საქართველოს პარლამენტის იურიდიულ საკითხთა კომიტეტის მომართვა კანონპროექტების განხილვის ვადების 30 დღით გაგრძელების შესახებ: ა) საქართველოს პარლამენტის წევრების: ანა ბუჩუკურის, გიორგი ხოჯევანიშვილის, ალექსანდრე მოწერელიას, ბექა ლილუაშვილის, მიხეილ დაუშვილის და შალვა კერესელიძის მიერ საკანონმდებლო ინიციატივის წესით წარმოდგენილი „არასრულწლოვანთა მართლმსაჯულების კოდექსში ცვლილების შეტანის შესახებ“ (№07-3/50; 19.05.2021) საქართველოს კანონის პროექტი; ბ) საქართველოს პარლამენტის წევრის ანა ნაცვლიშვილის მიერ საკანონმდებლო ინიციატივის წესით წარმოდგენილი „საერთო სასამართლოების შესახებ“ საქართველოს ორგანულ კანონში ცვლილების შეტანის თაობაზე“ (№07-3/51; 19.05.2021) საქართველოს ორგანული კანონის პროექტი.

იურიდიულ საკითხთა კომიტეტი 2-7602/21 14-06-2021 საქართველოს პარლამენტის ბიუროს თქვენთვის როგორც ცნობილია, საკანონმდებლო ინიციატივის წესით წარმოდგენილია საქართველოს კანონის პროექტი „არასრულწლოვანთა მართლმსაჯულების კოდექსში ცვლილების შეტანის შესახებ“ (N07-3/50; 19.05.2021) და საქართველოს ორგანული კანონის პროექტი „საერთო სასამართლოების შესახებ“ საქართველოს ორგანულ კანონში ცვლილების შეტანის თაობაზე“ (N07-3/51; 19.05.2021). აღნიშნულ კანონპროექტებზე წამყვან კომიტეტად განსაზღვრულია იურიდიულ საკითხთა კომიტეტი. საქართველოს პარლამენტის რეგლამენტით გათვალისწინებული ვადების დაცვისა და ამ კანონპროექტების სრულყოფილად მომზადების მიზნით, გთხოვთ, მათი საკომიტეტო განხილვის ვადები გაგრძელდეს 30 დღით. აღნიშნული კანონპროექტების საკომიტეტო განხილვის ვადების გაგრძელების თაობაზე მოგვმართა ადამიანის უფლებათა დაცვისა და სამოქალაქო ინტეგრაციის კომიტეტმა. პატივისცემით, კომიტეტის თავმჯდომარე ანრი ოხანაშვილი თბილისი 0118, რუსთაველის გამზირი # 8, საქართველოს პარლამენტის სასახლე ტელეფონი: (995 32) 2281679. ელ. ფოსტა: contact@parliament.ge

ადამიანის უფლებათა დაცვისა და სამოქალაქო ინტეგრაციის კომიტეტი 2-7463/21 10-06-2021 საქართველოს პარლამენტის იურიდიულ საკითხთა კომიტეტის თავმჯდომარეს ბატონ ანრი ოხანაშვილს საქართველოს პარლამენტის ბიუროს N55/2, გადაწყვეტილებით, 24.05.2021 ადამიანის უფლებათა დაცვისა და სამოქალაქო ინტეგრაციის კომიტეტს სავალდებულოდ განსახილველად გადმოეცა საქართველოს პარლამენტის წევრების: ანა ბუჩუკურის, გიორგი ხოჯევანიშვილის, ალექსანდრე მოწერელიას, ბექა ლილუაშვილის, მიხეილ დაუშვილისა და შალვა კერესელიძის მიერ საკანონმდებლო ინიციატივის წესით წარმოდგენილი საქართველოს კანონის პროექტი „არასრულწლოვანთა მართლმსაჯულების კოდექსში ცვლილების შეტანის შესახებ“ (№07-3/50; 19.05.2021). აღნიშნული საკითხის სავალდებულო წესით განხილვის ვადა განსაზღვრულია 2021 წლის 14 ივნისამდე. იმის გათვალისწინებით, რომ დასახელებული საკანონმდებლო ინიციატივით რეგულირებული საკითხი ეხება სხვადასხვა უწყების უფლებამოსილებას, კომიტეტმა 2021 წლის 28 მაისს მათ მიმართა აღნიშნულ საკითხთან დაკავშირებით მოსაზრებების წარმოდგენის თხოვნით. ვინაიდან მოთხოვნილი ინფორმაცია დროულად წარმოდგენილი არ იქნა, 2021 წლის 10 ივნისს კომიტეტმა დამატებით მიმართა ამ უწყებებს. უწყებების მიერ შესაბამისი ინფორმაციის წარმოდგენა და მათი დამუშავება მოითხოვს გარკვეულ დროს. ამდენად, პარლამენტის ბიუროს გადაწყვეტილებით დადგენილ ვადაში კომიტეტის მიერ საკითხის განხილვა ვერ მოხერხდება. აღნიშნულიდან გამომდინარე, გთხოვთ უზრუნველყოთ საკანონმდებლო ინიციატივის განხილვის ვადის გაგრძელება 3 კვირით. პატივისცემით, კომიტეტის თავმჯდომარე მიხეილ სარჯველაძე თბილისი 0118, რუსთაველის გამზირი # 8, საქართველოს პარლამენტის სასახლე ტელეფონი: (995 32) 2281679. ელ. ფოსტა: contact@parliament.ge დასახელებული

ადამიანის უფლებათა დაცვისა და სამოქალაქო ინტეგრაციის კომიტეტი 2-7447/21 10-06-2021 საქართველოს პარლამენტის იურიდიულ საკითხთა კომიტეტის თავმჯდომარეს ბატონ ანრი ოხანაშვილს საქართველოს პარლამენტის ბიუროს N55/3, 24.05.2021 გადაწყვეტილებით, ადამიანის უფლებათა დაცვისა და სამოქალაქო ინტეგრაციის კომიტეტს სავალდებულოდ განსახილველად გადმოეცა საქართველოს პარლამენტის წევრის ანა ნაცვლიშვილის მიერ საკანონმდებლო ინიციატივის წესით წარმოდგენილი საქართველოს ორგანული კანონის პროექტი „საერთო სასამართლოების შესახებ“ საქართველოს ორგანულ კანონში ცვლილების შეტანის თაობაზე“ (№07-3/51; 19.05.2021). აღნიშნული საკითხის სავალდებულო წესით განხილვის ვადა განსაზღვრულია 2021 წლის 14 ივნისამდე, თუმცა, მითითებულ ვადაში საკითხის განხილვას კომიტეტი ვერ მოახერხებს, რადგან ამ ეტაპზე უცნობია აღმასრულებელი ხელისუფლების მოსაზრებები დასახელებულ ინიციატივასთან დაკავშირებით, რისი გაცნობაც კომიტეტს მნიშვნელოვნად მიაჩნია ობიექტური და სამართლიანი გადაწყვეტილების მისაღებად. აღნიშნულიდან გამომდინარე, გთხოვთ უზრუნველყოთ საკანონმდებლო ინიციატივის განხილვის ვადის გაგრძელება 3 კვირით. პატივისცემით, კომიტეტის თავმჯდომარე მიხეილ სარჯველაძე თბილისი 0118, რუსთაველის გამზირი # 8, საქართველოს პარლამენტის სასახლე ტელეფონი: (995 32) 2281679. ელ. ფოსტა: contact@parliament.ge დასახელებული