საქართველოს პარლამენტის ჯანმრთელობის დაცვისა და სოციალურ საკითხთა კომიტეტის უარყოფითი დასკვნა მოქალაქე მაია რობაქიძის მიერ წარმოდგენილ „აღმზრდელთა სახელმწიფო რეესტრის შექმნისა და წარმოების შესახებ“ (N3735; 09.03.2018) საკანონმდებლო წინადადებასთან დაკავშირებით

N 8741 23/05/2018 საქართველოს პარლამენტის ბიუროს საქართველოს პარლამენტის ჯანმრთელობის დაცვისა და სოციალურ საკითხთა კომიტეტმა 2018 წლის 21 მაისის სხდომაზე განიხილა მოქალაქე მაია რობაქიძის მიერ წარმოდგენილი საკანონმდებლო წინადადება „აღმზრდელთა სახელმწიფო რეესტრის შექმნისა და წარმოების შესახებ“ საქართველოს კანონის პროექტთან დაკავშირებით (№3735: 09.03.2018). კომიტეტის გადაწყვეტილებით, აღნიშნული საკანონმდებლო წინადადება უარყოფილ იქნა შემდეგი მიზეზების გამო: 1. საკანონმდებლო წინადადების მიხედვით, საქართველოს შრომის, ჯანმრთელობისა და სოციალური დაცვის სამინისტრომ უნდა შექმნას და აწარმოოს აღმზრდელთა სახელმწიფო რეესტრი. აღმზრდელად მუშაობის მსურველმა ჯანმრთელობის მდგომარეობის შემოწმების შემდგომ უნდა გაიაროს გასაუბრება სამინისტროს მიერ დანიშნულ ფსიქოლოგებთან, ასევე უნდა გაიაროს სამართლებრივი ტრენინგი. ტრენინგის გავლის შემდგომ, გამოცდის ჩაბარების შემთხვევაში, მისი მონაცემები აისახება აღმზრდელთა ერთიან ბაზაში და მიენიჭება აღმზრდელის მანდატი. საკანონმდებლო წინადადების სოციალურმა მუშაკმა ვიზიტი განახორციელოს უნდა მიხედვით ოჯახში მშობელთან და აღმზრდელთან გასაუბრების მიზნით, სულ მცირე კვარტალში ერთხელ. ზემოაღნიშნული ფუნქციების დაკისრება, სსიპ სოციალური მომსახურების სააგენტოდან მიღებულ წერილში (07.05.2018 №69140) არის განმარტებული სოციალური მუშაკებისათვის გამოიწვევს მათ კიდევ უფრო დატვირთვას,. სააგენტოს ასევე არ ჰყავს საჭირო რაოდენობით კადრები, 2. ასევე, გასათვალისწინებელია, რომ საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტი აქტიურად მუშაობს საკანონმდებლო ინიციატივის „ბავშვთა კოდექსის“ კანონის პროექტის თაობაზე, სადაც სხვა მნიშნელოვან საკითხებთან ერთად განიხილება ასევე ძიძა/აღმზრდელის საკითხი. 3. საკანონმდებლო წინადადებაში ავტორის მიერ ნათლად არ არის ჩამოყალიბებული, თუ რომელი სამართლებრივი აქტით იქნება განსაზღვრული, საკანონმდებლო თუ კანონქვემდებარე ნორმატიული აქტით, რეესტრის წარმოების წესი, ხოლო საქართველოს პარლამენტის რეგლამენტის 150- მუხლის პირველი პუნქტის თანახმად „საკანონმდებლო წინადადება არის საკანონმდებლო ინიციატივის უფლების არმქონე სუბიექტის მიერ პარლამენტისათვის წარდგენილი, დადგენილი წესით გაფორმებული, დასაბუთებული მიმართვა ახალი კანონის მიღების, კანონში ცვლილების შეტანის ან კანონის ძალადაკარგულად გამოცხადების თაობაზე.“ პატივისცემით, აკაკი ზოიძე თავმჯდომარე