საქართველოს პარლამენტის საგარეო ურთიერთობათა კომიტეტის მომართვა განხილვის ვადების გაგრძელების შესახებ კომიტეტის მომართვა განხილვის ვადების გაგრძელების შესახებ: ა) საქართველოს მთავრობის მიერ საკანონმდებლო ინიციატივის წესით წარმოდგენილი „დიპლომატიური სამსახურის შესახებ“ საქართველოს კანონში ცვლილების შეტანის თაობაზე“, „საჯარო სამსახურის შესახებ“ საქართველოს კანონში ცვლილების შეტანის თაობაზე“ და „საკონსულო მოსაკრებლის შესახებ“ საქართველოს კანონში ცვლილების შეტანის თაობაზე“ (07-2/185, 03.04.2018) საქართველოს კანონის პროექტები - ერთი თვით; ბ) საქართველოს მთავრობის მიერ საკანონმდებლო ინიციატივის წესით წარმოდგენილი „საკონსულო საქმიანობის შესახებ“ საქართველოს კანონში ცვლილების შეტანის თაობაზე“ (N07-2/199, 12.04.2018) საქართველოს კანონის პროექტი - ერთი თვით.

N 8449 21/05/2018 საორგანიზაციო დეპარტამენტის უფროსს ქალბატონ ეთერ სვიანაიძეს ქალბატონო ეთერ, მოგახსენებთ, რომ საგარეო ურთიერთობათა კომიტეტში განხილვის პროცესში არის საქართველოს მთავრობის მიერ საკანონმდებლო ინიციატივის წესით წარმოდგენილი საქართველოს კანონის პროექტები „დიპლომატიური სამსახურის შესახებ“ საქართველოს კანონში ცვლილების შეტანის თაობაზე“, „საჯარო სამსახურის შესახებ“ საქართველოს კანონში ცვლილების შეტანის თაობაზე“ და „საკონსულო მოსაკრებლის შესახებ“ საქართველოს კანონში ცვლილების შეტანის თაობაზე“ (N07-2/185; 03.04.2018). განსახილველი საკითხის კომპლექსურობიდან და საკითხზე მთავრობის მომხსენებლის დატვირთული სამუშაო გრაფიკიდან გამომდინარე, გთხოვთ უზრუნველყოთ საგარეო ურთიერთობათა კომიტეტისთვის, როგორც წამყვანი კომიტეტისთვის, აღნიშნულ საკანონმდებლო პაკეტზე განხილვის ვადის გაზრდა ერთი თვით. აგრეთვე, გთხოვთ უზრუნველყოთ განხილვის ვადის გაზრდა საგარეო ურთიერთობათა კომიტეტში განსახილველად წარმოდგენილი საქართველოს კანონის პროექტზე „საკონსულო საქმიანობის შესახებ“ საქართველოს კანონში ცვლილების შეტანის თაობაზე“ (N07-2/199, 12.04.2018). პატივისცემით, სოფიო ქაცარავა თავმჯდომარე