ცვლილებების შეტანა დაუშვებელია გარდა,ამ დებულების მე-15 მუხლის მე-3 და მე-4 პუნქტებით გათვალისწინებული შესწორებებისა და 15¹ მუხლით გათვალისწინებული შემთხვევებისა.“.

10. დებულებას დაემატოს შემდეგი შინაარსის 151 მუხლი:

     „მუხლი 15¹. ზეპირი ვაჭრობის ჩატარების წესი და პირობები

„1. ზეპირი ვაჭრობა გაიმართება შემსყიდველი ორგანიზაციის მიერ სატენდერო დოკუმენტაციაში მითითებულ ადგილზე.

2. შემსყიდველი ორგანიზაცია ვალდებულია შერჩევის პროცედურის დასრულებისთანავე დაადგინოს სატენდერო დოკუმენტაციაში მითითებულ დღეს ზეპირი ვაჭრობის დაწყების კონკრეტული დრო და ამის შესახებ დაუყონებლივ წერილობით აცნობოს შეფასებაზე დაშვებულ პრეტენდენტებს.

3. სატენდერო კომისია ვალდებულია ზეპირ ვაჭრობაზე მოიწვიოს ის პრეტენდენტები, რომლებიც შერჩევის პროცედურების დასრულების შემდეგ დაიშვებიან შეფასებაზე.

4. ზეპირ ვაჭრობაზე გამოუცხადებლობა ან/და ზეპირ ვაჭრობაში მონაწილეობაზე უარი, არ გამოიწვევს პრეტენდენტის დისკვალიფიკაციას.

5. ზეპირი ვაჭრობის გამართვის დროს სატენდერო კომისია წარუდგენს ზეპირ ვაჭრობაში მონაწილე პრეტენდენტებს მათ მიერ სატენდერო წინადადებით წარმოდგენილ ფასებს ან/და ერთეულის ფასებს (მათი არსებობის შემთხვევაში) (შემდგომში – ფასი). აღნიშნული ინფორმაციის მიღების შემდეგ თითოეულ მონაწილე პრეტენდენტს უფლება აქვს სამჯერ მოახდინოს სატენდერო წინადადების ფასის ცვლა კლებადობის პრინციპის დაცვით.

6. ზეპირ ვაჭრობაში მონაწილე პრეტენდენტების მიერ სატენდერო წინადადების ფასის ცვლა ხორციელდება რიგითობით. სატენდერო წინადადების ფასის ცვლას იწყებს შეფასებაზე დაშვებული უმაღლესი სატენდერო წინადადების ფასის მქონე და რიგითობის პრინციპით აგრძელებს ყოველი წინაზე უფრო დაბალი ფასის წარმომდგენი.

7. ზეპირი ვაჭრობა დასრულებულად ითვლება ყოველი მონაწილის მიერ თავისი ფასის სამჯერ შეცვლის ან/და საბოლოო ფასის დაფიქსირების მომენტში. ზეპირი ვაჭრობის პროცედურა უნდა დასრულდეს მისი ჩატარების დღეს.

8. ზეპირი ვაჭრობის მსვლელობა, მათ შორის თითოეული მონაწილე პრეტენდენტის სატენდერო წინადადების ფასი და ყოველ ჯერზე შეცვლილი დაფიქსირებული ფასი, ასახულ უნდა იქნეს შესაბამის ოქმში, რომელსაც ხელს აწერენ სატენდერო კომისიის ყველა წევრი და მონაწილე პრეტენდენტები. ზეპირი ვაჭრობის მონაწილე პრეტენდენტების მიერ ოქმის ხელმოწერაზე უარის თქმა, მიჩნეულ იქნება, როგორც უარი მის მიერ ზეპირ ვაჭრობაზე დაფიქსირებულ ყოველ შეცვლილ ფასზე და ძალაში დარჩება მისი სატენდერო წინადადების პირვანდელი ფასი.

