საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის მომართვა საქართველოს მთავრობის მიერ საკანონმდებლო ინიციატივის წესით წარმოდგენილი „საჯარო დაწესებულებაში შრომის ანაზღაურების შესახებ“ (N07-2/128; 21.09.2017) საქართველოს კანონის პროექტისა და თანმდევი პროექტების განხილვის ვადის ორი კვირით გაგრძელების შესახებ

17037-3-9-3-201710301036 N 17037 30/10/2017 საქართველოს პარლამენტის ბიუროს საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტმა სავალდებულო წესით განიხილა საქართველოს მთავრობის მიერ საკანონმდებლო ინიციატივის წესით წარმოდგენილი საქართველოს კანონის პროექტი „საჯარო დაწესებულებაში შრომის ანაზღაურების შესახებ“ და მისი თანმდევი კანონპროექტები (07-2/128; 21.09.2017). აღნიშნული საკანონმდებლო პაკეტის განხილვის პროცესში გამოიკვეთა საკითხები, რომლებიც კომიტეტის მიერ საბოლოო გადაწყვეტილების მიღებამდე საჭიროებს დამატებით კონსულტაციებს და პოზიციების შეჯერებას, რაც განხილვისათვის დადგენილ ვადებში ვერ ესწრება. აღნიშნულიდან გამომდინარე, საქართველოს პარლამენტის რეგლამენტის 147-ე მუხლის მე-7 პუნქტის შესაბამისად გთხოვთ, ზემოთ მითითებული საკანონმდებლო ინციატივის განხილვის ვადა გააგრძელოთ ორი კვირით. პატივისცემით, სოფიო კილაძე თავმჯდომარე