„საქართველოს საბაჟო ორგანოში სამსახურის გავლის წესის შესახებ“ დებულების დამტკიცების თაობაზე”
მიღების თარიღი 21.04.2005
გამომცემი ორგანო საქართველოს პრეზიდენტი.
ნომერი №244
სარეგისტრაციო კოდი 230.200.000.08.002.003
გამოქვეყნების წყარო სსმ, 49, 25/04/2005
კონსოლიდირებული ვერსიები
📄 ტექსტზე გადასვლა ↓
21.04.2005 მიღება
🕸️ გრაფი — კავშირების ვიზუალიზაცია
დოკუმენტის ტექსტი
„საქართველოს საბაჟო ორგანოში სამსახურის გავლის წესის შესახებ“ დებულების დამტკიცების თაობაზე”
/* Font Definitions */ @font-face {font-family:Sylfaen; panose-1:1 10 5 2 5 3 6 3 3 3;} @font-face {font-family:"Cambria Math"; panose-1:2 4 5 3 5 4 6 3 2 4;} @font-face {font-family:SPLiteraturuly;} @font-face {font-family:SPAcademi;} @font-face {font-family:"SPLiteraturuly MT";} @font-face {font-family:SPGrotesk;} @font-face {font-family:Geo_dumM;} @font-face {font-family:SPDumbadze;} /* Style Definitions */ p.MsoNormal, li.MsoNormal, div.MsoNormal {margin:0in; margin-bottom:.0001pt; font-size:10.0pt; font-family:"Times New Roman","serif";} h1 {margin-top:.25in; margin-right:0in; margin-bottom:6.0pt; margin-left:0in; text-align:center; page-break-after:avoid; font-size:10.0pt; font-family:"SPLiteraturuly MT"; layout-grid-mode:line;} h2 {margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; line-height:12.0pt; page-break-after:avoid; font-size:10.0pt; font-family:SPLiteraturuly; letter-spacing:2.75pt; font-weight:normal;} h3 {margin:0in; margin-bottom:.0001pt; text-align:center; line-height:12.0pt; page-break-after:avoid; font-size:10.0pt; font-family:"SPLiteraturuly MT"; letter-spacing:2.5pt;} h6 {margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; page-break-after:avoid; font-size:10.0pt; font-family:SPLiteraturuly;} p.MsoToc1, li.MsoToc1, div.MsoToc1 {margin:0in; margin-bottom:.0001pt; text-align:justify; font-size:10.0pt; font-family:SPLiteraturuly;} p.MsoToc2, li.MsoToc2, div.MsoToc2 {margin-top:0in; margin-right:0in; margin-bottom:0in; margin-left:12.0pt; margin-bottom:.0001pt; text-align:justify; font-size:10.0pt; font-family:SPLiteraturuly;} p.MsoToc3, li.MsoToc3, div.MsoToc3 {margin-top:0in; margin-right:0in; margin-bottom:0in; margin-left:24.0pt; margin-bottom:.0001pt; text-align:justify; font-size:10.0pt; font-family:SPLiteraturuly;} p.MsoToc4, li.MsoToc4, div.MsoToc4 {margin-top:0in; margin-right:0in; margin-bottom:12.0pt; margin-left:.5in; text-align:center; font-size:10.0pt; font-family:"SPLiteraturuly MT"; letter-spacing:5.0pt; font-weight:bold;} p.MsoFootnoteText, li.MsoFootnoteText, div.MsoFootnoteText {margin:0in; margin-bottom:.0001pt; text-align:justify; font-size:10.0pt; font-family:SPLiteraturuly;} p.MsoHeader, li.MsoHeader, div.MsoHeader {margin:0in; margin-bottom:.0001pt; font-size:10.0pt; font-family:"Times New Roman","serif";} p.MsoFooter, li.MsoFooter, div.MsoFooter {margin:0in; margin-bottom:.0001pt; font-size:10.0pt; font-family:"Times New Roman","serif";} span.MsoFootnoteReference {vertical-align:super;} p.MsoTitle, li.MsoTitle, div.MsoTitle {margin-top:300.0pt; margin-right:0in; margin-bottom:3.0pt; margin-left:0in; text-align:center; font-size:16.0pt; font-family:"SPGrotesk","sans-serif"; letter-spacing:3.0pt; font-weight:bold;} p.MsoBodyText, li.MsoBodyText, div.MsoBodyText {margin:0in; margin-bottom:.0001pt; text-align:justify; font-size:14.0pt; font-family:SPAcademi;} p.MsoBodyText2, li.MsoBodyText2, div.MsoBodyText2 {margin:0in; margin-bottom:.0001pt; text-align:justify; line-height:12.0pt; font-size:10.0pt; font-family:"Times New Roman","serif";} p.MsoPlainText, li.MsoPlainText, div.MsoPlainText {margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; page-break-before:always; font-size:10.0pt; font-family:SPLiteraturuly; font-style:italic;} p.MsoAutoSig, li.MsoAutoSig, div.MsoAutoSig {margin:0in; margin-bottom:.0001pt; font-size:10.0pt; font-family:"Times New Roman","serif";} p.parlamdrst, li.parlamdrst, div.parlamdrst {mso-style-name:parlamdrst; margin:0in; margin-bottom:.0001pt; text-align:justify; text-indent:.2in; font-size:11.0pt; font-family:SPLiteraturuly;} p.chveulebrivi, li.chveulebrivi, div.chveulebrivi {mso-style-name:chveulebrivi; margin:0in; margin-bottom:.0001pt; text-align:justify; text-indent:14.2pt; font-size:10.0pt; font-family:SPLiteraturuly; layout-grid-mode:line;} p.data, li.data, div.data {mso-style-name:data; margin:0in; margin-bottom:.0001pt; text-align:justify; font-size:10.0pt; font-family:SPLiteraturuly; layout-grid-mode:line; font-style:italic;} p.petiti, li.petiti, div.petiti {mso-style-name:petiti; margin-top:6.0pt; margin-right:0in; margin-bottom:0in; margin-left:14.2pt; margin-bottom:.0001pt; text-align:justify; font-size:8.5pt; font-family:SPLiteraturuly; layout-grid-mode:line; font-style:italic;} p.prezident, li.prezident, div.prezident {mso-style-name:prezident; margin:0in; margin-bottom:.0001pt; text-align:justify; font-size:10.0pt; font-family:SPLiteraturuly; layout-grid-mode:line;} p.kanoni, li.kanoni, div.kanoni {mso-style-name:kanoni; margin-top:.25in; margin-right:0in; margin-bottom:6.0pt; margin-left:0in; text-align:center; font-size:12.0pt; font-family:"Geo_dumM","serif"; letter-spacing:3.0pt; font-weight:bold;} p.kitxva, li.kitxva, div.kitxva {mso-style-name:kitxva; margin-top:0in; margin-right:0in; margin-bottom:5.65pt; margin-left:0in; text-align:justify; text-indent:14.2pt; text-autospace:none; font-size:10.0pt; font-family:SPLiteraturuly; font-weight:bold;} p.pasuxi, li.pasuxi, div.pasuxi {mso-style-name:pasuxi; margin-top:0in; margin-right:0in; margin-bottom:0in; margin-left:56.7pt; margin-bottom:.0001pt; text-align:justify; text-indent:-28.35pt; text-autospace:none; font-size:10.0pt; font-family:SPLiteraturuly;} p.Style1, li.Style1, div.Style1 {mso-style-name:Style1; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:SPLiteraturuly;} p.chveulebrivi-wigni, li.chveulebrivi-wigni, div.chveulebrivi-wigni {mso-style-name:chveulebrivi-wigni; margin:0in; margin-bottom:.0001pt; text-align:justify; text-indent:22.7pt; text-autospace:none; font-size:10.0pt; font-family:SPLiteraturuly;} p.satauri, li.satauri, div.satauri {mso-style-name:satauri; margin:0in; margin-bottom:.0001pt; text-align:center; font-size:13.0pt; font-family:"SPLiteraturuly MT"; font-weight:bold;} p.satauri2, li.satauri2, div.satauri2 {mso-style-name:satauri2; margin:0in; margin-bottom:.0001pt; font-size:10.0pt; font-family:"Times New Roman","serif";} p.tarigi, li.tarigi, div.tarigi {mso-style-name:tarigi; margin:0in; margin-bottom:.0001pt; font-size:10.0pt; font-family:"Times New Roman","serif";} p.muxliparl, li.muxliparl, div.muxliparl {mso-style-name:muxli_parl; margin-top:12.0pt; margin-right:0in; margin-bottom:0in; margin-left:14.15pt; margin-bottom:.0001pt; text-indent:-14.15pt; font-size:11.0pt; font-family:"SPDumbadze","serif"; font-weight:bold;} p.muxlixml, li.muxlixml, div.muxlixml {mso-style-name:muxli_xml; margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:11.0pt; font-family:"Sylfaen","serif"; font-weight:bold;} p.tavisataurixml, li.tavisataurixml, div.tavisataurixml {mso-style-name:tavi_satauri_xml; margin-top:0in; margin-right:0in; margin-bottom:12.0pt; margin-left:0in; text-align:center; font-size:11.0pt; font-family:"Sylfaen","serif"; font-weight:bold;} p.tavixml, li.tavixml, div.tavixml {mso-style-name:tavi_xml; margin-top:12.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; font-size:11.0pt; font-family:"Sylfaen","serif"; font-weight:bold;} p.abzacixml, li.abzacixml, div.abzacixml {mso-style-name:abzaci_xml; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:"Sylfaen","serif";} p.karixml, li.karixml, div.karixml {mso-style-name:kari_xml; margin-top:12.0pt; margin-right:0in; margin-bottom:0in; margin-left:42.5pt; margin-bottom:.0001pt; text-indent:-42.5pt; line-height:12.0pt; page-break-after:avoid; font-size:11.0pt; font-family:"Sylfaen","serif";} p.karisataurixml, li.karisataurixml, div.karisataurixml {mso-style-name:kari_satauri_xml; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:"Sylfaen","serif";} p.petitixml, li.petitixml, div.petitixml {mso-style-name:petiti_xml; margin:0in; margin-bottom:.0001pt; text-align:justify; text-indent:14.15pt; font-size:11.0pt; font-family:"Sylfaen","serif";} p.cignixml, li.cignixml, div.cignixml {mso-style-name:cigni_xml; margin:0in; margin-bottom:.0001pt; font-size:10.0pt; font-family:"Sylfaen","serif";} p.sataurixml, li.sataurixml, div.sataurixml {mso-style-name:satauri_xml; margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.15pt; font-size:12.0pt; font-family:"Sylfaen","serif"; font-weight:bold;} p.zogadinacilixml, li.zogadinacilixml, div.zogadinacilixml {mso-style-name:zogadi_nacili_xml; margin:0in; margin-bottom:.0001pt; font-size:10.0pt; font-family:"Arial","sans-serif";} p.gansakutrebulinacilixml, li.gansakutrebulinacilixml, div.gansakutrebulinacilixml {mso-style-name:gansakutrebuli_nacili_xml; margin-top:0in; margin-right:0in; margin-bottom:0in; margin-left:.5in; margin-bottom:.0001pt; text-indent:-.25in; font-size:10.0pt; font-family:"Arial","sans-serif";} p.StylecxrilixmlSylfaen, li.StylecxrilixmlSylfaen, div.StylecxrilixmlSylfaen {mso-style-name:"Style cxrili_xml + Sylfaen"; mso-style-link:"Style cxrili_xml + Sylfaen Char"; margin:0in; margin-bottom:.0001pt; font-size:10.0pt; font-family:"Sylfaen","serif";} span.StylecxrilixmlSylfaenChar {mso-style-name:"Style cxrili_xml + Sylfaen