,,საქართველოში არსებული დიპლომატიური სტატუსის მქონე საერთაშორისო ორგანიზაციების მიერ საქართველოს მოქალაქეებისათვის გადახდილი ანაზღაურების დაბეგვრის წესის“ დამტკიცების შესახებ“ საქართველოს მთავრობის 2005 წლის 11 მარტის №44 დადგენილებაში ცვლილებების შეტანის თაობაზე“

✨ ჰკითხე AI-ს ამ კანონის შესახებ
საქართველოს მთავრობის დადგენილება ძალადაკარგული ფინანსური ადმინისტრირება
მიღების თარიღი
03.04.2007
გამომცემი ორგანო
საქართველოს მთავრობა
ნომერი
№69
სარეგისტრაციო კოდი
200.110.020.10.003.000.710
გამოქვეყნების წყარო
matsne.gov.ge , სსმ, 56, 23/04/2007
📥 მინიშნება 1
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
📥 უკუმითითებები — 1 დოკუმენტი

საქართველოს მთავრობის დადგენილება (1)

დოკუმენტის ტექსტი

საქართველოს მთავრობის

დადგენილება №69

2007 წლის 3 აპრილი

ქ. თბილისი

,,საქართველოში არსებული დიპლომატიური სტატუსის მქონე საერთაშორისო ორგანიზაციების მიერ საქართველოს მოქალაქეებისათვის გადახდილი ანაზღაურების დაბეგვრის წესის“ დამტკიცების შესახებ“ საქართველოს მთავრობის 2005 წლის 11 მარტის №44 დადგენილებაში ცვლილებების შეტანის თაობაზე

1. ,,ნორმატიული აქტების შესახებ“ საქართველოს კანონის 36-ე მუხლის შესაბამისად, საქართველოს მთავრობის 2005 წლის 11 მარტის №44 დადგენილებით (სსმ III, 2005 წ., №29, მუხ. 274) დამტკიცებულ ,,საქართველოში არსებული დიპლომატიური სტატუსის მქონე საერთაშორისო ორგანიზაციების მიერ საქართველოს მოქალაქეებისათვის გადახდილი ანაზღაურების დაბეგვრის წესში“ შეტანილ იქნეს ცვლილებები და მე-3 მუხლის 21 და 22 პუნქტები ჩამოყალიბდეს შემდეგი რედაქციით:

 ,,21. საგადასახადო ვალდებულების ცენტრალიზებულად შესრულების მიზნით ამ წესის მე-2 მუხლის პირველი პუნქტით განსაზღვრული ანაზღაურების გამო, ორგანიზაციას შეუძლია საგადასახადო კანონმდებლობით გათვალისწინებული საგადასახადო აგენტის ფუნქციები შეასრულოს ნებაყოფლობით, რასაც საანგარიშო წლის დაწყებამდე აცნობებს შემოსავლების სამსახურს. ამასთან, თუ ორგანიზაცია ნებაყოფლობით შეასრულებს საგადასახადო აგენტის ფუნქციებს, საგადასახადო ორგანოები ვერ გამოიყენებენ საგადასახადო კოდექსის XVII თავით განსაზღვრულ პასუხისმგებლობის ზოგად დებულებებს, მათ შორის, საგადასახადო სანქციებს. აღნიშნულ შემთხვევაში საგადასახადო პასუხისმგებლობის სუბიექტებად მიჩნეულ უნდა იქნეს ის გადამხდელი, ვის მაგივრადაც საგადასახადო აგენტმა შეასრულა საშემოსავლო გადასახადის დაკავებისა და გადახდის ფუნქციები.

22. ამ მუხლის 21 პუნქტის მიხედვით, შემოსავლების სამსახურისათვის წარსადგენ შეტყობინებას უნდა ერთოდეს საშემოსავლო გადასახადის გადამხდელის თანხმობა ამ მუხლის 21 პუნქტით დადგენილი წესით გადასახადის გადახდის შესახებ.“.

2. დადგენილება ამოქმედდეს გამოქვეყნებისთანავე.

პრემიერ-მინისტრი     ზ. ნოღაიდელი