9. ზეპირ ვაჭრობაზე საბოლოო ფასების დაფიქსირების შემდეგ შეფასება ხორციელდება კანონმდებლობით დადგენილი წესით.

11. დებულების მე-17 მუხლის:

ა) მე-2 პუნქტი ჩამოყალიბდეს შემდეგი რედაქციით:

„2. ორეტაპიანი ტენდერის ჩატარების შემთხვევაში შესყიდვებში მონაწილეობის მსურველი პირები საკვალიფიკაციო მონაცემებთან ერთად სატენდერო კომისიას წარუდგენენ საფასურის გადახდის დამადასტურებელ დოკუმენტს (პირველ ეტაპზე), პირველად სატენდერო წინადადებებს და ზოგად მონაცემებს, ხოლო მეორე ეტაპზე სატენდერო კომისია იწვევს მხოლოდ იმ პრეტენდენტებს, რომელთა საკვალიფიკაციო მონაცემები და შემოთავაზებული წინადადებები აკმაყოფილებს პირველი ეტაპისათვის დადგენილ პირობებს;

ბ) მე-3 პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) მითითებას იმის შესახებ, რომ, სატენდერო მოსაკრებელი გადახდილ უნდა იქნეს პირველ ეტაპზე.“.

12. დებულების 24-ე მუხლის მე-4-მე-6 პუნქტები ამოღებულ იქნეს.

13. დებულებას დაემატოს შემდეგი შინაარსის 241 მუხლი:

     „მუხლი 24¹. არაკეთილსინდისიერ პრეტენდენტთა რეესტრის წარმოების წესი და პირობები

1. იმ შემთხვევაში, თუ სახელმწიფო შესყიდვის პროცედურებში მონაწილე პირის დისკვალიფიკაციის შესახებ გადაწყვეტილება მიღებულია ამ დებულების 24-ე მუხლის პირველი პუნქტის „დ“, „ე“ და „ვ“ ქვეპუნქტებით განსაზღვრული მიზეზების გამო ან/და იმ შემთხვევაში, თუ მიმწოდებელმა ვერ უზრუნველყო ხელშეკრულებით ნაკისრი ვალდებულების შესრულება, შემსყიდველი ორგანიზაცია ვალდებულია სახელმწიფო შესყიდვების სააგენტოს დაუყოვნებლივ წერილობითი შეტყობინებით აცნობოს ეს გადაწყვეტილება და დამდგარი გარემოებები, შესაბამისი მიზეზების მითითებით.

2. ამ მუხლის პირველი პუნქტით გათვალისწინებული წერილობითი შეტყობინება უნდა შეიცავდეს შემდეგ ინფორმაციას და დანართებს:

ა) შესყიდვის განხორციელების საშუალების დასახელება;

ბ) შესყიდვის განხორციელების დაწყების და დასრულების დრო;

გ) შესყიდვის ობიექტის დასახელება;

დ) იმ პირის რეკვიზიტები, რომელიც დისკვალიფიცირებულია ამ დებულების 24-ე მუხლის პირველი პუნქტის „დ“, „ე“ და „ვ“ ქვეპუნქტებში მოყვანილი მიზეზების გამო ან/და რომელმაც ვერ უზრუნველყო ხელშეკრულებით ნაკისრი ვალდებულების შესრულება;

ე) 24-ე მუხლის პირველი პუნქტის „დ“, „ე“ და „ვ“ ქვეპუნქტების შესაბამისად პირის დისკვალიფიკაციის ან/და ხელშეკრულებით ნაკისრი ვალდებულებების შეუსრულებლობის დამადასტურებელი დოკუმენტები.

3. სააგენტო წერილობითი შეტყობინების მიღებისთანავე ახდენს ამ შეტყობინებაში აღნიშნული პირის დარეგისტრირებას შესყიდვებში მონაწილე არაკეთილსინდისიერ პირთა რეესტრში.