Char"; mso-style-link:"Style cxrili_xml + Sylfaen"; font-family:"Sylfaen","serif";} p.adgilixml, li.adgilixml, div.adgilixml {mso-style-name:adgili_xml; margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-family:"Sylfaen","serif"; font-weight:bold;} p.ckhrilixml, li.ckhrilixml, div.ckhrilixml {mso-style-name:ckhrili_xml; margin:0in; margin-bottom:.0001pt; text-align:justify; text-indent:14.15pt; font-size:9.0pt; font-family:"Sylfaen","serif";} p.danartixml, li.danartixml, div.danartixml {mso-style-name:danarti_xml; margin-top:6.0pt; margin-right:0in; margin-bottom:6.0pt; margin-left:0in; text-align:right; text-indent:14.2pt; font-size:11.0pt; font-family:"Sylfaen","serif"; font-weight:bold; font-style:italic;} p.khelmoceraxml, li.khelmoceraxml, div.khelmoceraxml {mso-style-name:khelmocera_xml; margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:right; font-size:12.0pt; font-family:"Sylfaen","serif"; font-weight:bold;} p.kodixml, li.kodixml, div.kodixml {mso-style-name:kodi_xml; margin-top:0in; margin-right:0in; margin-bottom:12.0pt; margin-left:255.1pt; text-align:right; page-break-after:avoid; font-size:10.0pt; font-family:"Sylfaen","serif";} p.mimgebixml, li.mimgebixml, div.mimgebixml {mso-style-name:mimgebi_xml; margin:0in; margin-bottom:.0001pt; text-align:center; text-indent:14.2pt; font-size:14.0pt; font-family:"Sylfaen","serif"; font-weight:bold;} p.sulcvlilebaxml, li.sulcvlilebaxml, div.sulcvlilebaxml {mso-style-name:sul_cvlileba_xml; margin-top:12.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:12.0pt; font-family:"Sylfaen","serif"; font-weight:bold;} p.tarigixml, li.tarigixml, div.tarigixml {mso-style-name:tarigi_xml; margin-top:6.0pt; margin-right:0in; margin-bottom:6.0pt; margin-left:0in; text-align:center; text-indent:14.2pt; font-size:11.0pt; font-family:"Sylfaen","serif"; font-weight:bold;} p.saxexml, li.saxexml, div.saxexml {mso-style-name:saxe_xml; margin-top:6.0pt; margin-right:0in; margin-bottom:0in; margin-left:0in; margin-bottom:.0001pt; text-align:center; text-indent:14.15pt; font-size:11.0pt; font-family:"Sylfaen","serif"; font-weight:bold;} /* Page Definitions */ @page Section1 {size:8.5in 11.0in; margin:56.7pt 42.5pt 56.7pt 85.05pt;} div.Section1 {page:Section1;} /* List Definitions */ ol {margin-bottom:0in;} ul {margin-bottom:0in;} სახელმწიფო სარეგისტრაციო კოდი 230.200.000.08.002.003
საქართველოს პრეზიდენტის
ბრძანებულება №244
2005 წლის 21 აპრილი
ქ. თბილისი
„საქართველოს საბაჟო ორგანოში სამსახურის გავლის წესის შესახებ“ დებულების დამტკიცების თაობაზე
საქართველოს საბაჟო კოდექსის 158-ე მუხლის მე-3 ნაწილის შესაბამისად:
1. დამტკიცდეს „საქართველოს საბაჟო ორგანოში სამსახურის გავლის წესის შესახებ“ თანდართული დებულება.
2. საქართველოს საბაჟო ორგანოს მუშაკთა დღედ დაწესდეს 15 თებერვალი.
3. ძალადაკარგულად გამოცხადდეს „საქართველოს საბაჟო სახელმწიფო დეპარტამენტის დებულების და „საქართველოს საბაჟო სახელმწიფო ორგანოებში სამსახურის გავლის წესის შესახებ“ დებულების თაობაზე” საქართველოს პრეზიდენტის 1999 წლის 8 იანვრის №2 ბრძანებულება.
მ. სააკაშვილი
საქართველოს საბაჟო ორგანოში სამსახურის გავლის წესის შესახებ
დ ე ბ უ ლ ე ბ ა
თავი I
ზოგადი დებულებანი
მუხლი 1🔗. დებულების რეგულირების სფერო
1. ეს დებულება აწესრიგებს საქართველოს ფინანსთა სამინისტროს საბაჟო დეპარტამენტის საშტატო ნუსხით გათვალისწინებულ თანამდებობაზე პირის დანიშვნის წესს, საბაჟო ორგანოს თანამშრომლის უფლება-მოვალეობებს, მის სოციალურ გარანტიებს და შესაბამის თანამდებობაზე საჯარო სამსახურის გავლასთან დაკავშირებულ სხვა ურთიერთობებს.
2. თუ კანონით სხვა რამ არ არის გათვალისწინებული, საჯარო სამსახურთან დაკავშირებული ის ურთიერთობა, რომელიც ამ დებულებით არ არის მოწესრიგებული, რეგულირდება შესაბამისი ნორმატიული აქტებით.
მუხლი 2🔗. საბაჟო ორგანოში სამსახურის გავლის სამართლებრივი საფუძვლები
საქართველოს საბაჟო ორგანოში სამსახურის გავლის სამართლებრივი საფუძვლებია: საქართველოს კონსტიტუცია, საბაჟო კოდექსი, კანონი „საჯარო სამსახურის შესახებ“, შრომის კანონთა კოდექსი და სხვა ნორმატიული აქტები.
მუხლი 3🔗. საბაჟო ორგანოს თანამშრომელი
1. საბაჟო ორგანოს თანამშრომელი (შემდგომში – თანამშრომელი) არის პირი, რომელიც დანიშნულია საქართველოს ფინანსთა სამინისტროს საბაჟო დეპარტამენტის საშტატო ნუსხით გათვალისწინებულ სახელმწიფო თანამდებობაზე.
2. საბაჟო ორგანოს თანამშრომელი სამსახურებრივი მოვალეობის შესრულებისას თავისი კომპეტენციის ფარგლებში სახელმწიფო ხელისუფლების წარმომადგენელია და მას იცავს სახელმწიფო.
3. საბაჟო ორგანოს თანამშრომლის სამართლებრივი სტატუსის თავისებურებები განისაზღვრება სამსახურებრივი ვალდებულებების შესრულებისას მისთვის მინიჭებული უფლებებითა და დაკისრებული მოვალეობებით.
4. სამსახურებრივი მოვალეობის შესრულებისას საბაჟო ორგანოს თანამშრომელს უფლება აქვს კანონმდებლობით დადგენილი წესით ატაროს და გამოიყენოს სამსახურებრივ-საშტატო იარაღი და სპეციალური საშუალებები.
