საქართველოს მოქალაქის ანზორ ჯაიანის მიერ წარმოდგენილი საკანონმდებლო წინადადება „თამბაქოს კონტროლის შესახებ“ საქართველოს კანონში ცვლილების შეტანის შესახებ“, „საქართველოს ადმინისტრაციულ სამართალდარღვევათა კოდესში ცვლილების შეტანის შესახებ“ და „ადვოკატთა სავალდებულო პროფესიული დაზღვევის შესახებ“ საქართველოს კანონის პროექტებთან დაკავშირებით.

იურიდიულ საკითხთა კომიტეტი 2-17527/19 07-10-2019 საქართველოს პარლამენტის ბიუროს ასლი: მოქ. ანზორ ჯაიანს (მის.: გორგასლის N89 (საიას აჭარის ფილიალი), ბათუმი, საქართველო მობ: 557 26 94 62) საქართველოს პარლამენტის იურიდიულ საკითხთა კომიტეტის დასკვნა მოქალაქე ანზორ ჯაიანის მიერ წარმოდგენილ საკანონმდებლო წინადადებაზე „ადვოკატთა სავალდებულო პროფესიული დაზღვევის შესახებ“ საქართველოს კანონის პროექტთან დაკავშირებით (N1-14278/19; 25.07.2019) იურიდიულ საკითხთა კომიტეტმა 2019 წლის 4 ოქტომბერს კომიტეტის სხდომაზე განიხილა მოქ. ანზორ ჯაიანის მიერ წარმოდგენილი საკანონმდებლო წინადადება „ადვოკატთა სავალდებულო პროფესიული დაზღვევის შესახებ“ საქართველოს კანონის პროექტთან დაკავშირებით (N1-14278/19; 25.07.2019). I. საკანონმდებლო წინადადების ძირითადი არსი საკანონმდებლო წინადადებით შემოთავაზებულია საქართველოს კანონის პროექტი „ადვოკატის სავალდებულო პროფესიული დაზღვევის შესახებ“. საკანონმდებლო წინადადების ავტორის მოსაზრებით, აღნიშნული კანონის მიღება უზრუნველყოფს ადვოკატის კლიენტთა ქონებრივი ინტერესების დაცვას, რასაც შეიძლება ზიანი მიადგეს ადვოკატის განზრახი ან/და გაუფრთხილებელი მოქმედებით. II. კომიტეტის შეფასება „დაზღვევის შესახებ“ საქართველოს კანონის მე-5 მუხლის მე-4 პუნქტის თანახმად, სავალდებულო დაზღვევა არის დაზღვევის ისეთი ფორმა, რომლის დროსაც დაზღვევის ობიექტი და მისი განხორციელების წესი განისაზღვრება შესაბამისი კანონით სავალდებულო დაზღვევის შესახებ. კანონის იმავე მუხლის მე-5 პუნქტით, სავალდებულო დაზღვევისას თბილისი 0114, რუსთაველის გამზირი # 8, საქართველოს პარლამენტის სასახლე ტელეფონი: (995 32) 2281679. ელ. ფოსტა: contact@parliament.ge მზღვეველი ვალდებულია დადოს ხელშეკრულება დამზღვევთან კანონით განსაზღვრული პირობებით. აღნიშნული განსახილველი ნორმების საკანონმდებლო სამართლებრივი წინადადების ანალიზიდან ფარგლებში გამომდინარე შემოთავაზებული კანონპროექტით განსაზღვრული არ არის: თუ როგორ და რა პირობებით მოხდება ადვოკატის პასუხისმგებლობის სავალდებულო დაზღვევის თაობაზე ხელშეკრულების დადება; ცხადი არ არის თუ ვინ შეიძლება იყოს მზღვეველი;  თუ როდის ჩაითვლება სადაზღვევო შემთხვევა დამდგარად და მხოლოდ ადვოკატი შეიძლება იყოს თუ არა სადაზღვევო შემთხვევის გამომწვევი პირი;  დაეკისრება თუ არა პასუხისმგებლობა ადვოკატს თუ ის თავისი ბრალით არ დააზღვევს თავის პროფესიულ პასუხისმგებლობას; ასევე, ვინ აანაზღაურებს ადვოკატის ფუნქციის შესრულებისას მიყენებულ ზიანს ან როგორ გადაწყდება ანაზღაურების საკითხი იმ შემთხვევაში, თუ მზღვეველის მიერ გადახდილი ანაზღაურება