4. შესყიდვებში მონაწილე არაკეთილსინდისიერ პირთა რეესტრი წარმოადგენს სააგენტოს მიერ ელექტრონულად წარმოებულ ოფიციალურ რეესტრს, რომელშიც რეგისტრირებულ პირს, შესყიდვებში მონაწილე არაკეთილსინდისიერ პირთა რეესტრში შეტანიდან 1 წლის განმავლობაში, არა აქვს უფლება, მონაწილეობა მიიღოს სახელმწიფო შესყიდვაში.

5. სახელმწიფო შესყიდვების სააგენტო თავის ვებგვერდზე (www.spa.gov.ge) აწარმოებს და განათავსებს შესყიდვებში მონაწილე არაკეთილსინდისიერ პირთა რეესტრს, რომელიც ელექტრონულად ხელმისაწვდომია ყველა დაინტერესებული პირისათვის.“.

14. დებულების 25-ე მუხლის:

ა) მე-3 პუნქტის შემდეგ დაემატოს შემდეგი რედაქციის 31, 32, 33 პუნქტები:

„3¹. იმ შემთხვევაში, როდესაც შესყიდვის ობიექტი არის ნავთობპროდუქცია, რომლის ღირებულება თავისი სპეციფიკის გამო დამოკიდებულია საერთაშორისო სასაქონლო ბირჟაზე არსებულ ცვალებად ფასებზე, შემსყიდველი ორგანიზაციის გადაწყვეტილების შემთხვევაში, სახელმწიფო შესყიდვის შესახებ ხელშეკრულების დადებამდე მიმწოდებელი ვალდებულია წარუდგინოს შემსყიდველ ორგანიზაციას მისაწოდებელი საქონლის ერთეულის (ლიტრის) წინადადებით ან/და ზეპირი ვაჭრობის შედეგად დაფიქსირებული საბოლოო ფასი, რომელიც გამოთვლილია შემდეგი ფორმულის მიხედვით C=R x (P+A/R+T+S) x (100%+18%)/D/1000 x (100%-d), სადაც:

ა) C = საწვავის ერთი ლიტრის ფასი ლარებში;

ბ) R = ლარი/დოლარი გაცვლითი კურსი;

გ) P = ნავთობპროდუქტების საერთაშორისო სავაჭრო ინდიკატორი PLATTS (შემსყიდველის მიერ განსაზღვრული მომენტისათვის საერთაშორისოდ აღიარებულ კონკრეტულ სასაქონლო ბირჟაზე არსებული მაჩვენებელი);

დ) A = აქციზი;

ე) T = ტრანსპორტირებასთან და ლოჯისტიკასთან დაკავშირებული ხარჯები;

ვ) S = შიდა ტრანსპორტის და შენახვის ხარჯები;

ზ) 18% = დღგ;

თ) D = პროდუქტის თეორიული სიმკვრივე;

ი) d = ფასდაკლება % (დისკაუნტი).

3². ნავთობპროდუქციის შესყიდვაზე დადებული ხელშეკრულებით გათვალისწინებული შესასყიდი ობიექტის ერთეულის ფასის ცვლილება შესაძლებელია მხოლოდ სახელმწიფო შესყიდვების შესახებ ხელშეკრულებით განსაზღვრული პროცენტული ოდენობით „P“-ს მაჩვენებელის (ნავთობპროდუქტების საერთაშორისო სავაჭრო ინდიკატორი) ცვლილების შემთხვევაში.

3³. ამ მუხლის 3² პუნქტით გათვალისწინებულ შემთხვევაში, ხელშეკრულების მხარეებმა შესასყიდი ობიექტის ერთეულის ახალი ფასის დასადგენად უნდა გამოიყენონ ამ მუხლის 3¹ პუნქტში მოცემული ფორმულა, და ამასთან, დაუშვებელია ფორმულაში მოცემული მაჩვენებლების ცვლილება, გარდა „P“-სა;

ბ) მე-4 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) ხელშეკრულების ობიექტის დასახელება, ტექნიკური პარამეტრები, ძირითადი მახასიათებლები და საიდენტიფიკაციო მონაცემები, რაოდენობა, ერთეულის და მთლიანი ღირებულება;“;

გ) მე-4 პუნქტის „პ“ ქვეპუნქტი ამოღებულ იქნეს.

