„ბავშვზე ზრუნვა“ 2009 წლის პროგრამის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2009 წლის 23 მარტის №118/ნ ბრძანებაში ცვლილებების შეტანის თაობაზე“

სახელწმიფო სარეგისტრაციო კოდი 470.230.000.22.035.014.011

საქართველოს შრომის, ჯანმრთელობისა და სოციალური დაცვის მინისტრის

ბრძანება №439/ნ

2009 წლის 30 დეკემბერი

ქ. თბილისი

„ბავშვზე ზრუნვა“ 2009 წლის პროგრამის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2009 წლის 23 მარტის №118/ნ ბრძანებაში ცვლილებების შეტანის თაობაზე

„ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

    მუხლი 1

„ბავშვზე ზრუნვა“ 2009 წლის პროგრამის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2009 წლის 23 მარტის №118/ნ ბრძანების (სსმ III, 24.03.2009წ., №35, მუხლი 412) პირველი პუნქტით დამტკიცებულ დანართში (2009 წლის პროგრამა „ბავშვზე ზრუნვა“) შეტანილ იქნეს შემდეგი ცვლილებები:

1. მე-5 მუხლის მე-2 პუნქტი ჩამოყალიბდეს შემდეგი რედაქციით:

„2. 2009 წლის პროგრამის ბიუჯეტი განისაზღვრება 15 743 436 ლარით, შემდეგი ცხრილის შესაბამისად:

 

“.

2. მე-12 მუხლის მე-4 პუქნტის „ი“ ქვეპუნქტი ჩამოყალიბდეს შემდეგი რედაქციით:

„ი) საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული საჯარო სამართლის იურიდიული პირი – სოციალური მომსახურების სააგენტო უზრუნველყოფს შშმ პირთა დღის ცენტრისა (არა უმეტეს 828 ბენეფიციარზე) და სათემო ორგანიზაციის (არა უმეტეს 70 ბენეფიციარზე), საქართველოს შრომის, ჯანმრთელობისა და სოციალური დაცვის მინისტრის ინდივიდუალური ადმინისტრაციულ-სამართლებრივი აქტით – ბრძანებით დამტკიცებული ფორმების, ვაუჩერების დაბეჭდვას, აგრეთვე ამავე ბრძანებით დამტკიცებულ ვადებში გაცემას შემდეგი პირობებით:

ი.ა) შშმ პირთა სათემო ორგანიზაციაში ბენეფიციარის განთავსებაზე, მომსახურების გამწევის შერჩევაზე, განთავსების ვადაზე და ამ მომსახურების შეწყვეტაზე გადაწყვეტილებას სოციალური მუშაკის დასკვნის საფუძველზე იღებს რეგიონული საბჭო (2009 წლის შშმ პირთა სათემო ორგანიზაციების ქვეპროგრამის ბენეფიციარების სათემო ორგანიზაციაში განთავსების შესახებ მომსახურების მიღების ადგილის მიხედვით რეგიონული საბჭოს გადაწყვეტილება ფორმდება განხილვის გარეშე). მიღებული გადაწყვეტილების შესაბამისად, მომსახურების მისაღებად ბენეფიციარისათვის განკუთვნილი ვაუჩერი სათემო ორგანიზაციის ადგილმდებარეობის მიხედვით ეგზავნება მეურვეობისა და მზრუნველობის ადგილობრივ ორგანოს, რომელიც უზრუნველყოფს ვაუჩერის გამოყენებისათვის შესაბამის ღონისძიებებს (ბენეფიციარის განთავსებას/შეცვლას და მომსახურების გამწევი პირისათვის ყოველი თვის 10 რიცხვამდე ვაუჩერის იმავე თვის ტალონის გადაცემას). შშმ პირთა სათემო ორგანიზაციის ტიპის მომსახურების უზრუნველსაყოფად რეგიონული საბჭოები შესაბამის გადაწყვეტილებებს იღებენ შემდეგი პილოტური ტერიტორიული ერთეულების მიხედვით:

ი.ა.ა) ქ. თბილისი – არა უმეტეს 17 ბენეფიციარისა;

ი.ა.ბ) ქ. სიღნაღი – არა უმეტეს 23 ბენეფიციარისა;

ი.ა.გ) ყვარლის მუნიციპალიტეტი, სოფ. გრემი – არა უმეტეს 30 ბენეფიციარისა;

