„საჯარო სამსახურის შესახებ“ საქართველოს კანონში ცვლილების შეტანის შესახებ“

პროექტი საქართველოს კანონი ,,საჯარო სამსახურის შესახებ“ საქართველოს კანონში ცვლილების შეტანის შესახებ მუხლი 1. საკანონმდებლო „საჯარო სამსახურის შესახებ“ საქართველოს კანონში (საქართველოს მაცნე (www.matsne.gov.ge), 11.11.2015, სარეგისტრაციო კოდი: 010320000.05.001.017921) შეტანილ იქნეს შემდეგი ცვლილება: 1. 127-ე მუხლი ჩამოყალიბდეს შემდეგი რედაქციით: „მუხლი 127. კანონის ამოქმედებასთან დაკავშირებით ძალადაკარგული სამართლებრივი აქტები 2017 წლის 1 ივლისიდან ძალადაკარგულად გამოცხადდეს „საჯარო სამსახურის შესახებ“ საქართველოს 1997 წლის 31 ოქტომბრის კანონი (პარლამენტის უწყებანი, №45, 21.11.1997, გვ. 55) და მის საფუძველზე მიღებული/გამოცემული კანონქვემდებარე აქტები.“. 2. 128-ე მუხლის მე-2 პუნქტი ჩამოყალიბდეს შემდეგი რედაქციით: „2. ამ კანონის პირველი–124-ე მუხლები, 125-ე მუხლის მე-2 და მე-5–მე-9 პუნქტები ამოქმედდეს 2017 წლის 1 ივლისიდან.“. მუხლი 2. ეს კანონი ამოქმედდეს გამოქვეყნებისთანავე. საქართველოს პრეზიდენტი გიორგი მარგველაშვილი

განმარტებითი ბარათი საქართველოს კანონის პროექტზე „საჯარო სამსახურის შესახებ“ საქართველოს კანონში ცვლილების შეტანის შესახებ“ ა) ზოგადი ინფორმაცია კანონპროექტის შესახებ: ა.ა) კანონპროექტის მიღების მიზეზი: 2015 წლის 27 ოქტომბერს მიღებული იქნა „საჯარო სამსახურის შესახებ“ საქართველოს კანონი, რომლის ამოქმედების თარიღად განისაზღვრა 2017 წლის პირველი იანვარი. აღნიშნული კანონიმა წარმოშვა მთელი რიგი ღონისძიებების განხორციელების ვალდებულება. მათ შორის ორი კანონის: „საჯარო დაწესებულებაში შრომის ანაზღაურების შესახებ“ საქართველოს კანონის, „საჯარო სამართლის იურიდიული პირის შესახებ“ საქართველოს კანონისა და სხვა თანმდევი კანონონქვემდებარე ნორმატიული აქტების მიღების ვალდებულება. კანონით გათვალისწინებული აღნიშნული აქტების მიღება მოითხოვს არსებული სიტუაციის და გარდამავალი პერიოდის დეტალურ შესწავლას, რათა არ მოხდეს კანონის მოთხოვნებიდან აცდენა და დაცულ იქნეს მოქმედ და მომავალ საჯარო მოხელეთა უფლებები. კანონით გათვალისწინებული კანონებისა და კანონქვემდებარე აქტების მისაღებად გასატარებელი, ზემოთ აღნიშნული, ღონისძიებები საჭიროებს დამატებით დროს რაც თავისთავად კანონის ამოქმედებამდე საკმაოდ ცოტაა. გარდა აღნიშნულისა საჯარო სამსახურის ბიუროს დაევალა კანონის ამოქმედებამდე სერტიფიცირების ორჯერ ჩატარება. რისი მოსწრებაც კანონის ამოქმედებამდე ვერ მოხერხდება იმდენად რამდენადაც დარჩენილია მტელი რიგი მოსამზადებელი პროცედურები, რათა სერტიფიცირების პროცესი სრულყოფილად ჩატარდეს. 2015 წლის 27 ოქტომბერს მიღებული „საჯარო სამსახურის შესახებ“ საქართველოს კანონის ამოქმედების ვადის შეცვლა განაპირობა კანონით დაკისრებული ვალდებულებებისა და დაგეგმილი სიახლეების ხარისხიანად შესრულებისა და დანერგვის აუცილებლობამ. ა.ბ) კანონპროექტის მიზანი: წარმოდგენილი კანონპროექტის მიზანია 2015 წლის 27 ოქტომბერს მიღებული „საჯარო სამსახურის შესახებ“ საქართველოს კანონის სრულად ამოქმედების ვადის სათანადო ცვლილება. ვადის გადაწევის მიზანია კანონმდებლობით დადგენილი ვალდებულებების სრულყოფილად განხორციელება. აღნიშნულისათვის კი მნიშვნელოვანია, მომზადდეს და დაიხვეწოს შესაბამისი მატერიალურ ტექნიკური ბაზა, რომელიც შესაძლებელს გახდის, ადამიანური რესურსების მართვის ერთიანი სისტემა ჩამოყალიბდეს კანონის ახალი რეგულაციების შესაბამისად. ამჟამად მომზადებულია და შემოწმების რეჟიმში მუშაობს ადამიანური რესურსების მართვის ელექტრონული სისტემა, რომელიც უმნიშვნელოვანეს მექანიზმს წარმოადგენს იმისათვის, რათა კანონმდებლობით გათვალისწინებული თითოეული სიახლე დაინერგოს და ეფექტურად ამოქმედდეს პრაქტიკაში. მათ შორის მობილობა, მოხელეთა რეზერვი, მოხელეთა პროფესიული განვითარება და ა.