5. სამსახურებრივი მოვალეობის შესრულებისას საბაჟო ორგანოს თანამშრომელი ატარებს ფორმის ტანსაცმელს და განმასხვავებელ ნიშნებს, რომელთა ნიმუშებს ამტკიცებს საქართველოს პრეზიდენტი. მას ვინაობისა და უფლებამოსილების დამადასტურებლად ეძლევა პირადობის მოწმობა და პირადნომრიანი ჟეტონი.
6. საბაჟო ორგანოს თანამშრომლის სტატუსი პირს ენიჭება საბაჟო ორგანოს თანამშრომლად დანიშვნის დღიდან და ეხსნება გათავისუფლებისთანავე.
მუხლი 4🔗. ატესტაცია
1. საბაჟო ორგანოს თანამშრომლის ატესტაცია არის მისი პროფესიული ჩვევების, კვალიფიკაციის, შესაძლებლობებისა და პიროვნული თვისებების დაკავებულ (ან დასაკავებელ) თანამდებობასთან წაყენებულ მოთხოვნებთან შესაბამისობის შეფასება.
2. ატესტაციას ექვემდებარება:
ა) საბაჟო ორგანოს თანამშრომელი 3 წელიწადში ერთხელ (საატესტაციო პერიოდი);
ბ) საბაჟო ორგანოს თანამშრომელი დაწესებულების რეორგანიზაციის დროს, რომელსაც თან ახლავს შტატებით გათვალისწინებულ თანამდებობათა შემცირება;
გ) საბაჟო ორგანოს თანამშრომელი, რომელიც წამოყენებულია სამსახურებრივი დაწინაურებისათვის;
დ) რეზერვში ჩარიცხული პირი;
ე) კანდიდატი საბაჟო ორგანოს თანამშრომლის თანამდებობაზე, თუ თანამდებობა კონკურსის წესით უნდა დაიკავოს.
3. თანამდებობაზე კონკურსის წესით დასანიშნი თანამშრომლის მოვალეობის შემსრულებელი დანიშვნიდან 6 თვის შემდეგ კონკურსის გამოუცხადებლობის შემთხვევაში ექვემდებარება ატესტაციას, რომლის შედეგების გათვალისწინებით იგი თავისუფლდება დაკავებული თანამდებობიდან ან ინიშნება განუსაზღვრელი ვადით.
4. ამ მუხლის მე-2 პუნქტის „ბ” ქვეპუნქტით გათვალისწინებულ შემთხვევაში თანამდებობაზე კონკურსის წესით დასანიშნი თანამშრომლის მოვალეობის შემსრულებელი ექვემდებარება ატესტაციას ამავე მუხლის მე-3 პუნქტში მითითებული პირობის გათვალისწინებით, 6-თვიანი ვადის დაუცველად.
5. ატესტაციას არ ექვემდებარება:
ა) საბაჟო ორგანოს თანამშრომელი, რომელიც თანამდებობაზე ინიშნება განსაზღვრული ვადით, ამ მუხლის მე-3 პუნქტით გათვალისწინებული პირების გარდა;
ბ) შტატგარეშე მოსამსახურე;
გ) საქართველოს პრემიერ-მინისტრის მიერ თანამდებობაზე დანიშნული პირი.
6. საბაჟო ორგანოს თანამშრომელი, რომელმაც კონკრეტული საატესტაციო პერიოდის განმავლობაში გაიარა ატესტაცია ამ მუხლის მე-2 პუნქტის „ა”, „ბ” და „გ” ქვეპუნქტების საფუძველზე, არ ექვემდებარება ატესტაციას ამ მუხლის მე-2 პუნქტის „ბ” ქვეპუნქტით გათვალისწინებული პირობის წარმოშობისას, თუ ეს პირობა დგება იმავე საატესტაციო პერიოდის განმავლობაში. ეს წესი არ მოქმედებს იმ შემთხვევაში, თუ რეორგანიზაციას შტატების შემცირებით თან ახლავს დამატებითი საკვალიფიკაციო მოთხოვნების შემოღება.
7. ატესტაციის ჩატარების წესი და ვადები ამ წესის მოთხოვნათა დაცვით განისაზღვრება საქართველოს ფინანსთა მინისტრის მიერ დამტკიცებული საქართველოს ფინანსთა სამინისტროს საბაჟო დეპარტამენტის საჯარო მოხელეთა კონკურსისა და ატესტაციის ჩატარების წესით.
თავი II
საბაჟო ორგანოს თანამშრომელთა სამსახურში მიღება და გადაადგილება
მუხლი 5🔗. საბაჟო ორგანოს სამსახურში მიღების წესი
1. საბაჟო ორგანოს სამსახურში მიიღებიან საქართველოს ქმედუნარიანი მოქალაქეები 21 წლის ასაკიდან, რომლებიც ფლობენ სახელმწიფო ენას, ზნეობრივი მონაცემების, განათლების დონის, ფიზიკური მომზადებისა და ჯანმრთელობის მდგომარეობის გათვალისწინებით უნარი შესწევთ შეასრულონ მათთვის დაკისრებული მოვალეობანი და აკმაყოფილებენ შესაბამისი თანამდებობისათვის წაყენებულ საკვალიფიკაციო მოთხოვნებს.
2. საბაჟო ორგანოში სამუშაოდ მიღება ნებაყოფლობითია და ხორციელდება, როგორც წესი, კონკურსის საფუძველზე. კონკურსს მოხელის ვაკანტური თანამდებობის დასაკავებლად ამ თანამდებობაზე დანიშვნის უფლების მქონე პირის წინადადებით გაზეთ „საქართველოს რესპუბლიკაში“ ან სხვა ოფიციალურ ბეჭდვით ორგანოში აცხადებს საჯარო სამსახურის ბიუროს უფროსი.
3. კონკურსის ორგანიზებისა და კომისიის საქმიანობის წესები ამ წესის მოთხოვნათა დაცვით განისაზღვრება საქართველოს ფინანსთა მინისტრის მიერ დამტკიცებული საქართველოს ფინანსთა სამინისტროს საბაჟო დეპარტამენტის საჯარო მოხელეთა კონკურსისა და ატესტაციის ჩატარების წესით.
