საქართველოს პარლამენტის თავდაცვისა და უშიშროების კომიტეტის მომართვა საქართველოს მთავრობის მიერ საკანონმდებლო ინიციატივის წესით წარმოდგენილი „სამოქალაქო უსაფრთხოების შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტისა და მისი თანმდევი კანონების პროექტების (N07-2/260; 04.10.2018) განხილვის ვადის სამი კვირით გაგრძელების შესახებ

N 17750 18/10/2018 საქართველოს პარლამენტის ბიუროს საქართველოს პარლამენტის ბიუროს გადაწყვეტილებით საქართველოს პარლამენტის თავდაცვისა და უშიშროების კომიტეტი წამყვან კომიტეტად განისაზღვრა საქართველოს მთავრობის მიერ საკანონმდებლო ინიციატივის წესით წარმოდგენილ საქართველოს კანონის პროექტის „სამოქალაქო უსაფრთხოების შესახებ“ საქართველოს კანონში ცვლილების შეტანის თაობაზე“ და მისგან გამომდინარე კანონპროექტების თაობაზე. (07-2/260/9, 04.10.2018) ზემოაღნიშნულ საკანონმდებლო ინიციატივებთან დაკავშირებით საქართველოს პარლამენტის ბიუროს გადაწყვეტილებით იურიდიულ საკითხთა, ადამიანის უფლებათა დაცვისა და სამოქალაქო ინტეგრაციისა და საფინანსო-საბიუჯეტო კომიტეტებს მიმდინარე წლის 29 ოქტომბრამდე დაევალათ სავალდებულო დასკვნის შემუშავება. იურიდიულ საკითხთა კომიტეტმა მოგვმართა თხოვნით (წერილი N17675, 17.10.2018) კანონპროექტის განხილვის ვადის 3 კვირით გაგრძელების თაობაზე. გთხოვთ, საქართველოს მთავრობის მიერ საკანონმდებლო ინიციატივის წესით წარმოდგენილ საქართველოს კანონის პროექტის „სამოქალაქო უსაფრთხოების შესახებ“ საქართველოს კანონში ცვლილების შეტანის თაობაზე“ და მისგან გამომდინარე კანონპროექტების განხილვის ვადა გააგრძელოთ 3 კვირით. პატივისცემით, ირაკლი სესიაშვილი თავმჯდომარე