სსიპ იურიდიული დახმარების სამსახურის მიერ საკონსულტაციოდ წარმოდგენილი იურიდიული დახმარების სამსახურის 2021 წლის ბიუჯეტის პროექტი ჭერის ფარგლებში და ჭერს ზევით

*LA32000017895* LA 3 20 00017895 25/08/2020 საქართველოს პარლამენტის თავმჯდომარეს ბატონ არჩილ თალაკვაძეს ბატონო არჩილ, მოგეხსენებათ, რომ სსიპ იურიდიული დახმარების სამსახური, „იურიდიული დახმარების შესახებ“ საქართველოს კანონის 22–ე მუხლის მე–3 პუნქტით დადგენილი წესით, სამსახურის ბიუჯეტის პროექტს საქართველოს ფინანსთა სამინისტროს წარუდგენს საბჭოსთან შეთანხმებით და საქართველოს პარლამენტთან კონსულტაციის საფუძველზე. აღნიშნულიდან გამომდინარე, საკონსულტაციოდ წარმოგიდგენთ სამსახურის 2021 წლის ბიუჯეტის პროექტს, ჭერის ფარგლებში (დანართი N1) და ჭერს ზევით (დანართი N2). 2021 წლის ბიუჯეტის პროექტი, ჭერის ფარგლებში, საქართველოს ფინანსთა სამინისტროს მიერ განისაზღვრა 7 000 000 ლარით. სსიპ იურიდიული დახმარების საბჭოს 2020 წლის 22 აგვისტოს N78 გადაწყვეტილების შესაბამისად, მითითებული ბიუჯეტი გადანაწილდა სახელფასო ფონდსა და სამსახურის სხვა საჭიროებებზე. 2021 წლის ბიუჯეტის პროექტში, ჭერს ზევით, დამატებით გათვალისწინებულია სამსახურის საშტატო რიცხოვნობის გაზრდის, რაც გამოწვეულია საქმისწარმოების მიმართულების განვითარებით, ასევე საოფისე ტექნიკის შეძენის და სამსახურის სასიცოცხლოდ მნიშვნელოვანი ქსელური ინფრასტრუქტურის განახლების და განვითარების საჭირო თანხები. ზემოაღნიშნულიდან გამომდინარე, იმედს გამოვთქვამთ, რომ საქართველოს პარლამენტი გაიზიარებს სსიპ იურიდიული დახმარების სამსახურის წინაშე არსებული ვალდებულებების და გამოწვევების მნიშვნელობას და მხარს დაუჭერს სამსახურის 2021 წლის სახელმწიფო ბიუჯეტში საბიუჯეტო ასიგნებების ჭერს ზევით მოცულობით განსაზღვრას. აქვე გამოვთქვამთ მზადყოფნას, საჭიროების შემთხვევაში, საკითხთან დაკავშირებით მოგაწოდოთ დამატებითი ინფორმაცია და აქტიურად ჩავერთოთ პარლამენტის შესაბამის კომიტეტებთან სამსახურის 2021 წლის ბიუჯეტის პროექტის განხილვაში. პატივისცემით, სსიპ იურიდიული დახმარების სამსახური დირექტორი კუპრაშვილი რაჟდენი

დანართი 2 სსიპ იურიდიული დახმარების სამსახურის 2021 წლის სახელმწიფო ბიუჯეტის პროექტი ჭერს ზევით 2021 წლის ბიუჯეტი პროექტი ჭერს ზევით სულ სულ ხარჯები შრომის ანაზღაურება 7,300,000.0 7,192,550.0 5,177,200.0 საქონელი და მომსახურება 1,975,350.0 სოციალური უზრუნველყოფა მიმდინარე ტრანსფერები, რომელიც სხვაგან არ არის კლასიფიცირებული არაფინანსური აქტივების ზრდა 25,000.0 15,000.0 107,450.0

დანართი 1 სსიპ იურიდიული დახმარების სამსახურის 2021 წლის სახელმწიფო ბიუჯეტის პროექტი ჭერის ფარგლებში 2021 ბიუჯეტის პროეტქი ჭერის ფარგლებში სულ სულ ხარჯები შრომის ანაზღაურება საქონელი და მომსახურება 7,000,000 6,975,500 4,944,300 1,991,200 სოციალური უზრუნველყოფა მიმდინარე ტრანსფერები, რომელიც სხვაგან არ არის კლასიფიცირებული არაფინანსური აქტივების ზრდა 25,000 15,000 24,500