შ. ამდენად, გაუმართლებელი იქნება კანონის ამოქმედება ისე, რომ აღნიშნული სისტემები არ იქნეს სრულყოფილად დახვეწილი და საბოლოოდ შემოწმებული. კანონის მნიშვნელოვან სიახლეს წარმოადგენს, ასევე სერტიფიცირების პროცედურის დანერგვა, რაც თვისთავად მოითხოვს სერტიფიცირების ჩასატარებლად შესაბამისი ტესტების მომზადებას, სერტიფიცირების ტესტირებისათვის ელექტრონული პროგრამის შემუშავებას და მატერიალურ-ტექნიკური ბაზის შექმნას, რათა სერტიფიკატის აღების თითოეული მსურველი უზრუნველყოფილი იყოს სათანადო პირობებში გაიაროს სერტიფიცირების პროცედურები. აღნიშნული საჭიროებს შესაბამის დროსა და მომზადებას, მართალია აღნიშნული ეტაპისათვის ფაქტობრივად შემუშავებულია სერტიფიცირების ტესტები ელექტრონული პროგრამა, მოსამზადებელი თუმცა და მომზადებულია ეტაპი, მათ სერტიფიცირების შორის ტესტების სრულყოფილი აპრობაცია, ჯერ კიდევ არ არის დასრულებული, რაც გარკვეულ დროს მოითხოვს. ამდენად აღნიშნული ცვლილებით შესაძლებელი გახდება სერტიფიცირების მოსამზადებელი პროცესების სრულად დასრულება გადავადებულ პერიოდში. გარდა ზემოთ აღნიშნულისა კანონის მნიშვნელოვან სიახლეს წარმოადგენს მოხელეთა შეფასების სისტემის დანერგვა, რომლის შედეგებიც არსებით გავლენას ახდენს მოხელეთა კარიერულ განვითარებაზე. ამიტომაც აუცილებელია, მოხდეს ხელმძღანელი თანამდებობის პირებისა და ადამიანური რესურსების მართვის ერთეულების თანამშრომელთა გადამზადება მოხელეთა შეფასების საკითხებში. იმდენად რამდენადაც კანონის სრულად ამოქმედების მომენტიდან სწორედ ისინი იქნებიან ჩართულნი მოხელეთა შეფასების პროცესში და მნიშვნელოვანია დეტალურად იცოდნენ, თუ რა მეთოდებითა და პროცედურების დაცვით უნდა წარმოებდეს მოხელეთა შეფასება, რა მიზანს ემსახურება იგი და რა შედეგები მოჰყვება მოხელის შეფასება. აღნიშნული პროცესი მოითხოვს დამატებით დროს, რაც კიდევ ერთხელ ამყარებს პოზიციას, კანონის სრულად ამოქმედების გადავადებასთან დაკავშირებით. ასევე, აღსანიშნავია ის ფაქტიც, რომ კანონის სიახლეების საჯარო დაწესებულებებისათვის რულყოფილად გაცნობა საჭიროებს ტრეინინგების კურსის ჩატარებას, რათა დაწესებულებები სრულად მომზადებულები შეხვდნენ კანონით გათვალისწინებულ სიახლეებს. ამიტომაც დაგეგმილია შესაბამის საკითხებში ტრენინგების ჩატარება, რომელიც განხორციელდება კანონის გადავადების პერიოდში და მოამზადებს საჯარო დაწესებულებების შესაბამის თანამშრომლებს კანონის სიახლეების პრაქტიკაში სრულყოფილად განხორციელებისათვის. ა.გ) კანონპროექტის ძირითადი არსი: 2015 წლის 27 ოქტომბერს მიღებული ,,საჯარო სამსახურის შესახებ“ საქართველოს კანონში განხორციელდება ცვლილება და მითითებული კანონი ნაცვლად 2017 წლის 1 იანვრისა, სრულად ამოქმედდება 2017 წლის 1 ივლისიდან. აღნიშნულის გათვალისწინებით, ცვლილება შედის კანონის 127-ე მუხლში და 128-ე მუხლის მე-2 პუნქტში, რომლებიც უკავშირდება კანონის სრულად ამოქმედებას. 