„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონში ცვლილების შეტანის თაობაზე“

პროექტი საქართველოს კანონი „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონში ცვლილების შეტანის თაობაზე მუხლი 1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის (საქართველოს საკანონმდებლო მაცნე, №3, 13.02.2004, მუხ. 7) მე-14 მუხლის მე-2 პუნქტის: ა) „ა“ ქვეპუნქტი ჩამოყალიბდეს შემდეგი რედაქციით: „ა) განათლებისა და მეცნიერების;“; ბ) ,,ე“ ქვეპუნქტის შემდეგ დაემატოს „ე1“ ქვეპუნქტი შემდეგი რედაქციით: „ე1) კულტურის, სპორტისა და ახალგაზრდობის;“. მუხლი 2. 1. რეორგანიზებულ იქნეს საქართველოს განათლების, მეცნიერების, კულტურისა და სპორტის სამინისტრო საქართველოს განათლებისა და მეცნიერების სამინისტროდ და საქართველოს კულტურის, სპორტისა და ახალგაზრდობის სამინისტროდ. 2. საქართველოს განათლების, მეცნიერების, კულტურისა და სპორტის სამინისტროს ფუნქციები და უფლებამოსილებანი განათლებისა და მეცნიერების სფეროში გადაეცეს საქართველოს განათლებისა და მეცნიერების სამინისტროს, ხოლო კულტურისა და სპორტის სფეროში გადაეცეს საქართველოს კულტურის, სპორტისა და ახალგაზრდობის სამინისტროს. საქართველოს განათლებისა და მეცნიერების სამინისტრო და საქართველოს კულტურის, სპორტისა და ახალგაზრდობის სამინისტრო ჩაითვალოს საქართველოს განათლების, მეცნიერების, კულტურისა და სპორტის სამინისტროს უფლებამონაცვლედ საქართველოს კანონმდებლობით მისთვის მინიჭებულ უფლებამოსილებათა ფარგლებში. 3. საქართველოს განათლების, მეცნიერების, კულტურისა და სპორტის სამინისტროს და მის სისტემაში არსებული სხვა შესაბამისი უწყებების საქმიანობასთან დაკავშირებით მიღებული/გამოცემული სამართლებრივი აქტები ინარჩუნებს იურიდიულ ძალას ამ კანონით გათვალისწინებული შესაბამისი უფლებამონაცვლე უწყებების მიერ ახალი სამართლებრივი აქტების მიღებამდე/გამოცემამდე. ამასთანავე, აღნიშნულ სამართლებრივ აქტებში ცვლილებების შეტანის ან მათი ძალადაკარგულად გამოცხადების უფლებამოსილება ენიჭებათ შესაბამის უფლებამონაცვლე უწყებებს. 4. ამ კანონის ამოქმედებამდე არსებული საქართველოს განათლების, მეცნიერების, კულტურისა და სპორტის სამინისტროს და მის სისტემაში მოქმედი საბიუჯეტო ორგანიზაციების განკარგულებაში არსებული, „საქართველოს 2021 წლის სახელმწიფო ბიუჯეტის შესახებ“ საქართველოს კანონის საფუძველზე განსაზღვრული შესაბამისი პროგრამული კოდებით გათვალისწინებული ასიგნებების განკარგვის უფლებამოსილება ენიჭებათ ამ მუხლის პირველ პუნქტში აღნიშნულ უფლებამონაცვლე საბიუჯეტო ორგანიზაციებს (მხარჯავ დაწესებულებებს) და მათ სისტემებში შექმნილ საბიუჯეტო ორგანიზაციებს. ამ კანონის ამოქმედებიდან არაუგვიანეს 10 სამუშაო დღისა საქართველოს მთავრობამ საქართველოს ფინანსთა მინისტრის წარდგინებით უზრუნველყოს „საქართველოს 2021 წლის სახელმწიფო ბიუჯეტის შესახებ“ საქართველოს კანონის საფუძველზე განსაზღვრული შესაბამისი პროგრამული კოდებით გათვალისწინებული ასიგნებების განკარგვის უფლებამოსილების მქონე საბიუჯეტო ორგანიზაციების განსაზღვრა. 