„საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის №286 ბრძანებულებაში ცვლილების შეტანის თაობაზე“

საქართველოს პრეზიდენტის

ბრძანებულება №687

2006 წლის 10 ნოემბერი

ქ. თბილისი

„საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის №286 ბრძანებულებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის 36-ე მუხლის შესაბამისად „საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის №286 ბრძანებულებით (სსმ III, 2001 წ., №78, მუხ. 555) დამტკიცებულ რეესტრში შეტანილ იქნეს ცვლილება და მე-10 თავი ჩამოყალიბდეს შემდეგი რედაქციით:

„თავი X. საქართველოს შინაგან საქმეთა სამინისტროს სახელმწიფო საქვეუწყებო დაწესებულება – საქართველოს სასაზღვრო პოლიციის სახელმწიფო მოხელეთა თანამდებობები

    მუხლი 35. მთავარი საჯარო თანამდებობა

ა) სასაზღვრო პოლიციის უფროსი;

ბ) სასაზღვრო პოლიციის უფროსის მოადგილე – დეპარტამენტის დირექტორი.

    მუხლი 36. წამყვანი საჯარო თანამდებობა

ა) სამმართველოს უფროსი;

ბ) სამმართველოს უფროსის მოადგილე.

    მუხლი 37. უფროსი საჯარო თანამდებობა

ა) განყოფილების უფროსი;

ბ) განყოფილების უფროსის მოადგილე;

გ) სამსახურის უფროსი;

დ) სამსახურის უფროსის მოადგილე;

ე) სასაზღვრო პოლიციის უფროსის თანაშემწე;

ვ) შერეული საავიაციო ესკადრილიის მეთაური;

ზ) ხომალდის მეთაური;

თ) უფროსი გამომძიებელი;

ი) უფროსი სპეციალისტი;

კ) უფროსი მესაზღვრე;

ლ) უზრუნველყოფის ბაზის უფროსი;

მ) წვრთნისა და გადამზადების ცენტრის უფროსი, მოადგილე;

ნ) სწრაფი რეაგირების რაზმის მეთაური, მოადგილე;

ო) მართვისა და სასაზღვრო ტექნოლოგიების ცენტრის უფროსი, მოადგილე;

პ) სასაზღვრო პოლიციის სამმართველოს სწრაფი რეაგირების ჯგუფის უფროსი;

ჟ) სასაზღვრო პოლიციის სამმართველოს სექტორის უფროსი.

    მუხლი 38. უმცროსი საჯარო თანამდებობა

ა) რგოლის მეთაური;

ბ) დეპარტამენტის დირექტორის თანაშემწე;

გ) გამომძიებელი;

დ) სპეციალისტი;

ე) მესაზღვრე;

ვ) სწრაფი რეაგირების რაზმის მოიერიშე ჯგუფის სექციის მეთაური;

ზ) სწრაფი რეაგირების რაზმის მოიერიშე ჯგუფის უფროსი;

თ) უფროსი იურისტი, იურისტი;

ი) უფროსი ოპერატიული თანამშრომელი, ოპერატიული თანამშრომელი;

კ) უფროსი ინსპექტორი, ინსპექტორი;

ლ) სასაზღვრო სამიგრაციო კონტროლის ცვლის უფროსი.“.

მ. სააკაშვილი