საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის მომართვა საქართველოს მოქალაქე მარიამ ჭყონიას მიერ წარმოდგენილი „ხელოსანთა ლიცენზირებისა და პროფესიონალიზმის საკითხის მარეგულირებელი კანონმდებლობის შემუშავების შესახებ“ (№1-13619/21; 12.10.2021) საკანონმდებლო წინადადების განხილვის ვადის 30 დღით გაგრძელების შესახებ

დარგობრივი ეკონომიკისა და ეკონომიკური პოლიტიკის კომიტეტი 2-14767/21 24-11-2021 საქართველოს პარლამენტის ბიუროს მოგახსენებთ, რომ საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტს დაევალა საქართველოს მოქალაქე მარიამ ჭყონიას მიერ წარმოდგენილი საკანონმდებლო წინადადების „ხელოსანთა ლიცენზირებისა და პროფესიონალიზმის საკითხის მარეგულირებელი კანონმდებლობის შემუშავების შესახებ“ განხილვა (№1-13619/21; 12.10.2021). საკანონმდებლო წინადადებასთან დაკავშირებით გამოიკვეთა დამატებითი კონსულტაციების გამართვის და მეტი ინფორმაციის მოძიების საჭიროება, შესაბამისად, საქართველოს პარლამენტის რეგლამენტის 105-ე მუხლის მე-4 პუნქტის საფუძველზე, მოგმართავთ თხოვნით, დადგენილი განხილვის ვადა გააგრძელოთ 30 დღით. პატივისცემით, კომიტეტის თავმჯდომარე დავით სონღულაშვილი თბილისი 0118, რუსთაველის გამზირი # 8, საქართველოს პარლამენტის სასახლე ტელეფონი: (995 32) 2281679. ელ. ფოსტა: contact@parliament.ge