დ) მე-4 პუნქტს დაემატოს შემდეგი შინაარსის „რ“ ქვეპუნქტი:

„რ) ხელშეკრულების დადების საფუძველი „სახელმწიფო შესყიდვების შესახებ“ საქართველოს კანონის მე-10 მუხლის მე-3 პუნქტით გათვალისწინებული თითოეული შემთხვევის არსებობისას.“.

15. დებულების 26-ე მუხლს დაემატოს შემდეგი რედაქციის 11¹ პუნქტი:

„11¹ სახელმწიფო შესყიდვის შესახებ ხელშეკრულებაში ნებისმიერი ცვლილების განხორციელების შემთხვევაში, აღნიშნული ცვლილება უნდა გაფორმდეს წერილობითი ფორმით.“.

16. დებულების 29-ე მუხლის:

ა) მე-6 პუნქტის „თ“ ქვეპუნქტი ჩამოყალიბდეს შემდეგი რედაქციით:

„თ) სატენდერო მოსაკრებელისა და საფასურის გადახდის დამადასტურებელი ქვითრის (დოკუმენტის) ასლს.“;

ბ) მე-11 და მე-12 პუნქტები ჩამოყალიბდეს შემდეგი რედაქციით:

„11. სახელმწიფო შესყიდვების (100000 ლარზე ნაკლები ღირებულების საქონლის მომსახურებისა და 200000 ლარზე ნაკლები ღირებულების სამუშაოთა) და ხელშეკრულების შესრულების მიმდინარეობის თაობაზე ანგარიში სააგენტოს წარედგინება ყოველკვარტალურად არა უგვიანეს მომდევნო კვარტალის პირველი თვის 30 რიცხვისა ამ დებულების „დანართი №4“-ის შესაბამისად.

12. ამ მუხლის მე-11 პუნქტში მითითებულ ანგარიშს უნდა დაერთოს საანგარიშო პერიოდში დადებული ხელშეკრულებების და მათში განხორციელებული ცვლილების (ასეთების არსებობის შემთხვევაში – დამადასტურებელი დოკუმენეტების) ასლები.“.

გ) მე-13 პუნქტი ამოღებულ იქნეს.

17. დანართი №1-ით გათვალისწინებული „ტიპიური სატენდერო დოკუმენტაცია“ საქონლის შესყიდვა ტენდერის საშუალებით“ „ინსტრუქცია ტენდერში მონაწილეთათვის“ ინსტრუქციის:

ა) 5.1 პუნქტი ჩამოყალიბდეს შემდეგი რედაქციით:

„5.1 შესყიდვებში მონაწილეობის მსურველის მიერ სატენდერო მოსაკრებლის გადახდის შემდეგ შემსყიდველი მოთხოვნისთანავე გადასცემს მას სატენდერო დოკუმენტაციას.“;

ბ) 6.1 და 6.2 პუნქტები ჩამოყალიბდეს შემდეგი რედაქციით:

„6.1. შესყიდვებში მონაწილეობის მსურველის წერილობითი თხოვნით ან საკუთარი ინიციატივით სატენდერო კომისია განმარტავს და აზუსტებს სატენდერო დოკუმენტაციაში შესყიდვის პროცედურებთან და/ან ობიექტთან დაკავშირებულ ინფორმაციას, რაც ფორმდება სატენდერო დოკუმენტაციის დამატების სახით და ერთდროულად ეგზავნება შესყიდვებში მონაწილეობის ყველა მსურველს სატენდერო წინადადებების მიღების ვადის დამთავრებამდე არანაკლებ 5 კალენდარული დღით ადრე.

