საქართველოს პარლამენტის საგარეო ურთიერთობათა კომიტეტის მიერ წარმოდგენილი კომიტეტის გადაწყვეტილება „დეზინფორმაციის და პროპაგანდის საკითხებზე ევროპის ქვეყნების გამოცდილების შესასწავლად“ თემატური მოკვლევის დაწყებისა და თემატური მოკვლევის ჯგუფის დანიშვნის თაობაზე“

საგარეო ურთიერთობათა კომიტეტი 2-10754/19 07-06-2019 საქართველოს პარლამენტის ბიუროს ასლი: საორგანიზაციო დეპარტამენტის უფროსს ეთერ სვიანაიძეს გიგზავნით საგარეო ურთიერთობათა კომიტეტის გადაწყვეტილებას „დეზინფორმაციის და პროპაგანდის საკითხებზე ევროპის ქვეყნების გამოცდილების შესასწავლად“ თემატური მოკვლევის დაწყებისა და თემატური მოკვლევის ჯგუფის დანიშვნის თაობაზე“. პატივისცემით, კომიტეტის თავმჯდომარე სოფიო ქაცარავა თბილისი 0114, რუსთაველის გამზირი # 8, საქართველოს პარლამენტის სასახლე ტელეფონი: (995 32) 2281679. ელ. ფოსტა: contact@parliament.ge

თავდაცვისა და უშიშროების კომიტეტი 2-11238/19 14-06-2019 საქართველოს პარლამენტის ბიუროს მიმდინარე წლის 23 აპრილს თავდაცვისა და უშიშროების კომიტეტის სხდომაზე კომიტეტის მიერ მიღებული იქნა გადაწყვეტილება დეზინფორმაციის და პროპაგანდის საკითხებზე თემატური მოკვლევის დაწყებისა და თემატური მოკვლევის ჯგუფის დანიშვნის თაობაზე, რომლის შესახებაც ეცნობა საქართველოს პარლამენტის ბიუროს. (30 აპრილი ბიურო N254) საგარეო ურთიერთობათა კომიტეტის გადაწყვეტილებით კომიტეტმა დაიწყო დეზინფორმაციისა და პროპაგანდის საკითხზე ევროპის ქვეყნების გამოცდილების შესასწავლად თემატური მოკვლევა და ამ მიზნით კომიტეტის მიერ დანიშნულია თემატური მოკვლევის ჯგუფი (2019 წლის 10 ივნისის ბიურო). საქართველოს პარლამენტის რეგლამენტის 155-ე მუხლის მეოთხე პუნქტის შესაბამისად, გთხოვთ მიიღოთ გადაწყვეტილება თემატურ მოკვლევაში მონაწილე პარლამენტის წევრების გაერთიანების შესახებ. პატივისცემით, კომიტეტის თავმჯდომარე ირაკლი სესიაშვილი თბილისი 0114, რუსთაველის გამზირი # 8, საქართველოს პარლამენტის სასახლე ტელეფონი: (995 32) 2281679. ელ. ფოსტა: contact@parliament.ge საქართველოს პარლამენტის წევრი 2-11199/19 13-06-2019 საქართველოს პარლამენტის ბიუროს თქვენთვის როგორც ცნობილია, საგარეო ურთიერთობათა კომიტეტმა 2019 წლის 10 ივნისის ბიუროს სხდომას დეზინფორმაციისა და პროპაგანდის საკითხებზე ევროპის ქვეყნების გამოცდილების შესასწავლად მორიგი თემატური მოკვლევის ჯგუფის შექმნის შესახებ აცნობა. ასევე, 2019 წლის 30 აპრილს, 254-ე ბიუროს სხდომას თავდაცვისა და უშიშროების კომიტეტმა დეზინფორმაციისა და პროპგანდის საკითხებზე თემატური მოკვლევის ჯგუფის შექმნის შესახებ აცნობა. ვინაიდან, საქართველოს პარლამენტის ორ კომიტეტში საგარეო ურთიერთობათა კომიტეტსა და თავდაცვისა და უშიშროების კომიტეტში ფუნქციონირებს დეზინფორმაციისა და პროპაგანდის საკითხზე თემატური მოკვლევის ჯგუფი, საქართველოს პარლამენტის რეგლამენტის 155-ე მუხლის მეოთხე პუნქტის თანახმად ერთსა და იმავე საკითხზე მოკვლევის ჯგუფის არსებობის შემთხვევაში ბიურო იღებს გადაწყვეტილებას მოკვლევაში მონაწილე პარლამენტის წევრების გაერთიანების შესახებ. გთხოვთ, რეგლამენტის 155-ე მუხლის მეოთხე პუნქტის შესაბამისად უახლოეს ბიუროს სხდომაზე განიხილოთ და მიიღოთ გადაწყვეტილება ორი კომიტეტის თემატური მოკვლევის ჯგუფის გაერთიანების შესახებ. პატივისცემით, საგარეო ურთიერთობათა კომიტეტის დეზინფორმაციისა და პროპაგანდის საკითხებზე ევროპული ქვეყნების გამოცდილების შესასწავლად თემატური მოკვლევის ჯგუფის მთავარი მომხსენებელი პარლამენტის წევრი ნინო გოგუაძე თბილისი 0114, რუსთაველის გამზირი # 8, საქართველოს პარლამენტის სასახლე ტელეფონი: (995 32) 2281679. ელ. ფოსტა: contact@parliament.ge

გადაწყვეტილება „დეზინფორმაციის და პროპაგანდის საკითხებზე ევროპის ქვეყნების გამოცდილების შესასწავლად“ თემატური მოკვლევის დაწყებისა და თემატური მოკვლევის ჯგუფის დანიშვნის თაობაზე საქართველოს პარლამენტის რეგლამენტის 155-ე მუხლის თანახმად: ა) დაიწყოს თემატური მოკვლევა „დეზინფორმაციის და პროპაგანდის საკითხებზე ევროპის ქვეყნების გამოცდილების შესასწავლად“; ბ) დაინიშნოს აღნიშნულ საკითხზე თემატური მოკვლევის ჯგუფი შემდეგი შემადგენლობით: 1. ნინო გოგუაძე (თემატური მომხსენებელი) 2. დიმიტრი ცქიტიშვილი 3. გიორგი ხატიძე 4. ცოტნე ზურაბიანი 5. გიორგი კანდელაკი