5. საქართველოს ფინანსთა სამინისტრო უფლებამოსილია, „საქართველოს 2021 წლის სახელმწიფო ბიუჯეტის შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტის მომზადების შემთხვევაში, მასში ასახოს ამ კანონიდან გამომდინარე ცვლილებები. 6. ამ კანონის ამოქმედებამდე არსებული საქართველოს განათლების, მეცნიერების, კულტურისა და სპორტის სამინისტროს სისტემაში შემავალი საჯარო სამართლის იურიდიული პირების სახელმწიფო მაკონტროლებელ ორგანოდ განათლებისა და მეცნიერების სფეროში განისაზღვროს საქართველოს განათლებისა და მეცნიერების სამინისტრო, ხოლო კულტურისა და სპორტის სფეროში - საქართველოს კულტურის, სპორტისა და ახალგაზრდობის სამინისტრო. 7. ამ კანონის ძალაში შესვლის დროს საქართველოს განათლების, მეცნიერების, კულტურისა და სპორტის სამინისტროში დასაქმებული ის საჯარო მოსამსახურე და შრომითი ხელშეკრულებით დასაქმებული პირი, აგრეთვე იურიდიული პირების შტატით დასაქმებულ თანამშრომელი და შტატგარეშე მოსამსახურე, რომელიც დასაქმებული იყო საქართველოს განათლებისა და მეცნიერების სამინისტროში „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონში ცვლილების შეტანის თაობაზე“ საქართველოს კანონის 3024-რს მიღებამდე, უკონკურსოდ გადაყვანილ იქნას საქართველოს განათლებისა და მეცნიერების სამინისტროში იმავე თანამდებობაზე (ასეთის არარსებობის შემთხვევაში ტოლფას თანამდებობაზე), რომელიც ეკავა ამ კანონის ძალაში შესვლის ეტაპზე საქართველოს განათლების, მეცნიერების, კულტურისა და სპორტის სამინისტროში. 8. ამ კანონის ძალაში შესვლის დროს საქართველოს განათლების, მეცნიერების, კულტურისა და სპორტის სამინისტროში დასაქმებული ის საჯარო მოსამსახურე და შრომითი ხელშეკრულებით დასაქმებული პირი, აგრეთვე იურიდიული პირების შტატით დასაქმებულ თანამშრომელი და შტატგარეშე მოსამსახურე, რომელიც დასაქმებული იყო საქართველოს კულტურისა და სპორტის სამინისტროში „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონში ცვლილების შეტანის თაობაზე“ საქართველოს კანონის 3024-რს მიღებამდე, უკონკურსოდ გადაყვანილ იქნას საქართველოს კულტურის, სპორტისა და ახალგაზრდობის სამინისტროში იმავე თანამდებობაზე (ასეთის არარსებობის შემთხვევაში ტოლფას თანამდებობაზე), რომელიც ეკავა ამ კანონის ძალაში შესვლის ეტაპზე საქართველოს განათლების, მეცნიერების, კულტურისა და სპორტის სამინისტროში. 9. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონში ცვლილების შეტანის თაობაზე“ საქართველოს კანონის 3024რს მიღების შემდგომ, საქართველოს განათლების, მეცნიერების, კულტურისა და სპორტის სამინისტროში დასაქმებული და ამ კანონის ძალაში შესვლის დროს მოქმედი ის საჯარო მოსამსახურე და შრომითი ხელშეკრულებით დასაქმებული პირი, აგრეთვე იურიდიული პირების შტატით დასაქმებულ თანამშრომელი და შტატგარეშე მოსამსახურე რომელიც ამ კანონის ძალაში შესვლის დროს დასაქმებული იყო საქართველოს განათლების, მეცნიერების, კულტურისა და სპორტის სამინისტროში განათლებისა და მეცნიერების მიმართულებით, უკონკურსოდ გადაყვანილ იქნას საქართველოს განათლებისა და მეცნიერების სამინისტროში იმავე თანამდებობაზე (ასეთის არარსებობის შემთხვევაში ტოლფას თანამდებობაზე), რომელიც ეკავა ამ კანონის ძალაში შესვლის ეტაპზე საქართველოს განათლების, მეცნიერების, კულტურისა და სპორტის სამინისტროში. 10. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონში ცვლილების შეტანის თაობაზე“ საქართველოს კანონის 3024რს მიღების შემდგომ, საქართველოს განათლების, მეცნიერების, კულტურისა და სპორტის სამინისტროში დასაქმებული და ამ კანონის ძალაში შესვლის დროს მოქმედი ის საჯარო მოსამსახურე და შრომითი ხელშეკრულებით დასაქმებული პირი, აგრეთვე იურიდიული პირების შტატით დასაქმებულ თანამშრომელი და შტატგარეშე მოსამსახურე რომელიც ამ კანონის ძალაში შესვლის დროს დასაქმებული იყო საქართველოს განათლების, მეცნიერების, კულტურისა და სპორტის სამინისტროში კულტურისა და სპორტის მიმართულებით, უკონკურსოდ გადაყვანილ იქნას საქართველოს კულტურის, სპორტისა და ახალგაზრდობის სამინისტროში იმავე თანამდებობაზე (ასეთის არარსებობის შემთხვევაში ტოლფას თანამდებობაზე), რომელიც ეკავა ამ კანონის ძალაში შესვლის ეტაპზე საქართველოს განათლების, მეცნიერების, კულტურისა და სპორტის სამინისტროში. 11. ამ კანონის ძალაში შესვლის დროს საქართველოს განათლების, მეცნიერების, კულტურისა და სპორტის სამინისტროს სისტემაში დასაქმებული სხვა საჯარო მოსამსახურე და შრომითი ხელშეკრულებით დასაქმებული პირი, აგრეთვე იურიდიული პირების შტატით დასაქმებულ თანამშრომელი და შტატგარეშე მოსამსახურე, რომელიც არ არის გათვალისწინებული ამ მუხლის მე-7 -10-ე პუნქტებში, უკონკურსოდ გადაყვანილ იქნას საქართველოს განათლებისა და მეცნიერების სამინისტროში იმავე თანამდებობაზე (ასეთის არარსებობის შემთხვევაში ტოლფას თანამდებობაზე), რომელიც ეკავა ამ კანონის ძალაში შესვლის ეტაპზე საქართველოს განათლების, მეცნიერების, კულტურისა და სპორტის სამინისტროში. 12. ამ კანონის ამოქმედებიდან 10 დღის ვადაში საქართველოს მთავრობამ შექმნას შესაბამისი კომისია, რომელიც თავის მიერ განსაზღვრულ ვადაში უზრუნველყოფს ამ კანონის ამოქმედებამდე არსებულ საქართველოს განათლების, მეცნიერების, კულტურისა სპორტის სამინისტროს საბალანსო მონაცემების მიხედვით საქართველოს განათლებისა და მეცნიერების სამინისტროსათვის და საქართველოს კულტურის, სპორტისა და ახალგაზრდობის სამინისტროსათვის გადასაცემი აქტივებისა და მიმდინარე ვალდებულებების, აგრეთვე სამსახურებრივი დოკუმენტაციის (მათ შორის, შესაბამისი საარქივო მასალისა და სხვა დოკუმენტაციის) განსაზღვრას, განკარგვას და აღნიშნული სამინისტროებისათვის გადაცემას. კომისიის სხვა უფლებამოსილებებს განსაზღვრავს საქართველოს მთავრობა. 