4. საბაჟო ორგანოში სამუშაოდ მიღებასთან დაკავშირებით მოქალაქემ უნდა წარმოადგინოს:
ა) წერილობითი განცხადება;
ბ) ავტობიოგრაფია;
გ) ხელწერილი კანონით დადგენილ მოთხოვნებთან პირის შესაბამისობის შესახებ;
დ) განათლების ან შესაბამისი კვალიფიკაციის მოწმობა;
ე) პირადობის დამადასტურებელი დოკუმენტი;
ვ) უკვე გაცემული შრომის წიგნაკი, ასეთის არსებობის შემთხვევაში;
ზ) ქონებრივი დეკლარაციის წარდგენის ცნობა საგადასახადო სამსახურიდან;
თ) სამედიცინო-ნარკოლოგიური შემოწმების ცნობა;
ი) სამედიცინო დასკვნა ჯანმრთელობის მდგომარეობის შესახებ;
კ) კანონმდებლობით გათვალისწინებული სხვა დოკუმენტები.
5. ამ მუხლის მე-4 პუნქტში ჩამოთვლილი დოკუმენტების წარუდგენლობა შეიძლება გახდეს პირის სამსახურში მიღებაზე უარის საფუძველი.
6. საბაჟო ორგანოს თანამშრომელთა სამუშაოზე მიღება ხდება თანამდებობაზე მისი დანიშვნით, რისი უფლებაც, დადგენილ ნომენკლატურულ თანამდებობათა ნუსხის თანახმად, აქვს დაწესებულების ხელმძღვანელს ან მის მიერ უფლებამოსილ პირს.
7. თანამდებობაზე თანამშრომლის დანიშვნის დღედ ითვლება სათანადო ბრძანებაში კონკრეტულად აღნიშნული თარიღი.
მუხლი 6🔗. შეზღუდვები საბაჟო ორგანოში მიღებასა და სამსახურის გავლასთან დაკავშირებით
საბაჟო სამსახურში არ მიიღება პირი, თუ იგი:
ა) ნასამართლევია განზრახ ჩადენილი დანაშაულისათვის და მოხსნილი არა აქვს ნასამართლობა;
ბ) იმყოფება წინასწარი გამოძიების ქვეშ ან პატიმრობაში;
გ) სასამართლოს გადაწყვეტილებით ცნობილია ქმედუუნაროდ ან შეზღუდული ქმედუნარიანობის მქონედ;
დ) სასამართლოს მიერ ჩამორთმეული აქვს შესაბამისი თანამდებობის დაკავების უფლება;
ე) სამედიცინო დასკვნის თანახმად მისი ჯანმრთელობა არ აკმაყოფილებს მოცემული თანამდებობის დასაკავებლად აუცილებელ მოთხოვნებს;
ვ) თანამდებობის დაკავების შედეგად უშუალო სამსახურებრივი ზედამხედველობით უკავშირდება მშობელს, მეუღლეს, დას, ძმას, შვილს ან მეუღლის დას, ძმას, მშობელს;
ზ) არის უცხო ქვეყნის მოქალაქეობის პრეტენდენტი, კანონით ან საერთაშორისო ხელშეკრულებით გათვალისწინებული გამონაკლისის გარდა.
მუხლი 7🔗. საბაჟო ორგანოს თანამშრომელთა თანამდებობრივი გადაადგილება
1. თანამშრომლის გადაყვანა ზემდგომ, თანაბარ ან დაბალ თანამდებობაზე ითვლება თანამდებობრივ გადაადგილებად. თანამდებობრივი გადაადგილება ხდება:
ა) ზემდგომ თანამდებობაზე – სამსახურებრივი დაწინაურებით საკონკურსო-საატესტაციო კომისიის დასკვნის საფუძველზე და მოხელის წერილობითი თანხმობით;
ბ) თანაბარ თანამდებობაზე – თანამშრომლის წერილობითი თანხმობით სხვა თანამდებობების დაკომპლექტების აუცილებლობის დროს ან თანამშრომლობის უფრო მიზანშეწონილ გამოყენებასთან დაკავშირებით მისი სამსახურებრივი ჩვევებისა და პირადი თვისებების, ჯანმრთელობის, განათლებისა და სპეციალური მომზადების გათვალისწინებით;
გ) დაბალ თანამდებობაზე – პირადი თხოვნით ან შტატების შემცირებისას, ჯანმრთელობის მდგომარეობის გაუარესების გამო სამედიცინო კომისიის დასკვნის საფუძველზე, საატესტაციო წესით ან დისციპლინური წესით.
2. თანამშრომელთა გადაადგილება შეიძლება როგორც ერთსა და იმავე სტრუქტურულ ქვედანაყოფში, ისე სხვა სამსახურში. თანამშრომლის გადაადგილება დაიშვება მხოლოდ მისი თანხმობით.
3. დანიშვნაზე უფლებამოსილ პირს დისციპლინური და სისხლის სამართლის საქმის წარმოებასთან დაკავშირებით თავისი კომპეტენციის ფარგლებში შეუძლია დროებით ჩამოაშოროს თანამშრომელი თანამდებობას საგამოძიებო ორგანოების მიერ საბოლოო გადაწყვეტილების მიღებამდე, აგრეთვე სათანადო ორგანოების გადაწყვეტილების საფუძველზე. სისხლის სამართლის საქმის წარმოებასთან დაკავშირებით თანამდებობიდან გადაყენებულ თანამშრომელს გამართლების შემთხვევაში უნდა მიეცეს ადრე დაკავებული ან, ასეთის არარსებობის შემთხვევაში, მისი თანაბარი თანამდებობა.
4. ამ მუხლის მე-3 პუნქტის საფუძველზე სამსახურს ჩამოშორებულ მოხელეს უნარჩუნდება თანამდებობრივი სარგო დანამატთან ერთად.
თავი III
საბაჟო ორგანოს თანამშრომელთა სპეციალური წოდებები
მუხლი 8🔗. საბაჟო ორგანოს თანამშრომელთა სპეციალური წოდებები
თანამშრომელთა სპეციალური წოდებების სახეები და თანამშრომლისათვის სპეციალური წოდების მინიჭებისა და ჩამორთმევის წესი განისაზღვრება მოქმედი კანონმდებლობით.
