საქართველოს პარლამენტის იურიდიულ საკითხთა კომიტეტის მომართვა საქართველოს პარლამენტის წევრების ირაკლი სესიაშვილის, ანრი ოხანაშვილის, დავით მათიკაშვილის, გურამ მაჭარაშვილის და რატი იონათამიშვილის მიერ საკანონმდებლო ინიციატივის წესით წარმოდგენილი „საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ“ (07-3/319; 03/04/2019) საქართველოს კანონის პროექტის განხილვის ვადის 3 კვირით გაგრძელების შესახებ

იურიდიულ საკითხთა კომიტეტი 2-7844/19 30-04-2019 საქართველოს პარლამენტის ბიუროს გაცნობებთ, რომ საქართველოს პარლამენტის წევრების: ირაკლი სესიაშვილის, ანრი ოხანაშვილის, დავით მათიკაშვილის, გურამ მაჭარაშვილისა და რატი იონათამიშვილის მიერ საკანონმდებლო ინიციატივის წესით წარმოდგენილი საქართველოს კანონების პროექტი „საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ“ (№07-3/319; 03.04.2019). საქართველოს პარლამენტის ბიუროს N251/2 გადაწყვეტილებით, წარმოდგენილ კანონპროექტებზე წამყვანი კომიტეტია იურიდიულ საკითხთა კომიტეტი (I მოსმენით განხილვის ვადა - 13.05.2019), ხოლო სავალდებულო დასკვნის წარდგენა 2019 წლის 30 აპრილამდე დაევალა ადამიანის უფლებათა დაცვისა და სამოქალაქო ინტეგრაციის კომიტეტს. 2019 წლის 25 აპრილს ადამიანის უფლებათა დაცვისა და სამოქალაქო ინტეგრაციის კომიტეტმა, ცალკეული საკითხების დაზუსტებისა და დამატებითი კონსულტაციების გამართვის საჭიროებიდან გამომდინარე, N2-7729/19 წერილის საფუძველზე მოგვმართა თხოვნით, რათა სავალდებულო კომიტეტისათვის განხილვის ვადა 2019 წლის 30 აპრილიდან გაგრძელდეს 2 კვირით. გთხოვთ, მისცეთ შესაბამისი მსვლელობა. დანართი: 1 (ერთი) ფურცელი. პატივისცემით, კომიტეტის თავმჯდომარე ანრი ოხანაშვილი თბილისი 0114, რუსთაველის გამზირი # 8, საქართველოს პარლამენტის სასახლე ტელეფონი: (995 32) 2281679. ელ. ფოსტა: contact@parliament.ge

ადამიანის უფლებათა დაცვისა და სამოქალაქო ინტეგრაციის კომიტეტი 2-7729/19 25-04-2019 საქართველოს პარლამენტის იურიდიულ საკითხთა კომიტეტის თავმჯდომარეს ბატონ ანრი ოხანაშვილს საქართველოს პარლამენტის ბიუროს 2019 წლის 08 აპრილის N251/5 გადაწყვეტილებით ადამიანის უფლებათა დაცვისა და სამოქალაქო ინტეგრაციის კომიტეტს სავალდებულო განხილვისთვის გადმოეცა საქართველოს პარლამენტის წევრების: ირაკლი სესიაშვილის, ანრი ოხანაშვილის, დავით მათიკაშვილის, გურამ მაჭარაშვილისა და რატი იონათამიშვილის მიერ საკანონმდებლო ინიციატივის წესით წარმოდგენილი საქართველოს კანონის პროექტი „საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ“ (№07-3/319; 03.04.2019). აღნიშნული ინიციატივის სავალდებულო წესით განხილვის ვადა განსაზღვრულია 2019 წლის 30 აპრილამდე. ობიექტური მიზეზების გამო, მითითებულ ვადაში საკითხის განხილვა ვერ ხერხდება. აღნიშნულიდან გამომდინარე, გთხოვთ უზრუნველყოთ დასახელებული საკანონმდებლო ინიციატივის განხილვის ვადის გაგრძელება 3 კვირით. პატივისცემით, კომიტეტის თავმჯდომარე სოფიო კილაძე თბილისი 0114, რუსთაველის გამზირი # 8, საქართველოს პარლამენტის სასახლე ტელეფონი: (995 32) 2281679. ელ. ფოსტა: contact@parliament.ge