„საჯარო სამართლის იურიდიული პირის - იურიდიული დახმარების სამსახურის საქმიანობის შესახებ 2017 წლის ანგარიშის თაობაზე“

პროექტი საქართველოს პარლამენტის დადგენილება საჯარო სამართლის იურიდიული პირის - იურიდიული დახმარების სამსახურის საქმიანობის შესახებ 2017 წლის ანგარიშის თაობაზე „იურიდიული დახმარების შესახებ“ საქართველოს კანონის მე-8 მუხლის მე4 პუნქტისა და საქართველოს პარლამენტის რეგლამენტის 2295 მუხლის მე-2 პუნქტის შესაბამისად საქართველოს პარლამენტი ადგენს: 1. საჯარო სამართლის იურიდიული პირის - იურიდიული დახმარების სამსახურის ანგარიში 2017 წელს განხორციელებული საქმიანობის შესახებ შეფასდეს დადებითად. 2. იურიდიული დახმარების სამსახურის საქმიანობის ხარისხის, ეფექტიანობისა და ხელმისაწვდომობის გაზრდის მიზნით, საქართველოს პარლამენტი აძლევს მას შემდეგ რეკომენდაციებს: ა) სისხლის, სამოქალაქო და ადმინისტრაციული სამართლის საქმეებზე სრულყოფილი სტატისტიკური მონაცემების წარმოდგენის მიზნით, იურიდიული დახმარების სამსახურის მომდევნო ყოველწლიურ ანგარიშში წარმოსადგენი მონაცემები გაანალიზდეს არა მხოლოდ სუბიექტებისა და სამართლის დარგების, არამედ საქმეთა კატეგორიების მიხედვითაც; ბ) გაზრდილი მანდატიდან გამომდინარე, იურიდიული დახმარების სამსახურმა, შესაბამისი ადამიანური რესურსის შერჩევითა და სამსახურის მატერიალურ-ტექნიკური ბაზის განმტკიცებით, უზრუნველყოს სამსახურის აპარატის სტრუქტურული გაძლიერება. გ) შეზღუდული შესაძლებლობის მქონე პირებისათვის იურიდიული დახმარების სამსახურის სერვისით შეუზღუდავად სარგებლობის მიზნით, დაჩქარდეს ბიუროების ოფისების ადაპტირების პროცესი; 3. ეს დადგენილება ამოქმედდეს მიღებისთანავე. საქართველოს პარლამენტის თავმჯდომარე ქუთაისი, 2018 წლის __ აპრილი #______ ირაკლი კობახიძე