საქართველოს პარლამენტის იურიდიულ საკითხთა კომიტეტის მომართვა საქართველოს პარლამენტის წევრის ემზარ კვიციანის მიერ საკანონმდებლო ინიციატივის წესით წარმოდგენილი „საქართველოს სისხლის სამართლის კოდექსში ცვლილების შეტანის შესახებ“ (07-3/145; 26.03.2018) საქართველოს კანონის პროექტის განხილვის ვადის ერთი თვით გაგრძელების შესახებ

N 19920 27/11/2018 საქართველოს პარლამენტის ბიუროს გაცნობებთ, რომ საქართველოს პარლამენტის წევრის ემზარ კვიციანის მიერ საკანონმდებლო ინიციატივის წესით წარმოდგენილია საქართველოს კანონის პროექტი: „საქართველოს სისხლის სამართლის კოდექსში ცვლილების შეტანის შესახებ“ (№07-3/145; 26.03.2018). კანონპროექტის თანახმად, კანონპროექტის მიღების მიზანია სახელმწიფოს მხრიდან ქვეყანაში არსებული რელიგიების და მათი მიმდევრების შეურაცხყოფისგან დაცვა. კანონპროექტზე წამყვანი კომიტეტია - იურიდიულ საკითხთა კომიტეტი, ხოლო სავალდებულო - ადამიანის უფლებათა დაცვისა და სამოქალაქო ინტეგრაციის კომიტეტი. კანონპროექტის პირველი მოსმენით განხილვის ვადა წამყვანი კომიტეტისთვის განსაზღვრულია 2018 წლის 5 დეკემბერი, ხოლო სავალდებულოსთვის 28 ნოემბერი. სავალდებულო კომიტეტმა მოგვმართა თხოვნით (წერილი N 19889 27/11/2018), რათა დამატებითი კონსულტაციების გასამართად და პოზიციების შესაჯერებლად კანონპროექტის განხილვის ვადა გაგრძელდეს ერთი თვის ვადით. პატივისცემით, ეკა ბესელია თავმჯდომარე

19889-3-9-3-201811271538 N 19889 27/11/2018 საქართველოს პარლამენტის იურიდიულ საკითხთა კომიტეტის თავმჯდომარეს ქალბატონ ეკა ბესელიას საქართველოს პარლამენტის ბიუროს 2018 წლის 3 აპრილის N145/3 გადაწყვეტილებით, ადამიანის უფლებათა დაცვისა და სამოქალაქო ინტეგრაციის კომიტეტს დაევალა სავალდებულო წესით განიხილოს საქართველოს პარლამენტის წევრის ემზარ კვიციანის მიერ საკანონმდებლო ინიციატივის წესით წარმოდგენილი საქართველოს კანონის პროექტი „საქართველოს სისხლის სამართლის კოდექსში ცვლილების შეტანის შესახებ“ (07-3/145, 26.03.2018). კომიტეტმა 2018 წლის 24 აპრილის სხდომაზე განიხილა აღნიშნული საკანონმდებლო ინიციატივა, თუმცა საბოლოო გადაწყვეტილება არ მიღებულა, ხოლო მისი განხილვის ვადა იწურება მიმდინარე წლის 28 ნოემბერს. აღნიშნულიდან გამომდინარე, გთხოვთ, საქართველოს პარლამენტის რეგლამენტის 147-ე მუხლის მე-7 პუნქტისა და 152-ე მუხლის მე-5 პუნქტის შესაბამისად, უზრუნველყოთ ზემოთ მითითებული საკანონმდებლო ინიციატივის განხილვის ვადის გაგრძელება 1 (ერთი) თვით. პატივისცემით, სოფიო კილაძე თავმჯდომარე