საქართველოს პარლამენტის საპროცედურო საკითხთა და წესების მიერ წარმოდგენილი დებულების პროექტი საქართველოს პარლამენტის ბიუროს 2013 წლის 7 თებერვლის N29/3 გადაწყვეტილებით დამტკიცებულ „მაჟორიტარული სისტემით არჩეული პარლამენტის წევრის ბიუროს ფუნქციონირების, ორგანიზებისა და საქმიანობის წესის და პარლამენტის ბიუჯეტიდან ბიუროსათვის გამოყოფილი თანხის განკარგვის წესის განსაზღვრის შესახებ“ დებულებაში ცვლილების შეტანის თაობაზე“

საპროცედურო საკითხთა და წესების კომიტეტი 2-9652/20 25-09-2020 საქართველოს პარლამენტის ბიუროს საქართველოს პარლამენტის რეგლამენტის 202-ე მუხლის პირველი პუნქტის შესაბამისად დასამტკიცებლად წარმოგიდგენთ „მაჟორიტარული სისტემით არჩეული პარლამენტის წევრის ბიუროს ფუნქციების, ორგანიზებისა და საქმიანობის წესის და პარლამენტის ბიუჯეტიდან ბიუროსათვის გამოყოფილი თანხის განკარგვის წესის განსაზღვრის შესახებ“ დებულებაში ცვლილების შეტანის თაობაზე“ დებულების პროექტს, რომელიც საპროცედურო საკითხთა და წესების კომიტეტის მიერ განხილული და მხარდაჭერილი იქნა 2020 წლის 17 სექტემბერს კომიტეტის სხდომაზე. დანართი: „ 5 “ ფურცელი პატივისცემით, კომიტეტის თავმჯდომარე გურამ მაჭარაშვილი თბილისი 0118, რუსთაველის გამზირი # 8, საქართველოს პარლამენტის სასახლე ტელეფონი: (995 32) 2281679. ელ. ფოსტა: contact@parliament.ge

პროექტი დებულება „მაჟორიტარული სისტემით არჩეული პარლამენტის წევრის ბიუროს ფუნქციების, ორგანიზებისა და საქმიანობის წესის და პარლამენტის ბიუჯეტიდან ბიუროსათვის გამოყოფილი თანხის განკარგვის წესის განსაზღვრის შესახებ“ დებულებაში ცვლილების შეტანის თაობაზე“ მუხლი 1. საქართველოს პარლამენტის ბიუროს 2013 წლის 7 თებერვლის №29/3 გადაწყვეტილებით დამტკიცებულ „მაჟორიტარული სისტემით არჩეული პარლამენტის წევრის ბიუროს ფუნქციების, ორგანიზებისა და საქმიანობის წესის და პარლამენტის ბიუჯეტიდან ბიუროსათვის გამოყოფილი თანხის განკარგვის წესის განსაზღვრის შესახებ“ დებულებაში შეტანილ იქნეს შემდეგი ცვლილება: 1. მე-2 მუხლის მე-7 პუნქტი ჩამოყალიბდეს შემდეგი რედაქციით: „7. ბიუროს მუშაობის ორგანიზებასა და საქმიანობას უზრუნველყოფენ ბიუროს თანამშრომლები, რომლებსაც მაჟორიტარი პარლამენტის წევრის უფლებამოსილების ვადით, საქართველოს კანონმდებლობით დადგენილი წესით, ადმინისტრაციული ხელშეკრულების საფუძველზე ნიშნავს და ათავისუფლებს პარლამენტის აპარატის უფროსი მაჟორიტარი პარლამენტის წევრის წარდგინებით. ადმინისტრაციული ხელშეკრულებით დასაქმებული ბიუროს თანამშრომლის თანამდებობრივი სარგო, მისი საკვალიფიკაციო მოთხოვნების, სამუშაო აღწერილობის, ფუნქციური დატვირთვისა და მოვალეობების გათვალისწინებით, არ უნდა აღემატებოდეს „საჯარო დაწესებულებაში შრომის ანაზღაურების შესახებ“ საქართველოს კანონის №1 დანართის №1 ცხრილის მიხედვით საჯარო დაწესებულების მეორადი სტრუქტურული ერთეულის ხელმძღვანელის თანამდებობისათვის დადგენილი მე-7 სახელფასო კატეგორიის კოეფიციენტის შესაბამისად გამოანგარიშებულ თანამდებობრივ სარგოს და არ უნდა იყოს 450 ლარზე ნაკლები.