„საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის № 286 ბრძანებულებაში დამატების შეტანის თაობაზე“

საქართველოს პრეზიდენტის

ბრძანებულება №591

2006 წლის 6 ოქტომბერი

ქ. თბილისი

„საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის №286 ბრძანებულებაში დამატების შეტანის თაობაზე

„ნორმატიული აქტების შესახებ“ საქართველოს კანონის 36-ე მუხლის შესაბამისად „საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის №286 ბრძანებულებით (სსმ III, 2001 წ., №78, მუხ. 555) დამტკიცებული საჯარო სამსახურის თანამდებობათა რეესტრის 75 მუხლს დაემატოს „საქართველოს მთავრობის კანცელარიის დეპარტამენტის უფროსის მოადგილის“ თანამდებობა და აღნიშნული მუხლი ჩამოყალიბდეს შემდეგი რედაქციით:

     „მუხლი 75. წამყვანი საჯარო თანამდებობა

ა) საქართველოს მთავრობის კანცელარიის დეპარტამენტის უფროსის მოადგილე;

ბ) საქართველოს მთავრობის კანცელარიის განყოფილების უფროსი;

გ) საქართველოს პრემიერ-მინისტრის თანაშემწე;

დ) საქართველოს მთავრობის პრესსპიკერი;

ე) საქართველოს მთავრობის კანცელარიის უფროსის სამდივნოს უფროსი.“.

მ. სააკაშვილი