თავი IV
დისციპლინა საბაჟო ორგანოში
მუხლი 9🔗. სამსახურებრივი დისციპლინა საბაჟო ორგანოში
საბაჟო ორგანოში სამსახურებრივი დისციპლინა გულისხმობს საბაჟო ორგანოს თანამშრომლის მიერ საქართველოს კონსტიტუციის, კანონმდებლობის, საბაჟო დეპარტამენტის თავმჯდომარის ინდივიდუალური ბრძანებების, უშუალო უფროსის მითითებების, დაკისრებული მოვალეობისა და უფლებამოსილების შესრულებას.
მუხლი 10🔗. წახალისების ფორმები
1. სამსახურებრივი მოვალეობის სანიმუშოდ შესრულებისათვის საბაჟო ორგანოს თანამშრომელთა მიმართ გამოიყენება წახალისების შემდეგი ფორმები:
ა) მადლობის გამოცხადება;
ბ) ერთჯერადი ფულადი ჯილდო;
გ) ფასიანი საჩუქრით დაჯილდოება;
დ) თანამდებობრივი სარგოს თანრიგის ამაღლება;
ე) საქართველოს ფინანსთა სამინისტროს საბაჟო დეპარტამენტის საპატიო სიგელით დაჯილდოება;
ვ) დაჯილდოება სამკერდე ნიშნებით: „საქართველოს სახელმწიფო საპატიო მებაჟე“, „საბაჟო სამსახურის ფრიადოსანი“;
ზ) ადრე დადებული დისციპლინური სახდელის ვადამდე მოხსნა.
2. საბაჟო ორგანოების თანამშრომლის მიმართ ერთდროულად შეიძლება გამოყენებულ იქნეს წახალისების რამდენიმე ფორმა.
3. „საქართველოს სახელმწიფო საპატიო მებაჟის“ და „საბაჟო სამსახურის ფრიადოსნის“ სამკერდე ნიშნების შესახებ დებულება, აგრეთვე „საქართველოს ფინანსთა სამინისტროს საბაჟო დეპარტამენტის საპატიო სიგელის შესახებ“ დებულება მტკიცდება საქართველოს ფინანსთა მინისტრის ბრძანებით.
მუხლი 11🔗. დისციპლინური გადაცდომა
დისციპლინური გადაცდომაა:
ა) სამსახურებრივ მოვალეობათა ბრალეული შეუსრულებლობა ან არაჯეროვნად შესრულება;
ბ) დაწესებულებისათვის ქონებრივი ზიანის მიყენება ან ასეთი ზიანის წარმოშობის საშიშროების ბრალეული შექმნა;
გ) ზოგადზნეობრივი ნორმების წინააღმდეგ ან მოხელისა და დაწესებულების დისკრედიტაციისაკენ მიმართული უღირსი საქციელი (ბრალეული ქმედება), განურჩევლად იმისა, სამსახურშია ჩადენილი, თუ მის გარეთ.
მუხლი 12🔗. დისციპლინური პასუხისმგებლობის ზომები
1. საბაჟო ორგანოს თანამშრომელთა მიმართ შეიძლება გამოყენებულ იქნეს დისციპლინური პასუხისმგებლობის შემდეგი ზომები:
ა) შენიშვნა;
ბ) გაფრთხილება;
გ) არა უმეტეს ათი სამუშაო დღის ხელფასის დაკავება;
დ) სამსახურებრივი მოვალეობის შესრულებისაგან ჩამოშორება ხელფასის გაცემის შეჩერებით არა უმეტეს 10 სამუშაო დღისა;
ე) უფრო დაბალი თანრიგის თანამდებობრივ სარგოზე გადაყვანა არა უმეტეს ერთი წლით;
ვ) დაკავებული თანამდებობიდან გათავისუფლება.
2. ერთი დისციპლინური გადაცდომისათვის შეიძლება გამოყენებულ იქნეს დისციპლინური პასუხისმგებ-ლობის მხოლოდ ერთი ზომა.
მუხლი 13🔗. წახალისებისა და დისციპლინური პასუხისმგებლობის ზომების გამოყენების წესი
1. საბაჟო ორგანოს თანამშრომლის მიმართ წახალისება და დისციპლინური პასუხისმგებლობის ზომა გამოიყენება იმ პირის მიერ, რომელსაც აქვს თანამშრომლის თანამდებობაზე დანიშვნის უფლება.
2. დისციპლინური პასუხისმგებლობის ზომის გამოყენება და წახალისება ცხადდება ბრძანებით და აღინიშნება პირად საქმეში შეტანით. დისციპლინური პასუხისმგებლობის ზომის გამოყენებამდე თანამშრომელს უნდა ჩამოერთვას წერილობითი ახსნა-განმარტება. დისციპლინური პასუხისმგებლობის ზომა უნდა შეესაბამებოდეს ჩადენილი გადაცდომის სიმძიმესა და პირის ბრალეულობის ხარისხს. პასუხისმგებლობის ზომის განსაზღვრისას მხედველობაში უნდა იქნეს მიღებული: გადაცდომის ხასიათი, გარემოებანი, რომელთა დროსაც იქნა იგი ჩადენილი, დამრღვევის ადრინდელი ყოფაქცევა, მისი დამოკიდებულება სამსახურისადმი, სამსახურებრივი სტაჟი და პროფესიული მომზადების დონე.
3. დისციპლინური პასუხისმგებლობა საბაჟო ორგანოს თანამშრომლის მიმართ ითვლება მოხსნილად, თუ ერთი წლის განმავლობაში მას არ დაედო ახალი სახდელი, ხოლო წახალისების წესით დისციპლინური სახდელი შეიძლება მოიხსნას ერთი წლის ვადის გასვლამდეც.
4. საბაჟო ორგანოს თანამშრომლის მიმართ დისციპლინური პასუხისმგებლობის ზომის გამოყენება არ შეიძლება მისი დროებითი შრომისუუნარობის ფურცელზე, შვებულებაში ან მივლინებაში ყოფნის დროს, აგრეთვე კანონმდებლობით გათვალისწინებულ სხვა შემთხვევებში.
მუხლი 14🔗. შუამდგომლობა დისციპლინური პასუხისმგებლობის ზომის გამოყენებაზე
თუ ხელქვეითის მიმართ წახალისების ან დისციპლინური პასუხისმგებლობის ზომის გამოყენება სცილდება მისი უშუალო ხელმძღვანელის უფლებამოსილებას, იგი ვალდებულია ღონისძიებების განხორციელების მიზნით აღძრას შუამდგომლობა სათანადო კომპეტენციის მქონე ხელმძღვანელის წინაშე.