“ 2. მე-3 მუხლის მე-2 პუნქტი ჩამოყალიბდეს შემდეგი რედაქციით: „2. თითოეული ბიუროს ყოველთვიური დაფინანსება განისაზღვრება შემდეგი წესით: ა) თუ საარჩევნო ოლქში არ არის გაერთიანებული რამდენიმე მუნიციპალიტეტი და ამომრჩეველთა რაოდენობა 80 000-ს აღემატება, თითოეულ საარჩევნო ოლქში განთავსებულ ბიუროს ყოველთვიურად გამოეყოფა 7000 ლარი; ბ) თუ საარჩევნო ოლქი შედგება ორი მუნიციპალიტეტისგან და ერთ-ერთ მუნიციპალიტეტში მცხოვრები ამომრჩევლების რაოდენობა 80 000-ს აღემატება, ასეთ მუნიციპალიტეტში არსებულ ბიუროს მიეცემა დაფინანსება 7000 ლარის ოდენობით და დამატებით მაჟორიტარულ ოლქში შემავალი მეორე სრული მუნიციპალიტეტისთვის - 3 500 ლარის ოდენობით; 1 გ) თუ საარჩევნო ოლქი შედგება რამდენიმე სრული მუნიციპალიტეტისგან და თითოეულ მუნიციპალიტეტში მცხოვრები ამომრჩეველების რაოდენობა 80 000-ზე ნაკლებია, მაჟორიტარულ ოლქში არსებულ ბიუროს თითოეული მუნიციპალიტეტისათვის მიეცემა დაფინანსება 3 500 ლარის ოდენობით; დ) თუ საარჩევნო ოლქი შედგება სრული და არასრული მუნიციპალიტეტებისგან, ამასთანავე სრულ მუნიციპალიტეტში მცხოვრები ამომრჩევლების რაოდენობა 80 000-ს აღემატება, ხოლო ოლქში შემავალი არასრულ მუნიციპალიტეტში მცხოვრები ამომრჩეველების რაოდენობა ამ მუნიციპალიტეტის ამომრჩეველთა დაახლოებით ნახევარია, ბიუროს სრული მუნიციპალიტეტისთვის გადაეცემა დაფინანსება 7000 ლარის ოდენობით, ხოლო არასრული მუნიციპალიტეტისათვის - 1750 ლარის ოდენობით; ე) თუ საარჩევნო ოლქი შედგება ორი სრული და ერთი არასრული მუნიციპალიტეტისგან, ამასთანავე თითოეულ სრულ მუნიციპალიტეტში მცხოვრები ამომრჩევლების რაოდენობა 80 000-ზე ნაკლებია, ხოლო ოლქში შემავალ არასრულ მუნიციპალიტეტში მცხოვრებ ამომრჩეველთა რაოდენობა ამ მუნიციპალიტეტის ამომრჩეველთა საერთო რაოდენობის მესამედზე ნაკლებია, თითოეული მუნიციპალიტეტისთვის გამოყოფილი დაფინანსება 3 500 ლარის ოდენობით ბიუროს მიეცემა მხოლოდ სრული მუნიციპალიტეტებისათვის. შენიშვნა: ამ პუნქტით დადგენილი წესისგან გამონაკლისს წარმოადგენს ქობულეთისა და ხელვაჩაურის საარჩევნო ოლქი (ვინაიდან ქობულეთის მუნიციპალიტეტში მცხოვრებ ამომრჩეველთა რაოდენობა 80 000-ს არ აღემატება და აღნიშნულ საარჩევნო ოლქში არ შედის დამატებით სრული მუნიციპალიტეტი), რომლის ბიუროს ყოველთვიური დაფინანსება განისაზღვრება 4500 ლარის ოდენობით. ამასთანავე, ხელვაჩაურის, ქედის, შუახევისა და ხულოს საარჩევნო ოლქში არსებულ ბიუროს ხელვაჩაურის მუნიციპალიტეტისათვის დამატებით მიეცემა დაფინანსება 3500 ლარის ოდენობით. პარლამენტის აპარატი მაჟორიტარი პარლამენტის წევრის წარდგინებით ახორციელებს: ა) ბიუროს ფუნქციონირებისათვის საჭირო ძირითადი საშუალების შეძენას (გარდა სატრანსპორტო საშუალებისა), რომლის ღირებულება 5000 ლარზე მეტია, მაგრამ 10 000 ლარს არ აღემატება. აღნიშნული შესყიდვის ხარჯის დაფარვას (გამოკლებას) ახორციელებს პარლამენტის აპარატი ბიუროსათვის გამოყოფილი ყოველთვიური თანხიდან. შენიშვნა: მაჟორიტარ პარლამენტის წევრს უფლებამოსილების ვადის ამოწურვამდე 6 თვის განმავლობაში უფლება არ აქვს პარლამენტის აპარატს სთხოვოს ამ ქვეპუნქტის შესაბამისად შესყიდვის განხორციელება; ბ) ბიუროს მოსაწყობი საოფისე ფართობის დასაქირავებელი თანხის ანაზღაურებას; გ) წარმოდგენილი ადმინისტრაციული ხელშეკრულებების შესაბამისად ბიუროს თანამშრომლებისათვის ხელფასების ანაზღაურებას.“. მუხლი 2. ეს დებულება ამოქმედდეს საქართველოს პარლამენტის მომდევნო არჩევნებში არჩეული საქართველოს პარლამენტის მიერ სრული უფლებამოსილების შეძენისთანავე. 2

დანართი მაჟორიტარული სისტემით არჩეული პარლამენტის წევრის ბიუროს ყოველთვიური დაფინანსების ოდენობა მაჟორიტ არული საარჩევნ ო ოლქის N საზღვრები სრული მუნიციპ ალიტეტ ების რაოდენ ობა თითოეული სრული მუნიციპალიტე ტის (გარდა თბილისის მუნიციპალიტე ტისა) დაფინანსების ოდენობა არასრუ ლი მუნიციპა ლიტეტი ს დაფინანს ების ოდენობა სულ დაფინანსების ოდენობა 1 მთაწმინდისა და კრწანისის რაიონები 7000 7000 2 ვაკის რაიონი 7000 7000 3 საბურთალოს რაიონი 7000 7000 4 ისნის რაიონი 7000 7000 5 სამგორის რაიონი 7000 7000 6 დიდუბისა და ჩუღურეთის რაიონები 7000 7000 7 ნაძალადევის რაიონი 7000 7000 8 გლდანის რაიონი 7000 7000 9 10 გურჯაანის, საგარეჯოს, დედოფლისწყაროსა და სიღნაღის მუნიციპალიტეტები თელავის, ახმეტის, ყვარლისა და ლაგოდეხის მუნიციპალიტეტები 4 3500 4 3500 14000 14000 11 მცხეთის, დუშეთის, თიანეთისა და ყაზბეგის მუნიციპალიტეტები 12 13 4 3500 რუსთავისა და გარდაბნის მუნიციპალიტეტები 1 7000 1750 8750 მარნეულისა და გარდაბნის მუნიციპალიტეტები 1 7000 1750 8750 ბოლნისის, დმანისის, თეთრიწყაროსა და წალკის მუნიციპალიტეტები 4 3500 15 კასპისა და გორის მუნიციპალიტეტები 1 3500 16 ხაშურის, ქარელისა და გორის მუნიციპალიტეტები 2 3500 7000 17 ახალციხის, ბორჯომის, ადიგენისა და ასპინძის მუნიციპალიტეტები 4 3500 14000 18 ახალქალაქისა და ნინოწმინდის მუნიციპალიტეტები 2 3500 7000 ამბროლაურის, ონის, ცაგერის, ლენტეხისა და მესტიის მუნიციპალიტეტები 5 3500 17500 საჩხერის, ჭიათურისა და ხარაგაულის მუნიციპალიტეტები 3 3500 10500 14 19 20 14000 14000 7000 10500 21 ტყიბულის, თერჯოლის, ზესტაფონისა და ბაღდათის მუნიციპალიტეტები 4 3500 14000 22 სამტრედიის, წყალტუბოს, ვანისა და ხონის მუნიციპალიტეტები 4 3500 14000 23 ქუთაისის მუნიციპალიტეტი 1 7000 7000 24 ოზურგეთის, ლანჩხუთისა და ჩოხატაურის მუნიციპალიტეტები 3 3500 10500 25 წალენჯიხის, ჩხოროწყუს, მარტვილისა და აბაშის მუნიციპალიტეტები 4 3500 14000 26 ფოთის, ხობისა და სენაკის მუნიციპალიტეტები 3 3500 10500 27 ზუგდიდის მუნიციპალიტეტი 1 7000 7000 28 ბათუმის მუნიციპალიტეტი 1 7000 7000 29 ქობულეთისა და ხელვაჩაურის მუნიციპალიტეტები 1 4500 4500 30 ხელვაჩაურის, ქედის, შუახევისა და ხულოს მუნიციპალიტეტები 3 3500 3500 14000