13. ამ კანონის ამოქმედებიდან 1 წლის ვადაში საქართველოს მთავრობამ და შესაბამისმა უწყებებმა სათანადო უწყებების წარდგინებით უზრუნველყონ შესაბამისი კანონქვემდებარე აქტების ამ კანონთან შესაბამისობა, მათ შორის, საჭიროების შემთხვევაში მიიღონ/გამოსცენ ერთობლივი ნორმატიული აქტები. მუხლი 3. ეს კანონი ამოქმედდეს გამოქვეყნებისთანავე. საქართველოს პრეზიდენტი სალომე ზურაბიშვილი

განმარტებითი ბარათი საქართველოს კანონის პროექტზე „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონში ცვლილების შეტანის თაობაზე“ ა) ზოგადი ინფორმაცია კანონპროექტის შესახებ: ა. ა) კანონპროექტის მიღების მიზეზი: ა.ა.ა) პრობლემა, რომლის გადაჭრასაც მიზნად ისახავს კანონპროექტი: კანონპროექტის მიღება განპირობებულია აღმასრულებელ ხელისუფლებაში განსახორციელებელი რეფორმის შესახებ საქართველოს მთავრობის მიერ მიღებული გადაწყვეტილებით, რომელიც, ასევე ასახულია სამთავრობო პროგრამაში 2021–2024 „ევროპული სახელმწიფოს მშენებლობისთვის“. აღნიშნული რეფორმის ფარგლებში იცვლება საქართველოს მთავრობის სტრუქტურა, რაც ითვალისწინებს საქართველოს განათლების, მეცნიერების, კულტურისა და სპორტის სამინისტროში სტრუქტურულ-ფუნქციური ცვლილებების განხორციელებას. კერძოდ, საქართველოს განათლების, მეცნიერების, კულტურისა და სპორტის სამინისტროს ფუნქციები და უფლებამოსილებანი განათლებისა და მეცნიერების სფეროში გადაეცემა საქართველოს განათლებისა და მეცნიერების სამინისტროს, ხოლო კულტურისა და სპორტის სფეროში გადაეცემა საქართველოს კულტურის, სპორტისა და ახალგაზრდობის სამინისტროს, რომლის შექმნასაც ითვალისწინებს წარმოდგენილი კანონპროექტი. ა.ა.ბ) არსებული პრობლემის გადასაჭრელად კანონის მიღების აუცილებლობა: განხორციელებული რეფორმის ფარგლებში მთავრობის სტრუქტურულმა ცვლილებამ განაპირობა „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონში ცვლილების შეტანის აუცილებლობა. ა.ბ) კანონპროექტის მოსალოდნელი შედეგები: კანონპროექტის მიღების შედეგად განხორციელდება საქართველოს განათლების, მეცნიერების, კულტურისა და სპორტის სამინისტროს სტრუქტურულ-ფუნქციური ცვლილებების ასახვა „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონში. ა.გ) კანონპროექტის ძირითადი არსი: პროექტის თანახმად, ცვლილება შედის კანონის მე-14 მუხლის მე-2 პუნქტში და „ა“ ქვეპუნქტში იცვლება განათლების, მეცნიერების, კულტურისა და სპორტის სამინისტროს სახელწოდება და მითითება კეთდება განათლებისა და მეცნიერების სამინისტროზე, ხოლო ამავე პუნქტს ემატება „ე1“ ქვეპუნქტი, რომელიც ითვალისწინებს სამინისტროების ჩამონათვალში კულტურის, სპორტისა და ახალგაზრდობის სამინისტროს დამატებას. კანონპროექტის მე-2 მუხლის შესაბამისად: ხდება განათლების, მეცნიერების, კულტურისა და სპორტის სამინისტროს რეორგანიზაცია განათლებისა და მეცნიერების სფეროში - განათლებისა და მეცნიერების სამინისტროდ, ხოლო კულტურისა და სპორტის სფეროში - კულტურის, სპორტისა და ახალგაზრდობის სამინისტროდ. აღნიშნული სამინისტროები ჩაითვლებიან განათლების, მეცნიერების, კულტურისა და სპორტის სამინისტროს უფლებამონაცვლედ. 