საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის მომართვა საქართველოს მთავრობის მიერ საკანონმდებლო ინიციატივის წესით წარმოდგენილი „შენობების ენერგოეფექტიანობის შესახებ“ (07-2/235; 21.06.2018) საქართველოს კანონის პროექტის განხილვის ვადის სამი კვირით გაგრძელების შესახებ

N 16471 01/10/2018 საქართველოს პარლამენტის ბიუროს მოგახსენებთ, რომ საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტი განისაზღვრა წამყვან კომიტეტად საქართველოს მთავრობის მიერ საკანონმდებლო ინიციატივის წესით წარმოდგენილ საქართველოს კანონის პროექტზე „შენობების ენერგოეფექტიანობის შესახებ“ (№07-2/235; 21.06.2018). აღნიშნული კანონპროექტის მნიშვნელობიდან გამომდინარე, მიზანშეწონილია გაიმართოს დამატებითი კონსულტაციები დაინტერესებული უწყებებისა და კერძო სექტორის მონაწილეობით. მოგმართავთ თხოვნით, საქართველოს პარლამენტის რეგლამენტის 152-ე მუხლის მე-5 პუნქტის შესაბამისად, საკანონმდებლო ინიციატივის განხილვის ვადა გაგრძელდეს 3 კვირით. რომან კაკულია თავმჯდომარე