ი.ბ) შშმ პირთა დღის ცენტრში ბენეფიციარის განთავსებაზე, განთავსების ვადაზე და ამ მომსახურების შეწყვეტაზე გადაწყვეტილებას, სოციალური მუშაკის დასკვნის საფუძველზე იღებს რეგიონული საბჭო. შშმ პირთა დღის ცენტრის ტიპის მომსახურების მისაღებად უპირატესი უფლებით ისარგებლებენ „სოციალურად დაუცველი ოჯახების მონაცემთა ერთიან ბაზაში“რეგისტრირებული იმ ოჯახების წევრები, რომლებსაც ვაუჩერის გაცემის დღისათვის ყველაზე უფრო დაბალი სარეიტინგო ქულა აქვთ. თანაბარი პირობების შემთხვევაში უპირატესობა მიენიჭება იმ ბენეფიციარებს, რომლებიც დღის ცენტრის ტიპის მომსახურებით სარგებლობდნენ 2009 წელს. „სოციალურად დაუცველი ოჯახების მონაცემთა ერთიან ბაზაში“ რეგისტრირებულ იმ ოჯახების წევრებს, რომელთა სარეიტინგო ქულა ვაუჩერის გაცემის დღისათვის არ აღემატება 100 000-ს, აგრეთვე რეინტეგრაციის შემწეობის მიმღები ოჯახების შშმ ბავშვებს გაწეული მომსახურება დაუფინანსდებათ სრულად (შშმ პირთა დღის ცენტრის ვაუჩერის ერთ ტალონზე დღიური ხარჯი შეადგენს 10 ლარს. თვეში ასანაზღაურებელი თანხა ერთ ტალონზე გაიანგარიშება დღიური ხარჯის ნამრავლით თვის კალენდარულ დღეთა (შაბათ-კვირისა და უქმე დღეების გარდა) რაოდენობაზე), ხოლო იმ ოჯახების წევრებს, რომელთა სარეიტინგო ქულა ვაუჩერის გაცემის დღისათვის არის 100 001-დან 120 001-მდე, გაწეული მომსახურება დაუფინანსდებათ 70 პროცენტით. ბენეფიციარებს, რომლებიც დღის ცენტრის ტიპის მომსახურებით სარგებლობდნენ 2009 წლის ნოემბრის თვეში (გარდა იმ ოჯახების წევრებისა, რომლებიც რეგისტრირებული არიან „სოციალურად დაუცველი ოჯახების მონაცემთა ერთიან ბაზაში“ და სარეიტინგო ქულა ვაუჩერის გადაცემის დღისათვის არ აღემატება 120 000-ს), გაწეული მომსახურება დაუფინანსდებათ 60 პროცენტით. მიღებული გადაწყვეტილების შესაბამისად, მომსახურების მისაღებად ბენეფიციარისათვის განკუთვნილი ვაუჩერი გადაეცემა ბენეფიციარს ან მის კანონიერ წარმომადგენელს, რომელიც უზრუნველყოფს მომსახურების გამწევი პირის შერჩევას/შეცვლას, ბენეფიციარის განთავსებას და მომსახურების გამწევი პირისათვის ყოველი თვის 10 რიცხვამდე ვაუჩერის იმავე თვის ტალონის გადაცემას. შშმ პირთა დღის ცენტრის ტიპის მომსახურების უზრუნველსაყოფად რეგიონული საბჭოები შესაბამის გადაწყვეტილებებს იღებენ შემდეგი პილოტური ტერიტორიული ერთეულების მიხედვით:

ი.ბ.ა) ქ. თბილისი – არა უმეტეს 231 შშმ ბავშვისა და 231 შშმ პირისა;

ი.ბ.ბ) ქ. ქუთაისი – არა უმეტეს 20 შშმ ბავშვისა და 40 შშმ პირისა;

ი.ბ.გ) ქ. რუსთავი – არა უმეტეს 30 შშმ ბავშვისა და 30 შშმ პირისა;

ი.ბ.დ) ქ. ბათუმი – არა უმეტეს 45 შშმ ბავშვისა;

ი.ბ.ე) ქ. გორი – არა უმეტეს 30 შშმ ბავშვისა;

ი.ბ.ვ) ქარელი – არა უმეტეს 25 შშმ ბავშვისა;

ი.ბ.ზ) თერჯოლა – არა უმეტეს 18 შშმ ბავშვისა;

ი.ბ.თ) სამტრედია – არა უმეტეს 12 შშმ ბავშვისა;