2021 წლის სახელმწიფო ბიუჯეტით განსაზღვრული შესაბამისი პროგრამული კოდებით გათვალისწინებული ასიგნებების განკარგვის უფლებამოსილება ენიჭება განათლებისა და მეცნიერების სამინისტროს და კულტურის, სპორტისა და ახალგაზრდობის სამინისტროს. არაუგვიანეს 10 სამუშაო დღისა საქართველოს მთავრობამ საქართველოს ფინანსთა მინისტრის წარდგინებით უნდა უზრუნველყოს შესაბამისი პროგრამული კოდებით გათვალისწინებული ასიგნებების განკარგვის უფლებამოსილების მქონე საბიუჯეტო ორგანიზაციების განსაზღვრა. განათლების, მეცნიერების, კულტურისა და სპორტის სამინისტროში დასაქმებული თანამშრომლები უკონკურსოდ გადაინიშნებიან შესაბამის სამინისტროებში (განათლების და მეცნიერების სფეროში დასაქმებულები - განათლებისა და მეცნიერების სამინისტროში, ხოლო კულტურისა და სპორტის სფეროში დასაქმებულები - კულტურის, სპორტისა და ახალგაზრდობის სამინისტროში). ის თანამშრომლები, რომელიც არ მუშაობენ სფეროების მიხედვით, გადაინიშნებიან განათლებისა და მეცნიერების სამინისტროში. კანონის ამოქმედებიდან 10 დღის ვადაში საქართველოს მთავრობამ უნდა შექმნას კომისია, რომელიც განათლების, მეცნიერების, კულტურისა და სპორტის სამინისტროს საბალანსო მონაცემების მიხედვით უზრუნველყოფს განათლებისა და მეცნიერების სამინისტროსათვის და კულტურის, სპორტისა და ახალგაზრდობის სამინისტროსათვის გადასაცემი აქტივების, მიმდინარე ვალდებულებების, დოკუმენტაციის (არქივის) განსაზღვრას, განკარგვას და მათთვის გადაცემას. კომისიის სხვა უფლებამოსილებებს განსაზღვრავს თავად კომისია. განათლების, მეცნიერების, კულტურისა და სპორტის სამინისტროს სისტემაში დღეს არსებული საჯარო სამართლის იურიდიული პირების მაკონტროლებელ ორგანოდ განათლებისა და მეცნიერების სფეროში განისაზღვრება განათლებისა და მეცნიერების სამინისტრო, ხოლო კულტურისა და სპორტის სფეროში - კულტურის, სპორტისა და ახალგაზრდობის სამინისტრო. განათლების, მეცნიერების, კულტურისა და სპორტის სამინისტროს საქმიანობასთან დაკავშირებით მიღებული/გამოცემული სამართლებრივი აქტები ინარჩუნებენ იურიდიულ ძალას ახალი აქტების გამოცემადე. ა.დ) კანონპროექტის კავშირი სამთავრობო პროგრამასთან და შესაბამის სფეროში არსებულ სამოქმედო გეგმასთან, ასეთის არსებობის შემთხვევაში (საქართველოს მთავრობის მიერ ინიციირებული კანონპროექტის შემთხვევაში): კანონპროექტი კავშირშია სამთავრობო პროგრამა 2021–2024 „ევროპული სახელმწიფოს მშენებლობისთვის“. კერძოდ, აღნიშნული პროგრამის 3.3 პუნქტის შესაბამისად: „განიხილება კულტურისა და სპორტის მიმართულების ცალკე ინსტიტუციურ ერთეულად გამოყოფა“. ა.