საქართველოს მოქალაქე ზურაბ ვანიშვილის მიერ წარმოდგენილი საკანონმდებლო წინადადება „საქართველოს სისხლის სამართლის კოდექსში ცვლილებების შეტანის შესახებ“ საქართველოს კანონის პროექტთან დაკავშირებით

my.gov.ge "ელექტრონული სერვისების ერთიანი პორტალი" საქართველოს იუსტიციის სამინისტროს სსიპ. „ციფრული მმართველობის სააგენტო“ კორესპონდენცია წარმოებულია საჯარო უწყებებთან მიმოწერის სერვისის მეშვეობით № CA0041216254227 30.10.2021 საქართველოს პარლამენტი სათაური: დაზუსტებული საკანონმდებლო წინადადება სისხლის სამართლის კოდექსში ცვლილებების შეტანის შესახებ შინაარსი: ვინაიდან: (1) 2009-2021 წლებში ქ. თბილისის მერების მიერ გაცემულია 3000-ზე მეტი სპეციალური ზონალური შეთანხმება მერიის არქიტექტურის სამსახურის სავალდებულო დასკვნების გარეშე (იხ. ცნობისათვის ქალაქ თბილისის საკრებულოს 27.03.2009 წლის 4-13 გადაწყვეტილებით დამტკიცებული "განაშენიანების რეგულირების წესები"–ს 24.3 მუხლი და ანალოგიური ნორმატიული შინაარსის საკრებულოს 24/05/2016 წლის #14/39 დადგენილება), და (2) ამგვარმა ფართომასშტაბიანმა თვითნებობისა და კორუფციის 12- წლიანი უპრეცედენტო დანაშაულებრივმა პრაქტიკამ მაღალჩინოსან საჯარო მოხელეთა მხრიდან უდიდესი ზიანი მიაყენა დედაქალაქის მოსახლეობას და საჯარო ინტერესებს და (3) აღნიშნული დანაშაულის ფაქტებზე რეაგირებას და გამოძიებას საკმაოდ დიდი დრო შეიძლება დასჭირდეს; – საქართველოს პარლამენტის რეგლამენტის თანახმად, გთავაზობთ, რომ სისხლის სამართლის კოდექსის 71–ე მუხლში შეიტანოთ ცვლილება, რომლითაც აღნიშნული კოდექსის 332-ე–3421 მუხლებით გათვალისწინებული სამოხელეო დანაშაულებისთვის ხანდაზმულობის ვადა გაიზრდება 15–დან 20 წლამდე. ამგვარი საკანონმდებლო ცვლილების მიღებას ასევე ექნება შემაკავებელი ეფექტი ქ. თბილისის მერიაზე და მის მიერ კ2 კოეფიციენტების გაზრდის საქმეებში თბილისის არქიტექტურის სამსახურიც იქნება ჩაბმული, 12 წლის დაგვიანებით და საბოლოოდ ამუშავდება შემდები შინაარსის ნორმატიული დანაწესი: "სპეციალურ (ზონალურ) შეთანხმებაზე გადაწყვეტილებას იღებს თბილისის მუნიციპალიტეტის მერი, საბჭოს რეკომენდაციისა და მშენებლობის ნებართვის გამცემი შესაბამისი სამსახურის მიერ გაცემული შესაბამისი დასკვნის საფუძველზე." პატივისცემით, ზურაბ ვანიშვილი პ. #: 59001013409 მობილური: +995577529937 ელფოსტა: zvani777@gmail.com