„საქართველოს პრეზიდენტის ადმინისტრაციის შესახებ“ საქართველოს პრეზიდენტის 2005 წლის 30 ივნისის №562 ბრძანებულებაში ცვლილებებისა და დამატებების შე­ტანის თაობაზე“

საქართველოს პრეზიდენტის

ბრძანებულება №735

2006 წლის 12 დეკემბერი

ქ. თბილისი

„საქართველოს პრეზიდენტის ადმინისტრაციის შესახებ“ საქართველოს პრეზიდენტის 2005 წლის 30 ივნისის №562 ბრძანებულებაში ცვლილებებისა და დამატებების შეტანის თაობაზე

1. „ნორმატიული აქტების შესახებ“ საქართველოს კანონის 36-ე მუხლის შესაბამისად, „საქართველოს პრეზიდენტის ადმინისტრაციის შესახებ“ საქართველოს პრეზიდენტის 2005 წლის 30 ივნისის №562 ბრძანებულებაში (სსმ III, №78, 2005 წ., მუხ. 831) შეტანილ იქნეს შემდეგი ცვლილებები და დამატებები:

ა) ბრძანებულების მე-2 პუნქტში რიცხვი „136“ შეიცვალოს რიცხვით „161“ და მე-2 პუნქტი ჩამოყალიბდეს შემდეგი რედაქციით:

„2. საქართველოს პრეზიდენტის ადმინისტრაციის საშტატო რიცხოვნობა განისაზღვროს 161 ერთეულით.“;

ბ) ბრძანებულებით დამტკიცებული დებულების მე-5 მუხლს დაემატოს შემდეგი შინაარსის „ო“ ქვეპუნქტი:

„ო) კომპიუტერული ტექნოლოგიებისა და ინფორმაციული უზრუნველყოფის სამმართველო.“;

გ) ამოღებულ იქნეს ბრძანებულებით დამტკიცებული დებულების მე-6 მუხლის მე-2 პუნქტის „ბ¹“ ქვეპუნქტი;

დ) ბრძანებულებით დამტკიცებული დებულების მე-6 მუხლს დაემატოს შემდეგი შინაარსის მე-14 პუნქტი:

„14. კომპიუტერული ტექნოლოგიებისა და ინფორმაციული უზრუნველყოფის სამმართველოს ფუნქციებია:

ა) ადმინისტრაციის კომპიუტერების ტექნიკური უზრუნველყოფა;

ბ) კომპიუტერული ქსელის ადმინისტრირება;

გ) პროგრამული უზრუნველყოფა და შესაბამისი წინადადებების მომზადება პროგრამული უზრუნველყოფის გაუმჯობესების თაობაზე;

დ) ერთიანი კომპიუტერული სისტემის ფორმირება, კოორდინაცია და ფუნქციონირების უზრუნველყოფა;

ე) ერთიანი ქსელის უსაფრთხოების უზრუნველყოფა.“.

2. ამ ბრძანებულების პირველი პუნქტის შესრულების მიზნით, საქართველოს მთავრობამ (ზ. ნოღაიდელი) საქართველოს პრეზიდენტის ადმინისტრაციის მიერ წარმოდგენილი განცხადების შესაბამისად უზრუნველყოს ,,საქართველოს 2007 წლის სახელმწიფო ბიუჯეტის შესახებ“ საქართველოს კანონის პროექტში შესაბამისი ასიგნებების გათვალისწინება.

მ. სააკაშვილი