ე) კანონპროექტის ძალაში შესვლის თარიღის შერჩევის პრინციპი, ხოლო კანონისთვის უკუძალის მინიჭების შემთხვევაში - აღნიშნულის თაობაზე შესაბამისი დასაბუთება: კანონპროექტი ძალაში შევა გამოქვეყნებისთანავე, ვინაიდან, მნიშვნელოვანია საკანონმდებლო ცვლილებების დროულად ამოქმედება. წარმოდგენილი ცვლილებით გათვალისწინებული არ არის კანონისთვის უკუძალის მინიჭების საკითხი. ა.ვ) კანონპროექტის დაჩქარებული წესით განხილვის მიზეზები და შესაბამისი დასაბუთება (თუ ინიციატორი ითხოვს კანონპროექტის დაჩქარებული წესით განხილვას): კანონპროექტის დაჩქარებული წესით განხილვა არ არის მოთხოვნილი. ბ) კანონპროექტის ფინანსური გავლენის შეფასება საშუალოვადიან პერიოდში (კანონპროექტის ამოქმედების წელი და შემდგომი 3 წელი): ბ.ა) კანონპროექტის მიღებასთან დაკავშირებით აუცილებელი ხარჯების დაფინანსების წყარო: კანონპროექტის მიღებასთან დაკავშირებით აუცილებელი ხარჯების დაფინანსების წყაროა 2021 და შემდგომი წლების სახელმწიფო ბიუჯეტი. ბ.ბ) კანონპროექტის გავლენა სახელმწიფო ან/და მუნიციპალიტეტის ბიუჯეტის საშემოსავლო ნაწილზე: კანონპროექტი არ იქონიებს გავლენას სახელმწიფო ან/და მუნიციპალიტეტის ბიუჯეტის საშემოსავლო ნაწილზე, ვინაიდან კანონპროექტის მიღების შემდეგ საქართველოს განათლების, მეცნიერების, კულტურისა და სპორტის სამინისტროში დასაქმებული შესაბამისი პირები უკონკურსოდ გადავლენ შესაბამის სამინისტროში იმავე თანამდებობაზე (ასეთის არარსებობის შემთხვევაში ტოლფას თანამდებობაზე), რომელიც ეკავათ ამ კანონის ძალაში შესვლის ეტაპზე საქართველოს განათლების, მეცნიერების, კულტურისა და სპორტის სამინისტროში. ბ.გ) კანონპროექტის გავლენა სახელმწიფო ან/და მუნიციპალიტეტის ბიუჯეტის ხარჯვით ნაწილზე: კანონპროექტის მიხედვით, საქართველოს განათლების, მეცნიერების, კულტურისა და სპორტის სამინისტროს ფუნქციები და უფლებამოსილებანი განათლებისა და მეცნიერების სფეროში გადაეცემა საქართველოს განათლებისა და მეცნიერების სამინისტროს, ხოლო კულტურისა და სპორტის სფეროში გადაეცემა საქართველოს კულტურის, სპორტისა და ახალგაზრდობის სამინისტროს. როგორც კანონპროექტშია აღნიშნული, ამ კანონის ამოქმედებამდე არსებული საქართველოს განათლების, მეცნიერების, კულტურისა და სპორტის სამინისტროს და მის სისტემაში მოქმედი საბიუჯეტო ორგანიზაციების განკარგულებაში არსებული, „საქართველოს 2021 წლის სახელმწიფო ბიუჯეტის შესახებ“ საქართველოს კანონის საფუძველზე განსაზღვრული შესაბამისი პროგრამული კოდებით გათვალისწინებული ასიგნებების განკარგვის უფლებამოსილება მიენიჭებათ კანონპროექტში აღნიშნულ უფლებამონაცვლე საბიუჯეტო ორგანიზაციებს (მხარჯავ დაწესებულებებს) და მათ სისტემებში შექმნილ საბიუჯეტო ორგანიზაციებს. ამ კანონის ამოქმედებიდან არაუგვიანეს 10 სამუშაო დღისა საქართველოს მთავრობამ საქართველოს ფინანსთა მინისტრის წარდგინებით უნდა უზრუნველყოს „საქართველოს 2021 წლის სახელმწიფო ბიუჯეტის შესახებ“ საქართველოს კანონის საფუძველზე განსაზღვრული შესაბამისი პროგრამული კოდებით გათვალისწინებული ასიგნებების განკარგვის უფლებამოსილების მქონე საბიუჯეტო ორგანიზაციების განსაზღვრა. შესაბამისად, აღნიშნული კანონის პროექტის დაფინანსებისთვის საჭირო ხარჯები დაფინანსდება 2021 წლის სახელმწიფო ბიუჯეტის შესახებ საქართველოს კანონით 32 00 პროგრამული კოდით გათვალისწინებული ასიგნებების ფარგლებში. „საქართველოს 2021 წლის სახელმწიფო ბიუჯეტის შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტის მომზადების შემთხვევაში, საქართველოს ფინანსთა სამინისტრო უფლებამოსილია, მასში ასახოს ამ კანონიდან გამომდინარე ცვლილებები. 2021 წლის სახელმწიფო ბიუჯეტის მიხედვით 32 00 კოდზე არსებული საქართველოს განათლების, მეცნიერების, კულტურისა და სპორტის სამინისტროსთვის გამოყოფილი ასიგნებები ჯამურად შეადგენს 1,797,605.00 ათას ლარს, მ.შ ხარჯები შეადგენს 1,685,785.00 ათას ლარს, არაფინანსური აქტივების ზრდა - 109,020.00 ათას ლარს, ხოლო ვალდებულებების კლება - 2,800.00 ათას ლარს. რაც შეეხება საშუალოვადიანი პერიოდის ასიგნებებს, 2021 წლის სახელმწიფო ბიუჯეტის შესახებ საქართველოს კანონის თანმდევი ქვეყნის ძირითადი მონაცემებისა და მიმართულებების დოკუმენტით საქართველოს განათლების, მეცნიერების, კულტურისა და სპორტის სამინისტროსთვის გათვალისწინებული ასიგნებები შეადგენს 2022 წელს 2,121,535.0 ათას ლარს, 2023 წელს - 2,786,755.0 ათას ლარს, ხოლო 2024 წელს - 3,167,455.0 ათას ლარს. ბ.დ) სახელმწიფოს ახალი ფინანსური ვალდებულებები, კანონპროექტის გავლენით სახელმწიფოს ან მის სისტემაში არსებული უწყების მიერ მისაღები პირდაპირი ფინანსური ვალდებულებების (საშინაო ან საგარეო ვალდებულებები) მითითებით: კანონპროექტის ვალდებულებები. მიღებით არ წარმოიქმნება სახელმწიფოს ახალი ფინანსური ბ.ე) კანონპროექტის მოსალოდნელი ფინანსური შედეგები იმ პირთათვის, რომელთა მიმართაც ვრცელდება კანონპროექტის მოქმედება, იმ ფიზიკურ და იურიდიულ პირებზე გავლენის ბუნებისა და მიმართულების მითითებით, რომლებზედაც მოსალოდნელია კანონპროექტით განსაზღვრულ ქმედებებს ჰქონდეს პირდაპირი გავლენა: კანონპროექტის მიღება არ გამოიწვევს ფინანსურ შედეგებს იმ პირთათვის, რომელთა, მიმართაც გავრცელდება მისი მოქმედება. კერძოდ, კანონის მე-2 მუხლის შესაბამისად, ამ კანონის ამოქმედებამდე არსებული საქართველოს განათლების, მეცნიერების, კულტურისა და სპორტის სამინისტროში დასაქმებული თანამშრომლები, უკონკურსოდ გადაინიშნებიან შესაბამის სამინისტროებში იმავე თანამდებობაზე (ასეთის არარსებობის შემთხვევაში ტოლფას თანამდებობაზე), რომელიც ეკავა ამ კანონის ძალაში შესვლის ეტაპზე საქართველოს განათლების, მეცნიერების, კულტურისა და სპორტის სამინისტროში. კერძოდ, განათლების და მეცნიერების სფეროში დასაქმებულები - განათლებისა და მეცნიერების სამინისტროში, კულტურისა და სპორტის სფეროში დასაქმებულები - კულტურის, სპორტისა და ახალგაზრდობის სამინისტროში. ხოლო ის თანამშრომლები, რომელიც არ მუშაობენ სფეროების მიხედვით (მაგ. იურიდიული დეპარტამენტი) გადაინიშნებიან განათლებისა და მეცნიერების სამინისტროში. ბ.