6.2. იმ შემთხვევაში, თუ შესყიდვებში მონაწილეობის მსურველმა სატენდერო დოკუმენტაცია გაიტანა 6.1 მითითებული ვადის გასვლის შემდეგ, სატენდერო დოკუმენტაციის დამატება მას გადაეცემა სატენდერო დოკუმენტაციასთან ერთად. ამასთან, შესყიდვებში მონაწილეობის მსურველს აღარ აქვს უფლება მიმართოს კომისიას სატენდერო დოკუმენტაციაში შესყიდვის პროცედურებთან და ობიექტთან დაკავშირებული ინფორმაციის განმარტებისა და დაზუსტების მოთხოვნით. სატენდერო დოკუმენტაციის დამატება არ უნდა ცვლიდეს სატენდერო დოკუმენტაციის შინაარსს.“;

გ) 7.1 და 7.2 პუნქტები ჩამოყალიბდეს შემდეგი რედაქციით:

„7.1. შესყიდვებში მონაწილეობის მსურველს, სატენდერო დოკუმენტაციის შესახებ განმარტების მიღების მიზნით, შეუძლია მიმართოს სატენდერო კომისიას წერილობით, რომელიც უნდა გაიგზავნოს ტენდერის ჩატარების შესახებ განცხადებაში მითითებულ მისამართზე.

7.2. სატენდერო დოკუმენტაციის განმარტებასთან დაკავშირებულ ყველა განაცხადს შემსყიდველი პასუხობს წერილობით. შემსყიდველის წერილობითი პასუხის ასლები დაეგზავნება/გადაეცემა შესყიდვებში მონაწილეობის ყველა მსურველს.“;

დ) 14.2. პუნქტი ჩამოყალიბდეს შემდეგი რედაქციით:

„14.2. სატენდერო წინადადება, საფასურის გადახდის დამადასტურებელ დოკუმენტთან ერთად უნდა წარედგინოს შემსყიდველ ორგანიზაციას სმნ-ში მითითებულ დროსა და მისამართზე.“;

ე) დაემატოს შემდეგი რედაქციის 14¹ პუნქტი:

„14¹.ზეპირი ვაჭრობის ჩატარების დრო და ადგილი

14¹.1. შემსყიდველი ორგანიზაცია ვალდებულია სატენდერო დოკუმენტაციით განსაზღვროს ზეპირი ვაჭრობის ჩატარების დრო და ადგილი.

ვ) 18.1. პუნქტი ჩამოყალიბდეს შემდეგი რედაქციით:

„18.1. სატენდერო წინადადებების შერჩევის ან შეფასების დროს აღმოჩენილი გაუგებრობების განმარტების მიზნით შემსყიდველს შეუძლია სთხოვოს ტენდერში მონაწილეს მისი სატენდერო წინადადების დაზუსტება. თხოვნა დაზუსტების შესახებ და პასუხი მასზე უნდა იყოს წარმოდგენილი წერილობითი ფორმით და ამასთანავე დაუშვებელია ისეთი თხოვნების, წინადადებების ან ნებართვების წარმოდგენა, რომლებიც ცვლის სატენდერო წინადადებების ფასს ან შინაარსს, გარდა „სახელმწიფო შესყიდვების განხორციელების წესის შესახებ დებულების“ 15¹ მუხლით გათვალისწინებული შემთხვევებისა.“;

ზ) საბაზისო მონაცემების ნუსხა ჩამოყალიბდეს შემდეგი რედაქციით:

 

„საბაზისო მონაცემების ნუსხა

 

საბაზისო მონაცემთა ნუსხა წარმოადგენს ტენდერში მონაწილეთათვის ინსტრუქციის შემადგენელ ნაწილს, რომელშიც აისახება ყოველი კონკრეტული ტენდერისათვის დამახასიათებელი ინფორმაცია.

საბაზისო მონაცემთა ნუსხის პირველ სვეტში მოცემულია ყოველი მონაცემის ის შესაბამისი მუხლი, რომელიც ასახულია ინსტრუქციაში ტენდერში მონაწილეთათვის (ი.ტ.მ.);