არ იქნება საკმარისი მიყენებული ზიანის სრულად ასანაზღაურებლად. ამასთანავე, ავტორი გვთავაზობს სადაზღვევო შენატანის ოდენობის განსაზღვრას საქმის ღირებულებიდან გამომდინარე, რაც პრაქტიკაში სირთულეს შექმნის, ვინაიდან ასეთ შემთხვევაში სადაზღვევო შენატანის წლიური ოდენობა წლის ბოლოს უნდა განისაზღვროს, ვინაიდან წინასწარ შეუძლებელი იქნება იმის განსაზღვრა თუ რამდენ და რა ღირებულების საქმეებზე მოუწევს მუშაობა ადვოკატს. ამასთანავე, კომიტეტის მოსაზრებით, მნიშვნელოვანია, ავტორს შემოთავაზებულ კანონპროექტთან დაკავშირებით წარმოედგინა სსიპ „საქართველოს ადვოკატთა ასოციაციის“ პოზიცია, ვინაიდან სწორედ ის არის საადვოკატო საქმიანობის ლიცენზიის გამცემი, ეთიკის წესებისა და დისციპლინური პასუხისმგებლობის დამდგენი ორგანო. ამდენად, სსიპ „საქართველოს ადვოკატთა ასოციაციის“ პოზიციის გათვალისწინება მნიშვნელოვანია საკითხის სიღრმისეული შესწავლისათვის, რაც წინადადების ავტორს არ წარმოუდგენია.  გარდა ზემოაღნიშნულისა, გასათვალისწინებელია ის გარემოება, რომ საქართველოს პარლამენტის რეგლამენტის 105-ე მუხლის მე-9 პუნქტის მიხედვით, თუ საკანონმდებლო წინადადება წარდგენილია კანონპროექტის სახით და წამყვანმა კომიტეტმა მისაღებად ცნო იგი, კანონპროექტი რეგლამენტით დადგენილი წესით და განსაზღვრულ ვადაში გადაეცემა პარლამენტის ბიუროს. წარმოდგენილია შემოთავაზებული კანონპროექტის სახით, საკანონმდებლო საჭიროებს წინადადება, მნიშვნელოვან რომელიც გადამუშავებას. შესაბამისად, კანონპროექტის წარმოდგენილი ფორმით ინიიცირებას იურიდიულ საკითხთა კომიტეტი მიზანშეწონილად არ მიიჩნევს. საკანონმდებლო წინადადების განხილვის დროს, გარდა სამართლებრივი ხარვეზებისა აღინიშნა, რომ კომიტეტთან შექმნილი სამუშაო ჯგუფი, რომელშიც ჩართულია ასევე სსიპ „საქართველოს ადვოკატთა ასოციაცია“, მუშაობს „ადვოკატთა შესახებ“ საქართველოს კანონის დახვეწის, მათ შორის ადვოკატთა სავალდებულო პროფესიული დაზღვევის საკითხებზეც. დასკვნითი ნაწილი იურიდიულ საკითხთა კომიტეტმა განიხილა მოქ. ანზორ ჯაიანის მიერ წარმოდგენილი საკანონმდებლო წინადადება „ადვოკატთა სავალდებულო პროფესიული დაზღვევის შესახებ“ საქართველოს კანონის პროექტთან დაკავშირებით და საქართველოს რეგლამენტის 105-ე მუხლის მე-6 პუნქტის შესაბამისად ცნო უარყოფილად. პატივისცემით, კომიტეტის თავმჯდომარე ანრი ოხანაშვილი პარლამენტის

ჯანმრთელობის დაცვისა და სოციალურ საკითხთა კომიტეტი 2-17766/19 10-10-2019 საქართველოს პარლამენტის ბიუროს კომიტეტმა 2019 წლის 9 ოქტომბერს საქართველოს პარლამენტის რეგლამენტის 105-ე მუხლის შესაბამისად განიხილა მოქალაქე ანზორ ჯაიანის მიერ წარმოდგენისლი საკანონმდებლო წინადადება “თამბაქოს კონტროლის შესახებ“ საქართველოს კანონში ცვლილების შეტანის შესახებ“ და „საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ“ (N1-14278/19 25.07.19), რომელიც საკომიტეტო განხილვის შედეგად მიჩნეულ იქნა უარყოფილად. კომიტეტი აქტიურად ახორციელებს “თამბაქოს კონტროლის შესახებ“ საქართველოს კანონის აღსრულების საპარლამენტო კონტროლს, აღმასრულებელი უწყებებიდან პერმანენტულად იღებს შესაბამის ინფორმაციას კანონის დანერგვის მიმდინარეობის თაობაზე. დღეის მდგომარეომით, ქვეყანაში გვაქვს კანონმდებლობის რეფორმის დანერგვის 96%-იანი მაჩვენებელი, რასაც თან სდევს მოსახლეობის ფართო ფენების, მ.