საქართველოს პარლამენტის იურიდიულ საკითხთა კომიტეტის მომართვა არანაკლებ 30000 ამომრჩევლის მიერ საკანონმდებლო ინიციატივის წესით წარმოდგენილი „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ საქართველოს კანონში ცვლილებებისა და დამატებების შეტანის თაობაზე“ (07-3/246; 15.11.2018) საქართველოს კანონის პროექტის განხილვის ვადის ერთი თვით გაგრძელების შესახებ

N 20897 10/12/2018 საქართველოს პარლამენტის ბიუროს საქართველოს 30 000 მოქალაქის მიერ საკანონმდებლო ინიციატივის წესითაა ინიცირებული საქართველოს კანონის პროექტი „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ საქართველოს კანონში ცვლილების შეტანის თაობაზე“ (07-3/246/9 | 15-11-2018). კანონპროექტით შემოთავაზებულია ცვლილებები, რომლებიც ითვალისწინებს ბინადრობის ნებართვის გაცემის სტანდარტების ცვლილებას გამკაცრების მიმართულებით. კანონპროექტზე წამყვანი კომიტეტია - იურიდიულ საკითხთა კომიტეტი, ხოლო სავალდებულო კომიტეტებია: საგარეო ურთიერთობათა კომიტეტი და ადამიანის უფლებათა და სამოქალაქო ინტეგრაციის კომიტეტები. კანონპროექტის კომიტეტზე I მოსმენით განხილვის ვადაა 2019 წლის 11 თებერვალი, ხოლო სავალდებულო კომიტეტებისთვის განსაზღვრულია 2018 წლის 10 დეკემბერი. ადამიანის უფლებათა და სამოქალაქო ინტეგრაციის კომიტეტმა (წერილი N20587 10/12/2018) მოგვმართა თხოვნით, რომ ვინაიდან ობიექტურ მიზეზებით ბიუროს მიერ განსაზღვრულ ვადაში საკითხის განხილვა ვერ ხერხდება, კანონპროექტის განხილვის ვადა გაგრძელდეს ერთი თვით. პატივისცემით, ეკა ბესელია თავმჯდომარე