საქართველოს პარლამენტის საფინანსო-საბიუჯეტო კომიტეტის უარყოფითი დასკვნა მოქალაქე ლევან ჯოხაძის მიერ წარმოდგენილ „სახელმწიფო ვალის შესახებ“ საქართველოს კანონში დამატების შეტანის შესახებ“ (N9392; 18.06.2018) საკანონმდებლო წინადადებასთან დაკავშირებით

N 22411 25/12/2018 22411-3-9-3-201812251817 საქართველოს პარლამენტის ბიუროს დასკვნა საქართველოს პარლამენტის საფინანსო-საბიუჯეტო კომიტეტმა 2018 წლის 22 დეკემბერს განიხილა მოქალაქე ლევან ჯოხაძის მიერ წარმოდგენილი საკანონმდებლო წინადადება: „სახელმწიფო ვალის შესახებ“ საქართველოს კანონში დამატების შეტანის შესახებ“ საქართველოს კანონის პროექტთან დაკავშირებით (N9392; 18.06.2018). საკანონმდებლო წინადადებით შემოთავაზებულია „სახელმწიფო ვალის შესახებ“ საქართველოს კანონის მე-15 მუხლით დადგენილ ფასიანი ქაღალდების ჩამონათვალს დაემატოს დ) პუნქტი-„სერთიფიკატი“. კომიტეტი იზიარებს საქართველოს ფინანსთა სამინისტროს მიერ წარმოდგენილ შენიშვნებს აღნიშნულ საკანონმდებლო წინადადებასთან დაკავშირებით და არ მიაჩნია მიზანშეწონილად შემოთავაზებული ინიციატივის მსგავსი შინაარსით მიღება. ზემოთაღნიშნულიდან გამომდინარე, კომიტეტის მიერ უარყოფილი იქნა საკანონმდებლო წინადადება. პატივისცემით, პაატა კვიჟინაძე თავმჯდომარის პირველი მოადგილე