საქართველოს პარლამენტის იურიდიულ საკითხთა კომიტეტის მომართვა მოქალაქე სერგო ფარეიშვილის მიერ წარმოდგენილი „საერთო სასამართლოების შესახებ“ საქართველოს ორგანულ კანონში ცვლილების შეტანის თაობაზე“ (N12896; 24.08.2018) საკანონმდებლო წინადადების განხილვის ვადის გაგრძელების შესახებ

N 17650 16/10/2018 საქართველოს პარლამენტის ბიუროს გაცნობებთ, რომ მოქალაქე სერგო ფარეიშვილის მიერ საქართველოს პარლამენტში წარმოდგენილი საკანონმდებლო წინადადება: „საერთო სასამართლოების შესახებ“ საქართველოს ორგანულ კანონში ცვლილების შეტანის თაობაზე“ საქართველოს ორგანული კანონის პროექტთან დაკავშირებით (N 12896; 24.08.2018)-(საკანონმდებლო წინადადების კომიტეტზე განხილვის ვადაა 16 ოქტომბერი). საკანონმდებლო წინადადების მიხედვით, ცვლილება შედის საერთო „საერთო სასამართლოების შესახებ“ საქართველოს ორგანული კანონის 43-ე მუხლის პირველი პუნქტის „ზ“ ქვეპუნქტში, რომლის თანახმად, მოსამართლის თანამდებობიდან გათავისუფლების, უზენაესი სასამართლოს თავმჯდომარისა და უზენაესი სასამართლოს წევრის უფლებამოსილების შეწყვეტის ერთ- ერთი საფუძველი იქნება 70 წლის ასაკის მიღწევა. იმ გარემოების გათვალისწინებით, რომ კომიტეტს დასკვნის მოსამზადებლად ესაჭიროება დამატებითი დრო, მიზანშეწონილად მიგვაჩნია, საკანონმდებლო წინადადების განხილვის ვადის გაგრძელება 30 დღით. პატივისცემით, ეკა ბესელია თავმჯდომარე