ი.ბ.ი) ზესტაფონი – არა უმეტეს 23 შშმ ბავშვისა;

ი.ბ.კ) ოზურგეთი – არა უმეტეს 29 შშმ ბავშვისა;

ი.ბ.ლ) თელავი – არა უმეტეს 31 შშმ პირისა;

ი.ბ.მ) გურჯაანი – არა უმეტეს 33 შშმ პირისა;

ი.გ) შშმ პირთა დღის ცენტრისა და სათემო ორგანიზაციის ტიპის მომსახურების მიწოდების მსურველმა პირებმა განაცხადი 2009 წლის 21 ნოემბრამდე უნდა წარადგინოს საქართველოს შრომის, ჯანმრთელობისა და სოციალური დაცვის სამინისტროში, სადაც განაცხადს უნდა დაურთოს მომსახურების გაწევისას გამოყენებულ მატერიალურ-ტექნიკური ბაზის შესახებ ინფორმაცია და მომსახურების პროგრამით განსაზღვრულ ღონისძიებათა აღწერილობები. ამ პირების შესახებ ინფორმაცია მიეწოდებათ საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული საჯარო სამართლის იურიდიულ პირს – სოციალური მომსახურების სააგენტოს. ამასთან, ერთ შშმ პირთა დღის ცენტრში (ობიექტის ერთ მისამართზე) მომსახურების მიმღებ ბენეფიციართა რაოდენობა უნდა იყოს არანაკლებ 10-ის და არა უმეტეს 40 შშმ ბავშვის ან შშმ პირისა.“.

3. მე-12 მუხლის მე-5 პუნქტი ჩამოყალიბდეს შემდეგი რედაქციით:

„5. ქვეპროგრამის დაფინანსების წყაროს წარმოადგენს სახელმწიფო ბიუჯეტი, რისთვისაც გათვალისწინებულია 4 963 500 ლარი, შემდეგი ცხრილის მიხედვით:

 

“.

4. მე-13 მუხლის მე-5 პუნქტი ჩამოყალიბდეს შემდეგი რედაქციით:

„5. ქვეპროგრამის დაფინანსების წყაროს წარმოადგენს სახელმწიფო ბიუჯეტი, რისთვისაც გათვალისწინებულია 40 710 ლარი, შემდეგი ცხრილის მიხედვით:

 

“.

5. მე-14 მუხლის მე-8 პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) ქვეპროგრამის დაფინანსების წყაროს წარმოადგენს სახელმწიფო ბიუჯეტი, რისთვისაც გათვალისწინებულია 340 000 ლარი;“.

6. მე-15 მუხლის მე-8 პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) ქვეპროგრამის დაფინანსების წყაროს წარმოადგენს სახელმწიფო ბიუჯეტი, რისთვისაც გათვალისწინებულია 275 000 ლარი;“.

7. მე-20 მუხლის მე-5 პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) ქვეპროგრამის დაფინანსების წყაროს წარმოადგენს სახელმწიფო ბიუჯეტი, რისთვისაც გათვალისწინებულია 2 393 000 ლარი. სკოლების დაფინანსების ყოველთვიური მოცულობა განისაზღვროს შემდეგი დაფინანსების წლიური მოცულობის არა უმეტეს 1/12-ისა:

 

“.

8. 21-ე მუხლის მე-5 პუნქტი ჩამოყალიბდეს შემდეგი რედაქციით:

„5. ქვეპროგრამის დაფინანსების წყაროს წარმოადგენს სახელმწიფო ბიუჯეტი, რისთვისაც გათვალისწინებულია 17 500 ლარი.“.

9. 22-ე მუხლის მე-5 პუნქტი ჩამოყალიბდეს შემდეგი რედაქციით:

„5. ქვეპროგრამის დაფინანსების წყაროს წარმოადგენს სახელმწიფო ბიუჯეტი, რისთვისაც გათვალისწინებულია 7 273 726 ლარი, შემდეგი ცხრილის შესაბამისად:

 

“.

10. 23-ე მუხლის მე-5 პუნქტი ჩამოყალიბდეს შემდეგი რედაქციით:

„5. ქვეპროგრამის დაფინანსების წყაროს წარმოადგენს სახელმწიფო ბიუჯეტი, რისთვისაც გათვალისწინებულია 35 000 ლარი.“.

    მუხლი 2

ბრძანება ამოქმედდეს გამოქვეყნებისთანავე.

ა. კვიტაშვილი