საქართველოს პარლამენტის იურიდიულ საკითხთა კომიტეტის მომართვა მოქალაქე ანზორ ჯაიანის მიერ წარმოდგენილი „ნორმატიული აქტების შესახებ“ საქართველოს კანონში ცვლილებების შეტანის შესახებ“ და „საქართველოს სამოქალაქო კოდექსში ცვლილებების შეტანის თაობაზე“ (N17343; 14/11/2018) საკანონმდებლო წინადადების განხილვის ვადის 30 დღის გაგრძელების შესახებ.

იურიდიულ საკითხთა კომიტეტი 2-1882/19 11-02-2019 საქართველოს პარლამენტის ბიუროს გაცნობებთ, რომ იურიდიულ საკითხთა კომიტეტში წარმოდგენილია მოქალაქის ანზორ ჯაიანის საკანონმდებლო წინადადება „ნორმატიული აქტების შესახებ“ საქართველოს კანონში ცვლილებების შეტანის შესახებ“ და „საქართველოს სამოქალაქო კოდექსში ცვლილებების შეტანის თაობაზე“ საქართველოს კანონის პროექტებთან დაკავშირებით (N17343; 14.11.2018). საკანონმდებლო წინადადების ავტორი მოითხოვს ზემოაღნიშნულ საკანონმდებლო აქტებში 25-მდე ცვლილების შეტანას, რომლის გაზიარების შემთხვევაში შესაძლებელია გაიზარდოს საბიუჯეტო ხაქრჯები. აქედან გამომდინარე, საკანონმდებლო წინადადება დასკვნისათვის გასული წლის 26 ნოემბერს გადაეგზავნა მთავრობას, საიდანაც დასკვნა ჯერ არ არის მიღებული. საკანონმდებლო წინადადების განხილვის ვადა განისაზღვრა მიმდინარე წლის 22 თებერვლამდე. იმ გარემოების გათვალისწინებით, რომ საკანონმდებლო წინადადება შეიცავს ბიუჯეტში ცვლილების შეტანის აუცილებლობას, მთავრობასთან პოზიციების შეჯერებისათვის საჭიროა დამატებითი მიზანშეწონილად მიგვაჩნია საკანონმდებლო წინადადების დრო, რის გამოც განხილვის ვადის გაგრძელება 30 დღით. პატივისცემით, კომიტეტის თავმჯდომარე ანრი ოხანაშვილი თბილისი 0114, რუსთაველის გამზირი # 8, საქართველოს პარლამენტის სასახლე ტელეფონი: (995 32) 2281679. ელ. ფოსტა: contact@parliament.ge