მუხლი 15🔗. დისციპლინური პასუხისმგებლობის ვადამდე მოხსნა
1 დისციპლინური პასუხისმგებლობის დამდებ თანამდებობის პირს ან დაწესებულებას უფლება აქვს თანამშრომელს ვადამდე ადრე მოუხსნას ეს პასუხისმგებლობა, თუ მან არ ჩაიდინა ახალი გადაცდომა და თავი გამოიჩინა როგორც კეთილსინდისიერმა მოსამსახურემ.
2. უფლებამოსილი პირის მიერ გამოყენებული დისციპლინური პასუხისმგებლობის ვადამდე მოსახსნელად საბაჟო ორგანოს თანამშრომლის უშუალო ხელმძღვანელი აღძრავს მოტივირებულ შუამდგომლობას. დისციპლინური სახდელის ვადამდე მოხსნა ცხადდება ბრძანებით და ეცნობება დაინტერესებულ პირს.
თავი V
საბაჟო ორგანოს თანამშრომელთა უფლებები და მოვალეობები
მუხლი 16🔗. საბაჟო ორგანოს თანამშრომელთა უფლებები
1. კანონმდებლობით მინიჭებულ სხვა უფლებებთან ერთად საბაჟო ორგანოს თანამშრომელს უფლება აქვს:
ა) თავისი კომპეტენციის ფარგლებში განიხილოს საბაჟო საქმიანობასთან დაკავშირებული საკითხები და მიიღოს შესაბამისი გადაწყვეტილებები;
ბ) მიიღოს თანამდებობრივი ფუნქციების შესრულებისათვის საჭირო მატერიალურ-ტექნიკური საშუალებები და შექმნას შესაბამისი მატერიალური პირობები;
გ) მოითხოვოს სამსახურებრივი გამოძიება თავისი პატივისა და ღირსების შემლახველი ცნობების გაბათილების მიზნით;
დ) გაასაჩივროს ზემდგომ ინსტანციაში ან სასამართლოში მის მიმართ მიღებული გადაწყვეტილებები, თუ თვლის, რომ ამით იზღუდება მისი კანონიერი უფლებები და ილახება ღირსება;
ე) ძირითად საქმიანობას შეუთავსოს პედაგოგიური, სამეცნიერო და შემოქმედებითი საქმიანობა;
ვ) დადგენილი წესით მიიღოს ინფორმაცია და მასალები სამსახურებრივი მოვალეობების შესასრულებლად;
ზ) საკუთარი ინიციატივით მიიღოს მონაწილეობა საბაჟო ორგანოში ვაკანტური თანამდებობის დასაკავებლად გამართულ კონკურსებში;
თ) სამსახურებრივი დაწინაურების;
ი) კანონმდებლობით დადგენილი წესით საპენსიო უზრუნველყოფის.
2. საბაჟო ორგანოს მუშაკებს აგრეთვე აქვთ საქართველოს მოქმედი კანონმდებლობით გათვალისწინებული სხვა უფლებები.
მუხლი 17🔗. საბაჟო ორგანოს თანამშრომელთა მიერ სპეციალურ საშუალებათა და იარაღის გამოყენება
საბაჟო ორგანოს თანამშრომელთა მიერ სპეციალურ საშუალებათა და იარაღის გამოყენების წესი განისაზღვრება მოქმედი კანონმდებლობით.
მუხლი 18🔗. საბაჟო ორგანოს თანამშრომლების მოვალეობები
1. საბაჟო ორგანოს თანამშრომელი ვალდებულია:
ა) დაიცვას საქართველოს კონსტიტუცია და მოქმედი კანონმდებლობა;
ბ) დროულად და კეთილსინდისიერად აღასრულოს სამსახურებრივი მოვალეობანი, რომლებიც განსაზღვრულია საქართველოს მოქმედი კანონმდებლობით, ამ დებულებით, თანამდებობრივი ინსტრუქციებითა და სხვა სამართლებრივი აქტებით;
გ) თავისი კომპეტენციის ფარგლებში უზრუნველყოს მოქალაქეთა უფლებებისა და კანონიერი ინტერესების დაცვა;
დ) უზრუნველყოს ხელმძღვანელი პირების მიერ მათი კომპეტენციის ფარგლებში გაცემული ბრძანებებისა და განკარგულებების შესრულება, გარდა ისეთისა, რომელიც ეწინააღმდეგება მოქმედ კანონმდებლობას;
ე) თავისი უფლებამოსილების ფარგლებში დროულად განიხილოს მოქალაქეთა და ორგანიზაციათა მიმართვები და თხოვნები;
ვ) დაიცვას საბაჟო ორგანოში დაწესებული შინაგანაწესის მოთხოვნები, სამსახურებრივ ინფორმაციასთან დამოკიდებულების წესები და თანამდებობრივი ინსტრუქციები;
ზ) როგორც სამსახურებრივი ურთიერთობებისას, ისე სამსახურიდან გათავისუფლების შემდეგ არ გაავრცელოს და დაიცვას მისთვის სამსახურებრივ მოვალეობათა განხორციელებასთან დაკავშირებით განდობილი ინფორმაცია, რომლის საჯაროობა შეზღუდულია კანონმდებლობით;
თ) განახორციელოს მასზე კანონმდებლობით დაკისრებული სხვა მოვალეობები.
2. საბაჟო ორგანოს თანამშრომელთა ფუნქციური მოვალეობანი დაკავებული თანამდებობების მიხედვით განისაზღვრება და მტკიცდება საბაჟო დეპარტამენტის თავმჯდომარის მიერ.
თავი VI
სამსახურის გავლის პირობები
მუხლი 19🔗. შრომითი შინაგანაწესი
საბაჟო ორგანოს შრომით შინაგანაწესს ამტკიცებს საბაჟო დეპარტამენტის თავმჯდომარე.
მუხლი 20🔗. საბაჟო ორგანოს თანამშრომელთა სოციალური დაცვა
1. ამ მუხლის მე-2 ნაწილით გათვალისწინებული შემთხვევების გარდა, საბაჟო ორგანოს თანამშრომელთა სოციალური დაცვის გარანტიები განისაზღვრება საქართველოს საბაჟო კოდექსის 168-ე მუხლის პირველი ნაწილის შესაბამისად.