127-ე მუხლის ცვლილების მიხედვით გადავადდება მოქმედი „საჯარო სამსახურის შესახებ“ საქართველოს კანონის ძალადაკარგულად გამოცხადების ვადა. 128-ე მუხლის მე-2 პუნქტის ცვლილებით გადავადდება „საჯარო სამსახურის შესახებ“ კანონის ამოქმედების ვადა. ბ) კანონპროექტის ფინანსური დასაბუთება: ბ.ა) კანონპროექტის მიღებასთან დაკავშირებით აუცილებელი ხარჯების დაფინანსების წყარო: კანონპროექტის მიღება არ გამოიწვევს სახელმწიფო ბიუჯეტიდან დამატებითი ხარჯების გამოყოფას. ბ.ბ) კანონპროექტის გავლენა ბიუჯეტის საშემოსავლო ნაწილზე: კანონპროექტის მიღება გავლენას არ მოახდენს ბიუჯეტის საშემოსავლო ნაწილზე. ბ.გ) კანონპროექტის გავლენა ბიუჯეტის ხარჯვით ნაწილზე: კანონპროექტის მიღება გავლენას არ მოახდენს ბიუჯეტის ხარჯვით ნაწილზე. ბ.დ) სახელმწიფოს ახალი ფინანსური ვალდებულებები: კანონპროექტის მიღება არ ითვალისწინებს სახელმწიფოს მიერ ახალი ფინანსური ვალდებულების აღებას. ბ.ე) კანონპროექტის მოსალოდნელი ფინანსური შედეგები იმ პირთათვის, რომელთა მიმართაც ვრცელდება კანონპროექტის მოქმედება: კანონპროექტის მიღება არ იწვევს ფინანსურ შედეგებს იმ პირთათვის, რომელთა მიმართაც ვრცელდება მისი მოქმედება. ბ.ვ) კანონპროექტით დადგენილი გადასახადის, მოსაკრებლის ან სხვა სახის გადასახდელის ოდენობა და ოდენობის განსაზღვრის პრინციპი: კანონპროექტი არ ითვალისწინებს გადასახადის, მოსაკრებლის ან სხვა სახის გადასახდელის დადგენას. გ) კანონპროექტის მიმართება საერთაშორისო სამართლებრივ სტანდარტებთან: გ.ა) კანონპროექტის მიმართება ევროკავშირის დირექტივებთან: კანონპროექტი არ ეწინააღმდეგება ევროკავშირის დირექტივებს. გ.ბ) კანონპროექტის მიმართება საერთაშორისო ორგანიზაციებში საქართველოს წევრობასთან დაკავშირებულ ვალდებულებებთან: კანონპროექტი არ ეწინააღმდეგება საერთაშორისო ორგანიზაციებში საქართველოს წევრობასთან დაკავშირებულ ვალდებულებებს. გ.გ) კანონპროექტის მიმართება საქართველოს ორმხრივ და მრავალმხრივ საქართველოს ორმხრივ და მრავალმხრივ ხელშეკრულებებთან: კანონპროექტი არ ეწინააღმდეგება ხელშეკრულებებს. დ) კანონპროექტის მომზადების პროცესში მიღებული კონსულტაციები: დ.ა) სახელმწიფო, არასახელმწიფო ან/და საერთაშორისო ორგანიზაცია/დაწესებულება, ექსპერტები, რომლებმაც მონაწილეობა მიიღეს კანონპროექტის შემუშავებაში, ასეთის არსებობის შემთხვევაში: ასეთი არ არსებობს. დ.ბ) კანონპროექტის შემუშავებაში მონაწილე ორგანიზაციის (დაწესებულების) ან/და ექსპერტის შეფასება კანონპროექტის მიმართ, ასეთის არსებობის შემთხვევაში: ასეთი არ არსებობს. ე) კანონპროექტის ავტორი: სსიპ - საჯარო სამსახურის ბიურო. ვ) კანონპროექტის ინიციატორი: საქართველოს მთავრობა.

„საჯარო სამსახურის შესახებ“ საქართველოს კანონის იმ მუხლის (მუხლების) მოქმედი სრული რედაქცია, რომელშიც (რომლებშიც) წარმოდგენილი კანონპროექტით შედის ცვლილება, მათ შორის, ხდება მისი (მათი) ამოღება მუხლი 127. კანონის ამოქმედებასთან დაკავშირებით ძალადაკარგული სამართლებრივი აქტები 2017 წლის 1 იანვრიდან ძალადაკარგულად გამოცხადდეს „საჯარო სამსახურის შესახებ“ საქართველოს 1997 წლის 31 ოქტომბრის კანონი (პარლამენტის უწყებანი, №45, 21.11.1997, გვ. 55) და მის საფუძველზე მიღებული/გამოცემული კანონქვემდებარე აქტები. მუხლი 128. კანონის ამოქმედება 1. ეს კანონი, გარდა ამ კანონის პირველი–124-ე მუხლებისა, 125-ე მუხლის მე-2 და მე-5–მე9 პუნქტებისა, ამოქმედდეს გამოქვეყნებისთანავე. 2. ამ კანონის პირველი–124-ე მუხლები, 125-ე მუხლის მე-2 და მე-5–მე-9 პუნქტები ამოქმედდეს 2017 წლის 1 იანვრიდან.