შ. მწეველთა მხრიდან მხარდაჭერის სანიმუშო მაჩვენებელი. ჩვენი მოსახლეობის 86% გამოთქვამს კმაყოფილებას ამ რეფორმის დანერგვის გამო, რაც დასტურდება ავტორიტეტული საერთაშორისო ორგანიზაციების (NDI, IRI) მიერ ჩატარებული გამოკითხვების თანახმად. თამბაქოს კონტროლის სფეროში მსოფლიოში მომუშავე ავტორიტეტულ ორგანიზაციათა მიერ, საქართველოს კანონი „თამბაქოს კონტროლის შესახებ“ მიჩნეული ერთ-ერთ ახალი გენერაციის ეფექტურ კანონად, მ.შ. თამბაქოს კვამლისაგან თავისუფალი გარემოს, თამბაქოს პროდუქტების მოხმარების, რეკლამის, პოპულარიზაციისა და სპონსორომის შეზღუდვის მიმართულებით. კომიტეტს მუდმივი კომუნიკაცია აქვს ჯანმრთელობის მსოფლიო ორგანიზაციასა და თამბაქოს კონტროლის შესახებ ჯანმრთელობის მსოფლიო ორგანიზაციის ჩარჩო კონვენციის სამდივნოსთან, რომელთა ექსპერტები ამ ეტაპზე არ იძლევიან რეკომენდაციას შენობებიდან გარკვეული დისტანციის მანძილზე თამბაქოს მოხმარების შეზღუდვასთან დაკავშირებით. შეგახსენებთ, რომ თამბაქოს კონტროლის ახალი კანონმდებლობის მიღებისას ( 2017 წლის 17 მაისს) და 2018 წელს ამოქმედებულ ვერსიაში იყო ნორმა, რომლის თანახმად, თამბაქოს მოხმარება აკრძალული იყო საგანმანათლებლო (მ.შ. უმაღლესი და პროფესიული სასწავლებლები), სამედიცინო და ფარმაცევტული დაწესებულებების არა მარტო შენობებში, არამედ ტერიტორიაზეც. კანონის იმპლემენტაციის პროცესში ექსპერტებში გამოიკვეთა მოსაზრება, რომ ამ ნორმას შესაძლოა მიეღო არასავალდებულო ხასიათი, რაც საბოლოოდ კანონის აღსრულების დისკრედიტირებას გამოიწვევდა. ამ მოსაზრების არგუმენტი გახლდათ ის ფაქტი, რომ ამ დაწესებულებათა ტერიტორია საკმაოდ დიდია, შეადგენს რამდენიმე ჰექტარს და ადმინისტრაციის მიერ მისი სრული, ეფექტიანი გაკონტროლება - მიუღწეველი. თბილისი 0114, რუსთაველის გამზირი # 8, საქართველოს პარლამენტის სასახლე ტელეფონი: (995 32) 2281679. ელ. ფოსტა: contact@parliament.ge აქედან გამომდინარე, მისი ჯეროვანი აღსრულება იქნებოდა ხარვეზიანი. სწორედ ამიტომ კომიტეტმა საერთაშორისო ექსპერტებთან კონსულტაციით ამ მიმართულებით შეარბილა კანონმდებლობა და დაუშვა სპეციალური მოსაწევი ადგილების არსებობა ამ დაწესებულებათა ტერიტორიაზე, გარკვეული პირობებით. კანონის აღსრულების დღევანდელი, მაღალი მაჩვენებელი არ გვაძლევს საფუძვველს ავჩქარდეთ, დავამძიმოთ კანონმდებლობა მიუღწევადი ნორმებით. ვფიქრობთ, სწორი მიდგომით ქვეყანაში მალე ჩამოყალიბდება სოციალური ქცევა, რაც საბოლოოდ განდევნის იმ მავნე ჩვევას, რაზეც საკანონმდებლო წინადადების ავტორი მიუთითებს. ზემოაღნიშნული გარემოებების გამო, საკომიტეტო განხილვის წარმოდგენილი საკანონმდებლო წინადადებები მიჩნეულ იქნა უარყოფილად. პატივისცემით, კომიტეტის თავმჯდომარე აკაკი ზოიძე შედეგად