`საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის №286 ბრძანებულებაში ცვლილებებისა და დამატებების შეტანის თაობაზე”

საქართველოს პრეზიდენტის

ბრძანებულება №695

2005 წლის 15 აგვისტო

ქ. თბილისი

 „საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის №286 ბრძანებულებაში ცვლილებებისა და დამატებების შეტანის თაობაზე

1. „ნორმატიული აქტების შესახებ“ საქართველოს კანონის 36-ე მუხლის შესაბამისად, „საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის №286 ბრძანებულებით (საქართველოს საკანონმდებლო მაცნე III, 23.07.2001 წ., №78, მუხლი 555) დამტკიცებულ საჯარო სამსახურის თანამდებობათა რეესტრში შეტანილ იქნეს შემდეგი ცვლილებები და დამატებები და XI თავი ჩამოყალიბდეს შემდეგი რედაქციით:

„თავი XI. საქართველოს საგარეო დაზვერვის სპეციალური სამსახურის სახელმწიფო თანამდებობები

    მუხლი 39. მთავარი საჯარო თანამდებობა

ა) საქართველოს საგარეო დაზვერვის სპეციალური სამსახურის უფროსი;

ბ) საქართველოს საგარეო დაზვერვის სპეციალური სამსახურის უფროსის პირველი მოადგილე;

გ) საქართველოს საგარეო დაზვერვის სპეციალური სამსახურის უფროსის მოადგილე.

    მუხლი 40. წამყვანი საჯარო თანამდებობა

ა) სამსახურის სამმართველოს უფროსი;

ბ) სამსახურის სამმართველოს უფროსის მოადგილე.

    მუხლი 41. უფროსი საჯარო თანამდებობა

ა) სამსახურის განყოფილების უფროსი;

ბ) სამსახურის განყოფილების უფროსის მოადგილე;

გ) სამსახურის ქვეგანყოფილების უფროსი;

დ) უფროსი იურისტი;

ე) უფროსი ინსპექტორი.

    მუხლი 42. უმცროსი საჯარო თანამდებობა

ა) სამსახურის უფროსი ოპერატიული თანამშრომელი;

ბ) სამსახურის ოპერატიული თანამშრომელი.“.

2. ბრძანებულება ძალაშია გამოქვეყნებისთანავე.

მ. სააკაშვილი