2. საბაჟო დეპარტამენტის საშტატო ნუსხით გათვალისწინებულ სახელმწიფო თანამდებობაზე დანიშნულ დამხმარე მოსამსახურეთა სოციალური დაცვის გარანტიები განისაზღვრება მოქმედი კანონმდებლობის შესაბამისად.
თავი VII.
სამსახურიდან გათავისუფლება
მუხლი 21🔗. სამსახურიდან გათავისუფლება
1. საბაჟო ორგანოს თანამშრომელი მოქმედი კანონმდებლობის შესაბამისად დაკავებული თანამდებობიდან შეიძლება გათავისუფლდეს:
ა) სამსახურის ვადის გასვლის გამო;
ბ) საკუთარი ინიციატივის საფუძველზე;
გ) შტატებით გათვალისწინებულ თანამდებობათა შემცირებისას ან არაკანონიერად გათავისუფლებული თანამშრომლის სამსახურში აღდგენისას;
დ) დაწესებულების ლიკვიდაციის გამო;
ე) დაკავებულ თანამდებობასთან შეუსაბამობის გამო;
ვ) დისციპლინური გადაცდომისათვის;
ზ) ხანგრძლივი შრომისუუნარობის გამო;
თ) სამსახურის ზღვრული ასაკის მიღწევის გამო;
ი) სამხედრო ან ალტერნატიულ სამსახურში გაწვევის გამო;
კ) გამამტყუნებელი განაჩენის ძალაში შესვლის გამო;
ლ) სამსახურში მიღებისას დადგენილი მოთხოვნების დარღვევისათვის;
მ) სხვა დაწესებულებაში გადასვლასთან დაკავშირებით;
ნ) მოქალაქეობის შეცვლის გამო;
ო) გარდაცვალებასთან დაკავშირებით;
პ) გარდაცვლილად ან უგზო-უკვლოდ დაკარგულად გამოცხადებასთან დაკავშირებით.
2. საბაჟო ორგანოს თანამშრომელი მის მიერ დაკავებულ თანამდებობასთან შეუსაბამობის გამო შეიძლება დათხოვნილ იქნეს:
ა) ატესტაციის შედეგების საფუძველზე;
ბ) იმ დოკუმენტის არქონისას, რომელიც აუცილებელია მოცემული თანამდებობის დასაკავებლად;
გ) სახელმწიფო ენის არადამაკმაყოფილებელი ცოდნისა და ნორმალური ურთიერთობის შეუძლებლობის გამო;
დ) ჯანმრთელობის არადამაკმაყოფილებელი მდგომარეობის გამო;
ე) არადამაკმაყოფილებელი პროფესიონალიზმის გამო;
ვ) გამოსაცდელი ვადის არადამაკმაყოფილებელი შედეგების საფუძველზე.
3. საბაჟო ორგანოს თანამშრომელი სამსახურიდან შეიძლება გაათავისუფლონ დისციპლინური დარღვევის გამო, თუ მის მიმართ უკვე მოქმედებს დისციპლინური პასუხისმგებლობის ნებისმიერი სხვა ზომა. საბაჟო ორგანოს თანამშრომელი შეიძლება გაათავისუფლონ სამსახურიდან დისციპლინური პასუხისმგებლობის მოქმედების გარეშეც, თუ იგი უხეშად დაარღვევს სამსახურებრივ მოვალეობებს ან თვითნებურად (5 დღეზე მეტი ხნით) მიატოვებს სამსახურს. საბაჟო ორგანოს თანამშრომელი დისციპლინური გადაცდომისათვის სამსახურიდან თავისუფლდება მისთვის შესაბამისი დოკუმენტის გაცნობის დღიდან, ხოლო სამსახურის თვითნებურად მიტოვების შემთხვევაში – სამსახურის თვითნებურად მიტოვებიდან მეორე სამუშაო დღეს.
4. საბაჟო ორგანოს თანამშრომელი თავისუფლდება სამსახურიდან სასამართლოს გამამტყუნებელი განაჩენის ძალაში შესვლის გამო, რომლის თანახმადაც მას შეეფარდა სასჯელი განზრახ ჩადენილი დანაშაულისათვის ან სასჯელი, რომელიც გამორიცხავს სამსახურის გაგრძელებას. საბაჟო ორგანოს თანამშრომელი სამსახურიდან თავისუფლდება სასამართლოს გამამტყუნებელი განაჩენის კანონიერ ძალაში შესვლიდან მეორე დღეს.
5. საბაჟო ორგანოს თანამშრომელი თავისუფლდება დაკავებული თანამდებობიდან, თუ იგი არჩეულ ან დანიშნულ იქნა სხვა თანამდებობაზე სხვა უწყების შემადგენლობაში.
6.ამ მუხლის პირველი პუნქტით გათვალისწინებული შემთხვევები არ წარმოშობს თანამშრომლის სამსახურში მიღების უფლების მქონე პირის ვალდებულებას შესთავაზოს მას სხვა თანამდებობაზე დანიშვნა.
მუხლი 22🔗. სამსახურის ზღვრული ასაკი და სამსახურიდან გათავისუფლება ასაკის გამო
1. საბაჟო ორგანოში სამსახურში ყოფნის ზღვრული ასაკი განისაზღვრება 65 წლით.
2. საბაჟო ორგანოს თანამშრომლის საპენსიო უზრუნველყოფა ხორციელდება კანონმდებლობის შესაბამისად.
მუხლი 23🔗. საბაჟო სისტემიდან გათავისუფლებული თანამშრომლის დაცვის უფლება
თანამშრომელს უფლება აქვს კანონმდებლობით დადგენილი წესის შესაბამისად ზემდგომ დაწესებულებაში ან სასამართლოში გაასაჩივროს ბრძანება საბაჟო ორგანოდან მისი გათავისუფლების შესახებ.
მუხლი 24🔗. საბაჟო სისტემიდან გათავისუფლებული თანამშრომლის შეღავათები და ანაზღაურება
საბაჟო ორგანოდან გათავისუფლებული თანამშრომლის შეღავათები და ანაზღაურება რეგულირდება საერთო საფუძვლებით საქართველოს კანონმდებლობის შესაბამისად.