„საქართველოს საგადასახადო კოდექსში ცვლილებებისა და დამატებების შეტანის შესახებ“ საქართველოს კანონში ცვლილებების შეტანის თაობაზე

საქართველოსკანონი

„საქართველოსსაგადასახადოკოდექსშიცვლილებებისადადამატებებისშეტანისშესახებ“ საქართველოსკანონშიცვლილებებისშეტანისთაობაზე

    მუხლი 1

„საქართველოს საგადასახადო კოდექსში ცვლილებებისა და დამატებების შეტანის შესახებ“ საქართველოს კანონში (საქართველოს საკანონმდებლო მაცნე, №19, 24.07.2009, მუხ. 86) შეტანილ იქნეს შემდეგი ცვლილებები:

1. პირველი მუხლის მე-13 ნაწილის:

ა) „ა“ ქვეპუნქტი ჩამოყალიბდეს შემდეგი რედაქციით:

„ა) მეწარმე ფიზიკურ პირს ან/და საწარმოს/ორგანიზაციას გაუხსნას საბანკო ანგარიში მხოლოდ საგადასახადო ორგანოს მიერ გაცემული, გადასახადის გადამხდელის საიდენტიფიკაციო ნომრის მინიჭების დამადასტურებელი დოკუმენტის წარდგენის შემდეგ, გარდა ამ ნაწილის „ბ“ ქვეპუნქტით გათვალისწინებული შემთხვევისა;“;

ბ) „გ“ ქვეპუნქტი ამოღებულ იქნეს.

2. მე-3 მუხლის პირველი და მე-2 ნაწილები ჩამოყალიბდეს შემდეგი რედაქციით:

„1. ეს კანონი, გარდა პირველი მუხლის მე-4 და მე-7 ნაწილებისა, მე-13 ნაწილის „ა“ ქვეპუნქტისა, მე-20 და 21-ე ნაწილებისა, 22-ე ნაწილის „დ“ ქვეპუნქტისა, 29-ე, 30-ე და 32-ე ნაწილებისა, 41-ე ნაწილის „დ“ ქვეპუნქტისა, 43-ე ნაწილისა, 46-ე ნაწილის „გ“ ქვეპუნქტისა, 53-ე და 54-ე ნაწილებისა და 55-ე ნაწილის „ბ“ ქვეპუნქტისა, ამოქმედდეს გამოქვეყნებიდან მე-15 დღეს.

2. ამ კანონის პირველი მუხლის მე-4 და მე-7 ნაწილები, მე-13 ნაწილის „ა“ ქვეპუნქტი, მე-20, 21-ე, 29-ე და 30-ე ნაწილები, 41-ე ნაწილის „დ“ ქვეპუნქტი, 43-ე ნაწილი, 46-ე ნაწილის „გ“ ქვეპუნქტი,   53-ე და 54-ე ნაწილები და 55-ე ნაწილის „ბ“ ქვეპუნქტი ამოქმედდეს 2010 წლის 1 იანვრიდან.“.

    მუხლი 2

 ეს კანონი ამოქმედდეს გამოქვეყნებისთანავე.

 

საქართველოს პრეზიდენტი                                                          მ. სააკაშვილი

თბილისი,

2009 წლის 6 ნოემბერი.

№2036–IIს