ვ) კანონპროექტით დადგენილი გადასახადის, მოსაკრებლის ან სხვა სახის გადასახდელის (ფულადი შენატანის) ოდენობა შესაბამის ბიუჯეტში და ოდენობის განსაზღვრის პრინციპი: კანონპროექტი არ ადგენს გადასახადს, მოსაკრებელს ან სხვა სახის გადასახდელს. ბ1) ბავშვის უფლებრივ მდგომარეობაზე კანონპროექტის ზეგავლენის შეფასება: კანონპროექტი არ ახდენს გავლენას ბავშვის უფლებრივ მდგომარეობაზე. გ) კანონპროექტის მიმართება საერთაშორისო სამართლებრივ სტანდარტებთან: გ.ა) კანონპროექტის მიმართება ევროკავშირის სამართალთან: კანონპროექტი არ ეწინააღმდეგება ევროკავშირის სამართალს. გ.ბ) კანონპროექტის მიმართება საერთაშორისო ორგანიზაციებში საქართველოს წევრობასთან დაკავშირებულ ვალდებულებებთან: კანონპროექტი არ ეწინააღმდეგება საერთაშორისო ორგანიზაციებში საქართველოს წევრობასთან დაკავშირებულ ვალდებულებებს. გ.გ) კანონპროექტის მიმართება საქართველოს ორმხრივ და მრავალმხრივ ხელშეკრულებებთან და შეთანხმებებთან, აგრეთვე, ისეთი ხელშეკრულების/შეთანხმების არსებობის შემთხვევაში, რომელსაც უკავშირდება კანონპროექტის მომზადება, - მისი შესაბამისი მუხლი ან/და ნაწილი: კანონპროექტი არ ეწინააღმდეგება საქართველოს ორმხრივ და მრავალმხრივ ხელშეკრულებებს და შეთანხმებებს. აგრეთვე, კანონპროექტი არ უკავშირდება რომელიმე ხელშეკრულებას/შეთანხმებას. გ.დ) არსებობის შემთხვევაში, ევროკავშირის ის სამართლებრივი აქტი, რომელთან დაახლოების ვალდებულებაც გამომდინარეობს „ერთი მხრივ, საქართველოსა და, მეორე მხრივ, ევროკავშირსა და ევროპის ატომური ენერგიის გაერთიანებას და მათ წევრ სახელმწიფოებს შორის ასოცირების შესახებ შეთანხმებიდან“ ან ევროკავშირთან დადებული საქართველოს სხვა ორმხრივი და მრავალმხრივი ხელშეკრულებებიდან: ასეთი არ არსებობს. დ) კანონპროექტის მომზადების პროცესში მიღებული კონსულტაციები: დ.ა) სახელმწიფო, არასახელმწიფო ან/და საერთაშორისო ორგანიზაცია/დაწესებულება, ექსპერტი, სამუშაო ჯგუფი, რომელმაც მონაწილეობა მიიღო კანონპროექტის შემუშავებაში, ასეთის არსებობის შემთხვევაში: ასეთი არ არსებობს. დ.ბ) კანონპროექტის შემუშავებაში მონაწილე ორგანიზაციის/დაწესებულების, სამუშაო ჯგუფის, ექსპერტის შეფასება კანონპროექტის მიმართ, ასეთის არსებობის შემთხვევაში: ასეთი არ არსებობს. დ.გ) სხვა ქვეყნების გამოცდილება კანონპროექტის მსგავსი კანონების იმპლემენტაციის სფეროში, იმ გამოცდილების მიმოხილვა, რომელიც მაგალითად იქნა გამოყენებული კანონპროექტის მომზადებისას, ასეთი მიმოხილვის მომზადების შემთხვევაში: ასეთი მიმოხილვა არ მომზადებულა. ე) კანონპროექტის ავტორი: საქართველოს მთავრობის ადმინისტრაცია. ვ) კანონპროექტის ინიციატორი: საქართველოს მთავრობა.